(( ياغلطتي بالعـمر وشلون أعدلك )) .. ثاني كتاباتي / ρeαrℓ

[ρeαrℓ]

متى البارت ؟
ناطرينج

الحين قاعدة اكتب .. احتمال بعد ساعه
تسسلمين على مرورج ياقلبي .. نورتي .. لاتحرميني من مرورج .. :eh_s(7):

 

[ρeαrℓ]

المنتدى ليش معلق

 

[ρeαrℓ]

:eh_s(10):
.​

 

[Føzöø]

مادري والله قلبي 

 

[ρeαrℓ]

الحين جنه صار أشوه .. ان شاء الله ينطر لين انزل البارت
لوول .. سسوري نطرتكم وايد

 

[Føzöø]

La 3adi tyt 

 

[ρeαrℓ]

.

 

[Føzöø]

حبيبتي واااايد طولتي دخت متى راح اتحطين البارت !!

 

[ρeαrℓ]

ادري ياقلبي .. يعني على ما اكتب .. على شان البارت يصير طويل
بس شكلي بنزلهم بارتين على شان ما اطول عليكم .. واسفه مره ثانية

 

[Føzöø]

حبيبتي يعني متى راح اتنزلين بالضبط ؟؟

 

[ρeαrℓ]

^^

الحين حبوبه

 

[ρeαrℓ]

..​

حصه بتردد : محمد
محمد يلعب بلاي ستيشن : هلا يمه
حصه : آنا كلمت أبوك بخصوص السياره
محمد عصب وقام يطالعها : يمه جم مره قلت لج لاتكلمينه .. ماتفهمين .. يعني بتبينين له أني ميت عليه
حصه : يمه هذا أبوك مايصير تقول هالكلام
محمد : فكينه زين .. أي أبو .. الي حتى السياره ماكلف نفسه ويابلياها .. وشوفي بنته توها تكمل 18 بـ bm يم باب بينهم .. لا والمشكله معاي بنفس الكليه .. يعني مو قصه ويه مو فشله
حصه ساكته
محمد يبتسم بحزن : لا والا ساره بنت زوجته .. مو بنته .. << سكت
حصه تبجي
محمد باس راسها وقعد جدامها ومسك ايدها : يمه آنا آسف اذا زعلتج بس أنا مابيج تكلمين أبوي زين .. والله راح أعوضج عن كل شي .. كلها سنه ونص وأشتغل << ويبتسم
حصه لمته : آنا آسفه يمه .. لو أني كملت دراستي جان ماصار هذا حالنا نطر من أبوك الدينار
محمد : يمه أنتي مالج ذنب .. ويشهد الله انج ماقصرتي​

[ .. محمد صار عمره 21 .. بسنه ثالثه .. كلية الآداب .. خلونا نتكلم عن مواصفاته طويل جسمه حلو .. وويهه حلو .. بدون مبالغه كان مزيون ..]​

...​

الساعه 10 ونص بغرفة محمد
محمد : زين ياقلبي أخليج الحين
ياسمين : بتنام
محمد : لا وين أنام طالع مع الشباب .. تبين شي
ياسمين : اممم .. سلامتك
محمد : الله يسلمج .. see you
ياسمين : see you​

...​

خلونا نتكلم عن ياسمين
[.. ياسمين بسنه ثانيه كلية الآداب .. عمرها 19 .. جذابه .. شعرها يوصل لي ظهرها ولونه أسود .. طويله وجسمها حلو .. تعرفت على محمد من سنه ونص .. وتحبه وتموت فيه .. واهو نفس الشي .. كان يغار عليها حيل .. عمره مالمسها وماكانوا يطلعون مع بعض وايد وهذا يدل على حبه الشريف لها ..]​

...​

اليوم الثاني عالساعه سبع المغرب
الخدامة تفتح الباب
ساره : ماما حصه موجوده
الخدامه : لا ماما حصه روح مو هني
محمد بعصبيه : منو عند الباب
الخدامه : ساره
ساره تدخل وتبتسم : السلام عليكم
محمد رافع حاجبه : نعم
ساره : الناس تسلم
محمد بنفسيه : أمي مو موجوده
ساره : امم .. اوكي << وتمد ايدها >> هذي كيكه آنا مسويتها .. اذا يت خالتي عطها اياه
محمد يمسك الكيكه وبخبث : خوش كيكه والله ولايهمج اعطيها أمي
ساره تبتسم
محمد يحذف الكيكه بالارض
ساره خانقتها العبره وتطالعه
محمد معصب : والحين يالله فارجي .. عيب كل يوم رازه ويهج
ساره سكتت وطلعت ​

...​

بسيارة ساره
ساره تبجي : ليش آنا شسويت له .. ليش يعاملني بهالقسوه .. الحين آنا من صجي أحبه .. أحب واحد يكرهني .. أستغفرالله .. الله يهديه بس ​

