يا اطلقج ياتاخذين ؟؟؟؟؟؟؟

[shayo0oma]

شدعوه عليكم بنات ترى مافيها شي لمن تساعدين زوجج بس اذا كان مثل هالريال يعني معاشه مو قوي ومحتاج والله صح بدال ما يتسلف من هذا وهذا علشانج وعلشان عيالج اهوا اولى بفلوسج
بس الوحده تشوف وتميز اذا الريال في طمع او لا صج محتاج

 

[دلــــع البنــــات]

رد : يا اطلقج ياتاخذين ؟؟؟؟؟؟؟

الله لايبلانا

أنا معـــــــــــاج

الله لا يبلينا

 

[حجيه هيونه]

رد : يا اطلقج ياتاخذين ؟؟؟؟؟؟؟

بطاقتي عندي ماعطيها لاحد


ولما بعطي اعطي من نفسي ومزاجي موغصب


والحمدالله ابوي بحياته مافكر بالطريقه هذي ولا يقبل احد فينا يعطيه شي الله يطول لنا بعمره

 

[دلــــع البنــــات]

رد : يا اطلقج ياتاخذين ؟؟؟؟؟؟؟

اذا ابوي اللي قصر على عمره علشاااااااااان يعيشني بمستوى معين ما اعطيه اعطي منو بالله

اذا امي اللي تتألم اذا تألم وتدمع عينها علي قبل عيني ما اعطيها منو اعطي عيل ؟؟؟


اعطي واحد مجرد اني متزوجته ومو ضامنه اذا راح اكمل حياتي معاه والا لا ؟؟؟

اقصر على اهلي علشان ولد اهله ؟؟ لا طبعااااااااااااااااااااا مهما كان زوجي زين

ومهما سوى لي وصرف علي اللي هالشي فرض عليه قبل لا يكون باختياره ماراح يوصل ربع تعب اهلي علي

:bye22:

صــــــــاجه

انا تطلقت عشان المعاش ... والحين بأحلى عيشه ببيت اهلي الله يحفظهم

يبي قرض وقلت لا بضحك طردني ورمى اغراضي بوجهي

 

[ديانا سبنسر]

انا مااحب يكون لي معاش علشان هالسوالف عطيني واخذيلي

 

[كويتية بروما]

طبعا انا نص راتب لاني مرافقه لزوجي خارج الكويت بس لو احس انه محتاج اكيد بساعده والحمدلله مو مخلي علي قاصر ربي يوفقه ويخليه دخر لي
وعلى حسب الريال ان حست الزوجه انه يستاهل بتعطيه لكن ان كان منكر حسنه ومو زيين معاها لوشنو ما تعطيه
واعرف وحده ماخده 17 الف قرض اول ما تعينت 10 للاب و7 للام شرت فيهم دهب واهلها يدرون ماخدتهم قرض وعادي ووحده ثانيه هم ماخده قرض تساعد ابوها بيشتري مزرعه بسوريا( حرام في اهل يستغلون بناتهم)
1- تساعدين ريلج بمصروف البيت؟؟؟
كلش ولايورو:eh_s(3):
2-تاخذين منه فلوس اذا كنتي موظفه؟؟؟
اي اخد منه مصروف
3-تعطيج ابوج او امج بطاقتج البنك؟؟؟
لا عمرهم ما طلبو منهم شي عسى الله يحفظهم
4- تعطين ابوج وامج فلوس يعني 100 او 50 كل شهر؟؟
اعطي امي المقسوم عسى ربي يطول بعمرها ولانها ماتشتغل وابوي فديته متقاعد والعكس لحد الحين اهو اللي يعطينا ربي يطول بعمره ويزيد خيره
5- تعطين ريلج فلوس؟؟؟والسبب ليش تعطينه؟؟ لا ما اعطيه لان مايصفى لي شي من عقب الاستقطاعات :j013:

 

[كلي أنوثة]

استغفر الله شالرياييل الي ياخذون فلوس من مرا!!
لا ابوها و لا ريلها له حق بفلوسها
اصلا دكتور الشريعة قالنا الريال ملزوم يصرف على بنته و على زوجته زوجها يصرف عليها و اذا زوجها توفى لازم الولد يصرف على امه(جميع مراحل حياتها).. يعني اذا تبي تعطي ريلها تعطيه بطيب خاطر ومو اهوا الي يقول و لا يغصبها.. رياييل اخر زمن.

