ياليت مت ـــــ ولا عشت افراقك 000خـــالــــد ودلال ــــ روايتي الثانية (مميزه )

[3so0ola_94]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

ناطرين البارت حبيبتي

 

[شواشا]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

كراميل تكفيييييييييييييييين خلي خالد يتزوج دلال وامسحي اول سطرين من القصة تكفيييييييييييييين ونورة استري عليها و قولي انه منيرة ماتت استغفر الله مو بالعتها كلش تكفين اهم شي خالد يتزوج دلول سميتي تكفين ابي ابجي والله وناطرين البارت على احر من الجمر ومثل ما قلتلج امسحي اول سطرين من الرواية

تكفيييييييييييييييييييييييييييييييين :yaaaaaarb: :eh_s(16): :eh_s(11):

 

[aoky kaito kid]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

شنو اليوم مافي بارت بلييييز حطي باارت و طويل أجرة التأخير لووولز

 

[Combtaitya]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية



بليييييييييييز كرامل البارت لا يصير حيل متاخررر

أنا لازم أنام حق السكووول.

وشسمووووونه متحمسسسه ماقدر اصبرررر *

 

[aoky kaito kid]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

لازال الانتظار باد على وجوهنا و الحماسة تقتلنا اين انتي يا كراميل صج يلا إحنا للحين فاتحين الصفحة نزيلة اليوم لان راح ينسحب مني البادي و ماراح اتقدر اشبك أني تيم stell waiting*

 

[هنووفوو]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

:ggdw::ggdw:نبي بااااارت نبي باااارت هو هو نبي باااارت نبي باااااارت هو هو:ggdw:

 

[كوين74]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

خذاني الشوق لعيونك وجيتك طرالي شي ما عمرى طارالي على بالي ولا لحظه نسيتك

أسولف فيك من حالي لحالي تغيب الناس لاجيت ولقيتك أشوف ابضحكتك شي مضالي ​

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

يالله بنااات زهبوو الكلينكسااات ...

:eh_s(11)::eh_s(11)::eh_s(11):

 

[marshmallow]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

na6reeeen el part caramel
yallaaaa

 

[badraa_85]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الله يالله يالله

سكتي انا من بلشت اقراها امس

احط اغاني حزينة مع الاحداث واعيش الدور عشان ادش جو ههههه

زهبت قوطي كلينكس


احس عوااااااااار قلب

 

[sweet.sanfoora]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

الكلينكس يمي


ابي بارت

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وقف خالد بسرعة ....

خالد : شنوووو ....منيرة !!!!!!

الام اخترعت : اشفيك اخترعت جذي..؟؟؟؟

خالد رد قعد...ومتنرفززز حييييل : يمااا من صجج انا اخذ منيرة ...منيرة نفس اختي ..وانا بعد مابلعها مولياا...

الام : وليش ان شاء الله ... واشفيها ...زينة البنااات ...وين تلقى نفس جمالها وانوثتها ...واحنا عارفينها وعاارفين اخلاقها ....

خالد معصب ...وايشر بايده : مابي حلاتها ..ولاهمني لاجمالها ولانوثتها ولابطيخ ابويهااا ....

الام اتطالعه ومستغربة : خالد اشفيك ..ليش تتكلم جذي ....

يسكت خالد اشوي ويااااخذ نفس وبصراخ : يمااا ..انا طووول عمري اقولج حاااضر ومن عيوني وتامرين امر ...ولاعمري رديتلج طلب ...من انا اصغير اتمشيني ...من بين اخواني ...حتى بالدراسة ...انتي اخترتي تخصصي بالثانوية ...وعقب الثانوية قلتيلي ابيك مهندس ...مع ان ما كاان ودي اروح الهندسة...دزيتيني امريكا مع خالي وتخصبقت ..ورديت اهني وتأخرت بدراسي..الي بعمري صارلهم 5 سنين يشتغلون ...بس على شان احققلج كل شي تبينا واتحلمين فيه ....بس ليحد زوااجي ...ستوب..هذي حياااتي ..عطيني حرية الاختيااار...خليني اختاار الي على كيفي ...



الام اسكتت ....وانصدمت من طريقة خالد ...واشلون انفعل ....

