ياويلي دخت على ريحة بيتهم ونظافتهم ماشاءالله شوالسر؟

[مروقه على الكوفي]

السلام عليكم ورحمه الله اخواتي
بيت عمي ماشاءالله ريحته روعه تدوخ من الشارع اشمها من غرفتي تجيني الريحه ونظافه ولمعان بيتهم
ومره حضنت ولدعمي الصغير ريحة ملابسه طبعت فيني ماشاءالله نظيفين مرره وبيتهم ودرجهم وحمامهم يلمع وريحه ملابسهم مميزه الله يحفظهم
نفسي اعرف طريقه تخلي بيتنا كذا وتظل الريحه كل يوم مثلهم موربع ساعه وتروح الريحه وطريقه تخلي ملابسي كذا
نفسي اسال حرمه عمي شوالسر؟ بس استحي بماانه علاقتنامقطوعه اوللاسف مانزورهم :0bee2e8d89:
وحتى الناس تعرفهم بنظافتهم الله ماشاءالله
اذكر واناصغيره ياويلي وسوادليلي لوحد كب عصير لوحد وسخ البيت :dddds:
اذاعندكم طريقه تخلي البيت والملابس روعه ياليت تفيدوني
وشلون ابخرالبيت بالمستكه؟ لان اذكر مره شميت ريحة بيتهم مستكه بس مااعرف شلون استخدمه؟
الله يسعدكم كل يوم ادوخ من الريحه وانامن عشاق الاعتناءبالمنزل بس بيتنا مايحمس واخواني جدا فوضين ان شاءالله ننقل من البيت ولااتزوج وتصير ريحة بيتي مميزه
وانتظرمساعدتكم لاتطنشوني ويارب تحققلكم الي في بالكم

 

[‘‘‘اسما ‘‘‘]

مسا الخير عاشقة التجميل
يمكن هم من النوع اللي امعودين خدمهم على طول يرشون البيت بالخلطات عقب الطبخ
يعني عقب الغدا والعشا
ويبخرون على طول
وترا الخلطات القويه اذا رشيتيها على الاثاث مباشره تثبت اكثر
واذا عندج اشجا رالزينه اللي بالبيت اللي من بلاستيك.
نصيحه عطريها كل يوم عقب التنظيف بخلطات قويه تلقين الريحه تفوح بالبيت..

 

[مروقه على الكوفي]

شكرا واخيرا حد عطاني وجه
من فين تنباع الخلطات وايش اسماءهم ؟ ترى انااعشق الاهتمام بس محد معطيني وجه بالبيت كلهم يعفسون الغرف الله يهديهم

 

[بـــطوووطه]

على طول بخري وسكر الغرف ورشي عطور قويه وان شاءالله تثبت الريحة

 

[مروقه على الكوفي]

عاد مااعرف اسماء عطور قويه ؟
والله اليوم مبخره ربع ساعه واختفت الريحه

 

[سعوودية]

الملابس وقت الكوى حطى بالمرش حق الماء نتفه نتفه بس لينور حق الهدوم ورشي الملابس وسوى الاوتى " الكوي "

 

[@ام ضاري@]

الانظافه اول بعدين العطور والبخور
دام كل شي ينظف ومافي ريحة عفن فا اكيد الريحه تكون مميزه في البيت حتى ريحة الملابس

 

[أحلى عطر]

شوفي حبيبتي النظافة أولا يعني إذا البيت مو نظيف مستحيل تقعد فيه الريحة لو قوية
خلي كل يوم مسح الأرضيات بالكلوروكس المخفف بالماء وتنظيف السجاد بشكل سريع بالبرش وحتى الكنب فرك بفوطة ديتول مخفف بالماء وبتشوفين الريحة الحلوة وادعيلي

 

[مروقه على الكوفي]

مومشكله بيتنا غرف كثير اناشكلي انا والخدامه بنسوي حمله تنظيف
بابدا بغرفه الضيوف وبعدين غرفتي واخواني يولون لان بصراحه يقهرون حتى ملابسهم يرمونها وحناوراهم
اه لوانهم عيالي كان كفختهم وربيتهم خخخ اكره الرجل الكسول بس شلون انظف السجاد؟لاني بيتنا سجاد

 

[سنعه بس مظلومه]

قوه حبوبه بالنسبه للسجآد فيه صآبون مخصص لسجآد بالجمعيه تحصلينه عند المنظفات حيل حلو واذا نظفت السرآميكـ والممرآت خليها تحط مع الديتول والكلوريكس معطر للارضيات عشان الريحه تصير حلوه وفيه بعد منظف أرضيآت اسمه العملاق هو جل وريحته تجنن وتطول ولازم الدرآيش تتمسح كل يوم والابواب بعد وبعدين بعد المسح بخري بيتكم ببخور تحصلينه عند توله للعطور عود مبخر وهمن عند القرشي وحطي معطر واخلطيه مع كلونيآ وادعي لي انا أبخر قبل اروح لأهلي الجمعه وأرجع البيت السبت باليل والريحه مآزآلت موجوده ومنعشه

 

