ياويلي من اليوتيوب الله يلعنه

[سنيوره قمر]

ادعيله بالهدايه وكثري استغفار

 

[وجدان الكويت]

والله العيب مو باليوتيوب العيب ابعض الناس الردية اللي تخلي الشي الزين باليوتيوب وتروح للشين

حبيبتي لاتحسبين ريلج بروحة اللي يشوف هالسوالف كل الرياييل الا مارحم ربي

انتي ادعيلة بالهداية وحاولي تكلمينة من فترة لفترة انة لازم نستغل النت بشغلات الزينة بدون لاتلمحين انج تقصدينة

وطيييييييييعيييييينيييييييييي لاتنبشين ورا الريال ديري بالج ترى الريال يطفر من هالحركة واااايد

 

[مجنونة قيس]

حبيبتي عقله براسه ويعرف خلاصه ادا اهو يسوي المعاصي ومو هامه انتي قلبج عليه

 

[أذوب في عيونها]

الله يصلح الشان

 

[منااي]

بنات شلون يعني تشوف الغلط وتسكت لازم تراقب وتعرف ولا تبونه اتخليه على كيفه يطالع اللي يبي لما يوصل مرحلة الادمان يعني

استغرب من ردود البعض خليه لما يمل واذا ما مل وادمن على هالخرابيط دام انها اعرفت لازم اتوقفه عند حده الحرام حرام ما يصير انتغاضى عن هالشي ونسكت

الله يهدي الجميع

 

[Great-Chef]

اليوتيوب عليه مراقبة مايعرضون اي شي

 

[SaD FaCe]

الله يهديه ..

 

[jasmin flower]

أختي الغالية ... أنا مريت بنفس تجربتج ... قبل سنتين و كنت دائماً أتهاوش معاه و نشعل البيت نار .. و
و كان كل مرة يزيد و يقول كله بسبتج
لا تراقبيني ... و بعدين مر علي فترة حملت فيه و تعبت صحياً فما كان لي خلق و لا عندي وقت لأراقبه بس كنت أدعيله بالهداية ...
و ما أشوفه إلا يوم عن يوم بدأ يتغير و الحمد لله بفضل الله الحين ترك هذي السوالف
فادعيله و اعملي نفسج مو بدارية عن شي ... و إن شاء الله الله بيهديه لج

 

[*((كـارينـا))*]

مرحبا خواااتي ... مشكلتي انا بالبداية عرفت ايميله والباسورد من غير لا يدري بس دايما ابطله ماكوووووو شي بس الموت شغلة ثانية لما اشوف الهيستوري شنو كان شابك عليه انقهر يدش اليوتيوب ويشوف بلاوي انقهرت بس الالعن ان لما عرف الهيستوري يبن كل شي قام يمسح ...

ملاحظه ترى صارت هواش وزعل وسالفه لما صارحته ليش دش هالاشياء وينكر يقول لاتظلميني انا مرات احط الابتوب بالدوانية والشباب يفتحونه بعد .. بس انا لما شفت هالخرابيط سألته جم مره في احد اخذ الجهاز يقول لا واروح اشوف الا بين انه هاليوم داش على بلاوي شسوي .؟؟ المصراحة والزعل مانفع .. مرات يقول بخلي الجهاز عندج ويرد ياخذه اف مليت

اللحين ساعدوووووووووووووووووني شلون اعرف شنو يدش؟؟ تكفون ساعدوني وربي احبه وخايفه عليه من الذنوب والله

حياتي لا تضغطين عليه ماكو ريال ما يدش اليوتوب وبعدين حابه اطمنج اليوتوب مافيه شي جايد وخلي عندج ثقه فيه وبنفسج واشغلييه فيج وبس لا تخربين حياتج على اشياء مالها داعي انا ريلي عنده ايميل ادشه من فتره لي فتره لاحظة انه مايعرف شي بس امسويه عشان شغله واذا شكيت بأي شي ادش واشوف وهذا عيبنا احنا الحريم فينا فضوول يدششنا مشاكل معاهم حاولي تعطينه الثقه وتترفعين عن هالامور معاه واشغليه بحياتكم وايد احسن

 

[روح مغليهآ]

ولا تجسسوا

 

[مملكة الود]

ادعيله بالهدااااية الله يهديه ان شاء الله

 

[فلافل وبطاط]

اذا بتظلين جذي انتي راح تتعبين ...

