ياويلي دخت على ريحة بيتهم ونظافتهم ماشاءالله شوالسر؟

[ذهب]

روحي الكويت بارك الله فيك خوش خلطات

 

[بحرينية محرقية]

مشكورين بنات كل وحدة وخلطتها ونصيحتها

انا استفدت منكم وان شاء الله اجرب هالخلطات

تعبت ادور كلونيا ريف دور ما لقيتها تهقون احصلها في رامز ؟؟

 

[بيت التوت]

آنا كرهة ابخر من ابخر اشوي وتختفي الريحه الله يعين من الطباخ

ريحته تقضي علي كل شي




اللهم اكفني بحلالك عن حرامك وغنني بفضلك عمن سواك

 

[فيفالدي]

والله اذا كان قصدج الهدوم


انا احط مع الماي مال الاوتي البخار احط خلطه فيه اضرب هدومي اوتي وريحته الخلطه تلصق بالهدوم

واذا كانت الاوتي العاديه هم ازيد على الماي الي نرشه عالهدوم ازيده خلطه

------------
اما البيت التنظيف اول ورش اير وي بالحمام بريحة الورد تنعشششششششش

والارضيات احط معطر الارضيات جميع النكهات كل يوم شي

واخلي خدامتي بس تنظف تشب فحمه وتحط بخورر وتعطر يوميا كل يوم صبح ومسا والله تفوح ريحته شقتي

وفي شي ماستغني عنه الا هو فواحه بدي شوب البنيه ييييييياااااااااااااااي ريحتها تاخذج عالم ثاني

انا شقتي بالدور الثالث والله الي بالدور الارضي يسالوني شحاطه من كثر ماالريحه قويه

وبسسسسسسس يالغاليه

 

[kim kardashian]

هلا حبوبة .. اول شي ابيج تروحين الجمعية (السوبرماركت)ما ادري شنو اسمه بالسعودية حبوبة .. تروحين صوب قسم المنظفات راح تلقين بودرة السجاد فيه روائح وايد حلوة نقي اللي تبين على ذوووقج(هذه البودرة ترشينها على سجاد قبل ما تكنسين بالمكنسة الكربائية و تخلينه 5 دقايق و بعدين تبدين الكنس) ..و ابيج تشترين معقم داك اللي على صنوبر (عجيييييبه ريحته)حق الارضيات ملوت الحمامات و انتي بكرامة .. و ابيج تشترين شموع جليد على كاسات صغيرة و احلى نكهات اهية الفراولة بالكريمة و الاوشن يعني ريحة بحر و الفانيلا مع الدارسين .. و ابيج تشترين كومفورت اللي لونه بنفسجي اللي ما في منه احجام ثانية اللي منزلين منه كلشن المنجا و الفراولة بس ريحتهم مو حلوة اخذي البنفسجي حجمه صغير حق غسيل الملابس (ملطف اقمشة)راح تدعيلي انشاء الله ..
راح اكتبلج بعد انواع البخور اللي حق البيت و المشعل اللي من خبرتي الطويلة ارتحت عليه و انا لما ابخر فيه و لله اطلع و ارجع القى الممر الخارجي كله ريحته ريحة بيتي وناااااااااااااااااسة اول ما افتح الباب الريييييييييييييييييحة تهبل ..بس نطري علي عشان اكتبلج اياهم كلهم مرة وحدة و اخذيهم و روحي السوق روحة وحدة و اشتريهم و انشاء الله بتدعيلي ..
انشاء الل اكون افدتج يا حبي

 

[kim kardashian]

