ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يالله كراميلا عاوزين بارت مانقدرش نستنى اكتر من كده:eh_s(9):

يالله كاني الحين بكتب ...:eh_s(9)::eh_s(9):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اب اب اب ناطرين البارت

يالله الحين ببدي ...وراح انزله مثل كل يوم :eh_s(9):

 

[badraa_85]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

هيااااااااااااااااااا



يالله ناطرين

بسويلي كوووفي وبحط يمي كلييييينكس لزووو الاندماج

بس خللللية طوييييييل طوووووووووول لسان مناررررررووووووو قطع

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waiting

ببدي كتاابه....:eh_s(9)::eh_s(9)::eh_s(9):

 

[taboolaaaa]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

اخذي راحتج يالغلا ;**
بس المهم ببرد جبدي بقرا بارت ويرتاح بالي شوي !!
ناطرينج حبيبتي .. الوقت كله لج ;**​

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

لالالا حرااام دلووول فديتج والله
والله ياخذ منيرة وام خالد
ناااطرينج كملي حبوبة

دلول تكسر القلب :eh_s(11)::eh_s(11)::eh_s(11):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كراميلوووووو


كراميليتوووو




كراململ


كراميلوووولووووو



حياتي احبج انا متى البااااااااااارت

لول ..مي تو :eh_s(7):....يالله الحين بكتب....:eh_s(9)::eh_s(15)::eh_s(9)::eh_s(15):

 

[*caramel macchiato*]

رد: رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

اخذي راحتج يالغلا ;**
بس المهم ببرد جبدي بقرا بارت ويرتاح بالي شوي !!
ناطرينج حبيبتي .. الوقت كله لج ;**​

مشكووورة حبيبتي:eh_s(7):

بضبطكم:rerrerek::rerrerek::rerrerek:

 

[جنى الحربي]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

عاااشت كراميييييييل..

عفيييييييه عفيييييييه ظبطي الوووضع قمت افكررر فيهم جد

بـ إنتظاارك كـ العااده ع اااااحر من الجممممر..

 

[كويتية و النعم]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

امبييه لا تعلييق
منيرة مال ذبــــــــح ...
ثانكس حبيبتي على البارت
ناطريينج

 

[badraa_85]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

اين انتي يا كراميييييييييل

 

[a7la thekra]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يـ الله كراااااااااميل
وييييينج طولتي

 

[كوين74]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كرمله إزيك إنت فين ...... والبارت خلص ولا لسه

باااااااااااااااااااااااااااااااااااااااااااااااااااااارت​

 

[mrs-3li]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وينج كراميل تلفوني قام ينتع ويهنق والسبه الروايه كلساع ادخل واطلع ويكتب لي غير قادر على تحميل الصفحه وواطلع وارد ادخل
داخ راسي بس فدوه....يالله ناطرتج على احر من الجمر

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

زهبوااا الكلينكساااات :eh_s(2):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

دلال قاامت ترجف ...طاااح منها الموبااايل....انربط الساانها ...ودموووعهاااا تنزل تنزل تنزل جنها شلال....واطالع سارة ...

واتهز راسها واتقول: لا موصج ...ترا احد امسوي دقة ...خالد لايمكن ايسويها فيني ...مستحيل ...


اترووح تركض واتبطل البردة ...واتطل على بيت خالد...ويلا زحمة وسيااارات وااايد ....ورياااييل قاعدين يطلعوون من بيتهم ....

بدلت اهدومها...

سارة : وين رايحة ....

دلال : ابي اشووف خالد ....

سارة : دلول برووح معااج ...ماخليج ابروحج ...ولاتنسين ان ايدج مكسورة ...ماراح تقدرين اتسوقين....

دلال اتطالع سارة : ياالله امشي....

البسو بسرعة ...واطلعت دلال بره ...وقاااعدة ادق على خالد ...بس مايشيله ....اصعدواا السيااارة ....

سارة : وين انروح ...

دلال مو معاها قااعدة ادق ورا بعض....مايشيله ....

دلال ادزله مسج ....

((( صج الي سمعته عنك ومنيرة )))))


دقاايق ويوصلها مسج .....


