يانااااس ماني عارفة انا عندي مشكلة ولا الدنيا ماتسوى

[تفاصيل ابتسامه]

السلام عليكم






























..

مادري شاللي خلاني اتكلم اليوم واقول اللي بخاطري
مع انه مب صايرلي موقف معين ولا شي ..بس طرا على بالي موضوع وحبيت افضفض لكم

اولا بعطيكم لمحة عن نفسي
انا عمري 20 سنه .. ادرس بالجامعة .. علاقتي بأهلي بالبيت زينه بس مو حيل معاهم .. شخصيتي هادية ومرحة..
شكلي (لاتقولون شكوو اوصفه اهوو داخل بالمشكلة) .. الحمدلله كملامح ناعمه .. والباقي من شعر لبشرة كل شي تمام .. لاحظو ان شكلي عادي حالي حال خلق الله >> وسمعو مشكلتي

مشكلتي يابنات مادري من وين ابدا فيها

فالبداية في مرحلة المراهقة كنت واثقة من نفسي حييييييييييل وكنت محط انظار بنات المدرسة واهلي والكل يتكلم عني .. بعد مادخلت الثنوي لا تغييييييييييرت حيل وصرت هادية وفي حالي ومنزوية عن الناس وثقتي صفرررررررر ..
المهم ان قدرت مع العمر اغير من نفسي شوي شوي لين اوصل لدرجة اني استرجعت جزء من ثقتي ولله الحمد ..
صح في ناس ماتحبني او ماتتقبلني لكن بالمقابل في واااااااااايد ناس يحبوني ودوم وياي ..

بكتب مشكلتي بناءا على موقف انا ألفته بس هو طابع حياتي اليوميه وانتو قولو شنو الحل مع هالنوعيات من المشاكل

مــوقــف الجــامعــــــــة ..
الدكتور : منو منكم يقدر يناقشني بهالاجابة ..
انا :eh_s(2): (اعرف كل شي وساكته لاني ماتجرأ اجاوب ) ..
اطلع من المحاضرة .. ألاقي رفيجاتي
>> فرضا مو حاطة مكياج ..
فلانه : وييي شفيج كأنج مريضة ؟؟
انا : هااا لا قمت متأخر مامداني اتمكيج ..
اتم طول اليوم ماسكة المنظرة اشوف نفسي لين ماصدق ان شكلي غلط ..
الاقي بنت ثانية ..
البنت : هلا شخبارج .. امشي خل نقعد في الكافتيريا ..
انا : اي يلا عاد انا اليوم مالي خلق احضر شوفي شكلي كاني بنقالية صايرة >> شكووووووو اقول جي :lkmnkl:


المشكلة اني من كثر ما اطلع عيوب فيني ومب فيني وصلت لمرحلة ان الناس تجرحني وتهيني وتدوس على مشاعري

بنات والله ودي اموت ولا اسمع كلمة تجرحني .. مشكلتي ادري اني حيييييييل طبيعية بس ليش اكره شكلي جذييييييييه

ليش كانت ثقتي بنفسي مليون بالمية فجأة تحولت لصفرررررررر وقدرت ارد جزء منها لكن هالجرح ونتايج انعدام الثقة قاعدة تجرحني يوم عن يوم

بنات تخيلو ان مره كنت بعزيمة الا وحدة تقولي : طاااااااافج فلانة تقول انج تشبهين الممثلة ...............
آآآآآآآآآآآآآه لو تعرفون من هي !! بتنصدمون
لو اقدر جان حطيت صورتي وصورتها فررررررررق السما عن الارض
الكل قال لا كلش مابينكم شبه الا البنية تقول لا بس تذكرنا فيييييييج ..

