يالي عندج طفل عمره شهر, سويتي له سونار الحوض؟

[حمرة الورد]

الحمدلله علي كل حال هذا الخاص قطيعه بالسوالف هذي ماودي عيالي لهم بس ميخالف حبيبتي ان شا الله سهاله نفس ولدي والحين ماشا الله عليه مافيه شي لا تحاتين وربي يحفظها لج ولبوها يارب

 

[Espinoza]

الله يشافيها ويصبر قلبج اهو شي صعب اكيد بس هذا حق مصلحتها وان شاء الله ماتحتاج العملية

اهو صح اذا كان الحوض وضعه شوي رخو يلبسون حفاضتين بس الظاهر اللي عند بنتج كان وايد والمستشفى ما جيّك


الله يشافيها

 

[نور و نار]

عورتي قلبي والله .. حاسة فيج يا عمري والله ... الله يشفيها ويعافيها ولا تحتاجين عملية ولا شي .. وأسأل الله العظيم أن يهون عليها وعليج هالفترة
حسبي الله على المستشفيات الخاصة ما همهم الا شفط الفلوس ,، بس تصدقين عاد الشرهة مو عليهم الشرهة علينا اللي مشينا سوقهم و سوينا لهم قيمة ... عورتي قلبي والله ما تلامين

 

[q8 knosha]

الله يشفيها حبيبتي

وانا سمعت بهل شغله بعد ماكبر ولدي

وقالتلي بنت خالتي سويتيله قلت لا وقالتلي لازم ومايصير عشان تتطمنين ويعالجونه صغير اذا فيه شي لاسمح الله

بس الحمدالله مافيه الا العافيه وماكان عندي خبر بهل فحص

وعندي وحده من رفيجاتي جذي مسكينه بنت اختها حاطيلها جهاز مثل حديده او شي جذي
يركبونه جنه من يصير عمرها 6اشهر

 

[باقة ورد]

انا سالفتي مثلج بالضبط بس انا توأم ولدتهم باول الثامن كان وزنهم كيلو و 300 جرام و تموا بالحضانه شهر ولما خذيتهم البيت صرت اتابعهم كل شهر عند الدكتور مازن العيسى وطلب لهم وايد فحوصات سونار للراس وفحص شبكية وغيرة بس للاسف ما نبهني على السالفة الحوض ولا طلبها وانا ماكانت عندي اي فكرة عن هالشي و بالشهر السابع مادري الثامن قررنا ان انغير دكتورهم لان مواعيده خايسة و رحنا عند الدكتور خالد السعد برويال حياة ومن اول زياة قال لنا في الزيارة القادمة بعد شهر لا تيون بدون اشعة الحوض بتاكد ان مافيهم خلع لان الخدج يكونون معرضين لمشاكل الحوض اكثر منهم و حولنا عالرازي و بين ان وحدة معاها ضعف بنمو الحوض وقال الدكتوران انتوا وايد متاخرين المفروض من عمر الاسابيع تلبس بامبرزين عاد انا انصدمت ومو مستوعبة وقعدت سبيت ولعنت بمازن العيسى الفاشل لو طالب الاشعة من قبل كنا لحقنا عليها تخيلي حطينها بالجهاز و هي بعمر 8 اشهر يعني تبي تقعد و تحبي و تزحف و تلعب بس الجهاز مانعها تعبت بالبداية وايد و كانت تبجي و بس تبيني وبالليل كنت انومها بحضني تكسر خاطري المها وانام يالله تسكت بس ما اخفي عليج انها مع الايام تعودت عليه شوي و تاقلمت معاه ..وبالمراجعة مالتها بعد شهرين دكتور الرازي قال بعد ما شاف الاشعة انها خلاص طابت و ماتحتاج شي وكنت مستانسة و طايرة من الفرح وبعد جم شهر قامت تمشي و كل شي طبيعي.....لكن الطامة الكبري اني في يوم من الايام شكيت بريل اختها التوم ان القدم كان فيها انحناء للداخل فقلت لابوهم بوديها الرازي اسويلها اشعة اتطمن عليها و هناك مادري شنو اللي خلاني اقول للطبيب ابي اسوي اشعه لهم ثنتينهم مرة وحدة وبالاشعة بين ان البنت لا طابت ولا بطيخ و ان الضعف لي الحين مو جود وعظمة الفخذ قاعدة تنمو بالغلط!!!!
تخليلي غباء دكاترة الكويت الخاص و الحكومة ضيعوا البنت اول مرة ماهتموا بالاشعة و المرة الثانية قالوا طابت و اهي لا طابت ولا شي...
خذيتهم ثنتينهم وديتهم الرياض عند دكتور بروفسور هناك متخصص بهالحالات و مشهور وقاعدة اتابع معاه ..وقلت توبة اشوف اي طبيب عظام بالكويت ..
نصيحتي لج بعد ما تخلصين من فترة الجهاز ودي اشعتها عند اكثر من دكتورولا تعتمدين على دكتور واحد...الله يشفيها يارب و يشفي بنتي ويعيننا