دلال ماقرته....احذفت على سارة الموبايل ....ومسكره اذونها...

دلال : سارة اقري المسج ...خااايفة اقرااه ....

سارة اسفطت السياارة عند جمعية كيفان... افتحت المسج وتقرااه بقلبها (((ايه صج )))

سارة قلبها بينشلع من مكانه ...وانزلت دمووعها...واتطالع دلال ومن غير ماتتكلم ..اتهز راااسها ..يعني ايه .....

دلال عيونها غرقاانة ادمووع واتصرخ : شنو ايه ...شنو ايه...

واتاااخذ من سااارة الموبايل ...وتقراا المسج ...

دلال : لاااااااااااااااااااااااااااااااااااااااااااااااااااا.....لاااااااااااااااا ....

واتشاااهق من البجي : انا شنو سويتله ..انا شنو سويتله....

واتطق ويها على جنب بايدها الثنتين ...

سارة اتلمهاا وتبجي : دلوول ...كيفه بالطقاق الي يطقه ...خل يولي ...لايوقف قلبج...

دلال ميته بجي : يليييييييييت يوقف ...يليييييييييييييت يوقف ...لا ..لا...إلااا خالد ...اخذووووو مني كل شي ...إلا خالد ...

دلال تسكت اشوي وتطالع سارة واتحط ايدها على حلجها : شاقول حق مشاري اخوي ...شقوله ...شقووووله..ياااارب ان الارض تنشق وتبلعني بهاللحظة يااارب ....شسوي ...شسوي ...

سارة تبجي واتلمهااا حييل : بس قطعتي قلبي بس ...الله يخليج ....



خالد اليوم طلعت الرياااييل من بيتهم ...يعني اليوم الخطبة الرسمية حقه وحق منيرة....اول ما طلع آخر رياال من بيتهم عل طوول خالد صعد فووق...ودخل صالته وسكر الباب ....وقط غترته على القنفة .....وبعدين دخل غرفته ..وتسند على الباب ...بطل ازرار دشداشته الي صوب ارقبته ..لانه حس ان مخنوق...وحط ايده على ويهااا وقعد يبجي نفس الياهل....وينزل اشوي اشوي لين قعد على الارض...(( ادري عمرج ماراح اتسامحيني دلال ...ادري ....والله اني احبج ..وعمري ماراح احب احد غيرج ....والله غصبن علي موبيدي ....آآآخ سامحيني ...سامحيني ...يااارب انج تكرهيني ...مابيج تتعذبين ..انا ماستاااهل انج اتعورين قلبج على شاااني ....انا ماااستاهلج .....

عبدالوهاب يدق على خالد ...ويشكل عليه ...يشيله خالد ...

خالد وامبين ان صوته متغير : الووو

عبدالوهااب : خلود ...انا تحت بيتكم ..انزلي ...

خالد : والله عبدالوهااب مالي خلق شي ..حتى مالي خلق نفسي ....

عبدالوهااب : خلوود انزل ...اذا اتعزني انزل ...

خالد راح غسل ويها بالماي ...وهو نازل بالدري ...ويلا منيرة ابويها ...ابتسمتله ...واهوااا كمل ولا جنهاا موجودة ...

فتح باب سيااارة عبدالوهاااب ...ورد سكره حيييل ...مشى عبدالوهاااب ....

خالد: اشتبي مارني ..؟؟

عبدالوهااب : شنو اشتبي مع ويهك ....ادري فيك ضااايق خلقك ...ومابي اخليك بروحك ....

خالد يلم عبدالوهاب ويبجي : وهيب ...احس بموووت ...والله احس بموووت ...تكفا قووول اني قاعد احلم ...ماني امصدق ان قاااعد يصير فيني هالشي ...كل احلامي الي رسمتها مع دلال طااارت ...

عبدالوهاب يسفط سيااارته صوب مسافط مدرسة فهد العسكر بكيفان .... اول مرة يشووف خالد يبجي ونربط السانه : يحط ايده على راسه من وره ويلمه حيل ...

عبدالوهااب : خلوود ..خلاص ...الي خلقها خلق غيرهاا...يمكن الله خذا منك دلال وعطااك منيرة ..يمكن اتكون احسن منها ...

