...
ساره : مادري أسأل أمك وحاول تفهم منها .. أحسن
محمد : ماشي
سكر محمد من ساره السماعه واهو متضايق ومخنوق , مايدري شيسوي ..؟ ووين يروح ..؟ ولمنو يشكي ..؟ ( الشكوى لله )
تلفون محمد يدق ( رفيجه )
محمد بضيق : ألو
مشاري : هلا بوجاسم , وينك يالقاطع ..؟
محمد : هلا فيك , والله انشغلت هاليومين
مشاري : تعال مزرعة فهد الـ****
محمد : ليش ..؟
مشاري : تعال الربع متيمعين .. يسألون عنك
محمد : ان شاء الله باجر امركم
وفجأه .................................................؟ ( على فكره محمد كان بالسياره )
...
بعد ست ساعات .. (( المستشفى ))
الدكتور : للأسف المريض دخل بغيبوبه
جاسم منصدم
...
منيره : رد عليها ويلا خايف على مشاعرها
جاسم : منيره , ترى كلش مالي خلق حنه , اهي ماتدري أن ولدها مسوي حادث هالدور أقولها محمد دخل بغيبوبه شيصير فيها
منيره : عادي مو أول واحد ولا آخر واحد تصير له غيبوبه , وبعدين أنت شدراك أنه مسوي حادث
جاسم : يعني شدراني دقو علي
منيره : زين , رد عليها كلمها
جاسم : والله مادري شقولها
منيره بغيره : شتقول لها يعني , محمد سوى حادث , شبيصير فيها يعني بتموت
...
حصه : ياربي هذا شفيه مايرد علي ( تدق على جاسم )
جاسم بتردد : ألو
حصه : جاسم شصار , دقيت على محمد
جاسم بتردد : أي , حصه محمد سوى حادث
حصه بخوف : حادث , شفيه ..؟ شصار له ..؟
جاسم : دخل بغيبوبه
حصه تبجي : جاسم الله يخليك ودني بشوفه
جاسم : خلاص باجر أوديج
حصه بأصرار : لا اليوم
جاسم : مايصير اليوم أنتي شايفه الساعه , باجر الصبح أنا بنفسي أوديج للمستشفى
...
(( بعد أسبوعين ))
حصه كانت زايره محمد , ومالقته
حصه بخوف : دكتور محمد وينه
الدكتور : الف مبروك يامدام , محمد صحى من الغيبوبة وودينا لغرفة
...
محمد بتعب : يمه
حصه : ارتاح حبيبي
محمد : شصار لي
حصه : سويت حادث , ودخلت بغيبوبه
محمد : شلون
حصه : يمه محمد الحين ارتاح وبعدين أقولك شصار
جاسم : سلامات , ماتشوف شر
محمد : الله يسلمك
جاسم : شلونك الحين
محمد : زين
الدكتور : السلام عليكم
الكل : وعليكم السلام
الدكتور : مشاء الله صحتك الحين أحسن , وان شاء الله باجر بتطلع
محمد يبتسم
جاسم يعطي محمد مفتاح سياره
محمد : شنو هذا
جاسم : هذا مفتاح سياره , بدال سيارتك , والحمدالله صار بالحديد ولا فيك ماتشوف شر
محمد : ليش , أنا عندي سياره ( ويضحك بصعوبه )
جاسم يطالع حصه مستغرب
...
الدكتور : أهو صار فيه فقدان ذاكره .. يعني ينسى بعض الاشياء الي صارت بحياته
جاسم : بس يعرفنا
الدكتور : لا اهو فقد ذاكرة بعض الاحداث , تلاقونه ناسي شنو صار قبل الحادث , بس مع الوقت يتذكر
جاسم : يعني عادي هالشي
الدكتور : هالشي طبيعي يصير للي يدخلون بغيبوبه , وبعضهم يفقد الذاكره حتى أهله مايتذكرهم وفي بعض الناس يذكرون , على حسب
...
حصه : يمه محمد تذكر قبل لاتسوي حادث قلت أنك بتتزوج
محمد يقاطعها : لا يمه خلاص
حصه باستغراب : ليش ..؟
محمد : بس يمه لاتفتحين هالموضوع مره ثانيه
...
أدري بتقولون شلون يتذكر .. اهو بدى يتذكر شوي شوي .. لكن في أشياء ماذكرهم وأولهم سالفة أمه
...
