يالي تشترون من المنتدى تعالو

[عاشقة-الكفيل]

اللهم صل على محمد وآل محمد


السلام عليكم بنات شلونكم شخباركم ..!!

امبيه حدي متنرفزه قبل فتره نزلت موضوع اني كنت ابي جناط ماركه ووحده من الخوات عطتني موقع تاجره وقالتلي ان بضاعتها طبق الاصل حتى البوتيك يقولون ان بضاعتها اصليه ومايفرقون انها تقليد وعن تجربه في ذمة الاخت الي راسلتني .!.
استانست ودقيت عليها واستفسرت قتلها هل فعلا ان بضاعتج طبق الاصل وماتفرق عن الاصليه ..!!
طبعا عطتني الشمس بيد والقمر بيد وقالتلي ايي ..
قالت الفرق الوحيد ان الاصليه شوووي اثقل ..
استانست واتشققت وقتلها توكلي على الله مدام نفس الكواليتي عيل ليش اقط فلوس دبل والفرق بس الوزن ..!!
عطيتها عربون 150 دينار
وللعلم كنت طالبه منها جنطتين ..
وقالت انها تطلبهم من موقع برى ..
ثاني يوم جان تقولي ان وحده من الجناط وصلت بس الثانيه لا ليلحين ..
استغربت مو معقوله في شركة شحن توصل بيوم واحد صعبه حيل ..!!
طوفتها ونطرت اسبوع ثاني جان تدزلي مسج ان جناطي وصلوو ..
دزت المندوب واستلمت منه الجناط ..
وآآآآآآآآآآآخ من اللي شفته ..!!
وحده من الجناط سحابها مايتبطل ويتسكر ..
والثانيه يدتها حمره ..!! << شكو الاصليه اوف وايت ..!!
ومن داخل البطانه حاطتلي خام مشير مالوت اقتصاد منزلي اللي كنا نخيط فيهم جياس قرقيعان بالمدرسه ..!!
دزيتلها مسج وقتلها شنو هاذا ..!!
هاذا طبق الاصل ..!!؟؟
هاذا اللي الفرق بس بالوزن ..؟؟
هاذا الي البوتيك مايفرقه عن الاصليه ..!!؟؟
انا زوجي اللي مايعرف بهالسوالف خير شر قال ويع شنو هالجنطه وشالسحاب ؟؟
المهم اهني اتغير الكلام وقالتلي هاذا تقليد هالماركه عند كل التاجرات جذي
قتلها مابيهم شلون ؟
جان تقول اسفه الشركات ماراح تردلي فلوسي وانا ماقتلج اني ابيع اصلي ؟؟
ولا قتلج انها ماتفرق عن البوتيك .. :|
اهني من شفت اسلوبها اتغير قلت هذي ماتستحي ..
جان اقولها مو مشكله هاذا درس لي انا عشان ما اشتري من حيالله تاجره وخافو من ربكم ترى الله فوقكم ..!!
انتي قلتي مايفرق الا الوزن والجناط من فوق لي تحت فرق عن الاصلي ..!!
وانا بروح اشتكي بحماية المستهلك واهم يقولون الحق مع منو ..
اهني ماتت خرعه جان تدزلي انا عشان هالايام الفضيله برد فلوسج وماله داعي هالكلام
(( هين عشان الايام الفضيله ولا ميته خرعه من حماية المستهلك قاعده تنصب عالناس واساساً ماعندها رخصه .. جان تبهذلت ))
المهم قتلها اوكي باجر طرشي المندوب ياخذ الجناط ويرد الفلوس ..
ثاني يوم دزتلي مسج تقول ان المندوب بيت الاغراض الساعه 9 وعطيه حسابه 5 دنانير << شكو
قتلها اوكيه وفعلا صار ورديت جناطها وخذيت فلوسي وعطيت المندوب 5 دنانير ..