ترا هالكلام بس من اللي حواليني وحاسين اني ماحب شكلي عشان جذي يتكلمون ويزيدون جرحي جررررررررح

ولا بحفلة رفيجتي لقيت وحدة تعرف خالتي وكنت اول مره اشوفها .. سلمت عليها جان تدز مسج لخالتي ان خواتها ماتوو علي ويقولون عني حلوووة .. توقعون شنو ردة فعلي ؟؟؟؟؟؟؟؟؟
قلت : اكييييييييد هم يتطنزون علي >>> بنات شكووو وحدة اول مره تشوفني ماعرفت خيري من شري تتطنز علي

كل مانخطبت قلت لاااااااااا ماااااااااابي كله خايفة الريال مايتقبلني :lkmnkl:
شنوووووووو ليش جييييييي والله اكتب لكم وانا اصيح
بنات انا قاعدة اضيع فرص من حياتي


سواءا في جامعتي ماقدر اتميز ولا ابين مستواي مع اني متفوووقة حييييييل واكثر من دكتور يشك اني اغش بالامتحان بسبب الاجوبة الدقيقة اللي اكتبها .. يقولي وينج فالمحاضرة مالج حس

في حياتي الاجتماعية .. ماقدر احسن من علاقاتي مع الناس ومنطوية وفي حالي ..

في الزواج .. كل ماتقدم لي حد قلت انا ماستاهل ولين شفت بنات انا اعرف ومتأكدة انهم اقل مني بالشكل وبالشخصية وعروسو اقول وانا لي متى ؟؟؟؟؟؟


بنات ساعدوني .. اذا تعرفون مشكلتي شنو ؟؟؟؟؟؟؟؟؟؟؟؟
انا ماعلمت حد بسالفتي لدرجة ان رفيجاتي اللي معاي بنفس النك بينصدمون ان قرو موضوعي لاني ولا مره شكيت لهم

 

[(*(*بنت شيوخ*)*)]

حبيبتي في ناس يارب لك الحمد بششعه مع هذا ثقتها بنفسها مو طبيعيه ومافي انسان واثق بنفسه مليون بالميه لان هو مو اله بس الواحد يبي هالثقه الموزونه
اختيدام انتي بقواج العقليه ومافيج تشوهات خلقيه فؤوثقي بنفسج لان احسن من ملايين من الناس

 

[ضحكتي هيبة بكاي]

حبيبتي بقولج مقولة خليها ببالج

( واثــــــق الخطـــوة يمشـــــــي ملكاً)

دامج مافيج عيوب والحمدلله ناس تمدحج يعني انتي تشوفين نفسج بصورة غلط عن الواقع

على فكرة في كتاب للدكتورة فوزية الدريع وايد حلو يتكلم عن الثقة بالنفس وهي تقول فيه ان الانسان فيه (الأنا) وهي حقيقته وفي (مفهوم الأنا) وهي صورة الانسان عن نفسه واللي دايما تكون غلط

انتي طالعي جوهرج انتي .. اشتري كتب .. ابتعدي عن السلبيين .. وحياتج بتتغير بأذن الله

 

[@البتووول@]

إذكري ربج وشوفي الكتاب مال فوزيه الدريع اللي قالت عنه >>ضحكتي هيبة بكاي

 

[manhattan girl]

حبيبتي اسمحيلي انتي ممكن عليج نفس من الاهل اللي اهم دوم حواليج اقري سورة البقره و داومي عليها و غلطتج و لا تزعلين مني انج تتكلمين جدام الكل ان شكلج مو حلو و انتي ما تدرين منو من اللي حواليج حاسدج و ميت قهر من جمالج الطبيعي و الغيره ذابحتهم من داخل فانتهزوها فرصه انج دايما تطلعين عيوب فيج قاموا اهم يحبطونج بزياده خليج واثقه من نفسج و جدامهم و داومي على سورة البقرة و ان شاء الله خير حبيبتي و لا تفكرين و كلما تشوفين نفسج بالمنظره قولي ( سبحان الله احسن في خلقي او تصويري) صدقيني يوم عن يوم بتلقين نفسج احلى من اليوم اللي قبله