 

[سكرة هانم]

رد : يا اطلقج ياتاخذين ؟؟؟؟؟؟؟

والله اذا ريلي محتاج أساعده بس مو بمعاشي كله
اصلا ناويه اذا اشتغلت اطقلي قرض واسجله بسم أمي صار ما صار فلوسي محفوظه

الحمدلله ريلي خوش واحد واحبه بس الدنيا مالها أمان

بالمختصر أساعده علا قد حاجته والاشيا الضروريه والباجي لي وأهلي اساعدهم بهدايا لان ادري ما يأخذون مني فلووس

 

[تعويذه الحب]

شوفي يا قلبي بغض النظر اذا اعطيه او لاء او شنو الشبب اللي يخليني اعطيه الحين مشاركه بين الزوجين

يعني لازم كل وحده تعيش مع ريلها على الحلوه والمره لان محد راح يشيلكم انتوا راح تشيلون بعض

وراح تتحملون مع بعض ظروف الحياه والحين الكل عارف الازمه الاقتصاديه اللي صارت وغلاء الاسعار وانا بوجهه نظري

ان قمه الانانيه ان الزوجه ما تساعد زوجها اذا كان محتاج وطبعا كل وحده فيكم دخلها الشهري غير عن الثانيه

يعي راح تلقين اللي زوجها دكتور واللي ضابط واللي مدرس واللي موظف واللي دبلوم وغيره وغيره يعني في فروق وكل وحده ادرى

بظروف ريلها بس انا مثلا لو ريلي يشتغل على الدرجه الثامنه ما اقارن وضعي بوحده زوجها دكتور وابدي

احن على ريلي

ليش ما تعطيني مصرف وليش ما تصرف على عيالك وانا مو ملزومه اساعدك انا هني اقولج لاء انتي ملزومه دامج رضيتي

تتزوجين واحد راتبه جذي وقلتي عليه نعم مجبوره تتحملين معاه وتساعدينه بس اللي راتب زوجها راهي وقوي هني لاء لازم اهو اللي يصرف

لان الزوجه بهالحاله مو مضطره تصرف يعني ما كو سبب ضروري يجبرها انها تصرف

وبعدين كلنا نصرف وكلنا نشتري ما نحط اعتبار حق راتب الزوج

مثلا اذا طلعتي بالويك اند مع عيالج ورحتي مجمع وشفتي بدله

حلوه حق بنتج او ولدج او اي شي عجبج حق عيالج هل راح تقولين لاء ماراح اشتريه لين ارد البيت واخذ الفلوس من ابوهم وارد مره ثانيه

اخذه ما اتوقع ما في وحده راح تتصرف جذي بالعكس راح تلقينها على طول دشت المحل وخذت اللي بخاطرها وحاسبت وطلعت

يعني احنا يالحريم ما عندنا هالانانيه الا فئه قليله عينهم ضيجه

والحين راح اجاوب على اسئلتج

- تساعدين ريلج بمصروف البيت؟؟؟

ايي اساعده بس بطريق غير مباشر يعني مثلا اهو يعطيني مصروف معين للجمعيه والحمدلله يكفي بس في

اشياء انا اخذها من مركز سلطان

وما تكون متوفره بالجمعيات هني انا اروح اشتريها بروحي وفي ساعات تصير نواقص بالبيت هني انا اشتريها

2-تاخذين منه فلوس اذا كنتي موظفه؟؟؟

ريلي من نفسه مشيلي مصرف شهري ويحوله بحسابي لان معاشه قوي وطبعه ان يحب يصرف على زوجته

3-تعطيج ابوج او امج بطاقتج البنك؟؟؟

لا بطاقتي عندي اصلا لا امي ولا ابوي يرضون بهالشي لان هالشي بنظرهم يعتبر استغلال لي و انا عندي

عيال وعيالي بحاجه راتبي اكثر منهم

4- تعطين ابوج وامج فلوس يعني 100 او 50 كل شهر؟؟

اعطي امي بس ابوي مستحييييييييل ياخذ لو شنو ما يرضى

5- تعطين ريلج فلوس؟؟؟والسبب ليش تعطينه؟؟

لا ما اعطيه واساسا اهو ما يرضى ياخذ من مره لو شنو نفسه وايد عزيزه

 

[~LiBrA~]

رد : يا اطلقج ياتاخذين ؟؟؟؟؟؟؟

1- تساعدين ريلج بمصروف البيت؟؟؟

اكيد اذا كان عندي اساعد اذا ناقص شي من اغراض البيت

2-تاخذين منه فلوس اذا كنتي موظفه؟؟؟

انا مو موظفه بس اذا توظفت اعتقد مالي حق اخذ منه فلوس دام عندي معاش بس اذا شي حق البيت اكيد منه مو من معاشي لكن ملابسي واغراضي الخاصه من معاشي

