ياليت ما نزلت هالمنحة

[كبـــريـــاء]

السلام عليكم ورحمة الله وبركاته


انا زواجي بتاريخ 24_ 2 واول ما ذاعوا خبر تحديد المنحة الاميرية حددوها بنفس اليوم ( يوم زواجي ) اهنيه اشهقوا حريم خواني شعليج بنفس يوم زواجج و قعدوا يومين يسولفون بهاذي السالفة و لما رحت الدوام نفس الشي البنات اهناك كلوني شهالحظ شنو هالحظ المنحة بنفس يوم عرسج .......الخ و حتى عماتي و جماعتنا الكل عينه على هالموضوع

وراها بجم يوم قب جسمي حبوب و حساسية و حكة واكثر شي صوب المنطقة الحساسة الحين انا قاعدة اتعالج من دكتور الى دكتور و مابقا عالعرس شي وطبعا كله من عيونهم

ساعدوني شسوي اروح لشيخ وشنو العمل

وجزاكم الله خير​

 

[كلمة وفا]

رد : ياليت ما نزلت هالمنحة

رقي نفسج ودهني جسمج بزيت زيتون

واذا عن الحكة والحساسية غسلي بصابونة لايف بوي الحمرا اللي من العطار مو من الجمعية ان شاءالله تستفيدين

 

[الكويت حياتي]

غسلي بمره وبس

 

[قطوه بيضاء]

رد : ياليت ما نزلت هالمنحة

الله يعينج ويشفيج


بس شنو الميزه ان المنحه تكون في يوم عرسج

ماشوفه شي يستاهل الحسد

 

[miss-Dior]

خليج على صورة البقره وبتشوفبن العجايب استمري عليها اقريها كامله كل يوم

 

[كتوومه]

انا اقولج اشربي ماي زمزم واقري سورة البقره

والله يعينج ويفكج من هالأزمه

بس هالمنحه الكل راح يأخذها ليش كل هالحسد

لج ودي..​

 

[كبـــريـــاء]

رقي نفسج ودهني جسمج بزيت زيتون

واذا عن الحكة والحساسية غسلي بصابونة لايف بوي الحمرا اللي من العطار مو من الجمعية ان شاءالله تستفيدين

مشكورة ماقصرتي

غسلي بمره وبس

مشكورة

الله يعينج ويشفيج


بس شنو الميزه ان المنحه تكون في يوم عرسج

ماشوفه شي يستاهل الحسد

غيرج يشوفه حسد ، في ناس عيونها تضيق على اي شي
مشكورة

خليج على صورة البقره وبتشوفبن العجايب استمري عليها اقريها كامله كل يوم

جزاج الله خير

 

[كبـــريـــاء]

انا اقولج اشربي ماي زمزم واقري سورة البقره​

والله يعينج ويفكج من هالأزمه​

بس هالمنحه الكل راح يأخذها ليش كل هالحسد​

لج ودي..​

صح الكل ياخذها لكن هذا الي صار ، وحدة منهم قالتلي الصبح تاخذين الف و بالليل عرسج ؟
جزاج الله خير

 

[3emya_Berry]

حبيبيت ماي ورد مقري عليه رشيه تحت وخلصنااااااا وبعدين شياب المنحه حق يوم عرسج شياب لي ياب عيل خيصكون التاريخ عين وشدعوه الكل جذي مو جايف خير :fun: تقبلي نقدي القاسي ومروري

 

[فتاة.]

رد : ياليت ما نزلت هالمنحة

الله يوفقج وييسر امرج
مبروك مقدما
اقري المعوذات واذكري الله وايد
اخاف تروحين عند شيخ يوترج زياده لان في بعض الشيوخ الله يصلحهم يخرعون الواحد والي فيه شئ بسيط
انتي حصني نفسج بنفسج ولا تنسين سورة البقره على الاقل مره كل ثلاث ايام وجزئيها علشان ماتتعبين
ولا تستخدمين اي مستحضرات ماكتبها لج الدكتور وخصوصا خلطات بعض التاجرات
ومايصير تحطين الكريم بعدين تحطين مره
اخاف مسويه شيره او موس وصخ او فيها شئ يسبب حساسيه

 

[بعيون مغليك]

الله يعينج ويفك كربج وهمومج


مافيه غير الدعاء والاستغفار وسورة البقرة

 

[بعيون مغليك]

الله يعينج ويفك كربج وهمومج


مافيه غير الدعاء والاستغفار وسورة البقرة

 

[Killer^Girl]

زين وشنو يعني اذا نزلت بنفس يوم عرسج ؟؟
انتي لاهيه بالعرس ماعندج وقت تسحبينها وتصرفينها
اي شي هالناس والله
الله يعينج

 

[الرشا 2003]

رد : ياليت ما نزلت هالمنحة

اقري على نفسج او روحي مطوع

 

[فطامــي]

اهم شي انتي لا تعلقين نفسج بهالشي يعني انهم حسودني لالالالا ماعليج

ولا تحطينها ببالج ومثل ماقالوا البنات سوا

وبعد كلام الناس دخليه منيه وطلعيه مناك وافتكي وربي يوفقج ان شاء الله

 

[رنيم q8]

الله يشافيج

يارب


ويوفقج بعرسج

 

[خشف الرعآبيب]

الله يعينج يآقلبي

ارقي نفسج مآيحتآج مطوع انتي احسن

جيبي مآي وقري فيه

جيبي الكتيب وإبدي إقري وإرقي نفسج بنفسج

وتعوذي من بليس وترى مرآت النفسيه تأثر ززيآده

صلي فرضج بوقته ولآ تخلين أذكآر الصبآح والمسآء وحآولي تختمين سورة البقره كل يوم

وشغليهآ بعد بغرفتج

وعسى ربي يشفيج ويعآفيج ويستر عليج من عيون كل حسوووده مآذكرت ربهآ

ولآ تستغربون يآبنآت والله النآس مآتعطي خير على أتفهه الأمووور :flower:​

 

[>>روضـة الحسـن<<]

رقي نفسج ودهني جسمج بزيت زيتون
الله يشفيج

 

[eng.meema]

رد : ياليت ما نزلت هالمنحة

حبيبتي لا توسوسين هذي نفسيه وخوف من الحسد من كثر ما تحاتين الحسد وتاخذين كلام الناس بهالنيه اثر على نفسيتج

شيلي هالافكار والا شنو الحلو بالموضوع شدخل المنحه بالعرس وين الوناسه

كلهم بياخذون الالف وبعدين هذا تاريخ مافي زود يعني الذكرى بتصير السنه اليايه واللي بعدها واللي بعدها مالها طعم

بس هالسنه اللي بتكون بتاريخ المنحه

تعوذي من ابليس وارقي نفسج واقري اذكار الصباح والمساء ومافيج الا العافيه

 

[مندوبة ام بندر]

الله يعينج ويفك كربج وهمومج


مافيه غير الدعاء والاستغفار وسورة البقرة


الله يعينج والله انا مره حضرت عرس خالتي وانا بيضا ولابسه نفنوف اوف وايت الكل قاام يتكلم عن بياضي وراها جسمي كله حب وحساسيه وبعد سنه وشي رااح واختفى ​