ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[هنووفوو]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الا كراميلا بسألج القصه واقعيه ولا لأ؟؟؟؟؟؟
عشان اذا خياليه مراح ابجي دموعي تروح بالهدر:eh_s(16):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الا كراميلا بسألج القصه واقعيه ولا لأ؟؟؟؟؟؟
عشان اذا خياليه مراح ابجي دموعي تروح بالهدر:eh_s(16):

اكييييد انا ماكتب الا قصص جزء كبير منها حقيقي ...يعني تقدرين اتقولين 80% ...

بس هاااا بناااات ...والله والله والله موقصتي لامن قريب ولا من بعيد ...وانا ولا وحدة بالقصة ....يمكن دلال نفس شخصيتي ...بس ولا وحدة منهم اتمد لي بصلة .....:bbbiu:

 

[Combtaitya]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كرامي اللحين اللحين في بارت << يارب تقول اي .,

تكفييييييييييييييييييييييييين نبي بارت .,

 

[toty 3sl]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الصراحه حرام الي صار لهم
اثنينهم مظلومين وانا كاسره خاطري دلال
لانها سميتي طول الوقت قاعده ابجي معاها
الله يهينها مع زياد وينسيها حب خالد
ناطرتج يا قلبي انتي ويعطيج الف عافيه

 

[so_what]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waiting

 

[كول تكره سكول]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

تبين الصراحه بدايه القصه يوم قال انطري بعدين اخطبج قهرني وقلت ما راح يخطبها وقعدت ابجججججججي واقووول حراام دلوووووووول لا تتزوجينه يعني تتزوجينه ..


سجليني من المتابعين روايتج رووووووووووووووعه بمعنى الكلمه ..

 

[aoky kaito kid]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

Omg omg omg I can't believe that oh my god I will ant7r okay omg all a ya54 mnoryo om es3f w leef*waaay 8ahrtny wde ama93 r8bthaa waaay bs pleeessssss looooooooooooooøng esta very looong parte

 

[بيـــشو17]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

روووعه القصه:eh_s(15):
ودلال الله يعوضها بزياد وتعيش حياتها وتنسى خالد:rerrerek:
حبيبتي ناااطرينج:eh_s(9):

 

[كويتية بحتة]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waiting

 

[3so0ola_94]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

حبيبتي متى الباارت ؟
لا طولين علينا

 

[kity]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

نبييييي. بااااااارت



نبييييي. بااااااارت


نبييييي. بااااااارت



نبييييي. بااااااارت



نبييييي. بااااااارت




نبييييي. بااااااارت

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

دلال ساااكته ومنصدمة نوعا ما ..ماتوقعت يدق عليها هالحزة ..

دلال : اهلين....

زياد : اشلونج دلال ....

دلال : بخير الله يسلمك....

زياد : عذريني داق عليج بهالحزة ...بس فعلا فعلا توني فضيت ....

دلال : لا لا عادي...

اقعدوا يكلمون بعض ساعة وشي .....

دلال : زياد ..سوري بس انا لازم اروح انام ...حدي تعبانة وماني قادرة ابطل عيني ...

زياد : اي اكيد اكيد ...اخذي راحتج...تصبحين على خير ...

دلال : وانت من اهله....

سكرته دلال ...وماتوقعت هالمكالمة ....زاد تفكيرها هالليلة ....وماقدرت اتنام ......


الصبح ...الساعة 8 ....خالد قعد من النوم ....وخذاله شور...ولبس تريننق ...

ومنيرة نايمة ...ونزل تحت ...وقاعد يتمشى عند اليال....حاس بقمته مايبي يقعد بالغرفة ....

قعد على الرمل...ويفكر بكل شي....وكل الي صار....قعد على الحالة فوق الساعتين وشي...يرن موبايلة ...ويلا منيرة ....

خالد :الوو ....

منيرة : صباح الخير حبيبي....

خالد : هلا .......

منيرة : وينك ؟؟

خالد : قعدت من زمان ...والحين قاعد اتمشى بره .....

منيرة : ليش ماقعدتني ...؟

خالد : ماحبيت ازعجج .....

خالد يكمل: يالله اتسبحي...ولبسي اهدومج ...عشان انروح نتريق...

منيرة : اوكي....


راح خالد الغرفة ....ويلا منيرة قاعدة اتنشف شعرها بالستشوار....او مادخل الغرفة ...جان اتروحله واتلمة واتبوسه ....

خالد : خلصتي؟؟؟

منيرة : ايه خلصت ....

خالد : يالله امشي....


راحوا يتريقون بالفندق....

منيرة : خالد ...اشفيك !!! جنه مالك خلق....

خالد : لا بس راسي يعورني شوي....

منيرة : اكيد ؟؟

خالد :اممم....