لا اتنبشين ورا الريال صدقيني ترتاحين ...

وخاصة اذا الريال زين معاج ومو مقصر بحقج ...

خليه على راحته ... واذا ودج شوفي هو شنو يشوف ... وانتي سوي له نفس اللي يشوفه ... >>> هالحركه جربتها صديقتي ...

وقعدي يمه لما يشبك وانتي بادري ,, افتح هذا او خل نشوف هذاك ...

هي فتره ومن نفسه راح يمل ...

انتي ريحي بالج واعصابج لا اتعبين نفسج ...

 

[المدينه]

الله يهديه

 

[ريماس77]

الريال مستحيل يقول الصج انا بصراحه مااصدق الريال

 

[تعويذه الحب]

ليششششششششششششششششششششششششششششششش تسوين بعمرج جذي !!!!!!!!!!!!

شنو هذاااااااا بصراحه الله يعين ريلج لا تزعلين بس انتي قاعده تخنقينه جذي خليه يطالع شنو يعني منو بيتحاسب انتي ولا اهو !!!!!!

وبعدين طالع بالنت شنو يعني الكل يطالع واليوتيوب مفتوح حق الكل خو اهو مو داش بالشاشه وياهم !!!!!!!!!!

كبري عقلج ولا تنبشي وراه ماله داعي ترى باجر ينحاش منج

صج ليه قالوا ( بومتيح مدور الطلايب )

 

[جبرالجروح]

حبايب قلبي مشكووووووورين عالرد وطبعا الكل نفس تفكيري خلي الريال ومصيره يمل و و و و .. وانا ادري كل الريايل جذي بس وحده فيكم لو شافت على ريلها هالسوالف مستحيل تكون ردة فعلها جذي ماراح تقدرين تطنشين بالج كله باللي يشوفه ليش يسوي جذي وانا شفيني مع اني بقول شغله الحمدلله رب العالمين جمال واخلاق وشخصية قوية واهو يحترمني ويحترم راي ومو مقصرة معاه ولا مع اهله ولاخواته لكن انا وحدة لما شفت هالشغلة قعدت افكر بنتي وعيالي اخاف يدمن على هالشي واخاف الشيطان وهالاشياء تأثر على شخصيته يضعف ويصير تفكيره بس خرابيط ...
اهوا مرات يقول مستعد اكسر الابتوب عشانج بس ما يخرب بينا انا اقوله النت انا مستفيده منه شغلات حق عيالي واشياءلي انا وخاصة اني حبيت هالمتدى وخواتي اللي فيه .. بس بفهمكم شغله لما تشوفين على ريلج شغلة صعب تغافلين عنها ودي اسمع كلامكم واطنش بس اللي جربت نفس مشسكلتي راح تعرف وين الالم ..

تضحكون علي مرات اشوف اللي يشوفه اروح اقلدهم بعد فترة عشان مايلاحظ ابي اشبعه من كل شي يارب تهديه وتهدي الكل

 

[شواخي]

الله يهديه ويهديج

 

[الهندية]

لا حول الله ادعيله بالهدايه حبيبتي ادري ان اللي قاعد ايسويه غلط باس اذا واجهتيه راح ايعاند معاج

اتركيه لحد ما يطخ ويمل من هالشغل مع ان اللي يتعود عالشي هذا ما راح ايهده ايصير عنده ادمان

لكن ربج رحيم هو اللي راح يهديه اذا انت ساعدتيه بكلام الله والدعاء له يعني اذا كان قاعد في البيت شغلي القرآن يمكن يستحي ايطالع

وعودي حالج انج ما تنبشين اشتبين بعوار الراس رياييلنا هني ايحبون العناد ما راح يقدر عليهم الا القوي

 

[honey 2010]

نصيحه لا تنبشين تشترين راحتج وثانيا تسترجعين الثقه الحين بعد اللي سويتيه راح تنعدم الثقه بينكم وراح يصير شغله كله بالدس
حبيبتي اللي ما خاف من ربه مو خايف منك بس توكلي على الله وتكي عنك اغراضه وتخيلي انك مكانه دائما اكيد تتضايقين

 

[honey 2010]

تكي= تركي