ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[Shine~Flower]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااااااااااااااااااااااااااااااااااااااااااي على عالزياد اهوه بصووووب ومنور بصوووب المفروض منبيرة الدعله تتزوج زياده الشكاك اووووووووووف مشكوورة حبووبه على البااارت ناطريييييييييييينج :*

 

[Lajounii <3]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

متى بتحطيــــــــــن البـــــــــــــــــــــــــــــــارت

 

[Dalal.E]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

السلام عليكم ورحمة الله وبركاته،،

الصراحه مادري شقولج عن القصه.. إنهـا اكثر من رائعه !
وماشاءالله عليج .. كاتبه ممتازه.

الله يهداج اشسويتي فيني ؟ قصتج خلتني اسهر، واليوم رحت الجامعه امواصله !! لوول ;/

اممممم... أتـوقع زيـاد يكلم.. يعني لما دق عليها بالغلط كان بيدق على وحده مو رفيجه @@!!

واذا سمحتي قوليلنا جم بارت باقي ؟

 

[كويتية بحتة]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كراميل حياتي بليز نبي باااارت

 

[روح مغليهآ]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يعطيج العافيه
توني قريت اخر بارتين :*

 

[جنى الحربي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

لاا انا اقول زياد داق يبي يتأكد فيه ويتنق ولا لا..

الشك والوسواس ذااااابحه هالزياد

 

[Dalal.E]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waiting..

 

[حقووقيــــــه]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ناطرين

 

[ذلتني عيونك]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

نبي باااااااااااااارت لا تطولين علينا

 

[كويتية وكيفي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اي اخاااف صج داااق بالغلط الا يبي يشوووف قاعد تكلم الفوون ولا صج رايحه لاختهاااا .. مالت ع اللزقة \

يسلمووو
نبي بااارت بعد .... طمااااعين

 

[هنووفوو]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ماااكووو باااارت؟ :eh_s(2):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

لا موصج المنتدى....حدى يخووورة ....قاعدة اسوي كووبي وبيست وموراضي !!!! يقول مشاركتك قصيرة ؟؟؟!!!

 

[وآي ياحلاتي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ليش يامنتدى ليش
نبي بارت حاولي كراميلا شوي يمكن المنتدى فقد الذاكره الحين ترد له لووووووول

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية



بعد يومين .....

كانت ام خالد وشيخة ومنيرة قاعدين على الطاولة يتغدون .....وكانوا يسولفون ....

دخل خالد البيت ....كان توه ياي من الجامعة .....

خالد : السلام عليكم ....

ام خالد وشيخة ومنيرة : وعليكم السلام ....

ام خالد :تعال خالد... تغدى معانا .....

خالد : مو مشتهي ..توني شارب قهوة .....

ام خالد : انزين بس اقعد لا تاكل ....

راح وقعد معاهم على الطاولة ....

الام : ها رحت الجامعة ؟؟ كلمت الدكتور ...

خالد ماله خلق : ايه ...

الام : اشقالك ..؟

خالد : قالي شد حيلك بالفاينل وراح ادبلك الدرجة ...بس هذا الي قالي اياه ...

شيخة : حشا على هالسنين الي درستها المفروض تاخذ الدكتوراه هالسنة ..

خالد يطالعها من فوق لي تحت .......يلف ويها ...ويطالع امه ...

خالد : يما صبيلي ماي ....حدي عطشان...

منيرة اتطالعه : انزين ليش ماتقولي انا ...الماي يمي ....!!!

خالد معصب : مو قاعد تاكلين ...!!!!

منيرة : وشنو يعني ...اهد الي بيدي واصبلك ....

الام :هدوا هدوا ....خلاص... صبي ماي حق ريلج .....

اتصب منيرة ماي حق خالد .....

منيرة واهي قاعدة اتصب: دقيت عليك اليوم الصبح ....ليش ماترد علي ؟؟

خالد : كنت مشغول ....

