...
ومرو هالاسبوعين مثل البرق .. كل شي صار بسرعة .. تزوجت حصة جاسم .. الي كانت في يوم من الأيام تحبة وتتمنى تتزوجه .. والحين تتمنى أنها ماعرفته .. طبعا جاسم مايدري عن حصة والعكس صحيح .. كل واحد بغرفة .. كانوا ساكنين بشقة ببيت أهل جاسم خصوصا أن جاسم ماعنده الا أخت وحدة متزوجة
...
بالنسبة لأم حصة حالتها بدت تصير من سيء الى أسوء لين صار اليوم الي غمضت فيه عينها .. وفارقت الدنيا .. وتركت حصة وحيدة .. تواجهه الحياة بروحها .. أم حصة كانت كل شي بالنسبة لحصة .. كانت لها الأم والأبو والأخت والأخو .. ربتها أحسن تربية .. ووثقت فيها .. لكن للاسف حصة خانت ثقة أمها فيها .. وأكيد ندمانة على الي سوته .. كان خبر وفاة أم حصة مثل الصاعقة على حصة .. الي ماعادت تاكل ولا تشرب .. ثلاث أثام العزا والدمعة مافارقت عينها
...
أم جاسم حاطة أيدها على يد حصة : بس يايمه .. لاتسوين في عمرج جذي .. مو زين أنتي حامل .. أطلبي لها الرحمة
حصة تبجي : أمي راحت .. مالي غيرها .. راحت وخلتني
أم جاسم : لاتقولين هالكلام .. واحنا وين رحنا .. احنا اهلج .. وبالنهاية يابنتي كلنا بنموت
حصة بقلبها : بلاج ماتدرين آنا كلها جم يوم وبتطلق
حصة ترفع ايديها على القبلة : يارب أنك ترحم أمي برحمتك وتغفرلها .. يارب انك تنقيها من خطاياها كما ينقى الثوب الابيض من الدنس .. << وقعدت تبجي لدرجة أن أم جاسم بجت معاهم
...
بعد العزا بيوم .. الساعة تسع الصبح
حصة : أنا بروح بيتنا
أم جاسم : ليش يايمة .. أخاف تروحين وتتذكرينها
حصة تنزل دمعتها : عمري مرح أنساها .. هذي أمي
أم جاسم : على راحتج يابنتي .. بس تعالي أكلي لج شي قبل لاتروحين مو زين للي ببطنج
حصة : ماعلية خالتي << وطلعت
...
حصة ماسكه صورت أمها وتبجي : وينج يايمة .. رحتي وخليتيني بروحي مالي غيرج .. كنتي تتمنين تشوفين عيالي .. ليش مانطرتي ولدي بعدين رحتي .. يمه في سر خشيته عنج .. أنا غلط مع جاسم وحملت منه .. ماقلت عشان ما أبي أضايقج .. لاتزعلين علي .. يمه أنا خليتج تروحين مني .. كنت لاهية بمشكلتي وماوديتج الطبيب .. ماحسيت بغلاتج الا لمن فقدج .. آه لو تدرين يايمه شكثر محتاجتج .. أكثر من قبل .. فقدج :eh_s(11):
فقدتك يا اعز الناس .. فقدت الحب والطيبه
وانا من لي في هالدنيا .. سواك ان طالت الغيبه
رحلت ومن بقى وياي .. يحس بضحكتي وبكاي
وحتى الجرح في بعدك .. يغزيني واهلي به
وانا من لي في هالدنيا .. سواك ان طالت الغيبه
***
تصدق قد ما حنيت .. اشوفك في زوايا البيت
واسولف معك عن حزني .. واحس ان انت تدري به
انا من لي في هالدنيا .. سواك ان طالت الغيبه
***
شسوي بالالم والآه .. ولكن البقا لله
يصبرني على بعدك .. وذا حظي وراضي به
انا من لي في هالدنيا .. سواك ان طالت الغيبه
...
كل شي يركض بحياة حصة .. زواجها .. موت أمها .. ولادتها .. من يصدق أن حصة ولدت .. فقدت أمها وصارت أم .. ياحلو هالكلمة .. مرح تفقدها وايد كلها سنة وتسمعها من ولدها .. محمد
..