 

[sereen]

لا ياقلبى ليش انتى مسويه بعمرج ان كان فى شى بشكلج مثلا اقوولج الله يعافى مراكز التجميل , بس هذا اللى انتى فيه عدم ثقه بالنفس ناتجه من اوهام فى راسج , بس بقووولج شغله مرات السمنه لها عامل هلى انتى مليانه تتوقعين هذا سبب اهتزاز ثقتج بنفسج ؟؟؟؟ حبيتى انتى من نفسج لا زم ساعدين نفسج محد بساعدج
شيلى الافكار السلبيه عن نفسج لا تصيرين اتشوفين نفسج اقل من غيرج وفيح وفيج , حتى الممثلات شوفيهم لازم على سنجه عشرا مايطلعوون بدوون ميك اب او رتوووش والشعر طايح او حسب المووضه واللبس نفس الشى انيق ومرتب
شوفى عمرى احنا البنات المظهر الخارجى تقييمه جدا كبير وياثر علينا , انزين اذا انتى حاسه فيج شى موعاجبح او موعاجب اللى حواليج ودايما ينتقدوووونه حوالى انج تحسنينه وطورينه ليكون شى ايجابى ,
بس ترى الشكل الظاهرى مو حل لازم انتى من داخلج واثقه انج حلوة انج مرحه انج محبوووبه عشان تقدرين تتعايشين مع الناس , ليس اتفسيرين اعجاب ناس فيج انها موجد ؟؟؟؟؟ شالللى اوحالج بالسلبيه هذى , انتى عقلج ليش انتى ظالمه عمرج و شوفى غيرج مستانس بحياته وهو اقل ميزات منج انتى , انتى ذكيه ليش ماتبين للكلاس ؟؟؟ ليش الحيا خاصه اذام افى اختلاط بالعكس برزى نفسج فى شى انتى ايجابيه فيه
بصراحه اذا انتى حاسه محتاجه احد يعلمج شلون تلبسين مثلا او تتمكييجين مافيها شى دخلى دورات , ترى كلنا مافينا كمال بس نطمح للكمال هذا بنى ادم طبع فيه
ترى والله انتى فيج اوهااااام , لا تخلينها تقضى عليج حرام انتى مو اقل من غيرج ولا فيج اعاقه ممكن تقلل منج , الله معطيج اللى وايد غيرج يتمنووونه لا تصيرين دقيقه بكل شى
الله وياج عمرى

 

[عبااير]

تدرين انا قبل فتره كنت نفس حالتج تماما ....كنت خجوله...احس ان فيني شي غلط احس دايما كحلي خربان او شيلتي معتفسه او عباتي مو شي ....ممكن اكون اعرف جواب السؤال المطروح بس اخاف اجاوب ...اذا اختلفت بالراي مع احد وانا متاكده ان اللي اقوله صح وهو غلط اسكت وعقب فتره يبين لهم اني انا صح ومع هذا سااااااكته
بس عقبها ادبت ففسي عدللللل هههههههههههههه
عرفت ان بهالزمن مايعيش الا الانسان اللي عنده شخصيه ولازم يكون واثق من نفسه وانتي بعد سوي مثلي ترى ماكو طبيب يقدر يخليج واثقه من نفسج ولا مركز تجميل يقدر يخليج حلوه ...كل شي بيدج انتي
وموفقه ياحبي

 

[حنوووونهـ]

العيب مو فيج العيب بلاشكال تالي انتي تعرفينهم ليش اذا مااحط مكيااج يعني مريضه !!! صج الزمن تغير
خلي ثقتج بنفسج عاااليه والجماال جماال الرووح خلج مرحه وتقربي لامج اكثر وفضفضي لهاا مايريحج بالجوااب الي هي
موووفقه وترى العيب بالبشر وانتي خل يكوون لج رد اذا تحجوو جذي لاتسكتيين