منيرة : انزين عقب مافضيت ...ليش مارديت دقيت ...؟؟

خالد يعصب: اوووه ...وبعدين يعني ...بتسوينها لويه ....يعني اشتبين ..!!
ياليت عندج سالفة عاد....

منيرة : شفتيه عمتي ...كل ما اقوله شي يعصب ....خليج شاهده ...

الام : خالد الله يهداك خالد...يعني يمكن تبي منك شي شيات ..لازم اترد ادق عليها ....

خالد : لا ماتبي شي ....ماعندها سالفة ....

منيرة اتنزل راسها ...و اتطالع صحنها ...ولا تتكلم ولا كلمة ...ام خالد اتطالعها واترد اتكمل ....

ام خالد : كانت رايحة عند الدكتور ...وكانت تبيك اتيي معاها ....

خالد : لا انا ماحب اروح عند الدكاتره ...ذيج المرة يوم رحت معاها قعدنا ننطر 3 ساعات ....اصلا حتى لو انا راد جان مارحت معاها .....

منيرة اتقوم من الطاوله ومتضايقة حيل من اسلوب خالد .....

منيرة : الحمدالله .....

خالد : ايه زين قومي ...لاتكثرين واتقثين الياهل ...

منيرة : استغفر الله العظيم ...اللهم طولج يارووح .....

شيخة : خاااااالد!!!!

الام اتضيع الموضوع ....

الام : ماكليتي ....؟

منيرة اتطالع خالد: شبعت هم وغم ....<<< تصعد فوق....

الام اتهز راسها مو عاجبها الي يسويه خالد : خالد اشفيك على البنية ؟؟ حراام عليك ...مسكينه عاد طوول الوقت اتقول ابي خالد ايي معاي وابي خالد ايي معاي ...ليش كله داقرها ومو معطيها وي ..؟؟ كان ودها اليوم اتيي
معاها عشان الدكتورة قايلتلها اليوم يبين شنو فيها بنت ويلا ولد ....

خالد :يما منور تبيني ايي معاها ...عشان تمسك ايدي ..واتسوي افلام ...عشان اذا شافوها رفيجاتها تتفلسف على راسهم ....ترا انتي ماتعرفينها !!!...وثانيا....عادي انا مايهمني بنت ويلا ولد ...المهم يكون بصحة وعافية ...

شيخة اتطالع خالد ومعصبة : ويع ويع ..لو انت ريلي جان من زمان انا هاجة منك ..اتييب المرض ...

الام : استحي على ويهج ...وتكلمي مع اخوج عدل ...شقلت الادب هذي ؟؟

اتهد الاكل واتقوم .....

شيخة : لا ماراح استحي على ويهي ...هذا الصج ...والمسكينه منيرة متحملته ...عشان شنو....ويلا ولدج محد يصبر عليه ....قطيعه...

خالد يطالعها : اقول ...صكي حلجج لا بالجوتي الحين ....

شيخة : يما شفتي اسلوبه الخايس ...!!!

الام : خالد يما ...شالحجي ...؟؟ عيب مايصير اتقول جذي...ولا وجدامي بعد ...!!!

خالد : خل تحترم بنتج نفسها ...وانا اكلمها عدل ....لاكن تقعد اتصرخ والله ما
سكت لها ...بروحا مالي خلق ولا شي ....

الام : ليش مالك خلق شي ...؟؟ اشعندك انت ..؟؟ فاضي ...اتنام واتقوم على كيفك ...الحين حتى الجامعة ماقمت اتروح ...والله يستر ..قاعدين اندزك دز ...

خالد : ايه مالي خلق ولاشي ....فخل اتكف خيرها شرها عشان ماتسمع كلام مايعجبها ....

شيخة صاعدة الدري تتحلطم : مينون مينون ...ماعليه شرها ..الحمدالله والشكر ..الناس تكبر اتعقل... وهذا يرد ياهل ....

خالد يسمعها اتقول جذي ...يقوم بسرعة ...ويروح صوبها ...ويرها من شعرها .....