...​

حصه : محمد مو عيب عليك .. البنت شسوت لك
محمد معصب : يمه تدرين شكثر أكره هالانسانه .. وحده خبيثه وكل يوم رازه ويها تتشمت
حصه : حرام عليك البنت ماشفت منها الا كل خير .. بالعكس تيي تونسني بدال ما آنا قاعده بروحي
محمد : البنت هذي لاعاد تيي بيتنا مره ثانيه
حصه عصبت : مو على كيفك .. البنت ماسوت شي غلط على شان اطردها
محمد انقهر : ماشي يايمه ​

...​

خلونا نتكلم عن ساره
[.. عمرها 20 تدرس بكلية الحقوق .. ملامحها حلوه .. مليانه بس مو متينه .. عكس أمها تماما .. كانت طيبه وعلى نياتها وينقص عليها بسهوله .. الي بقلبها على لسانه .. وخجوله وهالشي سبب لها قلة بصديقاتها .. كانت تحب محمد .. حب من طرف واحد .. لكن ياترى هل اهو حب أو تعود ..]​

...​

حصه : ينني .. كل شي يبيه على كيفه .. تخيلي يبيني أطرد البنت ويوم قلت له ماني طاردتها زعل .. صاير يزعل على أتفهه الاسباب
دلال : ماعليه .. انت لاتضغطين عليه وايد .. ويمكن على قولته البنت << كانت بتكمل
حصه تقاطعها : البنت ماشفت منها الا كل خير .. يكفي انها مونستني بوحدتي .. ترى خوش بنت
دلال : والله مادري شقول لج ياحصه
حصه : شسوي معاه
دلال : لاتسوين شي ​

...​

أم جاسم بعصبيه : شنو يعني ماعندك فلوس .. أشوف صار عندك فلوس يوم نوف ساقت
جاسم : تبين الصج .. يمه انتي شايفه أسلوبه معاي ماجني أبوه جني عدوه
أم جاسم : الله يرحمك يامحمد ( أبو جاسم ) لو انك عايش جان مارضيت عن الي ولدك يسويه
جاسم عصب : يمه انتي الحين تشوفينه شلون يكلمني .. وتبيني اعامله عدل
أم جاسم : كل هذا منك .. انت الي بديت
جاسم : يعني دايما تطلعوني الغلطان .. اهو شاكي لج الحال
أم جاسم : لا .. ماشكالي ولا تكلم بس أنا ماني عميه ولا صمخه .. أشوف وأسمع
مريم : صج جاسم ترى الي تسويه غلط
جاسم يأشر بتلفونه : كاني بدق عليه .. وشوفوه اذا رد شلون يكلمني
مريم : ماعليه .. بالتفاهم يصير كل شي
جاسم يدق على محمد​

...​

محمد عند أمه
محمد : أوهوو .. هذا شيبي
حصه تشرب جاي : منو
محمد : جسوم
حصه : رفيجك
محمد يضحك : لا أبوي
حصه : استح على ويهك
محمد بنفسيه : ألو
جاسم : شلونك
محمد : زين
جاسم : تعالي البيت أبيك
محمد : ماعندي فلوس
حصه تطقه مع جتفه
جاسم : شكو الفلوس بالموضوع انا بكلمك بموضوع ثاني
محمد : ماعندي فلوس للتاكسي
جاسم : وين الـ 200 الي اعطيك اياهم كل شهر
محمد يستهزأ : لا والله تصدق على بالي ألف
جاسم عصب : عدل أسلوبك
محمد : زين خلصني شتبي
جاسم معصب : تعال البيت وبلا حجي زايد
محمد : زين​

...​

حصه معصبه : محمد أنت ماتستحي جذي تكلم أبوك
محمد : وشلون تبيني أكلمه يعني .. أنت ماشفتيه شيقولي
حصه : مهما يكون هذا أبوك أحترمه .. حتى اذا ما احترمك المفروض أنت تحترمه
محمد : يصير خير .. بروح أشوفه شيبي
حصه : وبعدين تعال شكو تقوله ماعندك فلوس .. مو انت تقولي لا تطلبين منه شي كا انت تطلب منه
محمد عصب : على شان أبيه يحس .. لا والي يقهر ماسمعتيه شرد علي
حصه ساكته
محمد : آنا طالع .. تبين شي وآنا راد
حصه : سلامتك​

...​

أم جاسم : كل شي بالهداوه يصير
جاسم : شوفي ترى عشانج بس بتحمله .. وأنتو شوفوا أسلوبه وأحكموا
مريم : ماعليه جاسم عشاني​