3-تعطيج ابوج او امج بطاقتج البنك؟؟؟

الصراحه لا يعني صج اهم الي ربوني ويعطيهم العافيه بس انا مااشتغلت عشان الكرت يصير عندهم وبعد متزوجه وكرتي عندهم جني ياهل الصراحه غلط كبير

4- تعطين ابوج وامج فلوس يعني 100 او 50 كل شهر؟؟

لما اتوظف مااعتقد راح اعطي بس مايمنع اني كل فترة مو بس بالمناسبات ادخل على ابوي بهديه او مساعده بشي حق بيت اهلي بس مو الزام كل شهر لان انا الصراحه هم عندي بيت وملزومه فيه


5- تعطين ريلج فلوس؟؟؟والسبب ليش تعطينه؟؟

اذا كان محتاج اي اعطيه
الريال مو مقصر مصرف البيت كله على راسه واقساط وبلاوي يعني اذا شهر من الشهور خلص معاشه مبجر مافيها شي اذا عطيته من معاشي وبدون مايرجعه.... هذا ريلي وحلالنا واحد

بس الصراحه القصه الي ذكرتيها تبط الجبد شكووو الابو ماخذ كرت البنت

ترا لازم الزوجين يساعدون بعض خاصة اذا الريال مديون ومحتاج بس طبعا مو المساعده بالالاف اكيد لا يعني سالفة اخذ له قرض هذي اكيد لا
بس المساعده نفس الي ذكرتها يعني اذا خلص معاشها مبجر مافيها شي اذا عطيتي زوجج من معاشج ترا بالاخير راح يصرفه عليج وعلى بيتج

عيلليش اسمكم ((زوجين))؟؟

 

[FeShinGoOo]

رد : يا اطلقج ياتاخذين ؟؟؟؟؟؟؟

1- تساعدين ريلج بمصروف البيت؟؟؟
مو وايد ومو غصب يعني من كيفي اسوي اشياء او اشتري اشياء بدون علمه حق البيت بس اهو يقولي ويحددلي والله ماسويها
2-تاخذين منه فلوس اذا كنتي موظفه؟؟؟
اهو ملزوم يصرف علي سواء موظفه ولا لا ماله شغل بمعاشي
3-تعطيج ابوج او امج بطاقتج البنك؟؟
عمرهم ماخذوها مني ولا جاسوها ولا لهم شغل بمعاشي ؟
4- تعطين ابوج وامج فلوس يعني 100 او 50 كل شهر؟؟
ابوي مايرضى ياخذ ولا امي واشتريلهم هدايا يقبلون الهديه بس مايقبلون الفلوس
5- تعطين ريلج فلوس؟؟؟والسبب ليش تعطينه؟؟
لا ماعطيه

 

[نـعـومـه]

رد : يا اطلقج ياتاخذين ؟؟؟؟؟؟؟

اخس شي زوج يقول حق زوجته ساعديني عندي ديون

انت مومجبور تاخذ ديون

 

[Gourges]

رد : يا اطلقج ياتاخذين ؟؟؟؟؟؟؟

بنات ردو على اسالتي رجاء




1- تساعدين ريلج بمصروف البيت؟؟؟

والله انا ما اشتغل بس لوو اشتغل واحتاج اني اساعد راح اساعد بس مو كا شراكه لا اذا نقص شي واهوا مو قادر


2-تاخذين منه فلوس اذا كنتي موظفه؟؟؟

انا مو موظفه ... بس حتى لو بتوظف باخذ


3-تعطيج ابوج او امج بطاقتج البنك؟؟؟

لا اصلا اهما مايرضون

4- تعطين ابوج وامج فلوس يعني 100 او 50 كل شهر؟؟

انا ناويه انشالله ان اشتغلت راح اعطي امي اي شي بس علشان الله يباركلي فيه واحب افرح امي وابوي حتى لو مو بمبلغ لو بكل شهر هديه .. انشالله يارب

5- تعطين ريلج فلوس؟؟؟والسبب ليش تعطينه؟؟

انا ما اعطيه شي ماعندي ماعند يدي .. هههههه

 

[Zen&7ala]

رد : يا اطلقج ياتاخذين ؟؟؟؟؟؟؟

شكوووو اهليي بمعااشي يا حضييييييييييييييييييي !! امبي مو صج !!