حبوبتي ريما .. انا كنت مثلج اشب الفواحة مالت بدي شوب .. بعين لاحظت ان على اغراض الصالة شي بني مثل الدهن ما كنت ادري من وين ايي !! طلع من الفواحة و لما قريت عنه طلع الزيت لا يتبخر مثل الماء و لكنه يتطاير .. و الشي الثاني ان الفواحة لما تحرق الزيت قام يدش برئتي و سببلي حساسية و لما راجعت الطبيب قالي انتي فيج ربو من الصغر !! قتله لا !! قالي من شنو حسيتي ان قام يهيج صدرج ؟ قتله من اشب الفواحة اكح اكح اكح لما ارجع اسم الله عليكم !! جان يزفني الدكتور زف قالي انتوا ما تقرون عليه ان حتى ممنوع يلمس الجلد لانه فيه مواد حارقة للجلد و اهوة يتطاير في انحاء المكان اللي بتشبينه فيه يعني راح يسبب حساسية جلدية اولا و ثانيا قال اذا ممنوع على الجلد شلون ما يكون ممنوع على رئتكم و نفسكم .. اتمنى نصيحتي فادتكم و عساكم على القوة .. و مشكورة يا حبي ريما الوعلان

 

[مروقه على الكوفي]

اخت كيم شكرا للمعلومات الخطيره عن الفواحات واناامس مشغله الفواحه احسها تكتم فعلا يعني بودي شوب موقويه مره اجل كيف القويه زي زهورالريف
واسم السوبرماركت زيكم بس ايش عرفكم اني سعوديه خخخ؟مع اني في بعض مواضيعي وردودي اتكلم باللهجه الكويتيه
وانتظر اسماءالبخوروالمنظفات يانشميه

 

[78MariMar78]

انا حاطة العطر اللي يبخ اتوماتيكي كل 10 دقائق

 

[مروقه على الكوفي]

ان شاءالله اشتري العطر الاتوماتيكي بس فين الاقيه؟وهل فيه منه روائح؟

 

[مروقه على الكوفي]

للرفع

 

[شرووفي]

اخت كيم شكرا للمعلومات الخطيره عن الفواحات واناامس مشغله الفواحه احسها تكتم فعلا يعني بودي شوب موقويه مره اجل كيف القويه زي زهورالريف
واسم السوبرماركت زيكم بس ايش عرفكم اني سعوديه خخخ؟مع اني في بعض مواضيعي وردودي اتكلم باللهجه الكويتيه
وانتظر اسماءالبخوروالمنظفات يانشميه

انتي قلتي انك سعوديه :0bee2e8d89: جبتيها عالجرح مثلنا العيال هم المشكله غرفهم حووووسه تقل عيب او حرام ينظفون البايسن ملي الارض وقوطيه بيبسي حاطها طفايه والملابس برا الدولاب واذا تغسلو مايجيبون ملابسهم لا يرمونها بغرفتهم تقل يستحون يجبونها عند الغساله افف بس حتى انا العطورات الصغيرونه اللي يجيبونها الحجاج هديه احطها ببخاخه مع مويا وارشرش حتى بوسط الدولاب ورشاش فيه ماءوكولونيا نفس الشي

 

[نوره في وسط صوره]

قوه بنات
حبيت اشارك معاكم بطريقتي بما ان زوجة حماي ريحتها استغفر الله العظيم ريحة تلوع الجبد لانهم جيرانا
وهم انا لاطبخت تلزق الريحه بشقتي فشنو اسوي علشان اوخر الريحه
قمت سلمكم الله اشب فحم واحط عليه مرميه ريحتها استغفر الله مو حلوه بس ميزتها تشفط الريحه الي بالبيت كلها
وعقب اشب فحمه ثانيه او علة نفس الفحمه الاولى لو فيها مجال واحط بخور الحرمين علبته خضرا وبدينارين ونص روووووووووعه يقعد يشب فترة طويله وريحته قويه وارش خلطتي كلونيا وماي ورد وحبشوش والريحه ماشالله

 

[تيوليب]

مرحبا بنات :gathering:
الروقي اهوا محل عطور وبخور عندنا بالكويت

​

 

[لـوجيـن]

حبيبتي اهم النظافه .. لان البيت اللي مو نظيف لو ترشين خلطات وتبخير تصير الريحه على عفن ووع


اول شي لاتخلون الزباله وانتوا بكرامه يعني على طول طلعوها برا اللي في المطابخ والحمامات لان هي اساس الريحه وحتى لما شي ينكب على السجاد وماتمسحونه ترى يطلع ريحه يعني الله يعينكم اذا عندكم جهال يكبون ونتوا ماتدرون وشوفي ريحة السجاد بالبيت تفوح :/