خالد : ماكو وحدة احسن من دلال بالدنيا كلها ....مااكووو ..الله ماخلق بقلبي الا اهي ....<<< ويبجي بحرقة ..يعني تخيلو ريااال يبجي...ترا صعبة....


راح خالد مع عبدالوهاب الاميري قسم الطوارئ...لان حااس ان فيه هبووط ... لانه صارله يومين مو ماكل شي...ورااسه بينفجر من الالم... ركبوله درب بايده ....يدق عليه رقم غريب....يشيله....

خالد وكان حده تعباان : الووو...

دلال : الووووو <<<<داقة عليه من خط سارة ....

خالد يوم سمع صووتها غمض عينه حييييل .....لان مايبي يكلمها ...قلبه يعوره حييييل عليها ....وده يصك الخط ابويهااا...

دلال تبجي : ليش ...بس ابي اعرف ليش ؟؟؟؟

خالد سااااااااااااااااكت ....

دلال : ليش خالد ؟؟ ليش هنت عليك ؟؟

خالد ساااكت ....

دلال اتصرخ : لـــــــــــــــــــيــــــــــــــش ســــــــــــــاكت ...ماتتكلم!!!

خالد من كثر ماهو تعبان مهوا قادر يتكلم ..ياخذ نفس : ماعندي شي اقوله ...

دلال تبجي حييييييييييييل ومنهارة : أنا أكرهك أكرهك أكرهك....ليش سويت فيني جذي ...ليش ...
آخر وااااحد توقعته يسوي فيني جذي انت....انا عطيتك احلى ايامي وحياتي ...ونطرتك سنين ....آخر شي اتسوي فيني جذي...واتقوم تخطب هالخايسة الي اسمها منيرة ..اكثر انسانة ماحبها بحياتي وانت تدري....
أخ أخ أخ ياقلبي ....أنا انا الغلطاااانه الي وثقت ابريااااال ....انتو كلكم نفس الشي ..كلكم نفس الشي....

خالد بتعب ويالله يبطل عينه :.......................تبين شي بعد...

دلال تبجي و اتصرخ: ايه ..ابي ....ابي ....ابي الله ياخذك ...ابي الله ياخذك.....كسرت قلبي ....كسرت قلبي....


سكرت دلال الخط ابويها ....خالد انسدح على المخده..يحس جنه قلبه بيوقف...من كثر ماكان يدق....وادموعه تنزل علي الجنبين ...وحاط اذراعة ومغطي فيها عينه ...مايبي عبدالوهاب يشوفه بهالحاله ...ولا اي احد ثاني.....

خالد بقلبه (( يالله انك تاخذني وارتااح ))






عبدالوهاب حاط الابهام والسبابة على عينه وقلبه يعوره على اعز اعز ربعه....ومايقول غير : لاحول ولاقوة الا بالله ...لا حول ولاقوة الا بالله ...


من هذي اللحظة كل شي بخالد تغير...صار مو خالد ...صار انسان ثاني...صار شخصية ثانية ...مو خالد المرح...الي يحب الدنيا..الحنون ...لان بالنسبة له احلى ما بحيااته راااح...




..............................................................................









باااجر.....

مشاري ونورة رادين الكويت ...وطبعا ولاكلمة ....ولاحرف...ولاهمسة....نورة اتطالع مشاري كل شوي...ودها اتطلع الي بقلبها ...واتقوله انها مالها ذنب...واهوا ولا يبي يكلمها ولا عينه اتشوف عينها ...كانو بالطايرة كل واحد فيهم بواادي...نورة اتفكر...(((شنو يصير عقب ماترجع الكويت ..شنو راح يقول مشاري...هل راح يفضحنى ....انزين يمكن يقول حق اهله عني...او حق اخواني..لاني قاهرته.. لا لا مشاري مو نوعه جذي ماتوقع يفضحني!!!...انزين شنو راح اتكون ردت فعل اخوااني....اختهم اطلقت عقب اسبوعين ...اكيد ماراح يخلوني ...ماراح يرحموني...وراح يعذبوني..انا قبل لاتزوج ماسلمت منهم وكانو بيزوجوني من وااحد اكبر مني 25...الله يعين اذا ييتلهم وانا مطلقة!!!!! ياارب ارحم حالي يارب انا مظلومة ...يااارب ساعدني))))

