يايين اهل حبيبي يخطبوني نصحوني شتصرف شقول ماعرف :x

[. K .]

رد : يايين اهل حبيبي يخطبوني نصحوني شتصرف شقول ماعرف :x

الاسئله اتوقع اممم

كم عمرج؟؟....

شسمج ؟؟؟......

شصلج....


تدرسين ؟؟..

تلفزيون الاطفال حشه مو خطبه :eh_s(3):

خلي امج تقولج شتسوين

 

[mi corazon]

هههههههههههه

عالعموم حبيبتي مهما كنتي تعرفينهم .. ستل لمن تكونين مستحيه راح تحبج اما اكثر )

ونفس ماقالت اخيتي مس .. وهاذا اللي سويته لمن ايو يخطبوني بس لبست درس ضيج لي فوق الركبه رمادي وتونز زهري وكعب زهري .. وشعري سويته كويرلي نفس كيم كردشتاين " مستانسه عالحركه تعلمتها من يوتيوب هيهيهي" ..

انتي مبين عليج بنوته سمبل ... وان شالله كلشي بيعدي مثل ماتبين واحلى .. وبشرينه

موفقه :*

 

[salema]

رد : يايين اهل حبيبي يخطبوني نصحوني شتصرف شقول ماعرف :x

مشكورين ماقصرتوا
mi corazon اتسلمين ياعسل فديت ذوقج ;* انشالله يعدي اليوم واقولج p:

 

[**(فـيـلا دانـتـيـل)**]

استخيري .. والله يكتبلج اللي فيه خير
___________________________________
على فكره: اعرف وحده مارضت تلبس الحجاب
وحاشها سرطان وطاح شعرها من الكيماوي
وتالي تحجت غصبن عنهاا ..

شلون تبين الله يوفقج وانتي عاصيته ؟؟

(( وليضربن بخمرهن على جيوبهن ولايبدين زينتهن إلا ماظهر منها ))

فرصه لج بهالشهر الفضيل​

 

[خالده الفارس]

... أمممممممممممم ما مرت علي هالمواقف ..
ولما تصير خطبة عندنا ما يصير نشوف شي ...

 

[كتكات احمر]

^
^

شلون يعني ماتشوفين الي خاطبج الرسول وصى على هالشي غريب امركم
المهم صاحبةالموضوع خلج على طبيعتج
موفقة ..

 

[Pretty Petite]

برايي

لبسج/شعرج/الميك أب خليه ناعم وذرب

وخلج على طبيعتج.. لا تمثلين.. كوني مثل ما انتي وراح يتقبلونج

الله يوفقج

 

[DooLy88]

لبسي شي ناعم وكشخة
ومكياجج حده ناعم خليه يطلع جمالج

ولاتتكلمين الا اذا سألوج - ابتسمي وردي بحيا

 

[salema]

رد : يايين اهل حبيبي يخطبوني نصحوني شتصرف شقول ماعرف :x

في بنات ردودهم غريبه
شنو تحجبي او يصير فيج المرض الشين و ماتوفقين شهالعقليه!!!
التوفيق من ربي مو من عقليتج
وانا مو سائله اذا ابيه او لأ عشان اسوي استخاره بس ابي اطلع بشكل حلو يم أهله وقاعده اخذ رايي البنات بهالموضوع ماخاب من استشار !! وايد طلعتي عن الموضوع
--------------------
خالده الفارس شنو يعني ماتشوف شي لووول مو مستوعبه
-------------------
ومشكورين حبيباتي دوولي وبريتي وكتكات تسلمون حبيباتي انا اصلا ماحط مكياج وايد اذا بحط كونسيلر وماسكرا وحمرا عاااااد انا بطبعي خجوله استحي شكله هذا الي بيصير بس ساعات اهما الحريم يقولون ليش ماتسولفين نبي نسمع صوتج شغررد ؟ p:

 

[سبيشل ومن]

الله يوفقج يارب و يكتب لج الخير وان شاء الله تقولين لنا شنو صار لج ,بالنسبه لي اذكر كنت مستحيه حتي اذوني صارو حمر بس الحين لما يخطبون خواتي انا الي استقبل الناس عادي جدا
بصراحه اهم شي حطي عطر يدوخ علشان الحريم يحبون سوالف العطور اكثر من الرياييل ولاتنسين تصبغين اظافرج ريولج اول شي يخزونه الحريم واكلي علج ريحته قويه وتمضمضي وبعدين قطيه اذا دشيتي عليهم
ولاتنسين تحطين دهن لايدينج علشان تصير ناعمه ويعرفون انج نعوووووومه تري هالشغلات ننساها ا مع الارتباك
اتمني لج كل خير موفقه قلبوووو

 

[mi corazon]

فيلا دانتيل الله يهداج احنا بشنو وانتي بشنو .. والدين ترغيب مو ترهيب

البنيه ماخذت راينا بالحجاب .. كان فقط توضيح انها مو محجبه علشان نعرف الستايل اللي تبيه

خرعتي العروس الله يهداج

 

[رفيف الورد]

مبروووووووووووووووك حبيبتي والله يبارك لج حياتج بدرب الخير والبركه يا غلاتي

حبيبتي سوالفهم راح تكون عاديه وتكون مثل نقاش عن السوالف عن حياتهم يعني بطريقه غير مباشره يبونج تدشين معاهم بالحوار بالسالفه اللي يقولونها والله حبيبتي هذا اللي أسمعه عن اللي يخطبونهم

أنا من حزب الطماشه

 

[mi corazon]

بصراحه اهم شي حطي عطر يدوخ علشان الحريم يحبون سوالف العطور اكثر من الرياييل ولاتنسين تصبغين اظافرج ريولج اول شي يخزونه الحريم واكلي علج ريحته قويه وتمضمضي وبعدين قطيه اذا دشيتي عليهم

100% وسالفة العلج مو تنسينها خو مع التزهب والتكشخ تنسين تاكلين شي طول اليوم .. فا حلو انج تاكلين علج او تشربين عصير نفسي تغيرين ريجج علشان لي باستج الام وكلمتج من جريب تفتحين نفسها وتتطمن هيهيهي

 

[مــيــــمـــووو]

رد : يايين اهل حبيبي يخطبوني نصحوني شتصرف شقول ماعرف :x

مبرك حياتي والله يوفقج يارب