منيرة : اشرب قهوة ....اتعدل راسك ..

خالد : ايه ماكو الا جذي...

خالد يكمل : اليوم نرجع البيت ان شاء الله ....

منيرة : مو جنه تو الناس...؟؟

خالد : اشفيج باجر عندي جامعة .....

منيرة : اممم صح نسيت ....عيل ماراح اخذ اجازتي الحين !!...... خالد لازم انسافر الايام اليايه ...على الاقل لو انروح دبي...نحجز ريزورت..نستانس....

خالد : يصير خير....( يكمل) تبين انروح فلم .؟؟

منيرة: ايه يالله ...

راحو المرينا...تمشوا اشوي ...وتسوقوا ...ودخلوا فلم ...


ابيت دلال ......

دلال رايحة الدوام ....واهيا بالطريج ....يرن موبايلها ....

دلال : الوو ...

زياد: صباح الحلوين ...

دلال تبتسم : صباح النور....

زياد : رايحة الدواام ؟؟

دلال : ايه والله ...شنسوي...الدوام لله ...

زياد يضحك : ياحليلج ...عاد تدرين شكلج صغيرون ...ماجنج اتدامين ..جنج تدرسين للحين ....

دلال تبتسم : الله يجبر بخاطرك ..

زياد :اخليج عيل ...بس حبيت اصبح عليج ....

دلال : ثانكيوو...

زياد : ولو ...

اوصلت الدوام ...اتسوي شغلها ...وراحت قعدت مع البنات ...وسوالف وضحك ...

لطيفة : ايه عاد امس كانت ملجة منيرة .....

رانيا : وعوووو ...الله يعينه ....على ثقاله الدم ....

لطيفة : ايه والله ...الله يعينه ...احنا مجابلينها بالدوام ولايعة جبدنا...الله يعين اهوا يصبح ويمسي ابويها ...

نور: حبيبتي الريااييل يحبون نمونتها ...تدلع وتميصخ ...بعد هذا الي يبونا ...
ويلا شراايج دلال <<<دلال ساااااكته وموعاجبها الموضوع ...

دلال اتقوم اتروح مكتبها ...تاخذ نفس : مالي شغل فيهم ...الله يوفقهم ....

لطيفة : اشفيج ...وين رايحة ....

دلال : عندي شغل بروح اسوي ...مابي شي يتكود على .....

راحت دلال مكتبها ...وكانت حاطه جنطتها هناك...تفتح موبايلها ....ويلا 7 missed call....اتطالع منو الي داق استغربت ...كلهم زيااد ...

دلال ادق عليه : الووو

زياد : دلال .وينج...؟

دلال : بالدوام ...ليش اشصاااير ؟

زيااد : عيل ليش ماتشيلينه ....؟

دلال : كنت قاعدة مع البنات وموماخذه موبايلي....

زياد: لا دلال...اي مكان اتروحينله لازم تاخذين موبايلج ...عشان اذا دقيت اتردين علي....

دلال : ليش في شي ضروري؟؟

زياد توهق : هـ ها ...لا بس كنت قاعد احاتيج ...خفت انج مارديتي....

دلال : يعني شنو بيصير فيني بالدوام ...؟؟

زياد : لا بس انا وايد احاتي الي يهموني....بسمو تعيدينها مرة ثانية ...

دلال : شنو ؟؟!!

زياد بهدوء : موبايلج معاج وين ماتروحين ....

دلال انبطت جبدها : اوكي....<<< دلال بقلبها (( شيبي هذا...!!!!))


.......................................................................


خل نتكلم عن نورة ومشاري اشوي....طبعا مثل منتو عارفين انهم ليلحين قاعدين مع بعض بالشقة الي اجروها ...بس مثل ماقلنا من قبل كل واحد بغرفة..


ونورة قاعدة اتداري مشاري...وودها ان مايطلقها ..بس مالها وي اتكلمه ...


كانت كل يوم اتغسل ملابسه ..وتطبخله..واتبخر الشقة..وماتطلع من البيت ...بس اللهم ان اتروح الدوام وترجع ....وودها ان يكلمها ...ودها اتعرف ارضها من سماها ...يدخل ساكت ويطلع ساكت ....

ايي مشاري من الدواام ...يروح داره ويبدل اهدومه ....اتزهبله نورة الغدا ...اهيا ماتاكل معاه ...لان اتخاف ان مايبيها تقعد معاه ....عقب الغدا...يقعد يطالع تلفزيون .....

نورة بصوت واطي : مشاري تبي اسويلك شي..قهوة ويلا شاي...

مشاري : سويلي قهوة تركية ....

راحت نورة سوتله ...وعطته اياه ...مادري اشلون طاح وانكسر ...

