يا امهات - تعالو لاهنتو نتعاون لفايده عيالنا -جدولنا

[Dancing^Queen]

السلام عليكم يا امهات

كل سنه وانتو بخير وصحه وسلامه
بدت الدراسه
:eh_s(1):

الله يعينا ويثبتنا يارب



هالموضوع نتانقش فيه ونلتقي
يعني دوانيه لنا
كل وخده تحط عيالها باي مرحله و جدولها وياهم
شلون تدرس عيالها
وطريقه استخدمتها وشافتها نفعت وياها
واحسن مكان شتتري منه طلبات
وشلون ترتب يومها




شكرا

وبانتظار مشاركاتكم

 

[manarah]

موضوع جدا مفيد .. بالنسبه لي اعيالي واحد Kg2 ووحده حضانه يعني ماقدر افيدكم وايد طبعا بعد من يردون من المدرسه ويريحون ويتسدحون ويلعبون شوي ويتمغطون شوي ابدي اسألهم اشصار ما صار واشسويتوا وهم ادرسهم طبعا على قدهم عن طريق اللعب والمسابقات .. بس المشكله اللي تواجهني بولدي ان ما يقولي كل شي يصير معاه بالمدرسه واحمد ربي اذا قالي معلومه وما يسمع كلامي اذا قلتله اكتب والا اقرا طبعا اهم توهم بأول المشوار بس شكلي راح اتعب وياه لانه عيزان ومادري شنو الحل معاه .

 

[Dancing^Queen]

manarah


الله يوفق جيل المستيقبل وشبابه ان شاءالله

بس اذا نامو الظهر متا ينامون بالليل ؟
انا ميته من سالفه نومه الليل اعيز معارك وحلوف وتلوف
وتهديد ان بحط لهم ساد فيس ان طلعو من دارهم
وقصص
وكلو كلو ويالله ينامون



بانلسبه اني اعرف شنو درسو ايهم واهم يلعبون اقولهم اليوم فلانه رفيجتكم لعبتو وياها؟ يردون اي اقولهم لا زين سويتو انزين منو جاوب المدرسه اهي جاوبت؟وانتو جاوبتو علي شنو؟
لا زين
انزين شنو درستكم الابله <<<هذا السؤال يندعس بين الاسئله علشان ماتيني الاجابه المعهوده (مادري درسنا اللي عطتنا اياه )
انتي اي حرف جااوبتي واختج اي حرف؟

جذي
واحنا المدرسه العاده يحطون ببدايه الاسبوع ورقه بالمنهج اللي بيدرسونه هالاسبوع واي حرف واي اغنيه وشنو الارقام وايمهارات وشنو العربي
طبعا بما ان هالاسبوع اول اسبوع ماراح اعرف شنو بياخذون توهم

الله يعينا
وانصحكم باللوحه البيضه وجدول الهابي فيس ساد فيس
مسويه حق عيالي جدول وحاطته بالصاله
ومقسم علي ايام الاسبوع
كل يوم بالليل لي ناموو احطلهم شنو كانو اليوم؟ زينين والا شياطين والا نصنص

مسموحلهم كل وحده باثنين ساد فيس بالاسبوع
وان زادت عنهم ماكو طلعه بنهايه الاسبوع لها الكل يطلع الا اهي
او اذا صارو اكثر
عقباها احرمها من احد العابها ا خليها تروح تنقي لعبه اخذها منها

طبعا يتطبق عليه شنو
اذتني وانا ادرس اختها وتليقفت وايد
عاسرتنا وايد ماتبي تنام كل شوي طالعه بسالفه
موراضيه تدرس او تحل الواجب وهلم جر

 

[جوكليت بار]

موضوع مفيييد تسلمين كوين عليه

آنا مثل مناره ولدي حضانه ,, واعاني مثل مناره لما اسأله شنو سويت اليووم يقول ماسويت شي

لعبت ؟ اي

كليت ؟ اي

وبس

آنا خايفه باجر مايتجاوب معاي بالدراسه ,,

كوين طريقة الجدول حلوو ,, ينفع لولدي عمره 2/1 ,3

 

[Dancing^Queen]

