ياناس عمركم شفتوا اهل زوج يتعامل مع مره ولدهم بهالطريقة ؟؟

[قمرية الفيس]

كثري من الدعاااااااء والله السحر الحلال

 

[جوري 2007]

خلج بعيدة مومجبوة تواصلينهم واهم مايبونج بس شجعي زوجج ان يزورهم وحتى لو يتغير عليج عقب مايرد من عندهم تحملي

وطنشي علشانه ومن يدخل الشقه نسيه همومه ولاتشتكين منهم ابد

 

[om_ibrahim]

نصيحه خلج عاديه لا رسميه ولا شئ وسمعي من أهنئ وطلعي من الأذن الثانية وعلى قولت المثل الحقران تقطع المصران والمكان الي مؤ مرغوبة فيه مؤ شرط تروحين وخلي ريلج يروح يسلم وايي وخلج دائم انتي السنعه الأصيله ولا تيبين طارئ أهل ريلج خير شر جدام ريلج وعطيهم طاف وخير يا طير عطتج ام زوجج بلوك ليش تنقهرين أحسن بعد بلا مراقبه وبلاوي تأخذين راحتج وخل تفرق منتي محتاجتلهم الله يخلي لج اهلج وأبوج وأمج وصدقيني ترا كثرت المشاكل مؤ زينه فلا تدخلين بمشاكل حتى لو كانت من أهل الريل عطيهم طاف وبسالفة الشقه لا تخلين أي مخلوق يسكن فيها وهذه حلالكم وبخصوصياتكم ما يصير تتنازلين عن حقج وان تكلمو مره ثانيه بنفس هالموضوع ردي عليهم ولا تستحين الحلال حلالكم وانتي مؤ راضيه مؤ غصب ! وخلج بعيده عنهم وعن شرهم كسبي ريلج أن شفتي أنهم يغلطون عليج لا تدرين عليهم بس بيني حق زوجج انج متضايقه بس عاد مؤ تبجين وأفلام ههههه لا يعني كشري شوي بس حسسيه انه الي قاعد يصير فيج هذا مضايقج ومو شرط تردين على مكالماتهم إذا مضايقينج اهم شئ زوجج يحبج وشاريج خليه اهو يروح بس انتي بعدي عمرج عن المشاكل وأشتري راحت بالج واستأنسي ولا تغثين عمرج حبيبتي

 

[دنيا الصدمات]

ما قلتي لنا موقف زوجج

بس اذا زوجج متفاهم وياج وياخذ برايج انا اقول ماله داعي تخافين منهم
والشقه شقتكم واذا هو راعي اصل ما راح ينكر هالشي مثل اهله

ومرت اخوه مالها حق تعيش على احساب غيرها الشقه شقتكم وكيفكم اتاجرونها اتبيعونها اتحرقونها كييفكم

ولا تنسين حبيبتي ان عند الله ما يضيع حق احد
بس قولي حسبي الله ونعم الوكيل في اللي ضالمج​

 

[seventy7]

من القهر ماقدرت ارد شقتج لا تتنازلين عنها

 

[متوترة]

لاتجيبين هدايا سوي نفسكم منفقرين وقولي كلتنا الدراسه ولاقدرنا ع شيء وسلمي
واجلسي نص ساعه واطلعي وانتي فعلا من خلال موضوعك قلتي ان دراستكم ع الله ثم ع الشقه الي مأجرينها
لاتجيبين لهم شي حبي واجلسي عادي وجنب زوجك واتفقي معاه قبل ماتنزلون من السياره الساعه كم تمشون
ولاقالت مذكرتونا بشيء بهديه شيء قولو الحال الله اعلم يالله قدرنا نغطي مصاريف الغربه والدراسه ...

ولان باين نوع خالتك من الي لاعطيتيها وجه كلتك بقشورك ........ واذا رجلك قال بنشتري هدايا قولي بكيفك والله
وخلي هو الي يقدمهم مو انتي عشان الاحراجات وزي كذا يمكن تقطها يمكن ماتفتحها وهكذا

بالتوفيق حبي وتذكري هي عجوز وكلها كم سنه وياخذ الله امانتها باذن الله وترتاحين

 

[جوري الصالح]

اللـــــــــــــــه يــــــــصبرج ويكفيــــــج شــــــــــــــــــــــرهـــــــم

 

[جوري الصالح]

عامـــــــــــليهم بالطيــــــــــــــبة وبــــــــأصـــــــــــلـــــــــــــــج

وكـــــــــــــبري بعــــــــــــين زوجــــــــــــــــــج لا يقعــد يخــــــــــــــــــــــاف منج ويـــــــــاخذ صورة مو زينة عنج

 

[زهرة الينبوع]

أنا أنصحج لا تكونين ضعيفه لهم واجههي الامور بقوه لكن امشي بالحق
لاتغلطين على اهله لو بكلمه
وراعي زوجج اهتمي فيه عيشيه بحب ورومنسيه