...​

محمد : السلام عليكم << ويبوس راس يدته ويسلم على عمته >>
جاسم : اقعد أبيك بموضوع
محمد : شتبي
جاسم : جهز نفسك اليوم بنروح نشتري لك سياره
محمد يستهزأ : مشاء الله توه يصحى ضميرك
جاسم قام : عدل أسلوبك معاي
محمد : لمن أنت تعدل أسلوبك معاي .. أفكر أعدل أسلوبي معاك
جاسم معصب : تدري الشرهه مو عليك الشرهه علي آنا الي مناديك والا انت حتى الدينار ماتستاهله
محمد : أحسن .. لان مابي منك شي
جاسم : لاتنسى انك عايش من فلوسي أنت وأمك
محمد : مشكور جاسم ماقصرت .. اذا على الـ 200 دينار بتمنن علي مابيهم
جاسم : شنو جاسم .. احترم نفسك آنا أبوك
محمد : للأسف ماعندي أبو << وطلع
جاسم يشوف أمه وأخته : شهدتوا .. شفتوا أسلوبه معاي
مريم لحقت محمد​

...​

مريم : محمد .. محمد
محمد : نعم
مريم : تعال معاي أبيك بموضوع
محمد : عمتي اذا عن موضوع جاسم وفري كلامج لاني مرح اسمع شي
مريم : أولا جاسم هذا أبوك .. ثانيا الموضوع ماله شغل تعال معاي وبتعرف ​

...​

ووصلوا عند وكالة سيارات
مريم : يالله ننزل
محمد يطالع مريم : عمتي شنو هذا
مريم : شنو هذا
محمد : ليش يايبتني هنيه
مريم : ولد أخوي وحبيبي وأبي أشتري له سياره فيها شي
محمد نزل راسه : عمتي لاتحرجيني
مريم ترفع راسه : وليش الاحراج .. آنا عمتك وبحسبة أمك
محمد : عمتي ماله داعي والله
مريم : اذا مانزلت بزعل عليك
محمد : والله مايهمني عادي
مريم : لا جذي بتزعلني منك
محمد : بس
مريم : لا بس ولا شي .. اعتبرها هديه .. والهديه عيب تنرد
محمد : وشنو المناسبه
مريم : عيد ميلادك
محمد : عمتي
مريم : اي ذكرتني احنا الحين شهر 3 .. صار عمرك 21 .. العمر كله
محمد يبتسم
مريم : يالله عيل أنزل
محمد : أوكي ​

...​

حصه : وين كنت
محمد كان مايدري يفرح والا لا : كنت بوكالة السيارات
حصه مبتسمه : صج
محمد : اي
حصه : شفيك مو مستانس
محمد : يمه
حصه : عيونها
محمد بضيق : بقولج .. وقولي لي اذا هالشي صح والا غلط
حصه : قول يمه
محمد : عمتي مريم اهي الي شرت لي السياره
حصه بصدمه : مريم
محمد : اي
حصه : وأبوك
محمد : تهاوشت معاه اليوم
حصه : ليش يمه
محمد : يمه ماله داعي تعرفينه وتعرفين اسلوبه
حصه : لايكون انت الي مزعله
محمد بتردد : ها .. لا اهو
حصه : وانت ليش مو مستانس
محمد : يعني بخصوص عمتي
حصه : صح .. والله مادري شقولك يايمه
محمد : بس اهي قالت أنها هدية
حصه تلمه : خلاص يايمه انت ليش متضايق .. اهي عمتك عادي لاتزعل نفسك
محمد : بس مادري ليش حسيت بالاهانه
حصه : لا يمه لاتحس بالاهانه ولاشي .. عادي اهي عمتك .. وبحسبة امك​

...​

انتهى البارت .. آرائكم وانتقاداتكم :eh_s(7):​

 

[ρeαrℓ]

صفحات البارتات 1- 4 - 6 - 8 - 13

​

 

[miss $_$ semsem]

وااي تهبل هالمريم وامها ماادري ليش ماطلع عليهم هالجاسم وابوه الله يرحمه
سارة كاسرة خاطري وايد

 

[جفاكـ ضيع غلآكـ]

حياتي محمد يعوور القلب و سسآرهـ بععد




ثاانكسس ع البارت حبوؤوبـــه ^_*

 

[Føzöø]

البارت عجييييب تسلميييييين

 

[Føzöø]

حياتي والله محد كسر خاطري
و ساره بعد تكسر الخاطر بس وين امها ماتت ولا ! ( عساها الموت ))
و جاااسم ويعععععع كل ما هذا و يطيح من عيوني زياده ؛((
و نااطرينج حياتي مو اطولين قلبي 

 

[نفسي مضايقتني]

رواايتج عجيييبه بليييز كملي

 

[كلي أحزان وهموم]

ثانكس ع البارت حبوبة محمد يكسر الخاطر :eh_s(2):
كممممملي روايتج عجيييبة ناطرينج:eh_s(9):*

 

[ρeαrℓ]

وااي تهبل هالمريم وامها ماادري ليش ماطلع عليهم هالجاسم وابوه الله يرحمه
سارة كاسرة خاطري وايد

تسسلمين حياتي على المتابعه .. نورتي
ولاتحرميني من مرورج العسسل .. :eh_s(7):