نورة : حااااشتك !!! القهوة حااارة...

مشاري من غير لا يحط عينه بعينها : لأ.....<< مايحط عينه بعينها ..مايبي يضعف...

خل اروح اييب المخمة ....

راحت نورة المطبخ ...ومشاري يطالعها بعيونه .....وصج كانت تكسر خاطرة ...بس استغفر الله الشيطان..ينزل يشيل الزجاج الي تحت ريله ..مشاري يفكر (( لا لا مشاري...لاتضعف..شنو انت مو ريال...لاتسامحها..)) يرجع ويقول ((نزين على الاقل خل اسمعها ..خل ادافع عن نفسها )) ..(( لا لا بس مالها عذر))...

ومن كثر ماكان قاعد يفكر ...كان ماسك زجاجة بايده وضاغطها حييييييل ...حس بالم بطل ايده ..ويلا كلها دم ...ويلا نورة ياايه ...

نورة مخترعة واتيي تقعد يمه وتمسك ايده : بسم الله عليك ..بسم الله عليك ...ليش اتجيس الزجاج ...تعال تعال المغسلة خل اغسل ايدك ...

مشاري : انا اروح ...

راح غسل ايده ...وحاط كلينكس ...يت نورة واقعدت يمه ...ويايبه معاها علبة الاسعافات الاولية ...

نورة : ميخالف ايدك ...

مدلها مشاري ايده ....طلعت قطن وحط فيه مطهر ...

نورة : راح يحر اشوي ....

بعدين لفت ايده بشاش....

مشاري : مشكورة ....

نورة : العفو....


قاام مشاري وراح غرفته بريح ....

كان هذا روتين نورة ومشاري ...مايكلمها ...واهي اتحاول واتحاول ...على الاقل حتى لو يقولها اي شي ...يبيها ويلا مايبيها ...اهوا ساااكت ...واهي خااايفة تسأل ....لان اهي راضية معاه بهالعيشة .... وعلى امل تغيره الايام ..وتنسيه ..



...........................................................
عقب شهرين ....
خالد قاعد بالصاله منسدح على ظهرة على القنفة ...وقاعد يطالع تلفزيون ...

الام : خالد ماعندك جامعة ..؟

خالد : امبلا ....

الام : ماشفتك رحت اليوم ...!!

خالد : مالي خلق ....

الام : اشفيك مو ملتزم بالدوااام ...اول شحليلك من صباح الله خير فاز وطالع ...وتدرس ...الحين ماشوفك اتداوم ولا اشوفك ماسك كتاب ....

خالد : مال خلق ....

الام :.. مابقالك شي وتتخرج ...اتقوم وتخرب على عمرك ...

خالد يفرفر المحطات : مالي خلق لادراسة ولا بطيخ ...

ويلا بدخلة طلال ....

طلال : السلام عليكم ..

الام : وعليكم السلام ....

الام اتكمل: تعال شوف اخوك الحلو ...مايبي يداوم ...

طلال مستغرب : ليش!!!

خالد : بس جذي ...مليت ....

ويلا منيرة توها يايه من الدواام ....

منيرة : السلام ....

طلال والام : وعليكم السلام ....

منيرة اتطالع خالد : قلنا السلام .....!!!

خالد يقوم ....وياخذ سويجه وجنطة النادي ويطلع ....

الام : هاااو اشفيه !!!

منيرة : عادي عادي عمتي...اهوا كل يوم جذي....

الام : شنو يعني كل يوم جذي...

منيرة : كل يوم جذي منفس .....

الام : مو بس عليج حتى معانا ....

منيرة : انزين ليش.؟؟!!

الام : تلقين يحاتي دراسته ....

منيرة : منوووو ..؟؟ خالد....؟؟ لاتضحكيني خالتي ....الحين انا من اول ماتزوجته يمكن ماداوم الا جم يوم على بعض ....خوو مستانس ماياخذون غياب ولاشي...بس لازم يدااوم اشلون يفهم وقت الامتحان ....مابقى شي ويخلص الكورس....

الام : قعدي معاه ..كلميه...يمكن ياخذ منج ...عاد انتي وشطارتج ...

منيرة ضايق خلقها : عمتي...من صجج ..اهوا مايعطيني وي كلش....

الام : توه مو ماخذ عالوضع ...ترا اصعب وقت هالوقت ...كل واحد منكم ياخذ من الثاني...لين بعد فتره خلاص...تتعودون على بعض...وكل واحد يتأقلم مع طبع الثاني ...

منيرة : ايييه ..شسوي بعد ...





خالد يركب سيارته ....ويروح نادي بلاتينيوم الي بكيفان صوب نادي الكويت ...

خالد يوصل ...ويدق على عبدالوهااب ....

خالد : الوو...