(( المستشفى ))
أم جاسم : حلاته ينن يشبه أبوه
أبو جاسم بابتسامه : عطيني محمد أشوفة
جاسم جنه مو عاجبة
أم جاسم : جاسم يمه شفيك
جاسم بنفسية : مافيني شي
أبو جاسم : ولدج مو قد المسؤولية .. تلاقينا خايف يتحملها
أم جاسم : بعد عمري .. الحمدالله اني شفت عيالك قبل ما أموت
جاسم : الله يطول بعمرج
أم جاسم : اليوم مريم (( بنتها )) ردت من السفر .. بروح لها .. ياحلوها .. ودها تيي وتشوفة من مساع واهي تسأل شسميتوه .. يشبه منو .. حلو ولا خايس
جاسم : وليش مايت
أم جاسم : بتيي بالليل
أول ماطلعت أم جاسم
جاسم : يبه تعال أبيك
أبو جاسم : يالله
...
جاسم : صبرت عليها عشانك .. الحين عاد صار الوقت أني أطلقها
أبو جاسم : أنت مرح تنسى .. حصة أم ولدك
جاسم : يبه آنا بنطرها تطلع من النفاس وبطلقها
أبو جاسم : حرام عليك .. المره مالها أحد
جاسم : آنا مو مسؤول عنها
أبو جاسم : وولدك
جاسم : آخذه عندي
أبو جاسم : مايصير الحضانة للأم
جاسم : خلاص مابيها مو غصب .. ترى أنا متحملها كل هالمده عشانك
طبعا كلام جاسم ماعجب أبو جاسم .. لكن بالنهاية مايقدر يجبره على شي أهو مايبيه
...
حصة : ودني بيتنا
جاسم : وهذا الي بسويه
حصة سكتت
...
حصة تعلقت بولدها حيل حيل .. كانت تعتبره هدية من الله .. خذى منها أمها ورزقها بولدها .. كانت تحس أن بيتها ردت له البسمه والروح .. وطلعت من النفاس وما أستغربت من ورقة طلاقها .. أصلن ماعاد هالشي يهمها .. كل الي يهمها ولدها .. ولدها وبس
...
أم جاسم : ليش يايمة .. حصة ماشفنا منها الا كل خير تنحط على الجرح يبرى
جاسم : ما اتفقنى وخلاص
أم جاسم : يمه جاسم .. حصة مالها أحد << كانت بتكمل
جاسم : أوهووو .. طقاق الي يطقها أنا شكو ولي أمرها
أم جاسم : ووليدك
جاسم : راح آخذه منها
أم جاسم : حرام تبعد ولد عن أمه
جاسم عصب : يمه ترى ماعرفت لكم قلت لكم مابيه قلتوا لي ولدك .. قلت لكم باخذه قلتوا لي حرام تحرمه من أمه .. شتبوني أسوي
أم جاسم : سو الي يريحك
...
حصة معصبة : مالك حق تاخذه
جاسم : آنا أبوه والا نسيتي
حصة تبتسم باستهزاء : مو هذا ولدك الي ماكنت تبيه .. أشوف فجأه نزل عليك الوحي وصرت ماتقدر تعيش بدونه
جاسم يطالعها ويبتسم : مابيه .. بس عشان أحرج .. مثل ماحريتيني وقلتي لأبوي
حصة نزلت منها دمعة قهر : اذا خذيته بشتكي عليك بالمحكمه
جاسم ياخذ محمد : سويها اذا فيج خير
حصة تمسك ايد جاسم : هده .. لاتاخذه
جاسم كان يدزها : وخري عني
طاحت حصة على الارض تبجي .. راحت أمها واحرموها من ولدها
...
مر أسبوع وحصة كل يوم تبجي على ولدها .. بس قاعدة وتبجي .. لاتاكل ولا تشرب .. وتمسك ملابسه وتشم ريحته .. سحبت قيدها من الجامعه لانه نفسيتها ماكانت تسمح لها أنها تكمل دراستها
...
حبك قتلني محمد ياعيوني ياحمودي
لا اكل ولا اشرب ودموعي فوق خدودي
استاحشك كل لحظه ياقليبي انت ونبضه
ماجوز انا من حبك والناس كلها شهودي
ياناس اريد محمد من عنده لا تحرموني
خلوني اشوفه قبالي واخذو بعدها عيوني
استاحشك كل لحظه يابعد قلبي ونبضه
مااتوب انا من حبك والناس كلها شهودي
قلبي جرح يوجعني مايطيب الا بحضنك
سوتها بيا الدنيا يوم ابعدتني عنك
استاحشك كل لحظه ياقلبيبي انت ونبضه
ما اجوز انا من حبك والناس كلها شهودي
...
لاتحرموني من آرائكم وأنتقاداتكم .. كل بنت قرت القصة لاتحرمني من ردها .. :eh_s(7):