 

[^noonaa^]

حبيبتي الله يشافي بنييتج يارب وان شاءالله ماكو الا كل خير وباذن الله بتصير زينه هذي فتره صعبه واتعدي ان شاءالله وباجر ابتذكرينها
ومدام انها توها صغيره وعظمها طري ان شاءالله تتقبل العلاج

وحمدي ربج انه اكتشفتي هالشغله الحين واهي صغيره

والله يشافيها لج ويبلغج فيها عروووس

 

[iTaLiyA]

حبيبة قلبي بنت اختي
الله يشافيها يا رب عاجلاً غير آجل و يبلغنا فيها تمشي و تركض مع عيالي
و اكت عليها احلا نون حبيبتي والله

 

[ScarletteO'Hara]

ام الحلوات
الله كريم
ما تقصرين على الدعاء حبيبتي

دلولي
اللهم آمين
تسلمين على المرور حبيبتي

ورود خذلتها العاصفة
يا رب الله يشافيها حبيبتي ما تقصرين

mednight rain
الللهم آمين
مشكورة حبيبتي على المرور

 

[ScarletteO'Hara]

لمار
اللهم آمين حبي ما تقصرين

om firas
هذا السوار جدا ضروري لان حالات الخلع عند المواليد وايد منتشرة
تخيلي ما بين كل عشر اطفال طفل واحد يكون مصاب فيها
في بعض المستشفيات الخاصة يحلونج تسوين هالسونار اجباري حق المواليد
تسلمين على المرور

الحالمة
مشكورة حبيبتي على المرور و الله يخلي لج مولودج يا رب

نارنجة
اهم يسوون السونار بسن الشهر لانه ما يقدرون يسوون للمواليد اشعة
انا لما صار عمر بنتي 4 شهور دكتور مستشفى الرازي قال انه مسموح لها الاشعة فماله داعي السونار
و يستحسن انه تسوون الاسونار لما اعمار عيالكم شهر عشان تعرفو بوجود المشكلة مبجر
مو لما الياهل يكبر و ينشي و يعري عرفتي شلون؟
عشان جذي وايد ضروري السونار
تسلمين على المرور

انجبر قلبي
غريبة شلون قالوا لج مو ضروري؟؟؟
الخلع وايد دارج بين المواليد و افضل شي اكتشاف هذي الحالة مبجر و الحوض في طور النمو
عموما منتي خسرانة شي حبيبتي روحي الرازي اهم يفيدونج اذا ينفع السونار و لا الاشعة
ان شاء الله بنيتج ما عليها الا العافية يا رب
بس الاحتياط واجب خصوصا و انه بالبداية مستحيل تشوفين اعراض للخلع او الرخاوة
الاعراض تبين مع المشي بأن الطفل تكون له ريل عوية او ريل طولها طبيعي و الريل الثانية اطول او اقصر

