(( ياغلطتي بالعـمر وشلون أعدلك )) .. ثاني كتاباتي / ρeαrℓ

[ρeαrℓ]

ناطرين ناطرين احنا ناطرين

كاني الحين بنزله :eh_s(22):
نورتي حياتي

 

[ρeαrℓ]

ويين ألباارت

متاابعه يديده

نورتي ياقلبي .. الحين انزله

لاتحرميني من مرورج :eh_s(22):

 

[ρeαrℓ]

Waiting

سسوري حياتي تأخرت عليكم .. الحين أنزله :eh_s(22):

نورتي

 

[ρeαrℓ]

بيت أبو جاسم ​

...​

أم جاسم : يمه جاسم مايصير جذي .. أمس حصة دقت علي تبي الولد
جاسم عصب : ترى زهقت .. خلاص صكري الموضوع .. أوف
أبو جاسم توه داخل البيت : شفيك معصب
جاسم بنفسية : مافيني شي
أم جاسم : قلت له خل الولد يشوف أمه مسكينه أمه داقه علي تبيه
أبو جاسم معصب : وليش ماتوديه لأمه
جاسم عصب وقام
أبو جاسم معصب : جاسم
جاسم : نعم
أبو جاسم : لمن أكلمك رد علي
جاسم : زين الحين شتبون مني ولدي وما أبيه يشوف أمه غصب
أبو جاسم : لا مو بكيفك مايشوفها
جاسم معصب : شتبون الحين
أبو جاسم : أصلن الولد الحين بحضانة أمه .. مو بكيفك تحرمه منها .. ترى تقدر ترفع عليك قضية وتاخذه
جاسم باستهزاء : خل تسويها اذا فيها خير
أبو جاسم يأس من ولده : يايبه حرام عليك .. شوف ولدك الحين 24 عند الخدامه .. مو زين جذي .. خاف ربك
جاسم : أوف .. زين بوديه لها ارتحتوا .. ومو كل يوم تحنون علي تقولون لي نبي نشوفة .. والا حرام الولد يبي فلوس ترى من الحين أقولكم اذا وديته لأمه مالي شغل فيه
أبو جاسم : لاحول ولاقوة الا بالله .. انت ماتستحي شهالكلام الي تقولة
جاسم : مو هذا الي يعجبكم
أبو جاسم : وده لها .. ويوم الخميس أو اليمعه ييبه عندنا
جاسم عصب : تدرون شلون .. مرح أوديه
أبو جاسم عصب : شالحل الحين
مريم دخلت : السلام عليكم
محد رد عليها
مريم مستغربة : شدعوه .. شفيكم .. السلام لله
أم جاسم : وعليكم السلام يابنتي .. بس جاسم أخوج الله يهداه
جاسم بصوت عالي : ان شاء الله
أم جاسم : نقوله ود الوليد لأمه ومو راضي
مريم تطالع جاسم : وليش مو راضي
جاسم عصب وراح
مريم : شفيه هذا .. شسالفه
أبو جاسم معصب : خل أمج تفهمج << وراح
مريم تطالع أمها : يمه شصاير
أم جاسم : أمس دقت علي حصه .. تبي ولدها .. أخوج مو راضي يوديه لها .. ويوم كلمته شوفة عيونج عصب وقالنا اذا تبوني أوديه مالي شغل فيه .. يرضيج هالحجي
مريم : صراحه يمه مايرضيني .. وهمن مايرضيني ولد أخوي يتربى بعيد عن بيتنا .. مايندرى يمكن أمه تتزوج
أم جاسم تقاطعها : من حقها يابنتي
مريم : مو قصدي جذي .. بس الأحسن أن ولد أخوي يتربى بينا
أم جاسم : وأميمته المسكينه
مريم : يعني ليش مايحلون المشكلة بدل مايكبرونها
أم جاسم : شلون
مريم : يعني الولد طول الاسبوع عند أمه والويك أند أبوه ياخذه
أم جاسم : تهقين بيوافق
مريم : وليش مايوافق
أم جاسم : ماتعرفين أخوج تلاقينه متهاوش معاها وبيحرها
مريم : خلاص آنا أكلمه​