نروح لساره , كانت طالعه من الجامعه اهي ورفيجتها
فاطمه : شرايج نروح مطعم ..؟
ساره : أوكي
فاطمه : أي صج شخبار محمد ..؟
ساره : والله مادري شقول لج .. محمد تركني بدون سبب
فاطمه مستغربه : شلون يعني تركني بدون سبب
ساره : مادري شفيه , أختي تقولي لاتكلمينه
فاطمه : أنتي سألتيه
ساره : أي سألته وماجاوبني .. وبصراحه كرامتي ماتسمح لي أقط روحي عليه أكثر من جذي
فاطمه : أي زين تسويين , تعالي شرايج نتغدى بأي مطعم
ساره : اممم , مادري عادي أي مطعم
(( وصلوا المطعم ))
فاطمه : سوير , من طلعنا من الجامعه والسياره لاحقتنا
ساره تطالع السياره : تعرفينه
فاطمه : لا والله
ساره : ماعلينا منه
(( دخلوا ساره وفاطمه للمطعم ))
فاطمه : مصيبه هذا للحين لاحقنا , لا ويخز بعد
ساره : طنش تعش
فاطمه : واي ما أقدر آكل على راحتي
ساره : هههههههه , شتسوين بعد
...
...... : روح كلمها
....... : من صجك , شقولها .. أنا معجب فيج وأبي أكلمج
...... : يعني صارلنا شهر نلحقها لي متى
....... : والله مادري شسوي
...... : قلت لك كلمها بدل لانلحقها من مكان لي مكان شنو ماتعبت
....... : شقول لها يعني
...... : قولها أنا معجب فيج , وأبي أخطبج , بس بتعرف عليج قبل .. من هالسوالف
....... : تتوقع ترضى تكلمني , عاد أنت خبره بهالسوالف
...... : والله شدراني عنها
...
فاطمه : خلصتي
ساره : أي يالله نمشي
فاطمه توكلنا على الله
...
....... : علي شوفها قامت
علي : أي روح كلمها
....... : زين يالله قوم
علي : روح كلمها أنت أنا أبي آكل
...
....... : لو سمحتي
ساره تطالعه : تكلمني
....... : أي
ساره باستغراب : خير
....... (( توهق )) : والله مادري شقولك , بس عندي موضوع أبي أكلمج , يعني اذا مافيه مانع تعطيني الرقم
ساره عصبت : أعرفك , تعرفني
....... : الموضوع يخصني أنا وياج
ساره : أولا أنا ما أعرفك وما أظن أن في مواضيع بيني وبينك
....... : أنتي سمعيني بس واذا ماعجبج كلامي خلاص , أوعدج مادق
ساره عصبت : فطوم أمشي شكلنا ضيعنا وقتنا
...
[[ بالسياره ]]
ساره : صج قليل أدب
فاطمه : لا حرام شكله خجول مو مال هالسوالف
ساره : توج معصبه عليه بالمطعم
فاطمه : تعالي جان عطيتيه رقمج شوفي شعنده
ساره : أنتي من صجج , ينيتي
فاطمه : أي من صجي يمكن غرضه شريف
ساره : صج أنج هبله , مصدقه
...
[[ غرفة ياسمين ]]
ياسمين : زين سويتي فيه , شباب هالايام ماينعطون ويه
ساره : أصلن أنا مابي الا محمد
ياسمين عصبت : شنو مافيه بالبلد غير هالولد , واحد مايبيج شكو تقطين روحج عليه
ساره تطالع ياسمين منصدمه
ياسمين تهدي نفسها : ساره حبيبتي , باجر ان شاء الله الله بيرزقج بولد الحلال الي ينسيج محمد والي ياب محمد
ساره : بس أنا ما أحب الا محمد
ياسمين : ساره لاتضيعين مستقبلج على شان واحد , أنا حاسه فيج صعبه لمن الي تحبينه يتركج , لكن حاولي تعيشين مع الواقع
ساره : لا مو حاسه فيني لانج أنتي الي تركتي حبيبج مو اهو
ياسمين : لو يحبني صج جان خطبني , مافيه حب بهالزمن , الحب بعد الزواج
ساره : لا في حب
ياسمين : نادر جدا
صوت مسج (( تلفون ساره ))
شلونج ساره ..؟ أنا الي مساع كلمتج بالمطعم أنا أدري أني غلطان .. بس أنا حاب أخطبج وكلمت أهلي بس كل الي أبي أعرفه رايج أنا أسمي عبدالله ومعاج بنفس الكليه هالسنه آخر سنه لي .. وآسف على الازعاج وبصراحه كبرتي بعيني لأنج ماتعطين الشباب ويه ناطر ردج ..؟
ساره : هذا من صجه
ياسمين : صراحه مادري شقولج بس من كلامه مبين ان خوش واحد
ساره : شقوله
ياسمين : مادري , أنتي تعرفينه
ساره : لا
ياسمين : قولي له أنا ما أعرفك , بس اذا كنت تعرف رقمي أظن أنك تدل باب بيتنا
ساره : بس أنا مابيه
ياسمين : أنتي من صجج , لايكون بتنطرين محمد
ساره : ما أتخيل حياتي مع غيره
ياسمين : ساره حبيبتي , أنا ما أقول لج تزوجي الي متقدم لج , كل قصدي شوفي بالخطبه سولفي معاه وبعدين اهو مبين ان يحبج وصدقيني لمن تاخذين واحد يحبج وشاريج أحسن من ماتاخذين واحد أنتي تبينه
ساره : ومحمد
ياسمين : كيفه , الي يكلمج يكلم غيرج
...