جان تقعد الام تبجي ....تبجي .....لان امه الحين صااايرة حيل حساسة بعد وفاة اخوها ...

الام : انا عمري مافكرت بهالطريقة ..عمري مافكرت اني امشيلك حياااتك ولا عمري فكرت اسيطر عليك ....انا بس كنت ابيلك المستقبل الزين ...وابيلك احسن شي بالدنيا ...حراام عليك اتطلعني اني الظالمة ...انت تدري اشكثر معزتك ابقلبي ...وانت تدري انك اغلى واحد من اخواانك....

خالد عوره قلبه جان ينزل على الارض ...ويبوس ايد امه : يماا انا اسف ..والله اسف عشان صرخت عليج ...بس يماا انا مابي منيرة ...اذا اتحبيني شيلي هالموضوع من بالج ...اذا تبين سعااادتي الا هالشي خليني اختاارة...الله يخليج....

الام :اليوم ماتحبها بس باجر مع العشرة راح اتحبها ...احنا كلنا تزوجنا جذي...وبعدين حبيبي هذي وصيت خالك ..ماتبي يكوون بقبرة مرتااح ....

خالد : يمااا اهواا راااح الله يرحمه ...هذي حياااتي ...شنو ذنبي انا...

يسكت اشوي : انزين خل ياااخذها طلال ..ليش تبلشوني فيها ...؟؟؟

الام : اشفيك طلال اصغر منها ...اهيا 26 وطلال 25...

خالد : شنو فرق سنه ..مو وايد ...انا مابيها مابيها ....

الام : خالك اخر كلمة نطقها هالكلمة ...وقالي (((خالد))) ...الله يخليك خالد على شاني ....انزين فكر هاليومين ...مو الحين تعطيني الجوااب ...والي يسلمك ...اذا لي خاااطر عندك ...فكر عدل بالموضووع ....والله هذا اخر شي اطلبه منك طووول حيااتي...


خالد شااف امه بهالحالة وقااعد تبجي ...حب يهديهااا ...

خالد : خلاص راااح افكر ...بس ماوعدج اني اوااافق ....


......................................

راح خذاا سويج سياارته جااان يطلع من البيت ....وحيل متنرفز .....
يدق على عبدالوهااب....

خالد : وينك .....

عبدالوهااب: بالبيت اشفيك ....!!

خالد : ابي اشوفك الحين .....

عبدالوهاب: اشصاااير!!!

خالد :ولا شي...ابي اشوفك ...

عبدالوهااب: مرني ...انطرك ...



مر خالد على عبدالوهاااب.....

دخل وسكر باب السياارة ...ويطالع خالد ..ويهاا احمر...

عبدالوهااب: خلووود اشفيك ....

خالد : متضااايق وهيب ..متضااايق....

عبدالوهااب: ليش اشصاااير....

خالد: تخيل امي اليوم كلمتني ابموضوع زواجي...

عبدالوهاااب: شنو مو راضية بدلال....!!!؟؟؟

خالد : لا لا ....تخيل تبيني اتزوج منيرة !!!!!

عبدالوهااب: اي منيره ؟؟!!!!!

خالد : اي منيرة يعني!!! منيرة بنت خالي....لاا وشنو تقولي ...هذي وصيت خالك !!!!!!!

عبدالوهااب منصدم : اتحلف؟؟؟!!! ولا يكووون وافقت .....

خالد : لا طبعااا ومااارااااح اوافق لو شنووو ....

عبدالوهاب: لايكوون اتوافق ...بس خلاص...اسمحلي خالد ...بس الوالدة مصختها تراا....

خالد : لا.. لو شنو لو شنو ما اخذهاا .....

عبدالوهااب: خلووود لاتخق....ترا انت معطي اخوو دلال كلمة ..

خالد : حتى لو مومعطي كلمة ...انا ابي دلال ..

عبدالوهاااب: قلت حق امك انك تبي دلال ..!!!

خالد : شسوي راااح اضطر واقولها ..اهيااا قالتلي فكر وردلي خبر...وراح اقولها ان ابي دلال بنت ابو مشاااري....

عبدالوهااب : ايه لازم اتقولها ....

خالد :آآآآآخ من وين اطلعتلي هالسالفة ...لاكانت على البال ولا على الخااطر....