...​

[ غرفة جاسم ]
مريم بابتسامه : شلونك اليوم
جاسم بنفسيه : زين
مريم : بقولك خبر يمكن يفرحك .. اذاك للحين تحبها
جاسم باستغراب : من أحب
مريم بتردد : والله ودي أقولك بس أخاف أنك تفكر ترد حصه وأقطع نصيبها
جاسم يستهزأ : أردها .. خير ان شاء الله .. أصلن حصه خلاص مابيها عووع
مريم : منيره
جاسم برد سريع : شفيها
مريم : تطلقت
جاسم بوناسه : حلفي
مريم : والله .. وشكلها ماتبيه
جاسم يبوس مريم : شنو تبين على هالخبر
مريم تضحك : للحينك تحبها .. والله على بالي حب مراهقه
جاسم بابتسامه : لو تدرين شكثر أحب هالانسانه .. ان شاء الله تكون من نصيبي
مريم بجديه : بس اهي مطلقه وعندها بنت
جاسم : وخير ياطير .. كاني آنا مطلق وعندي ولد شفرقت .. تعالي بنتها جم عمرها
مريم : توها تولد أمس .. واهي كانت عندنا من لمن كانت بشهرها الثاني وحاولوا يصالحونهم بس ماكو فايده واليوم دز لها ورقة طلاقها
جاسم سكت
مريم : زين بكلمك بموضوع ثاني
جاسم : شنو
مريم : ترى حرام الي تسويه بحصه
جاسم رفع حاجبه : الي يسمعج يقول بايق من حلال أبوها
مريم : مايصير هالشي .. لازم تقسمون الايام بينكم وجذي ولدكم بيعيش بينكم أنتوا الاثنين
جاسم يتطنز : لعبة أهو نقسمه بينا
مريم بجديه : لا مو لعبه .. بس حرام الولد يعيش بعيد عن أمه وبنفس الوقت لازم يعيش بينا لانه مو حلوه يصير غريب عنه
جاسم : الحين شالمطلوب
مريم : : أنا أقولك .. أيام الأسبوع تخليه عند أمه وبالعطله ييبه عندنا
جاسم : زين أفكر
مريم : لا مو تفكر .. انا قلت لك خبر ونسك وانت قلت لي شنو تبين مقابل
جاسم : زين يبه بوديه عند أمه ارتحتي
مريم : أي جذي جسوم الي أعرفه​

...​

بنفس اليوم جاسم كان ماخذ محمد بيوديه لحصه
أم جاسم : وين بتوديه
جاسم بغشمره بايخه : دار الايتام .. يعني وين بوديه لامه
أم جاسم : زين تسوي يايمه ​

...​

حصه تلمه وتبجي : حبيبي رديت لماما
جاسم يطالعها بحقد : سمعيني
حصه بدون ما تطالعه عينها كانت على محمد : نعم
جاسم عصب : آنا لمن أكلمج طالعيني
حصه تطالعه : خير
جاسم : خليه عندج شبعي منه .. بس الاربعاء باخذه
حصه بخوف : لييش
جاسم : شنو ليش .. أهلي يبونه ومايصير يعيش بعيد عن أبوه .. ولاتخافين اليمعه أرده لج .. بس لاتموتين علينا
حصه : ان شاء الله
جاسم : أخاف صج .. ناطر موافقتج آنا .. غصبن عليج
حصه سكتت
جاسم : جنه مو عاجبج كلامي
حصه : تكلمت ماعجبك .. سكت هم ما عجبك .. شنو تبيني أسوي
جاسم : لاتسوين شي << وطلع ​

...​

بعد خمس أشهر ​

جاسم : يمه شصار على الموضوع الي كلمتج عليه
أم جاسم : اليوم أكلم أهلها بس لاتحن
جاسم : قبل أحن عليكم .. أخطبوها لي .. لين ماراحت البنت وخذت ولد عمها .. والحين يوم تطلقت .. نفس الشي ناطرينها تطير مره ثانية
أم جاسم : خلاص يايمه .. بكلم عمتك اليوم لاتحن
جاسم : الحين جدامي
أم جاسم : عيب انت شايف الساعه جم
جاسم : مالي شغل
أم جاسم : خلاص المغرب أدق عليهم
جاسم : أوف .. ترى بقعد على قلبج لين المغرب ​

...​

بعد صلاة المغرب
جاسم : يمه يالله دقي
أم جاسم مسكت التلفون وتأشر فيه : كاني بدق بسك حنه
جاسم : زين
أم جاسم : قوه .. شلونج أم فيصل .. شخباركم .. شلون العيال .. احنا بخير الحمدالله .. ماتقصرين .. والله مادري شقولج مو وقته هالحجي بس جاسم .. يبي يتزوج .. وقلت له مالك الا بنات عمتك
جاسم : اوله يالجذب
أم جاسم تطقه يعني اسكت : واحنا أكثر يا أم فيصل .. ياحليلها دانة عروس الحين وكل من يتمناها
جاسم : الحين شكو دانه
أم جاسم تطالعه : اي .. << وكملت سوالف
جاسم : ماصارت الحريم والله مادري متى تخلص سوالفهم التافهه .. وسرح بذكرياته يتذكر منيره بنت عمته ( أخت أبو ) ويتخيل أن متزوجها .. من زمان واهو يتمناها بس النصيب .. وماوعى الا على صوت أمه
جاسم : ها يمه شقالوا
أم جاسم : بتشاور البنت .. وتقول لو عليها جان زوجتك ياها اليوم قبل باجر
جاسم مبتسم : صج
أم جاسم : صج .. أستانس​

