يالمتزوجات تعالوا انصحونا ....

[فرزاتشى]

مشكوررررررررين ماقصرتوا صرااحه
وصادقين اهم شي الاستخااره
بس قلت نشوف تجاربكم وتستفيد منها

 

[ام كوثر2007]

طبعا الاستخاره اولا

وبالنسبه لي رائي الشخصي اثنينهم ما ينفعون

الثاني في بينكم وبين اهله عداوه من سنين راح تعانين وايد

والاول ضعيف شخصيه والحرمه فينا تبيلها رياااال يسندها ويعينها مو تبي واحد ماله شخصيه وخيخه وتقومين انتي بعدين تلعبين دوووره بالحياه وتصيرين انتي اللي امشيه كلامج بجذى ما راح ترتاحين بعد .

 

[شوشو الرشيقه]

الله يعينش ويوفقش يارب
ونصيحتي تاني في الاختيار تاني كثيييييييييييييير
ومن رايي بعد ان الرجال اهم بكثييير من الاهل
صدقيني ويش فايدة اهله لو انت مو مرتاحه معه
انصحش وكل اخت تدخلين هذي المدونه وتقرين فيها صدقيني ان شالله بتستفيدين فيه للكاتبه مواضيع عن
اختيار الخطيب انصحش وبقوه ونبشي في المدونه فيها شغلات تنفع واجد للمتزوجه واللي باقي ما تزوجت موفقه ياروحي

http://estrogenat.com/

للاستاذه خلود العفري

 

[*E.B.D.A.3*]

شووفي
الي شخصيته ضعيفه ، ينخاف منه بالمستقبل ..
لا تقولين ممكن انا شخصيتي قوية وبفرض عليه رايي
يمكن تكون اكو "قوى" ثانية معاديه لج، واتيي من طرف امه ،
وتتدخل وتتحكم !
وبما ان شخصيته ضعيفه ... راح يخضع لها !!

عموما ماكو معيار صادق وناجح للزواج الا التوافق العقلي بينكم
اذا لقيتيه في ولد عمج اخذيه واذا لقيتيه في الثاني، هم اخذيه

والمعيار الثاني اهوه الاهل ،، وانا اؤمن بهالحكمة " شي تعرفه احسن من شي ماتعرفه"
عمتج انتي ابخص فيها ، على قد ماكانت عدوة لكم ، هل اكو مجال انج تكسبينها يعني هل اهيه من النوع الي مقطع الشر
والا بس سوالف حريم وتغزات ؟
هل لها مفاتيح تقدرين تكسبينها من خلالها ؟؟ يعني مثلا اكو حريم يبين بعينهم الكرم والمواجيب، على سبيل المثال عمتي
هم كانت في عداوة بيننا ، بس قدرت اكسبها بعد ماصرت طيبه معاها واقوم فيهم
المشاكل اختفت 100% !

فانتي ابخص بااهلج ،، تعرفين اذا ينفع معاهم والا ماينفع؟
وتعرفين هم درجة شر عمتج .. هل اهيه من النوع المتقدم ام البسيط ههههههههه

 

[ديانا سبنسر]

يعتمد الى اي درجه شخصيته ضعيفه .؟؟ هل ضعيفه الى درجة انه مايقدر يتصرف بالامور الي تحتاج لذلك ؟؟
هل انتي راح تكونين ربة البيت وريال البيت ؟؟
هل اذا تعرض لموقف مثل سرقه او كنسلة رحله او تعرضلج شخص بالشارع ماراح يقدر يتصرف ؟؟
عزيزتي انتي محتاجه رجل تعيشين معاه بامان واثقه انه يدافع عنج وياخذلج حقج وتكونين متطمنه وعايشه بامان معاه

بالنسبه للثاني انتي عارفه امه هل هي انسانه سلبيه لي درجه تقلبلج حياتج جحيم ؟؟
اذا كان كذلك فنصيحه لاتلقين نفسج بالتهلكه
اذا كانت انسانه سلبيه فقط ولكنها ماتضر احد والبعد عنها راح يخليج مرتاحه مع زوجج فتوكلي على الله
ايضا يعتمد على مدى الاذي والضرر الي ممكن تسببه لج ..؟؟
هل هي انسانه حقوده وخبيثه وقلبها اسود ؟؟
ولا انسانه متسلطه ولكن قلبها ابيض وماتضر او تخرب بيت ولدها ؟؟

:rerrerek::rerrerek::rerrerek::rerrerek::rerrerek::rerrerek::rerrerek:

 

[Daisy flower]

حبيبتي فكري امية مره قبل تتخذين اي قرار واستخيري كل يوم قبل تنامين ..

انا بعد اقول دام علاقتكم مع عمتج مو زينه فانصحج افتكي لان بتفتحين على نفسج باب مشاكل .. انا ماقولج اقطعي رحمج لا بالعكس هذي عمتج اوصليها بس اخاف بزواجج من ولدها تزيد المشاكل ..

بالنسبة للاول على حسب شتقصدين بشخصيته !! يعني امه تتحكم فيه ولا مايعرف يتصرف بالمواقف اللي تحتاجين فبها ريال يعني انتي داشه ع زواج ويبيلج واحد يكون سند لج بهالدنيا ..

انتي استخيري .. موضروري تاخذين واحد منهم .. واللي ربي كاتبه بيصير .

 

[فرزاتشى]

مشكووورين على الردود
وبما ان كثرت التساؤلات هههههههه بوضح اشياء
الاول شخصيته ضعيفه بمعنى طيب لابعد الحدود ماله كلمه ع احد اببببدن وامه الحق ينقال حقااانيه بس قويه شخصيتها كثيررر
اما بالنسبه لعمتي اول شي معاديتنا من كنا صغار وله موااقف مو حلوه مع امي وفيها شي مو حلو مهما تسوين لها مايبااان بعينها ومثلا نكون في بيتها وتكون في عزيمه ماتحب تخلينا مع الناس داايم مثلا تنادي بنتها تقول خلي فلانه تقعد فوق معاج بغرفتج احسن من الحريم لللليه شهالطببع ومثلا وحده من صديقاتها عازمتني انا وامي تخيلون ماتعطينا خبرر اكثر من مرره تسوي فينا هالحركه ؟؟؟

 

[هيفاء 966]

انا اشوف الاول افضل اذا ماكانت شخصيته ضعيفه وايد لدرجة لا تحتمل بيكون لين معك. اما عمتك وولدها ما يندرى عنهم. وأحتمال تقلب عليج لان لها سوابق مع الأهل اجل شلون مرت ولد أكيد اعظم