 

[al7b '7ald]

سمعي من اذن وطلعي من الثانيه
دام انج كنتي واثقه من نفسج ولاغلبيه يمدحونج ليش تهتمين حق الا ينتقدج
خلهم يولون أهم شي ثقتج بنفسج

 

[نسايم عبير]

تدرين شنو احلى شي فيج

انج مو حابه هالاحباط اللي قاعده تمارسينه مع نفسج وغير جذي حاسه ان في شي صار غلط غير ثقتج بنفسج من 10 لي الصفر

يعني العلاج سهل..لانج كنتي توب وصرتي داون
يعني مجربه التوب والثقه بالنفس وفجاه تغيرت هالثقه ...احلى شي على قولة دكتوره فوزيه الدريع ان الانسان مهما تكون فيه عيوب يفتخر ويمدح بنفسه..ولو من باب التجربه امشي على هالخطوات

الي تقول شفيه شكلج جذي صاير: قولي وييييي سمالله علي شفيني مثل البخت بمكياج ولا من غير مكياج
ولي تقولج شفيج كاته المكياج :قولي احب اكت المكياج كت بيتنهي صلاحتيه وبخلصه وضحكي هههههههههههههه

يعني اخذي اي شي بضحك وفشلي اللي جدامج

بقولج مثال على هالشي
عندي بنات خالتي اذا رحت عندهم ومو حاطه مكياج قالو لي شفيج جنج عجوز اقولهم مالي خلق الطخ مكياج
واذا رحت حاطه مكياج قالو شفيج رايحه عرس

عاد مره عصبت عليهم قلت انتم ما يعجبكم العجب اذا حطيت عيبتوا علقتوا واذا ماحطيت هم علقتوا
تدرين بعدين شسويت قمت اعاملهم نفس الشي اذا شفت وحده فيهم شكلها غلط قمت اعلق وحرقتهم حراق بالتعليقات عالبس عالمكياج معني اعزهم واحبهم من بعدها والله انطمو

يعني اي وحده تعلق عليج اخذي التعليق بروح الفكاهه اي شي يطري على بالج قوليه وضحكي بعدها ودايم دايم امدحي نفسج حتى لو ويهج كله شعر ومو حافته...كل ماتمدحين بنفسج راح ترتفع ثقتج بنفسج

بالنسبه لخجلج من المشاركه مو شرط دام انتي فاهمه وتقديمج للامتحان والواجبات زينه وممتازه الدكتور راح يعرف انج شاطره
والخجل تراه نعمه لا تنغثين منه

شوفي حبيبتي اي شي لازم يكون صعب بالبدايه يعني لو مره تتحدين نفسج وقولي راح اشارك واقط ويهي بالاجابه راح تحسين الموضوع سهل
مره ورى مره راح تحسين ان الامر سهل عليج

اهيا بس يبي لها كسر الحاجر بالتحدي

وهالشي تلاقينه مو بس بالجامعه ادري..اكيد ماتقدرين تفتحين حوار مع جمعات البنات او اذا كنتي بمكان عام وودج تسولفين مع احد تستحين
وتخافين ان محد يجاريج وتتفشلين..عادي ترى الهدوء والخجل حلو

مثل ماقلت لج اقهري خجلج بانج قولي بجبر هالمره اتكلم او اجاوب واللي فيها فيها شنو بموت ..اذا صابت معناتها نجحت وكسرت الحاجز وان خابت ..غلطه وياكثر غلطاتي عادي اهم شي انها مو اثم

بالنسبه للزواج اهني عاد وقفي
شنو محد يستاهلج..من قالج الجمال اساس الزواج
والله اعرف بنات هنديتنا احلى منهم ومتزوجات..لا توفين مستقبلج عشان سالفت الجمال
وكافي انج انتي تمدحين بنفسج وشكلج
يعني انتي واثقه انج حلوه او مقبوله بحد كبير..والحين يالله من فضلك البس والمكياج يضبط الشكل