خالد صاك ضروسه : تكلمي عدل وصيري مره...لا والله لا اكوفنج ...ترا هذا السانج عادي اقصلج اياه ...سامعة ياحيوانه ....

شيخة : انزين انزين هدني ...هدني ...ترا قاعد اتعورني ...يماااه شوفيه ...

الام اتفاججهم : خلاص يا خالد تعوذ من ابليس ....

واتطالع شيخة : يالله روحي فوق دارج ...ومرة ثانية تكلمي مع اخوج عدل ...

شيخة تبجي : ايه دلعي دلعي الصبيان ...وانا كله الغلطانه ....<<<تركض تصعد دارها ...

الام معصبة اتطالع خالد ....

الام : تعال اقعد بكلمك ....

خالد يروح يقعد وتقعد يمه امه : انا ماحبيت اقوي شوكتها عليك ...بس ترا مالك حق اتمد ايدك على اختك ...

خالد : لا لي حق ونص ...عشان تتأدب واتعرف اشلون اتكلم اخوها العود...الظاهر مافي احد يربيها هالحيوانه....

الام : وانا وين رحت ؟؟ لا مت ضيج الساعة سو الي تبي ...بس بدام انا حية ..مارضى انك اتمد ايدك على اختك ..ولا اتضايقها .....

خالد : بسم الله عليج يما ...شالحجي الله يهداج ...

الام : اشفيك يمااا ؟؟؟ ليش كله متضاايق وشايل هم الدنيا على راسك ...؟؟

خالد : ويييه يمه ...الحين ماعندكم غير هالسالفة ....خلاص مافيني شي ولا ابي احد يسألني اشفيك .....

الام : انت خالد ..الحليو.. الهادي... الي ينضرب المثل فيك ...شالي غيرك وقلب كيانك فوق تحت ...مو انت ولدي الي اعرفه ....

خالد :تبين اقولج الي بقلبي يعني ....

الام : ايه اكييد ....مابي غير الي بقلبك ....

خالد : انا مو مرتاح بحياتي .....

ام خالد : ردينا على طير يالي !!!!

خالد : سألتيني وجاوبتج ...

الام تمسح على ظهره : خلاص يماا ..البنيه حامل واتحبك ...انت ماحولت حتى تتقرب منها ..؟؟

خالد متنرفز : يما شنو ماحاولت اتقرب منها ...انتي اشدراج اني ماحاولت ويلا مو قاعد احاول ؟؟؟ عيل اشلون احملت بالله ؟!!

الام انحرجت وساكته ....

خالد: وترا لا تحسبين ان اهيا هامها..والله انها اتسوي روحها مسكينه ...مشاء الله ماتقعد بالبيت ...كله طالعة وهايته مع رفيجاتها ....يعني الي ضايق خلقه ينثبر بالبيت ...اهيا ولا همها ..بس تتمسكن جدامكم ...تبي الدنيا كلها اتييلها على طبق من ذهب ...وانا مو مقصر معاها بشي ...من يوم المستشفى ماتهاوشت معاها ...وقاعد اعطيها فلوس الي تبي ...بس عاد قلبي مو بيدي ...ماتقدرين تجبريني اني احبها ...

ام خالد : ايه صح كلامك ...وادري انك مو قاعد تتهاوش معاها ...بس مو قاعد اتكلمها عدل وكله جاعمها ...يعني اقعد معاها ..اطلع معاها ...روحوا اشتروا اغراض حق البيبي مع بعض ....

خالد : يما على فكره ...منور ماتحب الا نفسها ...ترا اهيا متزوجة مو علشان اتحبني ولابطيخ ...ترا والله قاصة عليكم ....اهيا متزوجة عشان رفيجاتها مايصيرون احسن منها ...والله ترا اهيااااا تااااااافهة ...محد يعرفها كثري ...لمن اقعد معاها ساعات بالصاله واكون قاعد اطالع تلفزيون ...واهيا قااعدة تقرق وتطحن فوق راسي ...تعالي سمعي سوالفها ...افلانه وعلانه ...بس اهم شي انها اتكون احسن منهم ...وماعندها سوالف... وسخيفة ...والله والله لو مو الياهل الي بطنها جان مطلقها من زمان ...بس انتي ماتدرين ....خليني ساكت ...