...​

وفعلا ماترددت منيره وايد أسبوعين وملجوا وحددو موعد العرس بعد سنة
[ منيرة بنت جميلة بمعنى الكلمة .. عمرها 20 سنه .. لكن فيها صفات مو حلوه وهالشي الي سبب بطلاقها كانت ( عوبه ) وتحب المشاكل والي تبيه غصب تسويه .. وريلها ماتحمل هالشي وطلقها .. خصوصا أن ماكان يحبها وزواجهم كان تقليدي ومثل ماقلنه منيره تصير بنت عمته .. وأخته مريم ماخذه أخو منيره ]​

...​

مريم : الله يبارك فيج .. اي بنت عمتي
حصه : اهي عندها بنت صح
مريم : أي سارونه
حصه : بنتها بتعيش معاهم
مريم : والله مادري .. بس أعتقد أي خصوصا أن أبوها مايدري عنها .. تخيلي من تطلقت ولامره زار البنت ولا حتى سأل عنها
حصه : وي مسكينه
مريم : ها شلون حمودي الحلو
حصه : ياحلوه .. اهو الي تارس علي البيت
مريم : مرح تكملين دراستج ..؟
حصه : بيني وبينج لا
مريم : ليش ..؟
حصه : مو فاضيه .. والحمدالله أخوج ماقصر [ تقولها بطنازه ]
مريم : جم يعطيج حق حمودي
حصه : 200 دينار بالشهر
مريم : بذمتج يعني تكفي
حصه : والله يامريم بعد الي صار لي مالي خلق أدرس
مريم : كيفج .. بس اذا تبين نصيحتي .. كملي دراستج لانج راح تحتاجين للشهاده
حصه : ان شاء الله أني مرح أحتاجها ​

...​

مرت سنه .. وتزوج جاسم منيرة وحقق حلمه الي كان طول عمره يتمناه .. واخيرا يا منيره صرتي حلالي .. وأخيرا صار يجمعنا سقف واحد .. والله مو مصدق عمري .. الحمدالله لك يارب انك جمعتني معاها ​

...​

بنات آسفه البارت صغير باجر أكمل .. تصبحون على خير.. قصدي تمسون على خير .. ويالله أبي أشوف ردودكم .. كل الي قروا القصه يردون .. وناطره آرائكم وانتقاداتكم :eh_s(22):​

 

[ρeαrℓ]

صفحات البارتات 1- 4 - 6

 

[3oosh <3 MJ]

واايد حلوو البارت .. قلبي عورني على حصة وولدها
وجاسم هالعلة كرهته
يعطيج العافية حبيبتي

 

[3oosh <3 MJ]

لوووول انتي حطيتي البارت وانا رديت على طول
حلوو البارت
ونوم العوافي حبووبة

 

[* ألحـلآ *]

وييئيئيئيئيئيئيئييـــع جـآآسم كرئييه
و من الحين إقولج ترا كرهت " منيره " لووول
مآدري ليش !
حصــه معووره قلبي :`(

 

[miss $_$ semsem]

عاد توقعت منيرة طيبة لوووول بس يلا الطيور على اشكالها تقع

ووايد كاسرة خاطري هالحصة

 

[تلمو نبغيك]

رووووووووووعه البارت يالغـلآأأأأ

وجاسم ودي اذبحه وحصـه تعور القـلب

ان شاء الله منيره توريه نجوم الظهر ^حاقده عليه لووووووول

 

[مآ نخون آلعهد]

وآآآآآآآآي مووصصصج القصصه
يااقلبي ياحصوووووووهـ بانتظارر الباررت ...بلييييييز نبيه اطوول لان صصج صج
تحمست للقصه ...ونووم الع ــوآفي...

 

[DA3LOoOLA]

اهئ اهئ اهئ البدايه تعووور القلب انشالله تتعدل اوضاع حصه ومنور توري جسوم نجوم الليل بعز الظهر

 

[مآ نخون آلعهد]

لايوقف لايوقف لايوقف...

 

[Føzöø]

سلااااااام عليكم ،،،
يسلموووو البارت عجيب <_>
يعطيج الف عافيه ناطرينج يا قلبي مو اطولين -_- قلبي 

 

[Føzöø]

[
size="7"]يالله ياربي منور تكون مو خوش وحده و تنحش جاسم نفس ما نحشت ريلها الأولي و يتحسف على قد شعر راسه ان طلق منير [/size]

 

[Føzöø]

سوي انه طلق حصونه

 

[فتاة الكئابه]

تسلمين على البارت قلبووو
حصه عورت قلبي
وناطرينج

 

[دبة زمانها]

انا مضيعه ؟؟؟
لازم اقرأ اول بارت !!
حصه و لا منيره اللي قالت لا تفرق بين عيالك ..:/
جنه منيره ؟؟
اذا منيرة هذا معناته ان حصه تموت !!.. و الولد محمد يروح عند جاسم و مرته !!،

نااااطرتج ..،
لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف ..~

 

[sweet gairl]

وااي جااسم كرييهــ

 

[ρeαrℓ]

واايد حلوو البارت .. قلبي عورني على حصة وولدها
وجاسم هالعلة كرهته
يعطيج العافية حبيبتي

الله يعافيج ياقلبي .. عيونج الحلوه
نورتي :eh_s(22):