ياناس لحقوني بموت موبيدي

[الدنيا لحظه**]

السلام عليكم ورحمه الله
خواتي انا ابي مساعدتكم موقادره انا متزوجه وعندي عيال ومرتاحه الحمدالله واخاف الله واصلي بس بالصغر صارتلي مشاكل بسبب اغلاط مراهقه وتعرضت للضرب العنيف المشكله انا بالكليه صارلي 3 سنين الحين ادرس وكل سنه شهر10 وشهر3 تصير فيني حاله فجاه وبدون سبب اختنق واشق هدومي من الضيقه واصارخ واركض بالبيت وابي انتحر وابجي لانام ولا اكل تظل معاي هالحاله اسبوعين بس روحي تطلع قبل فتره عالجت بالطب النفسي وماستفدت غير النوم اكره الكليه وكله تعبانه ومابي احد والدنيا سوده بعيني ومكتئبه حيل وكله اغيب من الكليه واكره الدوام بنات والله انا اعتبركم خواتي اللي عندها حل او علاج او تعرف احد يعالج تكفون والله راح اخسر بيتي وعيالي اللي تساعدني الله يعطيها مرادهاا بجاه محمد وال محمد

بنت العلوي ناخيتكم

 

[الدنيا لحظه**]

انا حاطته بقسم المشاكل ليش حطيتوه هنيه

 

[الدنيا لحظه**]

20مشاهده ولارد معقوله

 

[q6aiwa]

الله يشفيج ويفك عوقج يارب

يالله يارب بجاه محمد وال محمد اشف عبدتك الفقيره اليك

جربتي ترقين نفسج. ترى العلاج النفسي يعالج شي ويخرب شي وماوراه الا الحاله النفسيه والتعب

القران اهو علاج نفسي وعضوي اقري سورة البقره كل يوم وشربي ماي مقري ورشي بيتج وخلي القران شغال ٢٤ ساعه ودهني جسمج بزيت مقري مرتين باليوم خصوصا قبل النوم

والله يشفيج

 

[المرتاحة]

والله مادري يا اختي شنو سبب الحاله النفسية اللي انتي فيها

حاولي تتقربين من الله اكثر وادعي بسجودج ترى الصلاة و الدعاء يهدون النفس

وعسى الله يشفيج و يعافيج اخيتي

 

[كريستال]

مثل ماقالت المرتاحه


تقربي لله اكثر

قيام ليل استغفار صدقه واذكار الصباح والمساء واذا قدرتي عليج بالرقيه الشرعيه بس مب عند اي حد

 

[Eng.Kokoro]

الله يكووون بعوونج بحق محمد وأهل بيته

سااافري وغيري جوووو .. غيري روتين حيااااتج شوفي عيالج ماااعندهم غيرج بالدنيا و اكيييييييد تقربي لله كثري الصلاه عالرسول واله
والله يحفظج من كل شر بحق مكسوره الضلع
*

 

[أجمل إنسـآنـه ~]

وعليكم السلام ورحمه الله وبركاته..~.~

والله ياقلبي مدري شقولج عسى ربي يشفيييج امييين...~.~


رقي نفسسج صبح ومساءء واستمري ع قرااءه القراااان,,ْ,ْ


والله يشفيج

 

[elcadbury]

الله يشافيج وعليج بقراءة سورة البقرة

 

[amami al-kuwai]

الله يشافيج

والله مادري شوفي احد يقرا عليج

 

[الدنيا لحظه**]

الله يعطيكم العافيه يارب اللي تعرف احد يعالج لاتبخب علي

 

[غراوي]

اي פـَِبيبٍتيْ *هذي حاله نفسيه تجيج بفعل صدمه صارت لج بحياتج
وانتي ذكرتي هالشي ان بمراهقتج صارت لج صدمه
وبنفس وقتها كل سنه تجيج حاله اكتئاب وضيق

انا مستغربه انج رحتس الطب النفسي وماتعالجتي

واجد ناس تصير فيهم هالحاله اذا فقدو عزيز عليهم او تعرضو لكرب

جاولي من جديد تدورين معالج نفسي وحددي له بالضبط سبب الضيقه

واحمدي ربج ان الحاله تستمر معاج اسبوعين

انا تستمر معاي 6 شهور واحط حرتي بالدعاء والاستغفار والتقرب اكثر لربي بالعباده
والله ودي اروح معالج نفسي بس للحين ماتجرات

 

[رنيم الروح]

حبيبتي الله يشفيك ويعافيك -جربي الرقيه الشرعيه شوفي دخلي على موقع الشيخ عبدالله الخليفه -تقدرين تشرحين وضعك اله ويعطيك الطريقه المناسبه الك فيالرقيه او تاخذين من الرقيه الي بالموقع

 

[سكارلت]

الله يشفيج في دكتور نفسي الأنصاري يمدحونه

 

[بولندية]

الله يشافيج يارب

البنات كفو و وفو عليج بالرقية و تقربي من ربج اكثر و غيري جو بالسفر.

 

[سكارلت]

جبت لج اسماء دكاترة بالكويت
مقتبستهم من رد لعضو في منتدى نفساني جزاه الله خير

اذا تبي دوا :
عصام الانصاري
عبدالله غلوم ..

واذا سلوكي .:
جاسم الخواجه : بمركز الاستشارات الاسريه بالروضه ..قطعه 4 بنفس مبنى صالة الزبن ..وهذا ابلاش مالحكومه ..تبع وزارة العدل ولا تخافون اهو مو طب نفسي ...لا استشارات بس يقعد معاك كل جلسه ساعه ..

مروان المطوع ..حسن الموسوي.. محمد صادق الموسوي ..ايوب اشكناني..مركز الراشد ..كاظم ابل ...فاطمه عياد ..المشعان ... مركز الانماء الاجتماعي ..وفي وايد بس اذكر هذيل ..

وهذا رابط موقع نفساني
جيكي عليه عل وعسى تلقين نفس حالتج وتتشاركون بالحلول
والعلاج

http://www.nafsany.cc/vb/index.php?

 

[الدنيا لحظه**]

الله يبرد قلبكم يارب انا خذيت حبوب السيبر الكس وقالي فيج اكتئاب حاد واستمريت 6 اشهر تحسنت بعده بس تركتهم يتلي الحاله وبزياده

 

[سكارلت]

جيكي على هالموقع
واحة النفس المطمئنة

http://www.elazayem.com/

 

[كريزية]

شوفي شيخ يقرا عليج ويعطيج ماي مقري رشي زوايا البيت وشربوا منه
وحطي مسجل سورة البقرة كل يوم تقريبا وعلي عالصووت
الله يفرج همج

 

[عسل مرت قيمر]

الله يشافيج ياارب

اقري سورة البقره دايما

روحي حق احد يقرا عليج


تقربي من الله اكثر حاولي كثر ماتقدرين تلحين بدعاء


الله يعينج حبيبتي ويشفيج*