مشاري (( شقول حق اهلي وربعي ...شقول حق الناااس...اقوول اني خذيت وحدة ........... , وحدة ظنيتها انها راح اتكون سعااادتي وصارت بالنسبة لي شقاا ،شقوول حق امي ..بعد قلبي يايماا ادري راح تحترين على ولدج ...ادري راح يحترق قلبج علي ....انا ماراح افضح نورة ...الله يستر عليها .....وانا لي الله)))

قبل لاتوصل الطيارة بشوي....

مشاري : اذا يت امج ..روحي معاها ...واذا مايت انا راح اوديج بيتكم ...وباجر اطرش مع الخدم اغراضج .....

نورة: اتهز راسها ....<<< واتفكر بامها الي صارلها فترة ادق عليها ومحد يشيله واتحاتيها ...واتحاتي اذا اعرفت انها خلاص راح تتطلق..

نورة منزله راسها : مشاري ....

يلتفت عليها ويطالعها باحتقار : نعم ....

نورة : مشاري الله يخليك ...اسـتـ......<<< وقبل لاتكلم ...

مشاري: اشششش مابي اسمع ولا شي...انا اذا بسكت مو على شانج ...عشان امج المسكينه ...ويلا انتي مو كفو ...

يسكت اشوي ومن غير مايطالعها : دلال تدري بهالموضوع ؟؟؟

نورة : لا لا والله ...محد يدري ..


مشاري : اممم ....وشي ثاني ...مابيج اتطبين بيتنا ...ولا ابيج اترافجين دلال ...فاااهمة !!!

نورة تنزل ادموعها : لا مشاري...الا دلال ...لاتحرمني منها ....

مشاري يلتفت عليها :ولج عين بعد اتيين بيتنا ...شوفي انا قتلج ...واشوفج امكلمتها ...والله لا اهد الدنيا على راسج ...مابي وحدة نفسج ادش بيتنا ...والله اترافج بناات الحمااايل...

نورة تسمع هالكلام وتبجي من غير صوت ....


اوصلو المطار وخذو اغراضهم ...مشاري قااعد يدز العرباانه ...او نورة وراه ....اطلعوا من البوابه ...ويلا ام مشاري وسارة مستقبلينهم ...لان ابو مشاري مسافر عنده شغل ...

الام يوم شااافت مشاااري...انصدمت ...سلمت عليه ......ويوم شافت نورة تأكدت من احساسها ..ان فيهم شي....سلمت عليهم .... وطول الوقت اطالع ولدها ...حتى يوم اصعدوا السيارة اهوا قااام يسوق...الام اقعدت جداام يمه وسارة ونورة وراا..وساااكت مو قااعد يتكلم ....

الام اتحاول اتلطف الجو : تو مانورت الكويت ...والله ولهت عليكم ...وااايد ....

مشاري: منورة بوجودج يماا ....وحتى اانا واايد ولهت عليج وعلى بيتنا ...

الام حست بعيون ولدها حزن ....
سارة نفس الشي حست ان نورة ضااايق خلقهاا ...اسكتت ماقالت شي.....

نورة : سارة عيل وين دلال غريبة مايت ...؟؟

سارة ساكته ...واتأشر من تحت واتقولها بعدين اقولج ....

الام : مادري اشفيها دلال ...من امس واهيا صاااكة الباب على نفسها لاراحت دواام ولا كلت شي...

مشاري: ليش اشفيها ....

الام : مادري اتقول مريضة ...ماتبي اتكلم احد ....

نورة اتطالع سارة ...حست ان في شي قوي....



مشاري وده نورة عند بيت امها ...وقبل لاتنزل نورة ...

الام اتطالع مشاري: هاااو ليش يبتها بيت اهلها ...انا امسويتلكم عشااا ....<<< مشاري ساااكت

نورة : لا خالتي ...ان شاء الله يوم ثاني ...والله ولهانة حييل على امي...وصارلي جم يوم ادق عليها ماترد ..قاعدة احااتيها ....