ام نيرما
الحمدلله انج تطمنتي على ولدج
ان شاء الله يا رب الله يطمنني على بنتي
ما تقصرين على المرور

espinoza
اي حبييبتي صاجة لانه في حالات ممكن الحفاظتين ينفعونهم
و عموما بالسونار يبين لج انه في مشكلة بالحوض بس ما يبين فيه اذا خلع او رخاوة
هذا يبين بالاشعة
عشان جذي انصح كل ام تكتسف من بعد السونار انه في مشكلة بالحوض انها تروح الرازي على طول لا تعتمد بس على الحفاظتين
تسلمين على المرور

نور و نار
اي و الله صدقتي ركضت على الخاص على ابو انهم اشطر من الحكومة
غلطة ان شاء الله ما اكررها مع عيالي الثانيين اذا الله رزقني
يزاج الله الف خير على الدعاء حبيبتي

q8 knosha
الحمدلله ان الله طمنج على ولدج
و الجهاز الي على بنتي اغلبه بلاستيك و حبال و فيه قطعة حديدية صغيرة
و مو صحيح انه يلبسون اليهال الجهاز لما يصير عمرهم 6 شهور
الدكتور قال لي انه ممكن يلبس الطفل الجهاز لما يصير عمره شهر
اصلا لما وديت بنتي مستشفى العظام عشان تلبس الجهاز المريض الي دش بعدها كان ولد يا عمري يمكن عمره شهر للحين بمهاده
الله يشافي بنت رفيجتج و بنتي يا رب

باقة ورد
امبي عورتي قلبي على بنتج الله يشافيها
صج الغلط وارد سواءا بالخاص او الحكومة
انا سمعت ان هالحالة وايد دارجة مع التوأم
و انا بعد ان شاء الله ناوية من بعد ما اتأكد من اشعاتها اني اوديهم الرياض و دبي بعد عشان اتأكد من الكلام الي يقولونه لي الرازي
و حتى بعد اختي قالت لي ادز اشعاتها بالايميل حق دكاترة مختصين بألمانيا و اوكرانيا و بعد التشيك
الله يشافي بنتج و بنتي يا رب

noona
الحمدلله اني فطنت على حالة بنتي و اهي صغيرة
ما تقصرين حبيبتي على الدعاء

italiya
ان شاء الله يا رب
منى عيني اشوفهم قالبين البيت فوق روسنا حبايبي
الله يحفظهم كلهم يا رب
حبيبتي ناطرة احلى نون من خالتها حبيبتها

 

[ScarletteO'Hara]

up
up
up

 

[PinkLulu]

الله يصبرج ويشافيها يا رب

لا تحاتين كل شي صار علاجه سهل وفي وايد نفس هالحالة وتعالجوا

توكلي على الله واستمري على العلاج والله يشافيها ويبلغج فيها​

 

[ام كوثر2007]

عسى الله يشافيها لج يارب ولا يحرق قلبج عليها يارب


طمنينا شيصير وياها حبيبتي .. وان شاءالله ما عليها الا العافيه

 

[ScarletteO'Hara]