جوكليت بار
اعتذر عن رداءه الصوره
بس هذي صوره الحدول المستخدم
مقسم لايام الاسبوع ممعلق بالصاله
واسم كل بنت بخانه
وتحت في خانتين وحده من الحانات شنو ال Good thing والثانيه Bad thing ومنو سواه
ورجاءا لاحد يعلق علي السبيلنغ ترا مسويته قبل لا انام لامزقرته ولا شي


وجدا مرتاحه
من اشوفهم بدو اينوني اقولهم في ناس بتاخذ ساد فيس يقومون يخترعون لا خلاص خلاص

جربو

 

[Dancing^Queen]

طبعا احب اقولكم ان الاسبوع انتهي وحده خذت ون ساد فيس ون ويغلي فيس (يعني نص شطانه)
والثانيه بس ساد فيس وحيد
والباد ثنق انها سوت شوو مو طبيعي اول يوم دوام
والقود ثنق اللي سوه ان يه يوم كانو فيه بيرفكت
واستهالو طلعه نهايه الاسبوع
يعني لازم يكون في شي ينطرونه نهايه الاسبوع يتادبون علشانه

 

[قلبي*خضر]

بالنسبة لي عيالي يرجعون من المدرسة رابع وثاني ابتدائي يتغدون

وانا اشتغل تفتيش ذاتي على كتاب كتاب ودفتر دفتر والجيوب

<<<حشا جلب بوليسي

وبعدين يبدأ مسلسل المكسيكي بالغباء والتدريس والاجابات اللي تضحك

آخر شي اقولكم

اليوم اعلم ولدي المفرد والجمع في اللغه العربية لان العربي برابعه ابتدائي وايد صعب

قلت له

حبيبي الغرفة مفرد........ شنو..... الجمع؟؟؟؟



قال بغد تفكير عميق:gr4uu:

5 غرفة:eh_s(2):

وهذا البجر يالله الينه


انتظروي حلقاتي بالتدريس

 

[[..كـــــرك..]]

هههههههههههههههههههههههههههههههههههههههه




سوري داشه غلط

بس بموت من بوو 5 غرف اذا تبين مساعده ترا امي تدرس ابتدائي لوتبين طرق تدريس

 

[مطلع الشمس@]

السلام عليكم شلونكم يابنات

بالنسبة لي انا ولدي اولى ابتدائي واول اسبوع مايدري شالطبخه ولا عطوه اي شي
يجي من المدرسه قبلي بحكم دوامي يقعد يحوس على ماأرد ومابشلنا بالندريس لي الحين
همه الأول التلوين يبي يلون وبس !!!
على باله لي الحين بالروضه مو مستوعب !

كوين ان شالله بطبق طريقتج بالجدول وبشوف النتايج
انا كنت مطبقتها قبل فتره بس هديتها تعبت ومليت والصبيان عموما عنيدين مايساعدون عادي عنده احطه له باد فيس عشره وهو كان يحط حق روحه باد فيس مويحب يرسم !!! اشوفه جذي واقعد استغفر مابي اعصب عليه من القهر

بس برجع لها وبقوه ان شالله :tek:

ومشكووووورة عالموووووضوع

 

[bedour18]

السلام عليكم شلونكم يابنات

بالنسبة لي انا ولدي اولى ابتدائي واول اسبوع مايدري شالطبخه ولا عطوه اي شي
يجي من المدرسه قبلي بحكم دوامي يقعد يحوس على ماأرد ومابشلنا بالندريس لي الحين
همه الأول التلوين يبي يلون وبس !!!
على باله لي الحين بالروضه مو مستوعب !

كوين ان شالله بطبق طريقتج بالجدول وبشوف النتايج
انا كنت مطبقتها قبل فتره بس هديتها تعبت ومليت والصبيان عموما عنيدين مايساعدون عادي عنده احطه له باد فيس عشره وهو كان يحط حق روحه باد فيس مويحب يرسم !!! اشوفه جذي واقعد استغفر مابي اعصب عليه من القهر

بس برجع لها وبقوه ان شالله :tek:

ومشكووووورة عالموووووضوع

هههههههههههههههههههههههه جنج تتكلمين عن ولدي
مادري ليش مو معطينهم شي بأول اسبوع

يمكن عشان أولى ابتدائي ما يبون يخرعونهم من اولها !!!!!!!!!!!!!!!!!!!