الام سااكته واتطالعه وبعدين اتكمل : انت بادر ...وقولها شنو تبي ...وشنو اتحب ....وخل اتسويلك اياه ...

خالد ياخذ نفس : يما خلاص ...لاتبطلين معاي هالموضوع مره ثانية ...والي يسلمج ...

الام اتدمع عنها : انا مو قاعدة انام الليل بس افكر فيك ...واحاتيك ...لا اتحسسني اني ظلمتك بهالزواج ....والله ماتدري اشقاعد يصير فيني ....

خالد يطالع امه منزل راسه: خلاص يما...إخلصت ...ماكو فايدة من الحجي الحين ...هذا نصيبي ...والطيور طارت بارزاقها ....لا تخافين ..ماراح اطلق منيرة ...وبجابل ولدي الي ياي ...وبقط كل شي بحر...اتعرفين ليش؟؟ لأن ماكو فايدة ...كل شي راح ...كل شي....

الام : لا ماكو شي راح ...كل شي راح يبدي من يديد ....بس انت افتح صفحة يديدة مع نفسك ....وحاول اتعيش هالايام الحلوة الي بحياتك ...وشد حيلك بدراستك ....مو علشاني ولا عشان منيره ....علشان بنيتك الي يايه بالطريج ...

يطالعها خالد : بنتي ؟؟؟؟

الام : ايه ...منيرة فيها بنيه !!!!!


*************************

عقب اسبوع من ملجة دلال وزياد ............
دلال طالعة مع زياد ....رايحين الافنيوز ...عشان بيشوفون لهم غرفة نوم ...راحوا صوب the one والمحلات الي يمه ....واختارت دلال غرفة اعجبتها ....وبعدين راحو اقعدوا ابـ لورانزينو....

اول ماقعدت دلال...ويلا زياد متوتر ويتلفت وراه ....

زياد : قومي بدلي مكانج معاي....

دلال : شنو ؟؟ اي شي صح !!!

زياد : قومي ..في جدامج مصبنه ....ماحب جذي انا....

دلال اتقرب صوب زياد : زياد ...فشله ...ترا الاوادم يحسون انك امبدل مكاني عشان هالشي....

مارد عليها زياد ...جان يوقف ويروح صوبها...اهيا افتشلت وقامت ....

تقعد دلال وحيل متنرفزة .....

دلال : شالحركة البايخة ...؟؟ شنو يعني ماكو ثقة ؟؟؟!!

زياد : لا انا واثق ...بس مو واثق من الي حواليج ....

دلال :لو سمحت لاتعيد هالحركة مرة ثانية.....

زياد : اذا اضطريت ..فأنا آسف ... راح اعيدها ....

جان تقعد دلال امطنقرة....

زياد : خلاص دلال ...والله اني اغار عليج ....

دلال : اتغار علي ..شي بيني وبينك ...مو جدام الناس اتفشلني...

زياد : خلاص انتي لاتخذينها من هالناحية ...شفتي كل هالبنات الي حواليج ...يتمنون رياييلهم يغارون عليهم ....

دلال : كل الرياييل يغارون ...بس مايسوون جذي..

زياد : ليش ..انتي اشدراج ان الرياييل جذي ويلا مو جذي؟؟

دلال : شن يعني ..؟؟ ماشوف ويلا ما اسمع الي حوالي ....؟؟

زياد : والله انا غير....انا دمي حار...اغار عليج ...

دلال مربعه ايدها الثنتين وساكته:...................

زياد يساحلها : عاد يالله دلوله ...لاتخربين الطلعة ...شسوي ليش انتي حلوه ...لو انج جيكره جان ماغرت عليج ....

دلال :.....................