عبدالوهااب متنرفز وايشر بايده: شالبلشة ...خل يااخذها اخووك ياه ...!!!

خالد : نفس الكلام قلته حق امي ..اتقول انها اكبر من طلال....

عبدالوهااب معصب: الله يرحمه خالك ..في احد يوصي بهالشي!!!

خالد : أأأأخ ..ان شاء الله امي تشيل الموضوع من راسهاا ....

عبدالوهااب: خل كلمتك وحده ...مسماار بلووح ...(يقرب عند ويه خالد) تذكر دلال ...اشكثر اوقفت دلال ابويه اهلها علشانك ....

خالد : ادري ادري....من غير ماتقول ...انا روحي وحياتي دلال ...



دلال قاااعدة بدارها ...وقااعدة اتسولف مع اختها سارة ...دلال زادت علاقتها باختها وخصوصا ان نورة مو موجوده الحين ..ودلال قامت اتحس ان سارة كبرت وقامت تفهمها.....


سارة : دلال ..متى تتوقعين خالد راح يكلم امه عنج ؟؟!!

دلال : مادري سوير...يمكن الايام الياية ..توه خاله متوفي....

سارة : افف يالله نبي نفرح فيج .....

دلال : ان شاء الله ...وبعد انا الي شايله همه مشاري اخووي خصوصا انه عرف بالموضوع ..الصراااحة مالي ويه اطالع اعيونه ...وابي خالد اييلي بسرعة ....

سارة : ايه والله....

تسكت دلال ..

اتكمل : امشي خل نطلع ضيقة خلق.....

سارة : يالله ...خل ابدل ونطلع .....

بدلوا واطلعواا ....وما راكبين السياارة ...ويلا شيخة ومنيرة عند بيتهم بيدخلون...سلمت دلال بايدها من بعيد ...بابتسامه مصطنعة ....

دلال ادخلت السيااارة : ويييييييع وييييييييييع ....ماحبها ..كلا ومجابلة خالد الليل والنهار....

سارة اطق السيارة سلف : حراام عليج ...ماعندها احد غيرهم ...

دلال حست ابتأنيب الضمير شوي: اي صح اهي تكسر الخاااطر...( بعدين اترد واتكمل بعصبية) لا لا بس اهيا موهينة ...ماعليج منها ...تلقين الحين نست ان ابوها متوفي...خو اهيا ماكو احساس...حقيييرة ..من ايام الثانوية ....

سارة : كانت معااج بالثانوية ....؟؟

دلال : ايه بس اهي اكبر بسنة ...

سارة : بس ماشاء الله اتهبل ....

دلال اتطالع سارة بحقد : لاتقولين جذي واتحريني ...ترا اهيا مجابلة خالد على طوول....

سارة : اشتبين بعد هذا الصج ....

دلال : حريني حريني اكثر.....

سارة اتطق دلال على راسه : انزين حركي يالهبلة ...تحترين من شنو ...بدام خالد يحبج راح يشوفج احلى منها بالف مره ....

دلال تبتسم بابتسامة النصر : ايه والله صح ....






فجأة يوصل حق دلال مسج ....ويلا من خالد ....

((دلول ..ولهت عليج واايد ...ماتتخيلين اشكثر...ودي لو اشوفج من بعيد )) <<< كان حيل متضااايق وده يشوفها ويرتااح ...

دلال تشووف المسج ...واتصرخ حيل : آآآآآآآآآآآآآآآآآآآآ وناااااااااااااااااسة ....

سارة : اشفيج يالخبلة ....

دلال اتطالع سارة واتبوسها : واخيرا واخيرا عقب اكثر من اسبوعين ...يدزلي مسج خالد ....

سارة : اشيبي .....

دلال : يبي يشوفني من بعيد .....


اتكمل : وين انروح ...وين نقعد ؟؟؟

سارة : امممم ....اشرااايج انروح افنيو ..ونقعد ابــchocolate bar...

دلال : امممم ..لا لا زحمة ..اخاف احنا نقعد واهوا مايلقا مكاان يقعد فييه....

سارة : اممم عيل ..اشرااايج انروح paul الي ابفنيو ....

دلال : لا لا لا ..زحمة زحمة ...ابي مكاان هادي ..مافي احد .....

سارة : ماشاء الله وين هالمكااان الهادي....