.نزّل جنطتها ...ومشى ....ودخل سياارته ..


الام :وااي جنه بيتهم ظلمة ...انزين جان نطرتها لين تدخل داخل...

مشاري : امان ماكو شي...

الام :و ليش نزلت جنطتها؟؟ ...شنو مهيا نايمة عندك اليوم ...

مشاري ماحب يفاجأ امه بنفس اليوم الي وصلو وفيه ويصدمها ويقولها ان مايبيها ...قال راح يقولها بااجر بشكل تدريجي ...عشان تمتص الصدمة ولايضيق خلقها وتتكدر ...ويصير فيها شي على هالليل من الحرة ...

مشاري: لا ...اهيا ولهاانه على امها ..فا تبي اتنام عندها اليوم ...

الام امسكت ايد مشاري : حلفتك بالله ...صااير بينكم شي....؟؟

مشاري يبتسم ابتسامة ورا قلبه : لا يمااا ...موصاااير شي...

الام : حلفتك مشاري ...يالله احلف....

مشاري لو شنو مايحلف جذب :آ ..آ. انا امزعلها اشوي...بس اوعدج بااجر اراضيها ولا جنه شي صااار .....

الام : مسكينه ..اتزعلها وتوكم بشهر العسل ....ماهقيتها منك يا مشاري...

مشاري : ان شاء الله بااجر تتصلح الامور..خل اتروح اتشوف امها وتشبع منها ...وانا اقعد معااكم واشبع منكم ..ويصير خير بااجر...

الام : اكيد هذي السالفة ...يعني زعل خفيف ...؟؟

مشاري قصة بقلبه : ايه يماا مااكو شي....



اوصلوا البيت ...اقعدوا تعشواا ...ومشاري حتى ولا سأل عن دلال...

...........................................................

اما دلال مسكينه ...قااعدة ابدارها وقافله الباب...ومسكرة الليتات ...وحااطة كرسي عند دريشة دارها ...ومجابلة بيت خالد ....رافعه ريلها على الكرسي وحاطة راسها على ريلها ...وساااكته ..عيونها اخدرت من كثر البجي...لانها من امس لي اليوم ماوقفت من البجي...قااعدة اتطالع بيت خالد ...وسياارته ..ودريشة دااره ...وتتذكر كل لحظة حلوة بحياتها معاه....واتزيد بالبجي....

ودي ابكي

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام

انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام

ان شكيت للحال محدٍ لي سمـــوع
وان سكت الناس زادوني مـــــلام
طال صبري والزمن عيّ يطــــوع
والرجا باللي عيونه ما تنــــــــــام



................................................................................


الام ومشاري قاعدين يتعشون ....

الام : سارون وديتي حق دلال عشا ....

سارة : ايه يما ...اتقول اهيا اشوي وتنزل وتااكل...ماتبي الحين ....

مشاري قاعد ياكل ولا كلمة:...................................

كانت الساعة على 8 بليل....يدق تلفون البيت ...اتشيله الخداامه ....

الخدامة اتييب التلفون حق ام مشاري ....

الخدامة : ماما هذا يقول وين ماما مساري...

الام تاخذ السماااعة : الووووو

............ : الو السلام عليكم ...اشلونج ام مشاري عساااج بخير...

الام : يا هلا ومرحبا ...بخير عساج بخير...من معااي.؟؟؟

......... : معاج ام زيـــــــــــــــــــــــــــــــــــاد....!!!!!!

الام اسكتت ..كانت اشوي منقهرة ان مادقوا ...حتى لو كلنو مو موافقين بس مايصيير يعلقون الناااس.....

لام : هــ ..هلا ام زياد ...

ام زياد : والله انا مفتشله منكم ...والصراااحة مالي وي...بس شاقولج ياخويتي...امي اتعبت ..وحسنا فيها من مستشفى لي مستشفى ...والحمد الله الحين اشوي صااارت احسن ...عشان جذي لهيت ولا قدرت ادق عليكم ...

الام : ايه صاااجة ...بهالحلة وين الوااحد له خلق يدق ويلا يقول شي...ماتشوف شر الوالدة وخطاككم السوو ...

