ياريتني ماسويت ليزر

[ابله لوله]

,


واي الله يعينج

حبيبتي وين سويتي ؟

الحمدالله راحت الحكه والتشوه ..
وسويته عند موسى سلامه جبر

 

[ابله لوله]

انا كنت اروح حق نوره الصليلي وماصار فيني جذي والحمدالله اختفى الشعر وبدون الم

بس بدايه العلاج كان جهازهم غير يرش مثل ماي وكان يعور خفييييييييييييييييييف ماتحسين فيه وايد وعقب غيروا الجهاز ويابوا الي يطلع هوا من كثر ما اهوا عجيب تخلص مني وانا مو حاسه

كلش كلش اذا تحسست يطلع مثل حبوب صغار وبعد ساعه تختفي

واختي تمدح ليزر ياكو ابولو

اي لان انا حاشتني حساسيه من الماده الموجوده بالجهاز الثاني
اول جلسه ماصار فيني شي

 

[ابله لوله]

انا سويت ليزر بمستشفى رويال حياة شحلاته اينن عطانى نظافه ونعومه وفتح لي البشره بعد

وماشفت اي شي ضار والحمدلله

وكان ليزر البارد اللي يطلع منه مثل ضخ الهوا البارد ونسبة الألم بسيطه جدآ

ارتحت من شي اسمه شعر

هذا اشكره مجرب عليج جهاز يديد

اشتكي عليه عند حماية المستهلك او رفعي قضيه راح يعرضونج على الطب الشرعي للكشف

لاتسكتين خل يصكرون عيادته ويدفعونه تعويض مادي للضرر اللي تسبب لج فيه

وين قاعدين​

صح انا الجهاز الاول ماحاشني منه شي وع قولتج ماكان يعور .. بس الجهاز اليديد توه اسمع من الناس انه مو شي ووايد في حالات صار معاهم رد فعل بسبب الماده .. وع قولتج بعد جربوا علي الظاهر وصرت ضحيه

 

[ابله لوله]

خلينا ع إطلاع شو بيصير معك

وإن شاء الله بتختفي هالمشكلة خاصة إنها بمنطقة حساسة


ع سلامة يا رب

واتحملي ما تحكي قد ما فيكي


ناطرين اخبارك

الحمدلله حبيبتي تعالجت وخذيت كريم كرتيزون وراحت المشكله ولله الحمد

 

[ابله لوله]

حبيباتي شكرا لكل من سال او اهتم بموضوعي ..
وانا ولله الحمد تعالجت .. شلون ؟


خل اقولكم شسويت فيه ههههه


دقيت عليه قبل يومين تقريبا وقتله ان الوضع لا يطاق ومازالت الحكه موجوده وجلدي مو قادر يتحمل الحك اكثر لان بدا يتشقق ويطلع دم ..
قالي لازم تيييلي قتله ما راح اييلك مليت وانا كل مره اييك تقولي يمكن من هذا ويمكن من هذا وتجرب علي كريمات .. المهم قتله دورلك حل الحين لان باجر راح اروح طبيب الجلديه واطلع تقرير بالحاله ..
عصب وقالي لا يا مدام ما ينفعش دول ما بيعرفوش ومش متخصصين ,, طبعا انا مو معطيته فجه يكمل قتله كيفك انت مسوي شي ومو راضي تعترف ..
المهم انا رحت له بالنهايه .. وانصدم من ايدي لان ريلي كانت وايد اهون من شكل ايدي .. وقعد يفحص ..
وسااااااااااااااكت طبعا بس يقول .. امممم .. اااا .. اممم
قتله الزبده ؟؟؟؟

قالي اصلا ( دا حرء ) يعني حرق بالمصري .. قتله شننننننننهووووووووووو @@ ؟؟؟؟ حرق وتوك تتتتكلم .. ؟؟؟؟
قالي انا ماتوقعتش ان المشكله بالعمق ده .. قتله ياااااااااا سلاااااااااااام .. انت ما قتلي شنو المشكله اصلا ؟؟
طلعت منحرقه .. صوب الكف من فوق اللي اهوا الاصابع وظهر الايد لي نص الايد تقريبا .. وريلي طلع صاير معاي حساسيه من الماده اللي ترش مثل الماي .. طلع هذا مو ماي ..


طلع هذا مثل غاز سائل .. وفي ناس عندهم منه حساسيه ..

المهم قالي اعطيج كرتيزون عشان الحرق احط منه مرتين باليوم ويدوب مسحه لان تركيزه قوي ..
اسم الكريم ( ليكويد ليبوكريم (
وهم عطاني ابره حساسيه عشان تهدي الجسم ..

والحمدالله صارلي يومين الاعراض خفت حيل والتشوه راح ماعدا صوب ظهر الايد بعد الاصابع باقي اثر شوي ..


ديرو بالكم بنات .. حبيت انقل لكم معاناتي .. عشان لا يصير فيكم مثل ما صار فيني .. لان بصراحه الحاله اللي كنت فيها ما تمناها حق عدو ..