انا ريلي ما يرضى اعطييه شي مستحيل عييب !! اانا طالبه بس يعني ساعات اقوله بعزمك بره على العشى من فلوسي !!

فلوس الاعانه او ااي مبلغ حصلته ما يرضى يقول خلي فلوسج عندج و نروح نتعشى بالمطعم الي تبينه لان عيب

بس اتوقع اذا توظفت و خذينا قرض او شي يعني اوكي يمكن اساعده مافيها شي اهوا يبي اعطيه حق بيتنا و مصرفنا مثلا !!

او نحدد شي معين علي و شي معين عليه اهوا فمافيها شي كلش

 

[q_girl_8]

انا راتبي لي بس ينخصم منه 150 دينار حق حساب فاتحينه عشان اول ما تطلع الارض نبني بيتنا عليها
طبعاً هو بعد 150 من راتبه بالحساب و كل شي بالبيت عليه و عادي نساعد عض
و امي و ابوي انا بحاجتهم الله يكثر خيرهم
بين مده و مده اشتري شي لهم
​

:nbvppw::nbvppw::nbvppw::nbvppw::nbvppw::nbvppw:

 

[>>مرووم<<]

:eh_s(14): مو من حق اي واحد ياخذ فلوس بنته او مرته ....

المرهـ مااتنفق على زوجها ولاتعطيه شي :cxxxp:حتى لو عندها ملايين

لو عنده ديون يدبرها يعني لو مافيه زوجته شلون بيسدد ديونه؟؟؟؟
الرجال الصدق مايطلب من مرته فلوس اصلا عيب عليه :lkmnkl:

انا مو متزوجه بس كثير اسمع سوالف الحرمه تساعد زوجها وبالاخير يتزوج عليها وتتحسرعلى عمرها بالاخير :eh_s(12):
احسن شي الوحده ماتشتغل :icon30:

وان اشتغلت تدلع نفسها بفلوسها وزياده تاخذ منه نفقه حتى لومايقصر عليها:gr4uu:



​

 

[G0theka]

بوقيني ولا تغصبيني
موتي وذبحي الغصب
والله مو لو ابوي!
لو شنو
يعني ياخذ بطاقتي اطلع بدل فاقد على طول
زوجي يخيرني لا سمح الله
اقول لو تطلب بلسانك بعطيك بس تغصبني والله لو تموت!
يعني كل شي يطلع من قناعاتي مستحيل اسوي شي غصب<<<يا انتي ياعضو مجلس الامه

I agree with u

بعدين الوحده لازم تكون لها شخصيه تعرف تقرر ومحد يتحكم فيها

 

[قـہۈه فـرنسيـہ™]

أولا هالبنت هذي ما أتوووقع أبووها ماخذ بطاقتها غصب ...تلقين اهي حاطتها عند أبوووها عشاان الزوج ما ياااخذ ...


وبعديييين ...

أولا وأخيرا ...ماله حق يركض وراااي ويقوول عطيني ...
أصلاا بيطيح من عيني ...

الرجااال اللي فيه مرووءه يقعد فقران ولا يقول لمرته عطيني ...




الا اذا يستاااهل بعطيه ماي عيوووني

 

[رنيم q8]

1- تساعدين ريلج بمصروف البيت؟؟؟
ليش ما اساعده دام مو مخلي علي قاصر وكريم بس الدنيا صارت غاليه واكيد بيجي يوم وتنقص فلوسه
اكيد اساعده الحياة تعاون

2-تاخذين منه فلوس اذا كنتي موظفه؟؟؟
اذا محتاجه اكيد هو بعطيني قبل لا اطلب منه .

3-تعطيج ابوج او امج بطاقتج البنك؟؟؟
يستاهلونها بس صدقيني قبل لاعطيها ابوي مستحيل ياخذها لان هو يعطني اكثر ما اعطيه الله يخليه لي-

تعطين ابوج وامج فلوس يعني 100 او 50 كل شهر؟؟
يستاهلون عيوني بس اهلي ما يرضون يأخذون مني ما عليهم قاصر يزيدوني اكثر ما انا ازيدهم-


تعطين ريلج فلوس؟؟؟والسبب ليش تعطينه؟؟
اذا محتاج وادري محتاج اعطيه ليش لا

 

[روحي تحبه غصب]

اساعده لاني ليمن تضيق عندي مايقصر يعطيني

وامي وابوي فديتهم اعطيهم عيوني اذا يبون