يالمتزوجات تعالوا انصحونا ....

[فرزاتشى]

السلام عليكم جميعا
اولا شخباركم وشلونكمم
انا طبعا مو متزوجه بس عندي خبررره من سوالف صديقاتي :krkrkr:
واللي يفتتر على هالقسم يلقى من السوالف ماتعطيه خبره خل نقول لبدايه الزواج
انا بغيت شوي نستفيد من خبراتكم وماندري لو انطرح هالموضوع من قبل بس انا ماشفته يعني بريئه هههههههه
المهم ادش بالموضوع

الله يسلمكم بقولكم قصتي ومنه بيكون موضوعي ومابيكم تفشلوني
انا تقدم لي 2 ورا بعض وكلهم مجرد يبون رايي والزواج عقب يعني انا قاعده امخمخ على كيفي ههه وماندري النصيب وين بيكون
الاول كل شي تمام وعيبه الوحيد انه شخصيته ضعيفه وانا الحمدالله مو عن مدح بس فرضه شخصيتي واهله ناااس تنحط ع الجرح يبرى
الثاني مادري عنه بصراحه بس اهله مو زود وياي يعني هي عمتي بس الله يسلمكم معاديتنا من لما كنا صغار ولها سوالف شكثرررها مع امي بس سبحان الله يوم جات بتخطب لولدها ماعجبها الا انا:eh_s(22):

الخلاااااصه من الموضوع
ايهم اهم ان ننظر للحموله وبكرا بنتعود على الرجال او اهم شي الرجال والاهل مش مهم ؟؟:eh_s(4):

الله يعافيكم ابي تجاااوب بموضوعي لان احتاج رايكم ومنه موضوع ننقاشه :eh_s(17):

 

[فرزاتشى]

اب اب يالمتزوجاات يلا خلونا ننقاش هالموضوع ونستفيد من خبراتكم

 

[منى قلبها ابيض]

استخيري والخيره في ما اختاره الله ــ

 

[فوفو22]

قبل اختيار ... هو اواهله

يجب ان يكون قلبك نظيف من اي خطط او رسم شخصييات

الولد تربيه اهله

واللي يضرهم يضره والعكس

ولكن في الزواج

التركيز الاكبر علي اخلاق الزوج

فوفو

 

[ام شيخوه]

نصيحة من قلب اخذي الاول اولا عندة ميزة حلوة وهي ان شخصيتة ضعيفة يعني بتمشينة على كيف كيفج وثانيا اهلة طيبين يعني بترتاحين من مشاكل الغيرة والحسد ووجع الراس والله يوفقج

 

[Patcholli]

يعتمد الى اي درجه شخصيته ضعيفه .؟؟ هل ضعيفه الى درجة انه مايقدر يتصرف بالامور الي تحتاج لذلك ؟؟
هل انتي راح تكونين ربة البيت وريال البيت ؟؟
هل اذا تعرض لموقف مثل سرقه او كنسلة رحله او تعرضلج شخص بالشارع ماراح يقدر يتصرف ؟؟
عزيزتي انتي محتاجه رجل تعيشين معاه بامان واثقه انه يدافع عنج وياخذلج حقج وتكونين متطمنه وعايشه بامان معاه

بالنسبه للثاني انتي عارفه امه هل هي انسانه سلبيه لي درجه تقلبلج حياتج جحيم ؟؟
اذا كان كذلك فنصيحه لاتلقين نفسج بالتهلكه
اذا كانت انسانه سلبيه فقط ولكنها ماتضر احد والبعد عنها راح يخليج مرتاحه مع زوجج فتوكلي على الله
ايضا يعتمد على مدى الاذي والضرر الي ممكن تسببه لج ..؟؟
هل هي انسانه حقوده وخبيثه وقلبها اسود ؟؟
ولا انسانه متسلطه ولكن قلبها ابيض وماتضر او تخرب بيت ولدها ؟؟

 

[مناير ...!]

استخيري وربج بيسهل لج الي فيه الخير لج

 

[كويتيه سمره]

قبل اختيار ... هو اواهله

يجب ان يكون قلبك نظيف من اي خطط او رسم شخصييات

الولد تربيه اهله

واللي يضرهم يضره والعكس

ولكن في الزواج

التركيز الاكبر علي اخلاق الزوج

فوفو

:rerrerek::rerrerek::rerrerek::rerrerek::rerrerek:

 

[ثريا الكون]

استخيري وشوفي الي قلبج يميله اكثر ​

 

[tbola]

استخيري والله يوفقج

 

[ام الحلوااات]

اللــــــــــه يـــــســــهـــــل امـــــــــــرج

 

[Beyoncee]

الله يسهل امورج
انا ما اشجع زواج الاقارب بس عمتج موقفها حلو عجبنى
لو مو شايفتج مناسبه لولدها ما خطبت
اذا الولد مافيه شي افتحي صفحه جديده مع عمتج اذا مو خلافكم جايد
شوري امج وشوفي رايها

 

[فرزاتشى]

مشكوررررررررين على الردود
انا ودي نتناقش من خلال التجارب اي اهم نحطه بالاعتبار الاهل والا الزوج؟
اختي فوفو بالعككس والله مو حاطه ببالي شي انا ابي اهل زوجي يكونون اهلي

 

[sh_mashael]

ابعدي اللحم عن اللحم لايخيس
و علاقتكم مو ذاك الزود مع عمتج . اشلون تاخذين ولدها!!

اثنينهم مهمين الأهل و الزوج

 

[Sara988]

استخيري والخيره فيما اختاره الله

 

[ذات قلب أبيض]

انتي قلتي الاول كل شي تمام بس شخصيته واهلة خوش ناس الصراحة لو انا اختار الاول لان بالعكس يمكن لانة طيب انتي تقولين عنة شخصيته ضعيفة بس لو انا مكانج اختارةتوكلي على الله وخذيه لان مو كل مرة الفرصة تتكرر

 

[اميره1980]

ابتعدي عن زواج الاقارب و خصوصا ان عمتج تبيج لولدها شكلها تبي تنتقم ابعدييييييييي

الخطيب الاول اذا كان خلوق و يصلي و خايف ربه ليش لا ؟؟ على الاقل هو و اهله زينين

مووووووووووفقة

 

[أحمرجوري]

شوفي انا من تجربتي زوجي اخذني غصب عن اهله ماكانو راضين ومعاملتي اطيبه حبوني يعني المهم لا الزوج ولا الاهل بيدج تحببينهم فيج وبيدج تكرهينهم فيج والاهم من كل هذا يكون في قبول اي واحد انتي مرتاح له اخذيه وربي يسر امورج يارب

 

[Sweetq8]

ام شيخووه شنو اخذي الي شخصيته ضعيفه عشان اتمشينه ع كيف كيفج وين قاعدين ماعرفنالج

بموضوع وحده من الخوات كليتيها و اشوي واتحطين القران كله وانتقدتيها لانها بس ذكرتربعض الخصال السيئه بزوجها و الحين تنصحين البنت بهالشكل

اقول اتقي الله في نفسج و بسكم نفاااااق

حبيبتي راعية الموضوع استخيييري رب العالمين ابرك من الكل 

 

[گـحِـلْ |~]

الرجال اهم من اهله لانج تاخذينه هو مو اهله
الله يكتب اللي فيه الخير