دلال : ايه ايه لقيتها ...ومحد راح يشوفنا بعد ...


سارة : وين ؟؟

دلال : Fauchon...الي اجبال الصالحية ...صاااااد ومافي احد ...<<< بس الحين شالو القعدة الي هناك

سارة : وييييييييع شالقمته ....انزين انتي اتشوفين خالد وتستانسين ..انا شسوي....

دلال اتبوووس سارة : بليييز سويير على شاني ...بعدين انروح مكاان ثاني ....

سارة : خلاص اوكي...بس اتوديني مكاان ثاني....

دلال ادز حق خالد مسج واتقوله مكاانهم ....

دلال كانت لابسة بنطلون كحلي هاي وست مع قميص سكري مدخلته دااخل...وفوقه بالطوو قصير لونه سكري على ذهبي...لابسة قلب على سلسلة ذهبية عريضة ...مع فلات كحلي ..ومسوية شعرها ستريت ولابسة بااند كحلي...وحااطة ميكآب خفيف مع قلوس وردي فااتح ...




اقعدت دلال وجدامها اختها سارة ...واطلبوا ...دلال اطلبت Claire وسارة اطلبت macaroons مع قهوة ...دلال قلبها يرقع يرقع ..جنها اول مرة راح اتشوفه....

دخل خالد مع عبدالوهاب واقعدوا بالطاوله الي اجبالهم ...وقعد خالد جدام دلال....ماكان في احد بالكافيه غيرهم....

كان خالد لابس بنطلون تريننق رمادي فاتح مع بلوزة بيضة جم طويل....وماكان حالق لحيته ...يعني كانت ديرتي...

دلال يوم شااافت ويه خالد ...ضااق خلقها ..حست ان متضااايق....وطول الوقت قاعدين يطالعون بعض....

دلال بقلبه (( متضايق حبيبي...عشان موقاعد يكلمني..يابعد قلبي)))

خالد(( مااخليج لوشنو..انتي حياتي ودنيتي ))

دلال(( وانت روحي المعلقة ))

سارة : هوووب هووب...اشفيج ...بسج خز ...مو جذي الناس يتنحون ...

دلال اتنزل راسها اشوي وتهمس لها : اشتبين !!! صارلي مدة موشايفته ولامكلمته ....جبي لاتصكين علي..

خالد يحرك شفااايفه ويطالع دلال ومن غير مايتكلم ...ويقولها
((( احبج))))


دلال بنفس الحركة اترد عليه

(((احبك ))))

سارة : لاموووصج ....باااايعتهااا ...ماتستحين ....

دلال ولا قااعدة اترد على ساارة ..طول الوقت اطالع خالد...حست..بشي دااااخل قلبها ...حست باحسااااس خااايس...حست ان هذي اخر مرة تسمع الكلمة ...


...................................................................

ابيت اهل خالد .....

الام قاااعده مع منيرة وشيخة وطلال ويسولفون ...ويطالعون تلفزيون ...يحاولون مايخلون منيرة بروحها ...

منيرة : انا استأذن بروح فوق اشوي بريح .....<<<حطوا حق منيرة داار عندهم ....

الام : ايه اخذي راحتج...

اصعدت منيرة فوووق....

الام متضااايقة : اليوم كلمت خالد عن موضوع منيرة ...<<<كلهم عندهم فكرة عن الموضوع ....

شيخة منفعلة : ايه وشقااال؟؟؟!!!

الام : مارضى ....

شيخة : يااااسلام ...وليش ان شاء الله ....عشتووو ...حاصلتله منوور <<<<اتموت عليها لانها رفيجتها ....

طبعااا طلال يدري ابموضووع دلال ...فكاااان سااااكت ولا كلمة ....

الام : مادري عنه ...شكله في وحده اباله ...

شيخة : عشتوو بعد خلوود يحب....

طلال : ليش يعني ...بعد حاله حال النااس....

شيخة : ادري ...بس خلوود احس ماعنده هالسوالف....حده قهوة وحدااق...ما احسه يحب هالسوالف....

الام : مادري انا مو متأكده ...بس شكله جذي....

شيخة : يماااا مو تخلينه على كيفه ...ترا هذي وصية خالي....وبعد يماا بقولج شي ....