وأهم أهم زوجج بيني لهم لولا الله ثم هالشقه جان ما درسنا عشان ما يحطون عينهم على حلالج
ويختي سجليها باسمج عن القرقره وعوار الراس
ومرت حماج حسسيها ان محد له حق بحلال غيره بنغزه
صج ما تستحي اللهم نفسي وتاخذ حلال الناس؟؟؟؟؟
ليش انتي مستضعفه نفسج تقدرين تسوين اشياء واجد

لاتنطرين احد يدافع عنج
كل انسان قوي اذا حب يكون قوي
ولا تسوووين نفسج طيبه هدايا وتبوسين راسها ومدري شنو هذا اسمه استضعاف تخلينهم يزيدون ويستقوون عليج:eh_s(4)::eh_s(4)::eh_s(4):

سلمي وقومي بالواجب طبق حلو ويدج بايد ريلج وتقعدون نص ساعه صله رحم بعد منتو مقصرين فيهم وطلعي انتي وريلج مطعم او مول المهم لاتردون البيت على طول عشان مايفكلر بالاحدان وتصير بباله
والله يوفقج حبيبتي احتر قلبي عليج والله

 

[تتوفه]

الله يعينج قطعتي قلبي
الله يصبرج و يفرج همج حبيبتي
هذي مشكله الله العالم فيها

اعرف وحده كانت متزوجه واحد اصغر منها
و امه ماكانت راضيه لان البنت اكبر منه
وللعلم البنت تصير من اقرباءهم بس لانها كبيره عنه
كانت خالتها تغيير منها وايد و تكرهها
كانت الزوجه دايما تعامل خالتها بالحسنى
تخيلي كانوا الجناين اهم الغالين الحبايب
و تدخل فيهم و تدش غرفتهم بغيابهم و تفتش و كانت تحط اذنها على الباب لما ايييون للنوم
و كانت ماترضى ولدها اييب اي شي إلا ياغيب لهم تحت تاخذ الزين و تصعد الشين
و كانت لطلعت معاهم بر أو شاليه تقعد تطنز عليها و تحرجها جدام الناس
و تخليها تطبخ و تنظف
و كانت هالزوجه دايم ترد عليها بالطيب فكانت تحتر زياده
نفست خالتها لما ولدت لان خالتها كانت صغيره مو عيوز
بس تخيلي الوضع تزف بعيالها و تهينهم و تطقهم وولدها العزيز الغالي

دارت الايام من معامله البنت الطيبه للخاله صارت العزيزه الغاليه
و الله هالسالفه الزوجه نفسها قالت لي بلسانها
عورت قلبي بس بصراحه إذا جازيتي الاساءه بالاحسان انتي الربحانه
و اهم الخسرانين
خالت الزوجه تتشرق فيها و تقول اهي السنه و اهي العدله و اهي الخدومه و اهي الحبيبه
و كلما تشوف الزوجه تعبانه تبجي عليها و تزورها
مع الخاله قاااسيه انا اعرفها بعد و سمعنا عن شطانتها
بس سبحان مغير الاحوال
صدقيني خليييج انتي السنعه و انتي الطيبه و الحبيبه
ترى إذا نطرتي منهم شي مراح تخلصين راح تتعبين
و انا وجهة نظري من راي البنات اللي قالوا يبي هدايه لأهله
صدقيني الهديه تلين القلب قال الرسول صلى الله عليه و سلم " تهادوا تحابوا "
كافي ذكرتيهم و ماحبيتي ترجعين إلا بيدج شي
على سوء معاملتهم راح تكبرين بعين زوجج وتاخذين الأجر ...
ترى بيت الحموله كله حش و خس ووجع راس محد سالم حتى انا ...
بس عاملي بالحسنى صدقيني بتكونين الزينه


الله يوفقج حبيبتي ...

 

[حلم ميت]

بعد عمري بنات تسلمون ماقصرتوا
مامره جبت طاري اهله بالشين بالعكس على الكلام الي يقولونه لي ولامره سبيتهم قدامه
امه معترضه ليش اخذني. طيب احنا عطناهم الرفض وقالها ابوي له شوف نصيبك وخلي بنتي تشوف نصيبها
وصج راحت امه خطبت له واتفقوا على الزواج بس هو رفض وانسحب. ورجع لااهلي يدق على طول ان نبي نملج قريب
وهي بنفسهأ جات الملجة وكان تعامل تمام وقت الملجة بس بعد الزواج تغيرت تماما
الحمد لله. على كل حال
ننام مظلومين ولاننام ظالمين والله غاضب علينا

 

[كيوت للابد]

قومي بواجبج لا تقطعين عنهم سلمي ومريهم بالاسبوع مرة وخلج بالزينه دايما وحاولي توقفين معاهم بالحلوة والمرة

 

[جذابه بنت ذيابه]

خلج اطيب منهم روحي لهم واشتري هدايا للام وبناتها وخل غيرهم يحترون