ثاني شغله كل يوم وترك اذا انتوا سجاد ابرشي السجاد بكلوركس الملون وكمفورت وشوي ديتول وفنجال من الفدور اللي هو كلونيا عقب بخري شوفي الريحه

اتمنى اني فدتك

 

[مروقه على الكوفي]

البيت نظيف وكل يوم نرمي القمامه ومافيه عفانه الحمدلله حتى ريحه الاكل ماتجلس لان نهوي البيت ونفتح المرواح والشبابيك مافيه كتمه
بس اناماعندي خبره في العطورات والخلطات والمرشات و000الخ حقت البيت
واذكربنت خالتي لحافها ريحته تجنن وهياماتغسله كثير تقولي اناابخ عليه عطرمعين من ماركه معينه بس عطراحنانستخدمه للجسم وهياتحطه للفرش تجلس ريحته كثير ونسيت اشتري منه بس اتمنى اغير ابغى الريحه غير
ويعطيكم العافيه ويسعدكم ويوفقكم على ردودكم الحلوة

 

[ملاك-77]

طبعا اهم شي النظافه وتهوية البيت بعدها التعطير والتبخير

انا حاطه تكرمون بالحمام وبصالتي إير ويك

وموقتته على كل 9 دقايق يرش رشه وحده

ويصير البيت علطول معطر واذا خلصت العلبه اشتري معطر غيرها على لافندر او ليمون ..الخ

وعلطول الفواحه شغاله بغرفه النوم وفوح ريحه الزيوت العطريه اللي احطها

وكل يوم لازم ابخر البيت وقت العصاري يثبت الريحه الحلوة اللي من الفواحه ومن الاير ويك

 

[اطباق ماي ورد]

ماشاءالله عليكم بنات شميت الريحه والنظافه وانا ورا الشاشه

واهم شى فعلا اهو التهويه الجيده للبيت ودايما بخرى بعد الطباخ ورشى من العطورات اللى حق الفرش والبيت وفى منها واااايد مو شى معين انا عن نفسى احب روح الورد الطائفى من السرتى ومن الشايع عندج دانتيل عجيب حق الفرش

والسجاد اخ منه ما ارتحت الا لما شلعته من بيتى بس مو من كل مكان فى بعض الغرف تحتاجين للسجاد بس ارحم من قبل لانه بيمع كل وسخ وكل ريحة طباخ وغيره وحتى لما تغسلينه احسه بعد ما ينظف لانه بمكانه ما ينشال ويتهوى ... الله يعينكم عليه بس مثل ما قالوا البنات استعملى المنظفات مالت السجات وفى منهم على بودره وفيه روائح مختلفه بعد

والمعطره الاوتوماتيكيه وااايد زينه حطى منها بالمطبخ وبمدخل الصاله مثلا بالحمام بعد

والله يعطيج اللى ببالج .

 

[الرييييم]

والله انا استفدت من الموضوع والردود بعد ما قصروا البنات

 

[مروقه على الكوفي]

عرفت ايش السر لووول
مرةعمي من عشاق الكوريلكس وكانت تستخدمه يوميا لكل شي
بس بخورهم ماعرفته بس اكيد مشتريته من منطقة اهلها واحنامو ساكنين في نفس المنطقه بس برضوانااشتريت بخورمن برى وماتجلس الريحه
وشكرا لتفاعلكم معايا

 

[tooofy81]

مشكورة اختي على موضوعج مع ان مضمونة مشكله وتبين لها حل !!

وصدقيني مو بس انتي تعانين من هالشي وايد ناس يعانون منه واولهم انا من كثر اني مصّره على ان تثبت الريحه الحلوة صار عندي اختناق:eh_s(1): بسبب اسرافي فالبخور والفواحات ولا ماتقعد الريحه لوووووووول:0bee2e8d89:

بس من خلال الردود الحمدالله استفدت حيل :klhfl:

واشكر بعد كل سنعه حاولت تحل المشكلة من وحي تجربتها الناجحه:ggdw:

موفقه:eh_s(6):