عبدالوهااب : هلا هلا هلا ....

خالد : وينك !!

عبدالوهاب : توني طالع من الدواام ...انت وينك ؟؟

خالد : رايح النادي ....تعال ...

عبدالوهااب : لا من صجك ..حدي تعبان ..بروح اتغدى ..واريح اشوي ...

خالد : اتغدى وريح على ما اخلص من النادي ...وبعدين خنروح القهوة عشان نشرب شيشة...

عبدالوهاب : بدعت بالشيشة ...خلاص اوكي ....

خالد كان كل يوم جذي ...يروح النادي ويقعد طول الوقت هناك ...وبعدين يروح القهوة يشري شيشة ...وبالويك اند يروح الشاليه حق الحداق...


عبدالوهااب يدق على خالد : هاا وينك ....؟

خالد : توني طالع من النادي...

عبدالوهاب : اصبقكك القهوة ...

خالد : يالله اصبقني ..انا بالطريج ...

وصل خالد القهوة ...وعبدالوهاب ناطره هناك...قعد خالد وطلب الشيشة الي يبيها ...

عبدالوهاب: مو جذي الي ينحااشون من البيت ...

خالد : ......................

عبدالوهاب : خلوود اشفيك ...وين الي يبي يفتح صفحة يديدة ..؟؟!!

خالد : ماقدر اقعد بالبيت ولا دقيقه ...احس من ادش على قلبي ينقمت <<عن منيرة ...

عبدالوهاب: خلوود تعوذ من ابليس...خلاص ...ارضى بالامر الواقع ...رحت ولا رديت ...هذي مرتك ...

خالد ساكت اشوي ... ويقول : ماني قادر اتقبلها ...

عبدالوهاب : انت اصلا ماحاولت ...

خالد : والله حاولت ...وقاعد احاول..بس ماني قادر...

عبدالوهاب : لا تقدر ..ياخي عطها فرصة ...ماصارلك شهرين بمتزوج ..وانت تطلع من الصبح لي بليل ....

يكمل عبدالوهاب : تعال... طبعا الجامعة معطيها سكيب !!؟؟

خالد ساكت...

عبدالوهااب: خلوود ..حرااام عليك ياخي...هذا اخر كورس ..لاخرب على عمرك ....

خالد موقاعد يطالعه : بالطقاق ...مايهمني...

عبدالوهاب: عاد صير ريال خلوود ...دااوم ...بس خلاص هااانت ...هذا اخر كورس اتعرف شنو اخر كورس...يعني عقب ماناديك ايلا المهندس خالد ...اشعلييييك <<< يلطف الجو ...

خالد يبتسم من ورا قلبه : انا اول كنت ميت عشان اتخرج واخطبــ (يسكت) خلاص..انا عقب دلال ...مايهمني ولاشي...

عبدالوهاب: ردينا على طير يالي..خلاص انساها ...انساها ...المرة بتتزوج ...انت من دريت انها بتتزوج وانت معتفس....طاع اشلون ضعفت ...لاتاكل لاشي ...ياخي ارحم حالك اشوي ...

خالد سااكت ...وراايح اباله بعيييييييد..............


ودي ابكي لين مايبقى دموع
ودي اشكي لين مايبقى كلام
من جروجا صارت بقلبي تلوع
ومن هموم احرمت عيني المنام
انطفت في دنيتي كل الشموع
والهنا مايوم في دناياي دام
غربتي طالت متى وقت الرجوع
كل عام امني احلامي بعام
ان شكيت الحال محدا لي سموع
وان سكت الناس زادوني ملام
طال صبري والزمن عيا يطوع
والرجا للي عيونه ماتنام

أغنية ودي أبكي

 

[Miss Dashti]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يعطيج العافية على البارت الحلو واللي يعور القلب وناطرينج حياتو :eh_s(7):

 

[Lajounii <3]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

مسكيييين خالد ;( .. يعطيج العافيه .. ناطرين البارت الياي

 

[3so0ola_94]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اخيييه حراام خلوود كسر خاااطري
ناطرينج حبيبتي

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

بنات ردودكم وتعليقاتكم وتوقعاااااتكم.....ماننحرمش

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اذا قدرت اليوم راح انزل نيو بارت....

 

[شموخ واحساس]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يعطيك العافية على البارت
​

 

[عثمان حبي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

[FONT="Comic [COLOR="Red"]Sans MS"]ياويــــــــل حالي عليهم واااااي يكسرووون القلب ياحلات قلبك ياخالد ...اما دلال مالومها مومتقبله زياد حاولت بس ماتقدر [/COLOR] [/FONT]

 

[داريني]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يعورووون القلب خالد و دلاال ما ينلامووووون واااي انا انغمت قلبي و مع الجو الممطر قمت ابجي