الام : شنو ؟؟

شيخة : ترا منيرة اتحب خالد ....

الام : والله انا الود ودي يااخذها ...ان شاء الله ..الله يهديه وياخذها ...

شيخة : لا يماا غصبيه ...مو بكيفه ....

الام : هااو اشلون اغصبه ...هذا زواج ..

شيخة : يما خالد مايعصيلج امر...خلاص قوليله.. يامنيرة ياماكووو ...

الام : الله كريم ...ان شاء الله من نفسه اييلي ويقولي ابيها ...

قامت الام واطلعت من الصالة ...وراحت المطبخ .....

جان يقوم طلال ويقعد يم شيخة .....

طلال يتكلم اشويشوي: عاد تدرين ...انا اعرف منو الي يحبها خالد ؟؟

شيخة اتطالعه مندمج : تحلف؟؟؟!!! منــــــــو ؟؟؟

طلال : حلفي ماتقولين حق امي ....لان خالد اموصيني ....

شيخة : والله ماقولها ...

طلال : دلال ....

شيخة تعقد حواجبها : اي دلال ؟؟؟

طلال : دلال بنت ييرانا ...بنت ابو مشاري.....

شيخة تنصدم حيييييل ...ماتوقعت اتكوون دلال ....وتدري ان اهيا ومنيرة مايتواطنون .....


قامت شيخة على طووول واصعدت فوق عند منيرة ....وتفتح الباب بسرعة .....

شيخة: منور منور ...عندي لج خبر ابمليون ...

منيرة :شنو ....

شيخة : انتي مو مرة قايلتلي ان خالد اخووي مايعطيج وي ..وان اكيد اباله وحده ...

منيرة : انزين ....

شيخة : وامي اليوم كلمته ..وقالتله عن وصية ابووج الله يرحمه <<< منيرة تدري عن السالفة لان شيخة قايلتلها من قبل ...

منيرة : ايه اشقاال....

شيخة : مارضى ....

منيرة انصدمت : مارضى ....ليش ...

شيخة : اشفيج ...مو انتي اتقولين اكيد في احد اباله .....
عرفت منو يحب خالد .....

منيرة : منوووو....بسرعة حرقتي اعصابي....

شيخة : دلال حبيبتج ....

منيرة : اي دلال ؟؟؟ لايكوون دلال بنت ييرانكم ....
شيخة : ايه اهيا بلحمها وشحمها ...

منيرة انقهرت : ابيه حريتيني...اكرهااا ...اكرهااا ...حتى بخالد انااشبتني...والله ما اخليه لهاا لو على قص ارقبتي....هيّن يادلول ...يا انا يا انتي ....

شيخة : شنو بتسوين ...

منيرة : راح اتشوفين ......


عقب يومين .....

منيرة قاااعدة مع عمتها ام خالد ...وكانت اموزعة شيخة وقايلتلها بكلم عمتي بروحنا....
\قامت منيرة وصبت شااااي حق عمتها وعطتها اياااه ...

ام خالد : ويه ياحلوج ..يارب اتصيرين وحدة منا وفينا ويتحقق الي ابالي....

منيرة اتكمل على كلام عمتها : شنو الي بالج ..ان ياخذني خالد ...

ام خالد اتطالعها منصدمة : اشدراج ....

منيرة اتجذب : من يومين يوم كنا انا وياج وشيخة وطلال قاعدين جان اصعد فوق ...تذكرين عمتي....

الام : ايه ...امبلا

منيرة : يوم وصلت داري ..تذكرت اني نسيت شي تحت ...ولما ييت انزل بالدري ...سمعتكم تتكلمون بالسالفة ..

ام خالد : ايه والله يابنيتي ...انا الود ودي ياخذج ....

منيرة بخبث : عمتي ..تدرين ان خالد خووش ريال ..واي بنت تتمناه بالدنيا ...ادب واخلاق وتربية ولد عايلة وماتقطين منه شي...( تسكت اشوي وتتكلم ) عشان جذي عمتي ...حتى لو ماكان من نصيبي ...وحتى لو ماراح ياخذني...حراام اتيي وحده مو متربية ...وسمعتها موزينه ..وعندها خراابيط وسوالف تااخذه ....

الام : لا تخسي ...هذا الي ناقص ...انا ولدي ياخذ وحده جذي...بسم الله عليه...