زياد :واي ياحلو بوزج لما اتعصبين ...واي اينن...

دلال اتضيع الموضوع وماتبي اتخرب الطلعة ....
دلال: انا بروح الحمام اشوي...عن اذنك ...

راحت دلال الحمام ....وبعدين ضبطت شعرها ...وحمرتها....تذكرت ان سارة موصيتها إن تشتريلها شي من بووتس...بطلت جنطتها ...وادور موبايلها ...مالقته ....

دلال (( أكيد نسيته على الطاوله ))

راحت دلال عند الطاولة .....

دلال : ماشفت موبايلي؟؟؟؟

زياد : لا ....مو معاج ؟؟؟

دلال : مادري ماتذكر متى استخدمته آخر مرة .....

زياد : انا اتذكر يوم كنا بالسيارة كلمتي امج ...

دلال : ايه صح عيل نسيته بالسيارة ....

زياد :اشمعنه فقدتيه يوم رحتي الحمام ... كنتي بدقين على منو؟؟

دلال مستغربه: بدق على اختي؟؟!! ليش مستغرب يعني..؟؟

زياد : لا يعني قصدي...ليش لما رحتي الحمام بدقين ...ليش مادقيتي اهني...؟؟

دلال اتطالعه وحيل مستغربه : شالاسئله الغريبه...لان الحمام جبال بووتس ...وانا تذكرت ان ساارونه اموصيتني على شي ...فكنت بدق علشان اسألها شنو كانت تبي !!! ما أظن ان الموضووع وايد خطييير!!!!!

زياد : لا لا عادي...بس استغربت يعني ...(يقلبها ضحك ) أخاف تبين اتحشين فيني عند اختج ...

دلال: ايه يمكن ...ليش لأ ...<<< منقهره منه...

زياد يضيع الموضوع.....

زياد : والله خوش غرفة الي اخترتيها ...الصراحة ذوقج وايد حلو ....

دلال :اممم ... انا احب الناعم والبسيط ....احسن من اللوية ....

زياد : صح ...وخصوصا الفراش ...شكله مو طبيعي ومريح ....

دلال : امم ..صح ...

زياد يطالعها بنظرة غريبه : آآخ.. ماتتخيلين اشكثر ناطر هاللحظة الي اتيين واتعيشين عندي ...واتنامين يمي بالفراش ....و....<<يسكت

دلال منزله راسها : ..........................

زياد : اشفيج ....

دلال : ما فيني شي....

زياد يمسك ايدها : والله دلال ..ناطر هاليوم واايد ....ابيج ابيج ...

يسكت ويكمل : انزين اشرايج عندي اقتراح ؟؟؟

دلال : شنو ؟

زياد : احجز غرفة ابفندق ...انروح ونستانس....<<قبل لايكمل

دلال تسحب ايدها : اشقلت !!؟؟ انت من صجك !!!

زياد اخترع من ردت فعلها : اشفيج ...ترا انا ريلج على سنة الله ورسوله ...ليش فزيتي جذي....!!!

دلال : لا والله ...وليش ما تنطر لين العرس...؟؟

زياد : لاتكبرين السالفة وايد ...ترا عادي ...انا اعرف جم واحد من ربعي مرته من قبل العرس حامل ....يعني ادخلوا عليهم ايام الملجة.....!!

دلال : قلتها ...ربعك!! ...وانا غير عن حريمهم ...ورجاءً انا ماحب هالمواضيع ...وانسى السالفة الي قلتلي عنها ....

زياد : انتي واايد جدية ....وترا ماحب جمودج وجديتج ....

دلال :كيفك لاتحب... و انا موجدية ...أنا سنعه !!!....واظن لو انت عندك بنت ماترضى ان ريلها يجيسها قبل العرس...صح ...

زياد : بس انا ريلج !!!

دلال : اوكي ترضى على بنتك !!!؟؟

زياد : ايه ارضى ....

دلال : لا ماترضى والله ماترضى ...انت اتقول جذي عشان اتلين راسي....