كوين : صراحة اللوحه عجيبة شكلي راح اغش الفكرة منج

 

[سموالاميره]

خوووووووووووووش موضوع وياليت تعطونا افكار جديده

بنسبه ل انا عيالي برابع وخامس واذارجعوا يتغدون ونبتدي ندرس لان ر مضان الوقت يطيييييييير بسررررررررررعه خاصه اني انا اللي اطبخ مو الخدامه وعسى ربي يوفقهم وتدريسي تقليدي ادرس الاول وبعدين ستلم الثاني.

تحياتي

 

[Dancing^Queen]

قلبي خضر


اخيه واويه واحيه واوااااااااااااه علي التدريس
ياني زهدت العافيه العام يوم درست عيالي ياووووووووووو
انا منفعلللللللللله واشرح واعبر واطلع امثله و و و و و ا هم جنه احد يدلدغهم
جنهم يطالعون التلفزيون !!!

احر ماعندي ابرد ماعندهم
بس نصيحه لاتطقين ياهل علي دراسه ترا يكرها بعدين تبتلشين ويبتدي يخش منج معلومات سوي كنترول علي عمرج
والتفتيش هذا لابد منه
الحين قمنا نفتش سياره السايق ! تطورت الامور خوفج ورقه طايحه كل يوم داقين علي هالراجووو
الله يعينا يارب
وعلي طاري خمس غرف
خل اعطيح امل بالحياه
عندي وحده من خواتي ميح ميح ميح انجليزي الا اكثر من هذذا
اختي العوده تدرسها قبل علي بيفور اند افتر
وتشرح لها الضد
فاقااعده تصرخ من قمهم راسها علشان تشرح بييييييييييييي فووووووووووووووور بيييييييي فوووووووووووووور (وتاشر بايدها يعني قبل )
شنو عكسهااااااااااااااا وات ازززززززز ذا ابوززززززززززت
جان ترد عليها اختي بكل بروود
بي فايف؟؟؟(بي فور بي فايف بي سيكس بي سفن)
وهالحجي كانت متوسط
واي اختي العوده انجلطت الا شويه لووووووووووووووووووووووول وصارت علوقه علي اختي بي فور بي فايف
قامت العوده تصرخ عليها قولي انا حماره اي ام دونكي
لووووول

الامل في الموضوع : اختي الصغيره قامت تحجي بالاوكي بروحها بروحها وماتسمع الا انجليزي وتطالع مسلسلات مو مترجمه ومن فتره يايهم وفد من دول اسكندنيفيا واهي اللي اترجم لهم (وللتنويه اهي شهادتها لاتمت بصله لا بالانجليزي ولا درسته عقب الثانوي ولا دورات ولاشي )
يعني لاياس مع الحياه

ماتددرين يمكن خمس غرف يصير مهندس ان شاءالله سبحانه يعطي علي الظعف قوه (ها بثيت الامل فيج؟)


مطلع الشمس@

حبيبتي اكيد ماراح يهمه تعليق الجدول مام مافي ثواب وعقاب
احنا عندنا طلعه اسبوعيه
اللي تاخذ ثلاث ساد فيسات الكل يطلع الا اهي
فاكيد بتندق
وبتقلل ساد فيستاها
او اكافئ خواتها جدامها واهي ولاحاقه وان تخجت اقولها مادري حبيبتي شقولج انتي تدرين ماخذه سادات فيسات وايد كيفج
وعندنا النوتي جير
والتايم اوت شغال علي ودنو
والعقاب الاشد
امشي دارج بناخذ لعبه من العابج لانج تشيطنتي وايد وماطعتي

 

[Dancing^Queen]

سموالاميره


لله يوفقهم ان شاءالله يارب

 

[manarah]

نو نو كوين ماعندي نومه الظهر اصلا احرم نفسي من الراحه الظهر واجابلهم علشان لا ينامون لان لو يغفون نص ساعه الظهر انسي النومه امبجر .. وطريقه الجدول جربتها مره ومانفعت وياهم يمكن ليش انهم كانوا صغار وايد بس اتوقع الحين راح اتييب فايده انشالله وراح اطبقه .