منيرة : ايه بس هذي الي يبيها خالد ...ورافضني على شانهااا...

الام انصدمت : شنوووو !!!! منو قال الحجي...ومنو هذي..ومن بنته...

منيرة : دلال....دلال بنت ابو مشاري...ييرانكم ...

الام : دلال!!! ...دلال خوش بنيه ...انعرفهم من السنين ..واعرف امها ...سنع ومنع ...وعقل وثقل...




منيرة تمسك اهدومها من صوب صدرها : استغفر الله استغفر الله الله يستر علينا ...بس عمتي ...هذا الظاهر..وياما تحت السواهي دواهي...يعني الحين البنات الموزينين اهلهم يدرون ...اكيد لأ.......

الام صدقتها..و متنرفزة : والله ماياخذها لوعلى قص ارقبتي...هذا الي ناقصنا بعد ...

منيرة : ايه ...وترا حتى انا اعرفها عدل عدل...كانت معااي بالثانوية والجامعة ..وحتى بالدوااام ....سمعتهااا زفت ..والكل ااشر عليها ويقول ...هذي الـــ .... ، ( وترفع هدومها صوب صدرها ) استغفر الله ...استغفر الله ..اللهم لاتبلانا....


الام عصبت يووم اسمعت هالحجي...وتحلفت ابخالد ....

الام ادق على خالد : خالد وينك ؟؟؟

خالد : انا مع عبدالوهااب..اشفيج ..؟؟؟

الام : تعااال البيت الحين ...ابيك ابموضوع ...

خالد : خير يمااا ..خرعتيني ..اشصاااير ....

الام : تعال الحين .....

خالد : يالله يالله كاني ياااي ....


دخل خالد البيت ...ويلا امه امعصبه ...واول مرة يشوفها جذي معصبة ....<<<<طبعا شيخة ومنيرة اطلعواا على طوول...عشان يبينون اهم مالهم شغل بالسالفة ...وطبعا منيرة وصت عمتها ماتقول حق خالد ان اهيا الي قالتلها وانها سمعت من بره ...

دخل خالد البيت مختبص....

ولقى امه راااايحة راااده ..رااايحة راااادة .....

خالد : خير يمااا ...اشفيج اشصاااير....

الام : اقعد ..بكلمك .....

خالد قعد وعيونه اتلاحق امه ....وحاااس ان في شي صاااير....

الام : انا عرفت السبب الي امخليك راافض منيرة ...

خالد : وشنو هالسبب.....

الام : دلال ....دلال بنت ابو مشااري....

خالد انصدم حيييييييييييييل : منو الي قالج ....طلال!!!!

الام انصدمت : طلال ..؟؟ ليش طلال يدري بعد ...؟؟

خالد عرف ان مو طلال الي قايلها ....: عيل زين عرفتي ...وفــّرتي علي هم اني اقولج ....

الام : والله والله والله ...لو على قص ارقبتي ماتاخذهاا ...

خالد منصدم : شنووووووو ....؟؟؟ ليش....؟؟؟؟

الام : بعد هذا الي ناااقص ...مابقا غير الناطحة والمتردية ...اتييبلي بنات الشواارع...

خالد الدنيا اتلف فيه يوم سمع امه اتقول هالحجي...: منو بنااات الشوارع ؟؟؟ دلال بنااات الشواارع ؟؟؟ يما شقاااعد اتخربطين ....هذي دلال بنت ابو مشاري...ييرانا ...انتي اشقااعد اتقولين ....

الام : ايه ادري انها دلول بنت ابو مشاري....يااما تحت السواهي دوااهي...بلاك ماتعرفها ...سمعتها وسخة ومعرروووفة انها مو زينه ....

خالد قاااعد يصرخ : يماااا ..تعوذي من ابليس...من الي قايلج هالحجي...هذيل ناااس حاااقدين ومايخاافون من الله ...ترا انتي عندج بنت ...الله يحاسبج على هالكلام ...

الام : شووف ياااخالد كلام يوصلك ويتعداااك ....والله لو يخلصون بنااات الدنيا ...ماتخذلي دلول ...والله ...غير منور ماتخذ...

خالد : يصرخ : والله راااح اخذها ..والله راااح اخذهاا...مالي شغل ...