ونصيحه مالج شغل بكلام البنات والحريم
ترى اي وحده تتكلم فيج محتررررررررررررررررره منج صدقيني لانج لو ما اثرتي فيها ماراح تتكلم من وراج
لونج اقل منها جان طنشتج صح كلامي ولا لأ
بس لانج فيج شي عجبها واحترت منج تكلمت عنج...ولا تستغربين حتى اقرب الناس يحترون منج
غيرة حريم بنت الخوات وبنات الخاله والرفيجات

انتي مافيج شي ومافيج الا العافيه
ديري بالج تقولين انا فيني شي ومريضه ومادري شنو
انتي بس مع كبر عمرج خفت عندج الشقاوه والجرءه وقمتي تستحين

انتي حلوه واحسن منهم..وطالعي نفسج بالمنظره قولي ياحلوي وامدحي نفسج دايم حتى لو تدرين ان شكرج كشه واياني وياج تحبطين بنفسج تقولين شكلي غلط وشعري غلط لبسي غلط

لا كل شي صج بس الناس اهما ذوقهم غير ذوقج واهما غلط

اتمنى اني اني ساعدتج وسامحيني عالاطاله

واذا صار تغير على حالتج بلغينا خل نفرح لج

 

[الغدق]

مرات أكون حدي ثقة اطلع من البيت بدون نقطة مكياج وحواجبي مو مسويتهم
لا وأنا منقبة بعد وأخذي بالتعليقات بس اقولهم كيفي مالي خلق
وبعدين المرا اللي تعرف خالتج وقالت انهم ماتو عليج وقالوا أنتي حلوة
المفروض هالشي يعطيج دافع أنج اتزيدين الثقة بنفسج
وانا قبل كنت جذي تخيلي الكل يقولون أن بنات عماتي أحلى مني
وبنت عمي أحلى مني مع أني اشوفها مو حلوة صح بنات عماتي حلوين
بس اهي مو حلوة وأمي محطمتني كله اتقولي اهم أحلى منج
لدرجة أني كونت فكرة عن نفسي أني جيكرة وموحلوة
بس لما كبرت شوي ودشيت الجامعة وتعرفت على رفيجات غير
الكل يقولي أنتي حلوة لدرجة لما اروح عروسهم واكون بس لابسه عبايه وملفع و
موكاشخه عدل كلهم بعد العرس يقولون حمولتنا ماتوا عليج ويسألون أنتي من بنته
هالشي ونسني

بس أنتي لا اتركزين أكثر على سالفه أنتي حلوة والا مو حلوة
حاولي اتركزين على الاشياء الايجابية اللي فيج أنتي متفوقة
اسلوبج حلو عندج رفيجاتي اهلج يحبونج أي شي ثاني شغلي نفسج فيه

 

[مـيـراس]

انتي انسانه متواضعة وطيبه وما تحبين تمدحين نفسج
بس نصيحة لا تحقرين عمرج ولا تطلعين عيوبج ترا الناس اللي حولج ذيابة ومو كفو تطلعين وتذمين نفسج عندهم راح يقولون انج مو واثقة من نفسج وخبلة وانهم راح يتمادون باهاناتهم لج

ترا حلاة البنت ثقتها بنفسها وخليج دايما رافعه راسج فوق ومهما كان لا تحقرين نفسج واي احد يحاول ايهينج طلعي لسانج وتحجي ووقفيهم عند حدهم ترا الزمن هذا ما يبي الللي مثلج

انا ما اقول انغري بنفسج لا
انا اقول خليج واثقة من نفسج ولا عليج منهم

هذي فترة وراح تعدي

بس مع الايام لا تطلعين اللي بقلبج لهالناس

وخليج ساكته وطلعي الكلمة موزونه

فاهمة علي