ام زيااد : يابعد عمري والله ..الشر ماييكم ....والله الصراااحة بنتك لا الاه الا الله ...قبل لا نطلع من بيتكم ولدي قالي : يما ابيها ...ماشاء الله ماينقط منها شي...الله يحفظهاا....

الام اهني طاارت من الفرحة : ويه ماقصرتي والله ...من طيبج ...

ام زيااد : والبنت اشقالت ....

الام توهقت : والله يام زيااد مادري شقولج ...السالفة صارلها مدة ...مو انتو مادقيتو ؟؟!! ومارديت سألتها ....عطيني هاليومين ...اسألها واردلج خبر....

ام زيااد : ايه والله ياليت ...والله احنا شارينكم ...ولا نلقا احسن منكم ...

الام : ماعليكم زوود يام زياد ...ان شاء الله الله يكتب الي فيه الخير....


سكرت الام التليفون ....

مشاري: لا يكون هذول الي كانو خاطبين دلال ....

الام : ايه اهم ...واعليه كانت اميمتهم تعبااانه ...عشان جذي مادقوا...ويوم استصحت ...دت وقالت ان الولد عاجبته دلول ...وان ودهم فينا ....

مشاري يفكر بسالفة دلال مع خالد....

الام : ايه تعال....ترا بيت ييرانا توفى خالهم من اسبوعين ....دق عزي خالد وطلال....

مشاري: لااااا ...الله يرحمه ...يقولون كااان تعبااان ...لاحول ولاقوة الا بالله .....

الام تاكل السلطة ..واتكمل...

الام : ومرة بوحدة بااارك حق خالد ولدهم ...لانه خــــــــــــــــطـــــــــــــب بنت خاله !!!!!!!


....................................................



لا خطاوينا وراها لقى
وان تلاقينا نتلاقى بشقى
ولازم واحد فينا يضحي يقسى وينسى الذكرى ويمحي
ومهام دمعي ودمعك هل بأيدي وبايدك يبقى الحل
اما بجرحك والا بجرحي لازم واحد فينا يضحي
يا انت يا انا من هو اللي فينا بيبتدي
خل ندعي الفراق ونجرح الاشواق دام الحزن واحد
ادري ترد تشتاق ومثلك انا بشتاق بس لازم نعاند
ومهام دمعي ودمعك هل بأيدي وبايدك يبقى الحل
لا لا تخاف حاول حبيبي ولا تخاف
لا لا تخاف قرر حبيبي ولا تخاف
ما بقى بحبنا بعد شي عليه ينخاف
خل الحزن مره يبدي ولو مره بختياري وبختيارك
ومهام دمعي ودمعك هل بأيدي وبايدك يبقى الحل

 

[MeeMeeYoo_2]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

أحححححح !!!


امبييييه شعوووور خاااااايسسسس !!!!
دلال مسكييينه !! وخالد يكسر الخاطر

والله يستر من ردة فعل مشااري

ونوره مادري احس انها انظلمت بس يعني هم لا تلووم مشااارييي !!


مشكوووره حبيبتييي

 

[Miss.blue berry]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

waay ambeeh dloul 7raaam
3wrt gulbi wlah
alah ysame7 mnera !o0 ynt8em mnha enshalah !
mthl ma swat ebdalal enshalah yrdlha
thenQ mcyato 3l part

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

أحححححح !!!


امبييييه شعوووور خاااااايسسسس !!!!
دلال مسكييينه !! وخالد يكسر الخاطر

والله يستر من ردة فعل مشااري

ونوره مادري احس انها انظلمت بس يعني هم لا تلووم مشااارييي !!


مشكوووره حبيبتييي

حيل مسااكين ..دلال وخالد....:eh_s(2):

نورة بعد مسكينة ...ان شاء الله يسامحها مشاري:eh_s(2):

 

[*caramel macchiato*]

رد: رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

waay ambeeh dloul 7raaam
3wrt gulbi wlah
alah ysame7 mnera !o0 ynt8em mnha enshalah !
mthl ma swat ebdalal enshalah yrdlha
thenQ mcyato 3l part

اففف حدها اتعور القلب...

وهذي منور لها الله ...يورينه فيها يوم:eh_s(14):