ثاني يوم وانا طالعه مع زوجي كنا بنودي تلفون الخدامه مجمع منيره عشان يصلحه
انا قتله مابي انزل ماحب هالاماكن .. راح نزل بروحه
جان يدق علي قالي تعالي بسرعه طفي السياره ونزلي بوريج شي ..!!
يوم نزلت ..انصدمت يابنات ..!!
كل الجناط التقليد الي قاعده تنباع اهني على 70 و80 و90 اهناك تنباع على 14 دينار ومع المكاسر ينزلج يسويه 10 ..!!
ريلي قالي بذمتج مو كواليتي احسن من الجنطه الي يابتلج ياها هذيك النصابه ؟؟
دشيت المحلات وقعدت اسأل البياعين قتلهم شلون البياعه عندكم ؟؟
في ناس يشترون بالجمله ؟؟ لاني شكيت ان كل البضايع الي قاعده تنباع بالمعارض وبالمنتدى من هالاماكن
قالي اي في حريم اتعامل معاهم ويشترون كميات
قلت عدل اشكره بعض التاجرات يسون جذي واحنا ياغافلين لكم الله
بنات انا مابي اطيح سوق احد بس والله اني اول مادشيت ذاك المجمع اتذكرتكم واتذكرك مواضيع بعض التاجرات الي يبيعون تقليد على 90 وفوق
مابيكم تعلقون على الموضوع بس ابيكم تروحون وتشوفون كلامي بعيونكم ..!!
في محل اسمه برينس او نبراس ماتذكر دشوه وشوفو طبق الاصل اشلون عنده وعلى 14 ..!!
وربي كواليتي احسن من الي شريته من ذيك التاجره ودفعتلها 200 دينار ..!!​

 

[monmon12]

ايه انا مادري اشلون تشترون من اي احد بالنت

ووااايد على تقليد 150 امبييه ما يخاافون الله

 

[يازمان العجايب]

رد : يالي تشترون من المنتدى تعالو

هذا درس عشان ماتشترون على الكلام الحين الناس مومثل اول بس يهمها الربح
انا ولابعمري وبحياتي شريت تقليد

 

[مــســك]

عشان جذي ما احب اطلب من المنتدى ..


وشتسووين الحين مابيدج حيلة ..:/

 

[حورية العتبان]

رد : يالي تشترون من المنتدى تعالو

حسبي الله ونعم والوكيل

 

[جوك احلى جو]

الله يعوض عليج ان شاءالله

 

[&جامعيه&]

رد : يالي تشترون من المنتدى تعالو

ماشريت ولا عمرى بشترى
ماحب اشترى شى الا اشوفه بعيونى
ويسلموو حبيبى اهم شى خرعتيها وخافت

 

[bitter-sweetness]

رد : يالي تشترون من المنتدى تعالو

اي عشان جذي انا ما اثق فيهم
مشكووووره عالتنبيه

 

[bal8es]

الله يعوووضج حبوووبه بصراحه انا مستحييل اجازف يهالسالفه
يعني اشتري من المنتدى حدي 20 دينار ما اشتوي شي غالي لن لو طلع حي الله مو حسافه ال 20

قاااالوها التجاره شطاااره بس الله يسااامح النصابين
وبقولج شغله انا اموووت على شغل اختي ام خالد << نكها احب الكاكاو بصراحه خوووش وحده
يشهد الله ماااعرفها غير عن طريق المنتدى بس اسلوووبها عسسسسل وشغلها مضموون

هاذي مو دعااايه لها والله انا ماعرفها شخصيا بس اهيا بقمه الاحترام والادب

ومره ثانيه لا تعاملين مع اي وحده الا لما تشوفين اهيا شنو كلام العضوات عنها شنو اخذي اكثر من راي مو راي وااحد

 

[الإسراء]

إي والله حتى آنا ساعات ودي أجرب أطلب أشياء ..
بس أخاف ..

 

[خاب ظن الشوق بك]

رد : يالي تشترون من المنتدى تعالو

انا التقليد كله مااحبه

استغرب انه في تقليد ب 70 و 80 و100

اروح اشتريلي ماركه احسن من التقليد اذا التقليد ب 100 :| ازيد عليهم 50 وفي جناط ماركه تهبل ب 150

 

[حسآويه]

رد : يالي تشترون من المنتدى تعالو

بعد عمري الله يعوضج إن شاء الله ...
الحمــد لله ماعمري اشتريت من النت ​

 

[قلب - ساهي]

رد : يالي تشترون من المنتدى تعالو

حبيبتي ماعليه هذا درس لج وحمدي ربج ما خسرتي وردت لج فلوسج
ياما صارت فيني بس الواحد يتعلم من جم قرصه ..