ام كوثر و pinklulu
ما تقصرون على المرور حبايبي عسى الله يخلي لكم عيالكم

خل اقول لكم الحين شصار مع بنتي
لبست الجهاز من ثلاث اسابيع مسكينة حيل اذاها و اول جم يوم كانت ما تقدر تنام بسبته بس تغفي مجرد ا تحاول تحرك ريولها و يستصعب عليها هالشي تقوم من النوم تبجي بجي
بس اشوة تعودت عليه
لما وديتها اول موعد و سوينا لها اشعة و اهي لابسة الجهاز كان مبين انه مافي اي تقدم من لبست الجهاز
فالدكتور قال نعطي الجهاز فرصة بعد اسبوعين يمكن يصير تحسن معاها
عموما يوم الالربعا الي طاف وديتها الموعد و هم سوينا لها الاشعة و للاسف ما صار معاها اي تقدم كلش
الدكتور قال لي ان البنت حاليا قاعدة تتعذب من الجهاز فجدامي طريجين
اني استمر بالجهاز مع عدم وجود اي تأكيد ان العظمة بترد مكانها مع احساس بنتي بالضيجة فترة اطول
او اني خلاص افصخها الجهار و اتجه نحو طريج العلمية
و من بعد ما اخذت راي الدكتور نصحني بطريج العملية الي يفترض انهم يسوونها لها لما يصير عمرها سنة و نص ان شاء الله
الحمدلله على كل حال
الي مهون علي سالفة العملية انها خلاص افتكت من الجهاز الي كان مأذيها
و الله يصبرني يوم ما تدش بنتي غرفة العمليات
الله يشافيها و يشافي كل مريض يا رب

 

[ScarletteO'Hara]

up
up
up

 

[~LiBrA~]

حبيبتي الله يشافيها يارب
وصج موضوعج يا بوقته انا اليوم موديه بنتي سويتلها السونار وللاسف طلع فيها خلع وعورني قلبي عليها والحمدالله اني سويته لها وتأكدت
الدكتور قالي انه بسيط وقالي البسها حفاظتين بس للامانه عطاني تحويل حق مركز شيخان الفارسي تبع الرازي عشان اكمل مراجعات عندهم
للعلم انا والده بدار الشفا وهذا دكتور اطفال اهناك قالي اروح يعني ماحولني علا قسم العظام عندهم
وانشالله ياخذلها موعد وبشوف شيصير عليها

الله يشافي عيالنا ويحفظهم من كل شر

 

[a-a-alrajhe]

الله يشافيها وبخليهل لج وتشوفينها عروووس

 

[mama-dodo]

الله يشافيها يارب
ويخليها لج. وتفرحين فيها وتشوفينها عروس

 

[om MaRyooM]

موضوعج وايد مهم ويوعينا كلنا

انا صار معاي نفس الشي وخرعوني الخاص قطيعه .. رحت علطول عند خالد السعيد قالي فصخيها البامبرز
ماله داعي حفاظتين .. لأن احتما لحالتها تسوء واهي مافيها شي

نطري لما يصير عمرها شهر ونتاكد والحمدلله تاكدت وماطلع فيها شي والخاص وقفو قلللبي .. بس حولونا مبارك والحمدلله طمنونا



انتي عموما لاتحاتينها وايد .. ترا سهالات والله العظيم

عيشي حياتج طبيعية واستانسي واهتمي فيها .. السالفة بسيطة باذن الله ويوم يصير عمرها سنة لكل حادث حديث


عسى الله يشفيها ويحفظها لج آمين

 

[وتين قلبـي]

الله يخليها لج ويشاافيها يارب
لاتحاتين تراه شي طبيعي الخلع والحمدلله جت على جذي والعمليه سهالات ياكثر اللي سووها والحمدلله مافيهم الاالعافيه الحين يركضون جنهم البخت اسم الله عليهم

بتنج بعمر ولدي بضبط
لما كمل ثلاث شهور سويتله موعد بشيخان الفارسي محد قالي انا من نفسي رحت لان سالفه الخلع حييل منتشره قلت بجيك مع ان ولدي مافيه شي
ودخلت على الدكتور وسواله اشعه وطلع فيه خلع برجوله اثنتين انصدمت والحمدلله عاد قال لبسيه جهاز وصج تأذى حيييل منه بس يبجي يبجي والحين تعوود عليه وعنده موعد اخر هالشهر يسوله اشعه والله يستر جان مايمددون الجهااار حدي احااتي


ادعووله ان الله يفكه من شر هالجهاااز ويرتاح المسكين

 

[ام رينـاد]

الله يخليها ويشافيها لج يارب