واصرااخهم وااصل لي فوووق....نزل طلال ...ويسمع خالد اشلون يصرخ على الام ...اول مرة يشوفه معصب جذي....

الام : ايه طوّل السانك علي علشان بنت ابليس...طالع اشلون خربتك على وخلتك اطول السانك على امك ....

يصرخ خالد : يمااا حرااام عليج ...الظلم ظلماات يوم القياامة ..لاتقولين عن البنت جذي...والله اهيا اشرف من الشرف ....

الام اتصرخ : مااكو ...وكاني قتلك ...يا انا يا اهي...والله مادش بيتي دام راسي يشم الهواا...

خالد يصرخ باعلى صوته ...وخلا ص فقد اعصاابه : راااح اخذها وغصبن عليج ...غصبن عليج ...رضيتي ولا مارضيتي ....

الام طالعت خالد مو مصدقة ...خالد ...خالد...يقول جذي ...خالد يطول السان ويصرخ ..

فجأة جااان الام تفقد توااازنها واتطيح .....



ودوها المستشفى...ويلا يطلع معاها ازمة قلبية خفيفة لان ضغطها واايد ارتفع واهيا من اساس فيها ضغط...

خاااالد طووول الوقت يبجي بجي جنه ياااااهل....ويقول : انا السبب انا السبب...اذا صار بامي شي ماراح اسااامح نفسي.....

وعيونه حمره يكسر الخاااطر...بس ماااسك ايد امه ويجبي ويبوسها ....

كلهم ملتمين حاوالين امهم ويبجون طلال وشيخة وخالد ...بس اكثر شي خااالد الي ميت بجي ....

عقب فترة افتحت الام عينها...وكلهم بصوب واااحد : يمااااااه

خالد يبجي: يمااا حبيبتي ...انا اسف ...انا اسف...سامحيني ...الي تبينه يصير...بس لايصير فيج شي...الي تبينه ...

الام : الي ابيه انك تنسى دلال...

خالد ساااااكت......

اتكمل الام : وتاااااخذ منيرة ........







بعد يومين ...سارة ودلال المغرب ...قاعدين بدااار ساارة ويسولفوون....

دلال : الله ونااااسة ...ونااااسة ....باااجر بيون مشاري ونورة ....الكلبة نورو ولا دقت علي....

سارة : اي والله وناااسة ...ياليت يعيشون عندنا .....

دلال : كله من مشاري..يقول ابي استقل بحياااتي....مليق..

سارة : وااي ان شاء الله نورو اتحمل على طوول.. نبي بيبي....

دلال : واااي ان شاء الله ...وانا مابقا شي و اتزوج خالد ...واااي واحمل وناااسة وناااسة ..اصير انا ونورة مع بعض ...

سارة :واااي ونااااسة دلووول ..انا ابي بعد ...ابي اتزوج ...

واقعدوا يضحكون ويسولفون ...فجأة يوصل حق سارة بي بي ام
وافتحته..وقرته ...انصدمت حييييل ....لاحظت دلال على ويها هالشي ...قالتلها....

دلال : اشفيج؟؟!!!!!

سارة : دلول ...اقري هالبرودكاااست ....<<<<<جان تعطي دلال الموبااايل عشان تقرااه ...


((اللهم بارك لهم وبارك عليهم واجمع بينهم على خير...تمت خطبة خالد بدر الــ.... أمه سعــاد مساعد الــ... على منيرة عبالرحمن الـــ... امها اليزابيث مالاري اللهم وفقهما ....)))

 

[marshmallow]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

wanasaaa yaaaay nabee part 6iweeel

 

[marshmallow]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

waaaay '6aaaag khelgeeee

 

[a7la thekra]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااااااااااااااااااااااااي
لااااااااااا مستحيييييييل
عفيه لاتخلينها تاخذ خالد
الله لا يوفقها وانشاءالله ثاني يوم يطلقها وتموت
احسن نفتك منها استغفر الله
ليش جذ تسوولف عن البنت حتى شيخه كرهتها وطلال غبي شكو يقول !!
الله يعين دلااااااال
يارب يكون حلم
بليييييييز كملي باقرب وقت

 

[badraa_85]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااااااااااااااااااااااااااااااااااااااااااااااااااااااااااااي