 

[برونزية رشيقة]

دانسينغ أبي أفكار حق ولد عمره 4 سنين ؟ شلون أقويه بالكلام والإنجليزي وبالعربي ؟؟؟؟ شنو وسائل تعليمية حلوة ومفيدة ؟ وشلون احببه بالدراسة ؟ وأبي رقم الأخصائي إللي تعرفه هذي اللي تصيرلج ومشكووورة وايد

 

[رفرف]

خوش موضوع انا بنتي كيجي2 ..

نرد من المدرسة بما ان طريج البيت اشطوله اخذ المعلومات كلها بالسيارة شنو قالت التيجر ..
طبعا التيجر طول اليوم بس تتغزل ابنتي قالت يو ار بيوتيفل .. يو ار اميزنغ .. يو ار سج ا قوود غيرد .. وهلم جرا ..
تقولين اطلع بمعلومة مفيدة ؟ ابدا
انزين غير جذي شقالت لج ؟ نعيد الموال .. يو ار بيوتيفول ..

يما صدقنا انج بيوتيفول .. اللي بعدو ..
انرد البيت اغديهم العب معاهم واحط راسي وانام لأن المدعوءة الصغيرة مطلعة عيني طول الليل ..
بهالوقت بنتي تشغل الفيديو او الديفيدي او الكمبيوتر او يلعبون اهيه واختها ..

لي قمت جذي الساعة 4ونص .. انبش الجنطة .. اذا في هوموورك حليناه ..
مافي .. يبنا الوايت بورد .. وقمنا انشخبط .. كتبي اسمج .. وصلي الحروف .. كتبي الحرف الفلاني ..
خلصنا .. يبنا دفاتر التلوين .. وقمنا نراجع الالوان ..
تالي نشيل شغلنا .. نتعشى .. وتنام امبجر بنتي الحمدلله ماعندها مشكله من هالناحية .

 

[bedour18]

انزين بنات اشلون اسحب الحجي من ولدي ؟
اسم الله عليه بالصف الأول و قراق
بس ما يسولف لي شي عن المدرسة ابداااااااااااااااااااااااااااااااااااااااااااااا

 

[البيداء_77]

خوووووش موضوع


انا ولدي ثانيه ابتدائي طبعا اول اسبوع غيبته ما داوم الا الخميس لاني كنت مسافره ويوم الاحد هم غاب لانه صدره تنك وامس واليوم اشوه داوم ... ومثل ما قلتي كوين اسحب منه الحجي تسحبببب وكله يزفني (مااااااااااااماااااااااا شفيييييييييييج الابله ما قالتلنا شي اليوم ؟؟؟؟؟؟؟؟)

انا وحده اعترف ما اعرف ادرسه مع اني مدرسه هههههههههههههههههههه فقررت اني اييب له مدرس رياضيات وانجليزي للتاسيس والعربي انا اتابعه


اما بالنسبه للوحه الي قلتي عنها احنا كنا نسميها بالمدرسه بلوحه المعزز .. طبعا لها كذا طريقه يعني اما انج توعدينهم بطلعه مثل ما سويتي او انج اتحطين يم اللوحه علبه وتخشين فيها لعبه حق اخر الاسبوع بس فعلا مثل ما قلتي تاثيرها عجيييييييييييب


اما بالنسبه للنوم باليل فاطر اني انحكر ولا اطلع علشان انومه مبجر واحس انه العجله الصجيه بتبلش عقب رمضاااان الله يكون بالعون

 

[اثمان]

انا خايفه من اللى بالابتدائى مطلعه عيونى بجدول الضرب

ابى طريقه سهله لحفظ جدول الضرب

اللى يعرف يا ليت يقول لى

 

[manarah]

والله انا عندي المشكله مازالت قائمه وكله ماسوينا شي واذا بعلمه شي قاللي ماما انا اعرفه خلاااص ... وشنو الحل ما ادري