يالله ياللي تسجد الناس لرضاه
ياوامر خلقه على حج بيته
تفرج لمن سده على الناس ما ابداه
راضي على مقسومك اللي عطيته
من شي يسل الحال والجسم يبراه
والناس ما يشفون ان ماشفيته
قلت آه واجرحاه من خلتي آه
وان حملوني حمل غي قويته
قالوا سفا بالحال ويش اللي اغواه
قلت آه ويش المنكر اللي وطيته
قالوا جهلت وبان علمك لمنهاه
قلت آه علمي يا ملا ما كميته
قالوا طلبنا لك من الله معافاه
قلت آه وحدته وعفوه رجيته
قالوا هله واحباب عينه نصحناه
قلت آه هذا وارد ما بغيته
قالوا ندور لك من البيض حلياه
قلت آه لو غيره بكفي رميته
قالوا نشاش العود مالك بلا ماه
قلت آه عود الموز بيدي لويته
قالوا تزوج كود تدله وتنساه
قلت آه لو اخذت اربع ما نسيته
قالوا من اقصى الناس وين انت وياه
قلت آه ما نسى يوم جاني وجيته
قالوا نشوفه عند هذا وهذاه
قلت آه عمره ما عقب حج بيته
قالوا عليل ناقل داه برداه
قلت آه بأقرابي وروحي فديته
قالوا نشير ولا نفع ما حكيناه
قلت آه هراج النمايم عصيته
قالوا كثر شيبك وقلبك بعمياه
قلت آه لو قلبي غرير نهيته
مطاوع قلبي بعجفاه وقداه
والى عطى منهاج درب عطيته
ياناس خلوا لكل وادي ومجراه
قلتوا كثير وقولكم ما لقيته
للشاعر .....عبدالله بن سبيل
أتمنى تعجبكم
ياوامر خلقه على حج بيته
تفرج لمن سده على الناس ما ابداه
راضي على مقسومك اللي عطيته
من شي يسل الحال والجسم يبراه
والناس ما يشفون ان ماشفيته
قلت آه واجرحاه من خلتي آه
وان حملوني حمل غي قويته
قالوا سفا بالحال ويش اللي اغواه
قلت آه ويش المنكر اللي وطيته
قالوا جهلت وبان علمك لمنهاه
قلت آه علمي يا ملا ما كميته
قالوا طلبنا لك من الله معافاه
قلت آه وحدته وعفوه رجيته
قالوا هله واحباب عينه نصحناه
قلت آه هذا وارد ما بغيته
قالوا ندور لك من البيض حلياه
قلت آه لو غيره بكفي رميته
قالوا نشاش العود مالك بلا ماه
قلت آه عود الموز بيدي لويته
قالوا تزوج كود تدله وتنساه
قلت آه لو اخذت اربع ما نسيته
قالوا من اقصى الناس وين انت وياه
قلت آه ما نسى يوم جاني وجيته
قالوا نشوفه عند هذا وهذاه
قلت آه عمره ما عقب حج بيته
قالوا عليل ناقل داه برداه
قلت آه بأقرابي وروحي فديته
قالوا نشير ولا نفع ما حكيناه
قلت آه هراج النمايم عصيته
قالوا كثر شيبك وقلبك بعمياه
قلت آه لو قلبي غرير نهيته
مطاوع قلبي بعجفاه وقداه
والى عطى منهاج درب عطيته
ياناس خلوا لكل وادي ومجراه
قلتوا كثير وقولكم ما لقيته
للشاعر .....عبدالله بن سبيل
أتمنى تعجبكم