[مروقه على الكوفي]

شكرا والي يسعدكم ويوفقكم
تدرون ريحه بيتهاعلى نظافه وديتول وكلوركس وبخور خخخ
وممكن اسماء بخور ومخلطات وان شاءالله ادوخهم بريحتة بيتنا خخخ

 

[مروقه على الكوفي]

وين السنعات اهل الروائح الحلوه

 

[opera]

انا اشوف انه البخور حلو والعطورات حلوه .. بس البخور كل يوم وهالعطورات القويه تكتم النفس .. كل يوم دخان بالبيت :\

احسن شي المنظفات الي تكون فيها ريحه خفيفه .. يعني تنظيف وهم بنفس الوقت ريحه حلوه

 

[مروقه على الكوفي]

صح البخور يكتم يوميا ويسبب امراض الصدر
بس ريحتهم نظافه وحلوه اموووت في الريحه النظيفه زي اللينور والكمفورت عرفتي قصدي؟
موروايح الفواحات قوووويه ياليت تكتبولي اسماء منظفات حلوه

 

[ذهب]

انا استفدت من المنتدي وايد ( مشكورين كل الخوات الحلوين ما يقصرون خاصة الاخت مزيونه و شقرة ) في رشوش تقول عنه الاخت مزيونة و شقرة عند سيد جنيد (ندية - غصون) راح اشتريهم وايد ريحتهم تقول حلوة و ثابته - الكلونيا ام البنت للبيت و نصحية دوري في المنتدى في مواضيع مميزة تفيد في النظافة .و الريحة الحلوة.

 

[حبنا الله عليه]

منظفات البيت بالجمعيات كلهم بروائح مختلفه

في بصنوبر وفي بماي ورد وفي بليمون وتفاح و .........الخ طبعا غير الديتول

وللملابس جربي كومفرت ( داوني ) انا غرامي الوردي على ماي ورد وعموما كل انواعهم حلوه

البخور والله ياني اجيل للبيت جيل موطبيعي من كل الأنواع بس الحق ينقال ولا اروع واثبت من

( عود مبخر من اجمل ) و ( المعمول الدوسـري )

طبعا انا فيني عاده غسيلي لما ينكوي لازم اعطره بأي بخاخ للملابس

من المرشود روعه ولا سطور وحروف من الشايع ولا بخاخ الورد الطائفي من الدر المنثور ......... عاد على ذوقج اختاري

وهم لا انسى الحين حتى محلات العطورات ينزلون معطرات للأرضيات

ولاتنسونا من صالح دعائكم

:tek:


​

 

[*جبرني الوقت*]

والله انا استعمل حق شقتي من الروقي حق الارضيات والسيراميك حدددده حلوه ريحته ويوصلون بعد والله مايفشل اذا عندكم ضيوف وخاصة اذا حطيتي بخور بعده يثبت

 

[Memo Q8]

حبوبة مثل ما قالوا البنات اهم شي النظافة ... و التهوية .. و في منظفات خاصة للسجاد انواع مختلفة .. او لو ما كان متوفر غسلي السجاد بماء مع صابون .. يفضل لو يكون صابون سائل او شامبو و تخففينه مع ماء .. و بعده تغسلين السجاد باسفنجة و ماء مع شوية كومفورت و لما ينشف استخدمي المكنسة الكهربائية ..

و بعد في سبراي لتعقيم الاسطح من ديتول بعد التنظيف رشي منه ريحته نظافة .. و ممكن تحطين اي من كلونيات بيبي جونسون في مرش و رشي فيها السجاد و الستاير ..

انا احب ليلة خميس من اجمل .. ارش منه و ارش من اوست ريحة الطبيعة او معطر الجو من ديتول و بعدين ابخر بالعود المبخر اللي من اجمل و يا سلااام نظافة على بخور

بس بنات حابة اعرف شنو اهو الروقي ؟؟؟

 

[مروقه على الكوفي]

يعني لازم اطلع الاثاث عشان اغسل السجاد؟؟والله حاااله
لوسيراميك احلى بس ان شاءالله في البيت الجديد اولوتزوجت احقق حلمي(ياكثراحلامي خخخ)
واناجربت عطر عودالمبخر جنااان الله لوادري انه فيه منه بخاخ مفارش كان اشتريت ماترددت
الرجال وراني معطر مفارش ماتجلس الريحه ابدا واشتريت عطرالفراش والكنب من نكتار والله مررره الريحه ماتجلس شكلي بودي مفارشي المغاسل ولااشتري جديد
وكيف اخلي الدولايب والكبت صافي ونظيف انادولابي خشب ابيض
وموعارفه قصدك شو الروقي؟ اختكم السعوديه ماتعرف لهجه كويته
وشاكره لكم تعاونكم وربي يحقق لكم الي تتمنونه اامين

 

[hnooy]

اختي انا حاطة بالصالة رش اير وي بالبطاريات يشتغل وكل 5 دقايق يبخ عطر والناس لمة يجوني البيت كلة يسؤلوني عن سر ريحة بيتي
ويمكن هذا سر ريحة بيت قرايبج