لالالالالالالالا


حراااااااااااااااااااااااااااااااام

وااااااااااااي بنتحر انا الي بتحوووشني جلطة وربي لالالالا ليش ياربي ليييييييش جذي البنات حتى بالروايات اسمع بهالدوابييير


ودي اسب ودي ادعي عليها لاني حسيت بالشعووووووور

مادري شقوووول كش شعر ينبي والله استغفرالله


والله يهدي الامهات قلنااااا ام بس عاد مو جذي


مادري شقووووول ناطرة على احر من الجمر باقي الاحداث

 

[taboolaaaa]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

واااااااااااااااي قلبي والله عورني عليهم !!
اخييييييه انشالله الله يبلي منيرة بالكلام اللي قالته عن دلال !! هذي اعراض ناس مو صج !!
بس انشالله حوبتهم ما تتعدى منيرة ياعل ماكو منيرة انشالله
يليت حبيبتي اليوم تنزلين بارت تكفين !! لو قصير بس يرتاح قلبي ;p
وناطرينج يالغلا ;**​

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

وااااااااااااااااااااااااااااااااااااااااااااااااااااااااااااي

لالالالالالالالا


حراااااااااااااااااااااااااااااااام

وااااااااااااي بنتحر انا الي بتحوووشني جلطة وربي لالالالا ليش ياربي ليييييييش جذي البنات حتى بالروايات اسمع بهالدوابييير


ودي اسب ودي ادعي عليها لاني حسيت بالشعووووووور

مادري شقوووول كش شعر ينبي والله استغفرالله


والله يهدي الامهات قلنااااا ام بس عاد مو جذي


مادري شقووووول ناطرة على احر من الجمر باقي الاحداث

waaaay '6aaaag khelgeeee

ايه والله عوااااار قلب....:eh_s(11)::eh_s(16)::eh_s(11):

 

[*caramel macchiato*]

رد: ياليت مت ـــــ ولا عشت افراقك 000خـــالــــد ودلال ــــ روايتي الثانية

[

وااااااااااااااااااااااااي
لااااااااااا مستحيييييييل
عفيه لاتخلينها تاخذ خالد
الله لا يوفقها وانشاءالله ثاني يوم يطلقها وتموت
احسن نفتك منها استغفر الله
ليش جذ تسوولف عن البنت حتى شيخه كرهتها وطلال غبي شكو يقول !!
الله يعين دلااااااال
يارب يكون حلم
بليييييييز كملي باقرب وقت

:eh_s(11)::eh_s(11)::eh_s(11):

 

[Miss.blue berry]

رد : ياليت مت ـــــ ولا عشت افراقك 000خـــالــــد ودلال ــــ روايتي الثانية

wee3 wee3 wee3 wee3
waaaaaaaaay 8ahar laaa2
al.7en ehya mskenaa 7eel trfee'6 elii y56bounhaa o0 tougaf ebway ahlhaa
o0 ohwa awl w7da galaw tzwjha 5laaa9
o0 mneera waay lu ashoufha jdamiii bs moutha 3la edii
uff tnarfez
waay 3ad akrah ma akrah hl.7rka al.bnya zaina yg3doun y6l3oun 3leha klam >9ayra feni al.7rka
uff o0 6ala saas al.bala kela
shaku mtkalem y3nii
ryal shkbra mu yahel
5u ma ygdar ysaker 7lja shway
wlah lu yahel 3thrnaw
3mra 25 o0 chthey !
y3nii bdal ma ysa3d o5ooh
al.mfroo'6 ygoul 7g oma mthlan la t'6'36en 3l wlad ymkn ma ybeha shay
yougaf m3a o5oooh
mu chthey
enzain ma tbii tsa3da la t5areb 3leeh
y3nii tdrey ena shai5a tbii mneera
o0 akeed mara7 tskeet
wee3 kraht kl o5wana
enshalah mu chthey yn8loun al.7achey we3
caramel pllz nbii part al.youm pllzz
aw 3l a8al bacher bs embacher
shn6rna le bacher bleel waaay
ana ga3da 3la a39ab ii b3rf esh9ayeer
wlah mskena dloul 3erat glbiiii
3ad embayen mn al.3nwan al.nhaya 7zeena
plllz 3add nbii nhaya 7lwaa plz