زياد : اوكي على راحتج ....

دلال : زياد ماله داعي اتعصب...انا ماقتلك شي....!!!

زياد معصب اشوي : لأ انتي مادري اشلون ...وايد شادة معاي...لازم اتصيرين اشويه مرنه ...يعني انا الحين صارلي اسبوع معاج ..وليلحين ماخليتيني ابوسج ...

دلال : اشششش ...شوي شوي...يمنا طاولات ....

راحو السيارة ....وزياد معصب...اصلا كان قاعد يمشي اسرع من دلال ..واهيا صايرة اشوي وراه ...

زياد :ترا مانسيت الموضوع...صح ويلا لأ....

دلال :شنو صح ويلا لأ....

زياد : انتي شادة معاي...موقاعدة اتحاولين تتقربين مني ....

دلال : لاعادي...بس انا استحي....

زياد : كل البنات يستحون ....بس عادي يبون هالشي من رياييلهم !!! ترا انا ريال واعرف....يعني الوحدة اول يوم تستحي ثاني يوم ...مو اسبوع ...واذا حاولت اقرب يمج احس انج اتكشين ...انتي شكلج مو متقبلتني....شنو انا مو عاجبج ...

دلال : زياد اشفيك ....شقاعد اتقول ....لو انك مو عاجبني جان ماوفقت عليك ...

زياد معصب : بعد يمكن مغصوبه ....لان طريقتج معاي مو طبيعية ....لاتمسكين ايدي ...ماتعطيني وي ...وكله شادة ...وحتى بوسه بوسه ماني قادر آخذ منج !!!


دلال اتطالعه مخترعة : انزين ليش معصب....انا ليلحين ماتعودت عليك ....ليش اتصرخ علي.....

زياد ياخذ نفس ويغمض عينه اشوي ووطي نبرة صوته : دلال اذا انتي مو حابتني ...ولاتبيني ...قولي ....ترا تونا عالبر .......

دلال بهاللحظة اتفكر بكلامه ....وتتخيل ان اتقوله مابيك ...وتتطلق ...
وفجأه اييلها فلاش وتتخيل خالد مع منيرة ومع البيبي مالهم ....وتتخيل انهم مستانسين... وايها كئيبة ووحيدة ...ومطلقة ....

دلال اتروح صوب زياد واتبوسه على خده : لأ انا ابيك ....وراح اسوي الي تبيه مني ...بس الا الفندق ماروح ...كل شي بوقته حلو ....

..................................................................

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

لاتنسون اتعلقووون واتردووون.....وتتوقعون شنو بيصيير :bbbiu:

 

[وآي ياحلاتي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ثانكس على البارت :eh_s(7):
يبي البنيه تتقبله وهو يشك ويدقق يبه عاملها عدل وغصبا عليها بتتقبلك يمه دعله هالادمي وكل تفكيره بالشكل وبس يغثثثثثثثث :rgewrg:
خالد حرام انظلم بس الي مايدافع عن حبه يستاهل يستاهل يستاهل وأذافات الفوات ماينفع الصوت يااستاذ خالد:rerrerek:

 

[Şhώasha . . ~]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااااااو حلو البااارت ..
ومشكورين لانكم جاوتوني ع السؤال
و منور هذي تستاهل آحسن زين يسوي فيها بقررره وحده
يله ننطر البارت اليااااي
وزياد دمـــه ثقيييييييييييييييييييييييييل يـآربي غثـآآآآآ

 

[وآي ياحلاتي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اول وحده قريته ورديت <<<<<<<شاطره

 

[cute princess]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

زياد لا :|

راح يقتلني

عفيه خل تتطلق قبل لا انا انتحر من تصرفاته



​

 

[هنووفوو]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

خالد مايحب منوور:ggdw:خالد مايحب منووور:ggdw:خالد مايحب منووور
زيااااد عووووع:rgewrg:زياااااد عوووع:rgewrg:زياااااد عوووووع:rgewrg: