ياليتني ما عرفتك يا أحمد و ساعدوني تعبت من التفكير

[عالمي انا غير]

قوه حبايبي

انا لحد الحين ما فاتحت اختي

واااااايد خايفه

وايد وايد

امس اتصلت عليها كان اعترافي لها بطرف لساني بس والله لساني انربط ما قدرت

واليوم حلمت حلم ادري الحلم هذا احاديث نفس

حلمت اني اعترفت لها و قلت لها كل شي قامت احضنتني ولمتني و تقول لي مشكووووره حصوه مشكوره و مستانسه على الطقم

بس انا ادري احلامي دايم تطلع العكس

اليوم ان شا الله راح تيي اهي وريلها بيتعشون عندنا بس اذا ريلها معاها احس صعبه اكلمها ابيها تكون بروحها

امبيه انا ما تصورت ان الاعتراف بيكون صعب لهدرجه مع اني يوم كنت اكلمكم كنت متحمسه اني اكلمها

امس قعدت اقول حق احمد اني لازم اقول لاختي عن كل شي

قال اذا دروا اهلج كلهم بعدين مالي ويه جدامهم اذا ييت اخطب

قلت له انا راح احرص ان الموضوع هذا يتم بيني وبين اختي ما يطلع لاحد

قال اوكي

بعدين بعلق على ردود البنات اللي قالوا انه نصاب و انه قاعد يخطط حق شي اكبر

لا يا بنات صدقوني اللي يخطط حق شي اكبر ما يخسر 7000 الاف ابيكم توزنون الموضوع زين

لو مخطط حق شي اكبر يمكن يخسر 100 او 200 دينار بس 7000 الاف!!!! اشدعوه يا حافظ

وبالنسبه للبنات اللي مو مصدقين سالفتي

ترى انا مرات بيني وبين نفسي اذا تذكرت الاحداث اضحك احس ان هذا حلم

ما كنت اتصور ان في ناس جذي

او بالاحرى ما كنت اتصور ان في ناس راح توقف معاي جذي غير اهلي

سبحان الله الدنيا عجيبه



وان شا الله بس اخلص من سالفتي مع اختي على طول بقول لاحمد يتقدم لان مو حلوه السالفه جذي اتم واحنا معلقين


بنات بس ادعوا لي ان ربي يعطيني الشجاعه اني اواجه اختي وايد خايفه والله خايفه

مشكورين حبايبي

ياحبييبتي لاتحاتين صارحيها وان ازعلت يوم ويومين بس مردها بتردلج وتعرف انج تعزينها حيل ودليل الطقم بكبره غيرتيه بدال ماترديلها بالمره صارحيها وربج كريم وانا عن نفسي مصدقتج واضح بنت عاقلة فاهمه متعلمة وعارفه شتبي ربي يوفقج حبييبتي وطمنينه عليج ونصيحتي لج لا تتضايقين من ردود البنات واذا انتهت المشكلة خليه يتقدملج وربي يوفقج ولا تسمترين معاه بمكالمات مهما كان هذول شباب ولازم مانئملهم

 

[mi corazon]

والله هالاوادم قامت تتفن بالخداع

حياتي ديري بالج .. المسأله واضحه وضوح الشمس

 

[حـوريـه]

يمكن هو موصي أحد ياخذه من السياره

انا حاسه القصه كلها تأليف هو مألفها عليج

والله أعلم

 

[nano555]

الله ياجرج في مصيبتج ويمسح على قلبج ووفقج يا رب بس عندي سوال اهو من ويله 7000 للطقم اليديد ومن قبل ماكان عنده فلوس يودي اخته ؟

 

[*سوسو ستار*]

خل يتقدملج قبل تعترفين لاختج

 

[سمو الاميرة 2]

انا مع البنات قولي انك جدتيه وهيك
ثاني شي
بنات من حلف با الله فصدقوة ....
وحتى لو كذب هي تكذب على نفسها !!

الله يسهل عليكي اختي
وطمنينا عليكي ...

 

[دموع الثلج]

انبييييييييييية والله تعبت وان افرف5ر بالصفحات ابغي النهاية اما من ناحيةالنصح انصحك قولي لاختك وهي امكن تتصرف وتجيب الي عند جاركم ولو لا هذا رزقةىوعلى فكرة انا من الااول ماكذبتك ومصدقة كل شئ يصير بس انتبهي لنفسك واكتبي النهاية تعبت وعيوني عورتني والله هههههههههههههه

 

[جوري 2007]

شنو هذا !! توة متعرف عليج ويبي فلوس !! عقب يحطها بسيارة الييران !

لا تعليق

 

[@ كويتيه @]

قولي لأخـتج.. حبيــت اغيرلج الزيركون بالالمآس حلآآتـه التغيير..

اناا ماااحب الجـذب ولا اشجعج عليــه بس بهالحآلــه مجبوره على هالشي عشان ترتآحيـن نفسسيآ !!

اختـي انتي بااايييييين عليييج ضميرج يأنبـج من السسالفه بكبرهآ


نصيحـــه نصيـــــحه نصيــــــــحه !!

غيري حيآتـج للأحسسن وانهـي السسالفه مثل ما ابتـدت ..^_^

والله يكون بعونــج

 

[miss.rosy]

اختي ويييييينج

شسويييتي ويا اختج

حبيبتي انا بعد مصدقتج وواثقه فيج ، اصلا مبين عليج وحده طيبه وتحب الخير ولا لها ولا عليها

بس احمد صراحه مممدري ،، للحين مو مرتاحه له وايد !!

لكن نقول ان شاءالله ان قصده شريف ، اهم شي بعد ماتعدي هالسالفه على خيرر ، وورجع طلب منج شي ،، انتبهييييييييييييي توافقين حتى لو عوّر قلبج وكسر خاطرج


وافينا بكل جديد

 

[amoona89]

من رايي ترووحين تكلمين اختج وتواجهينها بالحقيقه واهي اكييد رااح تعذرج
واذا على سالفة جاركم رووحي انتي واختج عند بيت جيرانكم وقووليلهم انه انسرق منكم ذهب من فتره
الخادمه وقوولي فيه نااس شافوو الخادمه حطته بسيارة بيتكم القديمه
وقوولي لهم مستعده اقوولكم جم قطعه ذهب كانت موجوده ومستعده اوصف اشكالهم علشان تبينين جدامهم انج صادقه
وعسى ربي يعدى السالفه على خير

 

[بـشـرى]

لا تعليق

 

[بيتي بوب بس كويتيه]

الله يعينج
ناطرين الاحداث الباجي

 

[kndora]

شكله هذا جذاااب

قوليله انا شلي يضمنلي انك ما تجذب علي قوليله ودني اشوف اختك

بس هذا 100% نصااب صدقيني اهو ريال يعرف شلون يدبر فلوس اذا اخته صج تعبانه

والله يعينج انشالله

 

[غرق بالماي]

قصتج غريبه حيل والله يكون فيه عونج كل هذا صار لج


الحمدالله انه احمد طلع صاج لو واحد ثاني جان اخذ الذهب ونحاش في



بس والله طلع ريال وعجبني حيل بوقفته هذي


وعن اختج فهميها السالفه كلها وان شاء ماراح تزعل قولي لها ساعت وحده مريضه وماكان شي بيدي الا الذهب حقج



اخذو سلف ورجعو لي باحسن منه

 

[Some day]

عذروني بنات ترى كتبت بدون ما اشوف تعليقاتكم لاني صج مالي نفس اشوف من بين التعلقات وحده اتجذبني

انا غبت جم يوم لانه صح نفسيتي صارت زفت مالي خلق احد خصوصا عقب ما صارحت اختي بكل شي

 

[Some day]

قلت لها كل شي

انا قبل امس قلت حق احمد يتقدم وخذا مني رقم الوالد

وقال انه علبو انه اليوم يخلي عمه يكلم ابوي

واتفقنا انه يقول انه شافني بالدوام و عجبته وسال عني

عقب انا كلمت اختي وصارحتها بكل شي

انصدمت مني!!!!!!!!

امبيه انا اكتب لكم الحين وانا تعبانه بالغصب اكتب

انصدمت مني اختي قامت اطالعني مو مصدقه

لالالا انا قمت ابجي مابيها تطالعني بالنظره هذي

انا استاهل لاني حراميه و نذله و حقيره على اللي سويته فيها

صار لي يومين قاعده بفراشي مالي نفس اشوف احد

مابي احس ان علاقتي مع اختي انهارت و ضاعت و انهدم اللي بينا

اختي اختي اللي ذبحني انها تمت ساكته ما نطقت بولا كلمه

تمت ساكته و اطالعني و ترد تنزل راسها بعدين ترجع تخزني و اهي مذهوله

وتقول انا مصدومه انا مصدومه

و بس ما قالت غيرها

بعدين ترد اطالعني و تضحك جنها مو مصدقه بعدين فجاه تزعل و تقول انا مو مصدقه

انا اشوف ردت فعلها و ابجي ابجي واتاسف منها وادري الاسف ماراح يسوي شي

قلت لها ارجوج قولي شي

تقول الطقم مابيه

قلت لها ليش

قال الطقم مو بسعره انا مابي الماس انا ابي طقمي

الطقم مو بسعره الطقم بغلاوته المعنويه

الطقم هذا هدية ريلي بالمناسبه الفلانيه

قمت ابجي وابجي

ودزيت حق احمد هدمت اللي بيني وبين اختي بسبتك

انا خسرت اختي بسبتك

خسرت ثقتها خسرت علاقتي الاوليه معاها

تقدر تردها؟!!!

على طول دق علي و مارديت عليه

و تم يدق ويدق و انا طنشت

كرهته والله كرهته

قلت بسبتك انا خسرت اختي ما كو شي يعوضني فيها

وماراح انساها لك طول ما اختي تصد عني

 

[عالمي انا غير]

قلت لها كل شي

انا قبل امس قلت حق احمد يتقدم وخذا مني رقم الوالد

وقال انه علبو انه اليوم يخلي عمه يكلم ابوي

واتفقنا انه يقول انه شافني بالدوام و عجبته وسال عني

عقب انا كلمت اختي وصارحتها بكل شي

انصدمت مني!!!!!!!!

امبيه انا اكتب لكم الحين وانا تعبانه بالغصب اكتب

انصدمت مني اختي قامت اطالعني مو مصدقه

لالالا انا قمت ابجي مابيها تطالعني بالنظره هذي

انا استاهل لاني حراميه و نذله و حقيره على اللي سويته فيها

صار لي يومين قاعده بفراشي مالي نفس اشوف احد

مابي احس ان علاقتي مع اختي انهارت و ضاعت و انهدم اللي بينا

اختي اختي اللي ذبحني انها تمت ساكته ما نطقت بولا كلمه

تمت ساكته و اطالعني و ترد تنزل راسها بعدين ترجع تخزني و اهي مذهوله

وتقول انا مصدومه انا مصدومه

و بس ما قالت غيرها

بعدين ترد اطالعني و تضحك جنها مو مصدقه بعدين فجاه تزعل و تقول انا مو مصدقه

انا اشوف ردت فعلها و ابجي ابجي واتاسف منها وادري الاسف ماراح يسوي شي

قلت لها ارجوج قولي شي

تقول الطقم مابيه

قلت لها ليش

قال الطقم مو بسعره انا مابي الماس انا ابي طقمي

الطقم مو بسعره الطقم بغلاوته المعنويه

الطقم هذا هدية ريلي بالمناسبه الفلانيه

قمت ابجي وابجي

ودزيت حق احمد هدمت اللي بيني وبين اختي بسبتك

انا خسرت اختي بسبتك

خسرت ثقتها خسرت علاقتي الاوليه معاها

تقدر تردها؟!!!

على طول دق علي و مارديت عليه

و تم يدق ويدق و انا طنشت

كرهته والله كرهته

قلت بسبتك انا خسرت اختي ما كو شي يعوضني فيها

وماراح انساها لك طول ما اختي تصد عني

لا يااختي لا تقولين ع نفسج هشكل واذا ع اختج مردها بتحس فيج هي اللحين مصدومه ومشوشه شوي من اللي عرفته بس بعدين بتردلج هذي اختج وماظنتي علاقتكم بتهتز هي مذهولة شوي خلاص حياتي هذا اللي صار بعد اقري سورة البقره واستغفري كثير والباقي خلي لربج و الرجال لا تدقين عليه ولا يدق عليج قوليله الموضوع صار عند هلي حتى لا تكسبين ذنوب والله يوفقج وظلي طمنينا عنج

 

[Some day]

اليوم اختي يات وقالت لي انا مو زعلانه عليج والله العظيم مو زعلانه عليج

تقول كل انسان يغلط

ماكو احد ما يغلط

انا مو خاقده عليج ولا زعلانه عليج

والله ماني زعلانه ولا شايله شي بقلبي ضدج ولا ضد احمد

لميتها وقمت ابجي و هي تبجي و عقبها قالت اليوم بطلعج لا تضيقين خلقج

انا بس انطرمت بس ساكته و تناديني يلا حصوه خل نطلع لبسي

لبست و طلعنا تمشينا و قالت خل نتعشى

بس انا حدي مو مشتهيه اكل

طبعا طول اليومين هذيل احمد يتصل و يدز مسجات وانا ما ارد عليه

ورديت وقلت له خلاص اللي بينا انتهى لا تتصل مره ثانيه

بس قال ارجوج بس يقول لج جم كلمه سمعيني

مارديت عليه

كرهته كرهته

 

[عبير العنزي]

انا كنت متوقعه هالشي..عشان جذي ماقلت لج صارحي اختج

وعطيتج حلول يمكن تكون اصعب لكن تمنيت يرجع طقم اختج بدون لاتدري..والاتفاق يكون بينج وبين الوالده

ع العمم حبيبتي اكيد بالبدايه بتنصدم يبيلها فتره من الوقت عشان تنسى هالموقف وان شاء الله ترجع المياه لمجاريها

وزين دام احمد بيكلم الوالد..هذي خطوه ايجابيه..وان شاء الله بعد كل التضحيه اللي قدمتيها حق احمد عرف معدنج وطيبة قلبج

وبيكون معاج زوج صالح

لاتنسين تعزمينا ع العرس وطمنينا على اخبارج

لاتتضايقين انا واثقه ان اختج بتسامحج