 

[فخر البداوه]

رد : يالي تشترون من المنتدى تعالو

ما قصرتي حبيبتي .. كل كلامج عدل مسوين فيهاااا انهم هم الي يعرفون في التجااارة والبيع


رووووووحي ززززززززززززززززين

 

[الفدعى]

زيديها جم فلس واخذي الاصليه وكد ومد ولاتفشلين نفسج بجناط تقليد والله

والحمدالله انها ردت لج فلوسج

 

[أم حمودي**MALL**]

يا بنات لازم نسمع من الطرفين
ترى صج في جناط تقليد غاليه على 70 و80 بس الكواليتي تفرق
انا ماشفت اللي صاحبة الموضوع خذتهم ولا شفت اللي تقول عنهم بالمحلات بس ما يجوز الظلم
عشان جذيه لازم نسمع من االطرفين

 

[ЄŊg.Đσ`3Ч]

الحمد الله قرصه تعلمتي منها :>:>

 

[أسيرة_أحزاني]

رد : يالي تشترون من المنتدى تعالو

انا بفهم نص هالتاجرات عبالهم ماعليهم حسيب ورقيب ؟؟؟؟؟؟؟؟

المشكله مو بس انتي تشتكين

ستين الف بنت قبلج منزله نفس الموضوع

وانا هم جربت اطلب والمشكله تقليييييييييييد وتعطيج اياه بسعر الاصلي ماتفرق الا جم دينار ! والله قهر اصلا مايسوى

وخلييييها البضاعه عندهم اطيح بجبدهم لمن يعرفون ان الله حق ووالناس مو لاقيه فلوسها بالشارع

ويذكرون انه الله رقيب عليهم

الوحده تبي تاكل وتلبس بفلوس فيها بركه

موو تضحك عالعالم ومستانسه بهالجم فلس وتنسى اخرتها

 

[Dr.Nouf]

؟؟ لاني شكيت ان كل البضايع الي قاعده تنباع بالمعارض وبالمنتدى من هالاماكن



شوفي انا مابيع تقليد ،




بس مارضى على خواتي التاجراات ،


لانه مو ( كلهم ) جذي فا يفضل انج ما تجمعين عساس ماتضلمين احد ،






و مع احترامي الشديد ، بس تره القانون لا يحمي المغفلين ، اذا انتي عادي تلبسين تقليد وجذي ، كان مفروض تدورين وتسالين او حتى تحطين موضوع تشوفين راي البنات قبل لا تدفعين هالمبلغ ؟!



وان شاء الله دفعه بله ،





وعلى فكرة بهالسعر ، ممكن تشترين لج جناااط ( اصلية ) كواليتي وكافي تكون عندج ثقه بنفسج انج شايله اصلي ماتخافين احد يلاخط الفرق ولا السحاب ومادري شنو


مثل كارولينا هريرا - فلنتينو - Paul's boutique هالماركة تشووق من لندن اب 60 - 70 - 100 150 تقريبا

 

[om deaj]

؟؟ لاني شكيت ان كل البضايع الي قاعده تنباع بالمعارض وبالمنتدى من هالاماكن

شوفي انا مابيع تقليد ،

بس مارضى على خواتي التاجراات ،


لانه مو ( كلهم ) جذي فا يفضل انج ما تجمعين عساس ماتضلمين احد ،

و مع احترامي الشديد ، بس تره القانون لا يحمي المغفلين ، اذا انتي عادي تلبسين تقليد وجذي ، كان مفروض تدورين وتسالين او حتى تحطين موضوع تشوفين راي البنات قبل لا تدفعين هالمبلغ ؟!

وان شاء الله دفعه بله ،

وعلى فكرة بهالسعر ، ممكن تشترين لج جناااط ( اصلية ) كواليتي وكافي تكون عندج ثقه بنفسج انج شايله اصلي ماتخافين احد يلاخط الفرق ولا السحاب ومادري شنو

مثل كارولينا هريرا - فلنتينو - Paul's boutique هالماركة تشووق من لندن اب 60 - 70 - 100 150 تقريبا

:e3::e3::e3: