ياكويتيات ساعدوني راح اموت

[غدناء الكندري]

مساكم الله بالخير يا احلا كويتيأت فديتكم
ودي اقولكم مشكلتي بس مو قادره القى لها حل
ريلي يحبني ويموت علي ومو مقصر معاي بشي وانا كنت اموت فيه بس لين يأه يووم وجكيته بالفون بس والله العظيم من ذاك اليوم وانا مو طأيقه اتكلم معأه او حتى اعطيه حقه كزوجه حأول ان يراضيني ومو مقصر بولا شي
انا حاليأ قاعده افكر بالطلاق
واله مادري شسوي
مع العلم لما جكيته بالفون سكت ولا اشوف منها مسج كاتبتله
كان ودي اقعد معاك اكثر بس يلأ المره اليايه انكون حاجزين فندق
موقادره انام من كثر الفكير مادري شنو الحل

 

[M!ss soso]

حسبي الله على العدوو
و الله مدري حبيبتي بس زعلي زعله جاييييييده جايده
و خليه يتحسف ع اليوم الي خانج فيه عامليه ببرود ولا تعطينه ويهه
لان الي سواه شي كبير صراحه خان ربه و خانج
والله يعينج حبيبه قلبي ..

 

[رواضي قطر]

حبيتي خلي الطلاااق اخرررر حل خااصه لو عندك اعيال
وقفي عند حده خل اهلك يالدخلوووون زعلي

 

[مولاي الفرج]

كندريه اول شي تأكدي عدل وفهمي منه السالفه

تالي يصير خير

 

[كياني المجروح]

الله يعينج اختي الخيانه مو شي سهل ابد بس اكثر الرجال جذي والله يهديهم
انا نصيحتي لا ادمرين بيتج عشان وحده من الشارع وتخسرين وهي تكسب
ازعلي على ريلج من حقج تزعلين وحتى لو راضاج ارضي بس مو بسرعه وعقبها غيري اشوي اسلوبج معاه حسسيه انا مو مهم خليه يحس بالذنب لفتره لا تعطينه اللي يبيه بسهوله
والله يهدي النفووس ان شالله بس تذكري مرده لج انتي زوجته وغيرج لو يموت ما يجي مكانج يكفي لبقى يشوفه يندعس في مكان بعيد عن عين الناس .
اكثري بالدعاء الله يبعد عنه بنات الحراام ويهديه

 

[القلعة الذهبية]

الله يسخره لج

 

[MuChaCha]

واجهييييه
كلمييييه

ساكته ليش يعني ليشن يحجزون بفندق مثلا؟؟

 

[فوشية]

الرياجييل مااااااااااااااااااااااااااااااااااااااااااااااااا هم رياجييل

 

[لياليـ]

؟؟؟؟ اب اب

 

[*وايليه*]

حسبي الله عللييييييه

 

[ذات قلب أبيض]

انا اقول دام انة مو خلي عليج قاصر عطيه فرصة ثانية سامحيه بس هالمرة لان خوفج تتطلقين وتاخذين واحد اردى منة انا اقول انة الله يسامح عبيدة فما بالج بالعباد
حبيبتي عطية فرصة ثانية وبينيلة انة غلطان وخليه يعتذر بس مو تتطلقين بهالسهولة حرام عطيه فرصة ثانية

 

[حبيبي مالكني]

حبيبتي قعدي معاه وواجهيه
انا عن نفسي مستحيل اسامح
بس بعد ماراح اهدم بيتي عشان وحده ماتسوى
حاولي تبينين له غلطه بس لا تعدين الموضوع بالساهل عشان اهو ما يتعود ويعيدها

 

[Sugar cube]

لا حول و لا قوه الا بالله ..

الله يمسح على قلبج ، و يعينج و يصبرج حبيبتي ..

المهم انج ما تعدين الموضوع بالساهل ، عشان ما يعيدها ..

خل يكون قرارج على حسب رده فعله ، اذا كان ندمان و شاريج و حاس بجريمته اتجاهج ، او عادي مو هامته ... الخ

و محد بفيدج غير رب العباد ، صلي استخاره مره و مرتين و ثلااث و شوفي الخيره وين

و رددي " لا حول و لا قوه الا بالله " اللهم اجرني في مصيبتي و اخلف لي خيرا منها ..



عسى الله يمسح على قلبج و يكتبلج كل اللي فيه الخير

 

[جيكره(و)تتغلى25]

انا ضد الطلاق مو مقصر اعيش كا مطلقه معاه بالحلال


والي تقول فهمي الموضوع اول شنو تفهم اكثر تقولج فندق !!

ازعلي وخليه يحس بالندم عشان يتوب على قولة فوزيه دريع حتى الانطوائي يخون

 

[ورد وردي]

حبيبتي تعلمي انج ماتاخذين قرار مصيري وانتي بظرف نفسي او ضغط لان بيكون غلط اميه بالامية نطري لما يهدا الوضع شوي مع الاستغفار والصلاة وغيرها

وتفاهمي معاه حطي النقاط عالحروف خليها اهي تروح مو انتي انتي الزوجة والاساس

 

[غـرامـي أنـت]

الله يعينك ويهديكم حق بعض ّّّّ

 

[حكم الصمت]

أنا تقريبا ً مشكلتي تشابه مشكلتكـ كثييير .... في البداية مثلكـ ما أطيقه ولا أطيق يقرب مني ولا أسولف معاه ولا شيء وظليت اسبوع وشوي تقريبا ً ع هالوضع وشوي شوي هدأت وصرت أتقبله من جديد
وتوني دزيت له مسج تقريبا البارح واهو طالع ... كتبت له .. لو ينتهي غلاكـ برجع أحبكـ من جديد!>>>>> شرآيكـ لووول
لأنه مثل ما قلتي يحبني ويموت فيني ومو مخلي علي قااصر ... ومع العلم رجعت أعامله زي قبل لأن شفته متندم حييييل حييييل
عشآن كذا سامحته ..

أتمنى تنحل مشكلتكـ مع زوجكـ على خير يااااااارب ...

 

[ام ناصر 80]

حبيبتي خلي الطلاق اخر شي ولا تفكرين فيه حقريه خل يعرف قلطته
وربي يأجرج هذولي الرياييل ماوراهم غير الهم والغثا

 

[toofaa79]

الله يعينج ياقلبي
انا اقول كثري استغفار وادعي الله يهديه لج انا عن نفسي ضد الطلاق وخصوصا لما يكون السبب خيانة لان بنات ابليس وااايد وماراح احمل لقب مطلقة عشان وحدة زباله وللتسلية فقط

 

[q8 83]

صدقيني الطلاق مو حل

انتي لانج منفعله تفكرين بالطلاق

بس واحد شاريج و غلط ليش ما تسامحينه الله يسامح و انتي ما تسامحين

اهي فتره و تعدي و تهدى النفوس و مالج شغل بالبنات الي يشيشون صدقيني ما ينفعج عيال ول خوان ما ينفعج الا ريلج

و حلالج لا تتنازلين حق بنات الشوارع بهالسهوله لازم تحافظين عليه

ولا تلومينه الزمن هذا صعب و كله فتن

و الله اكتب لج الكلام من قلبي انتي مثل اختي تعوذي من بليس و الله يهدي سرج و يمسح على قلبج حبيبتي