مسكينه .. تهوينه
وهو اللي خانج وياها
مابين حبج بعينه .. مسكينه
تعالي اريد اني احبج
اريدج حلالي .. و اظل وافي لقبلج
انا ودي تحبيني
تحبيني و تعوفينه .. مسكينه
مسكينه مابين حبج بعينه
مسكينه .. تهوينه .. وهو اللي خانج وياها
ما بين حبج بعينه .. مسكينه .. تهوينه
قوليله .. هالليله ..
غيرك يبيني و مشتري .. و يا ويلي قلبك يا ويله
تعالي اريد انا احبج .. اريدج حلالي
و اظل وافي لقلبج
انا ودي تحبيني .. تحبيني .. وتعوفينه
مسكينه .. مسكينه .. مابين حبج بعينه
مسكينه .. تهوينه .. وهو اللي خانج وياها
ما بين حبج بعينه .. مسكينه .. تهوينه
مسكينه شلون تهوينه
ما بين حبج بعينه
....
بعد أصرار من ياسمين وافقت ساره , وفعلا عبدالله خطبها .. وأرتاحت له
ياسمين : مبروك حبيبتي الخطبه الفال لي يارب
ساره بابتسامه : يارب
...
حصه : يحليلها سارونه انخطبت
محمد : صج , شدراج
حصه : قالت لي
محمد : أي , من خذت
حصه : والله مادري ماسألتها
...
محمد دز مسج لياسمين
[[ ياسمين , ساره أنخطبت يعني خلاص ماراح تزعل اذا تزوجنه , ياسمين آنا أحبج ]]
[[ ساره صج انخطبت لكن بعد حنتي عليها , حرام عليك البنت تحبك , واذا درت انك أنت الي تكلمني مايندرى شنو بيصير فيها أنا آسفه مابي أسوي مشاكل مع أختي بسبة واحد ]]
[[ يعني خلاص اللي بينه أنتهى ]]
[[ أي , أنتهى ]]
...
ياسمين : نامي عندنا اليوم
ساره : خلاص بدق على أمي أعطيها خبر (( تدق )) أوف شكلي بخلي خطي فواتير , تلفوني مافيه رصيد , عطيني تلفونج
ياسمين ( تعطيها ) : هاج , آنا بروح أسوي لي شي أكله , تبين أييب لج معاي
ساره : لا بالعافيه حبيبتي
ساره : شلونج يمه ..؟
منيره : منو ساره
ساره : أي , يمه اليوم بنام ببيت أبوي
منيره : زين حبيبتي
ساره : أوكي باي (( تتعبث بتلفون ياسمين ))
وفجأه شافت الرسايل .. ساره منصدمه
ساره خانقتها العبره : معقوله .. محمد .. شسالفه
ياسمين : واي المطبخ مافي شي , شكلي بدق على مطعم (( تطالعها )) ساره شفيج ..؟
ساره تبجي : ياسمين شسالفه
ياسمين بخوف : أي سالفه
ساره : شنو بينج وبين محمد
ياسمين ساكته
ساره بصراخ : تحجي
...
ساره تمسح دموعها : ليش يسوي فيني جذي ..؟
ياسمين : ساره لاتبجين , ولاتتضايقين أنتي ان شاء الله كلها سنه بالكثير وتتزوجين , اهو واحد يتسلى
ساره : زين ليش يبيج أنتي شمعنى
ياسمين : يجذب علي , انتي للحين ماعرفتيه
ساره : ياسمين أنتي تحبينه
ياسمين : كنت أحبه , بس الحين أكرهه وأتمنى أني ماعرفته ولا شفته , تخيلي أنا كل يوم أنطره واهو من وحده لوحده
...
(( بعد شهرين , تحديدا بغرفة ياسمين ))
أبو عبدالعزيز : السلام عليكم
ياسمين بابتسامه : وعليكم السلام
أبو عبدالعزيز يقعد يمها : شلون الدراسه
ياسمين : الحمدالله
أبو عبدالعزيز : عبدالعزيز ولد عمج خالد خطبج , شقلتي
ياسمين مستحيه
أبو عبدالعزيز : السكوت علامة الرضى
ياسمين : الي تشوفه يبه
أبو عبدالعزيز يبوس راسها : مبروك يابنتي
...
سسوري بنات أحس الأحداث قاعده تصير بسرعه , بس أحاول أني أخلصها لكم , نطروني ببارت ثاني
ان شاء الله .. ناطره آرائكم وأنتقاداتكم :eh_s(7):
بس حتا لو ماتوصل فييه يمد ايييده علاً امه ؛@ 
