يالله يابنات..تقديم طلبات التوظيف في وكالة الانباء الكويتيه كونا الاسبوع الجاي

[qlboona]

شنوو حاسوب

 

[أحلى غزالة]

معاشاتهم حلوة ؟؟؟

انا تربية عربي ينفع؟؟

اي معاشاتهم حيل حلوة
اكثر من الوزارات
وعادي
بنت خالتي كانت تربيه عربي وقدمت قبل جم سنه وانقبلت
قدمي منتي خسرانه شي
واذا الله قاسم لج الوظيفه
راح تنكتب لج​

 

[أحلى غزالة]

شنوو حاسوب

اعتقد كمبيوتر
صار هذا اسمه
والي يعرف اكثر يفيدناا​

 

[أحلى غزالة]

مشكوره حبيبتي بس بالنسبه للتخصصات عندهم شروط عالمعدل ؟؟ او انه ماتوظف من قبل؟؟ او يبون خبره؟

ومنو اللي ماسك التوظيف عندهم؟

عادي اذا متوظفه من قبل
اعرف ناس كانو يشتغلون يوم تقدموا للتوظيف
واقبلوووهم
جربي منتي خسرانه شي
وكل شي قسمه ونصيب​

 

[choclate-_-q8]

اختي يصير دبلوم كمبيوتر شهاده متوسطه
جزاج الله خير

 

[AbRo0oH Q8]

كم معاشات البكالوريس ؟ وشلون نظامهم ؟؟

 

[رعشه هدب]

يــعــطــيـــج الـــعــاااافـــيـــه ياااالــغـــاااالــيـــه يــقــبــلـون شـهـادة مـتـوسـطـة ومـعـهـا دبــلــوم عــلـــوم كــمــبــيــوتـردورة تســـعة شــهــور وأرجـوا مــن الأخــواااات للــي تـــعـــرف تـــفــيــدنــا ............

الله يـــــجـــزاج الـــجــنــه ياااالـــغــاالـــيــه​

 

[queenbeeuty]

الله يوفق الجميييع

 

[panadool]

انا دبلوم قانون يقبلوني ؟؟؟؟؟؟؟

 

[om janoona]

حبيبتي ما يبووون محاااسبة دبلووووم ...؟؟؟
و يعطيييج العاااافية

 

[Lourdez]

مشكووووورة حبيبتي

 

[أحلى غزالة]

هذا اعلانهم عن التوظيف
نازل على السايت مال كونا
واعتقد فيه كل التفاصيل​

7​

7​

7

7​

7​

فرص عمل للكويتيين​

تعلن​

وكالة الأنباء الكويتية ( كونا )​

عن حاجتها لشغل عدد من الوظائف وذلك حسب الشروط التالية :
· أن يكون المتقدم كويتي الجنسية
* الإلمام باستخدام الحاسب الآلي​

· الوظائف هي :
1ـ مساعد محرر : حاصل على شهادة جامعية ( العلوم السياسية ـ صحافة وإعلام ـ اقتصاد ـ الأدب الانجليزي – لغة عربية ) .
2ـ توثيق ومكتبات : حاصل على شهادة جامعية ( التربية وعلوم مكتبات ـ تربية وتكنولوجيا المعلومات ) .
3ـ مدقق حسابات : حاصل على شهادة جامعية ( محاسبة ) خبرة لا تقل عن ثلاث سنوات .
4- محاسب : حاصل على شهادة جامعية ( محاسبة ) .
5ـ محلل نظم : حاصل على شهادة جامعية ( علم الحاسوب ) خبرة لا تقل عن ثلاث سنوات .
6ـ باحث قانوني : حاصل على شهادة جامعية ( حقوق ) .
7ـ منسق إداري : حاصل على شهادة جامعية ( إدارة أعمال ) .
8ـ باحث تسويق : حاصل على شهادة جامعية ( تسويق وعلاقات عامة ) .
9ـ سكرتير : حاصل على شهادة دبلوم (سكرتارية ) .
10ـ مساعد منسق : حاصل على شهادة ( ثانوية عامة ) .
11- فني تصوير : حاصل على شهادة ( تكنولوجيا التعليم – تقنيات تصوير ضوئي ) .​

سيخضع المتقدمون لاختبار تحريري​

فعلى الراغبين بالعمل ممن تنطبق عليهم الشروط المذكورة أعلاه الحضور​

شخصيا إلى مقر الوكالة​

الواقع في منطقة الشويخ ـ طريق الجهراء ـ بجانب الهلال الأحمر الكويتي​

اعتبارا من يوم الأحد 11/9/2011 وحتى يوم الخميس 22/9/2011 في الفترة من 5 ـ 8 مساء في الدور الأرضي​

مصطحبين المستندات التالية
· شهادة الجنسية وصورة عنها
· شهادة الميلاد وصورة عنها
· البطاقة المدنية وصورة عنها
· المؤهل الدراسي مصدق من الجهات الرسمية وصورة عنها
· شهادات الخبرة إن وجدت
· صورة شخصية حديثة عدد ( 1 )
في حال وجود استفسار يرجى الاتصال على هاتف
رقم ( 24822000 )​

داخلي 3016- 2711

بالتوفيق للجميع :yaaaaaarb:​

 

[AbRo0oH Q8]

اختي غزاله ماتدرين كم معاشات بكالوريوس هناك .. ؟ ويقبلون بالندب ولا تعيين جديد

 

[أحلى غزالة]

اختي غزاله ماتدرين كم معاشات بكالوريوس هناك .. ؟ ويقبلون بالندب ولا تعيين جديد

معاشاتهم لاول تعيين توصل حوالي 950 دينار او توصل للالف دينار
والندب موجود في كونا
بس مو حق الي طالبينهم في هالاعلان
هذيله كل سنه يبون تعيين يديد
او نقل خدمات اذا قبلوهم
بس الندب
تراجعون فيه مسؤولين الوكاله


​

 

[AbRo0oH Q8]

طيب شلون نظام مكاتبهم خلط ؟؟

 

[أحلى غزالة]

طيب شلون نظام مكاتبهم خلط ؟؟

حسب الادارات
التحرير اكثره بنات
والادارات الثانيه
فيها بنات وشباب
بس للامانه
المكان راقي
وكل واحد بحاله
والخلط الي فيها
مو مثل خلط الوزارات
مرتب وخصوصيه
و ترى فيها بنات منقبات
وماقالو خلط
لان كل شخص بحاله​

 

[قرنبيطوو]

حبيبتي مو حاطين شرط المعدل؟؟؟

وعادي اذا شخص متوظف في مكان ويقدم عندهم؟؟؟

وشلوون على الامتحان سهالات ولا مصعبين الامور

الله يسهل =) وما قصرتي

 

[أحلى غزالة]

حبيبتي مو حاطين شرط المعدل؟؟؟

وعادي اذا شخص متوظف في مكان ويقدم عندهم؟؟؟

وشلوون على الامتحان سهالات ولا مصعبين الامور

الله يسهل =) وما قصرتي

المعدل مادام انه مو مذكور بالاعلان
فما اعتقد مهم
الاهم هو الاختبار التحريري الي يسوونه بعدين
وبالنسبه للي متوظفه بمكان ثاني
اعتقد عادي
حسب ما سمعت ..اذا انقبلت بكونا يسون لها نقل خدمات
موفقه​

 

[q8ia_cutaa]

مشكورة حبيبتي ماتقصريين

 

[نادية_]

بس شكله وايد راح يقدمون والواسطات راح يكون لهم نصيب الاسد !!!