يارب ماتذوقون اللي ذقته..دشو بسرررعه

[كربون امها]

لاتعلمين اهلها السالفة افظلج لان بطيح
براسج ويتزوجها زوجج غصبن علي تحت تهديد
اهلها
خليه الموضوع مع ريلج بالتفاهم اولا تعرفين
الاسباب ثانيا تطرحين علي فكرة ياانا يا اهي
اهني تعرفين اذا كان شاريج ولالا ثالثا واخيرا تجينا من الناحية الدينية والحرام

نصيحتتي انسي الامر نهائيا مردة لبيتها
ولاتخلين بنت ابليس تتشمت وتنتظر اللحظة اللي يجي فيها زوجج ويشكيلها اهني تلعب لعبتها عدل كوني الملاذ لزوجج بيحي يوم ويحس بغلطتها
كربون امها

 

[roobee]

انا بعرف يعني اهوا خاين
واهيا بريئه اشلووووون؟؟؟
بعرف شلون تفكرووون
يعني اذا خلصت من زوجچ بتروح لواحد
ثاني ويمكن يكون زوج وحده منكم؟؟؟؟
حبيبتي البنت هاذا ماسوت چذي
الا انها عارفه انه متزوج وزوجته مغفله
ماتدري عن هوا داره،،،
وتلاقين ماخذه حلاله كله وغير الهديا
والطلعات الي انتي احق فيهم
نصيحه لج اولا ابدي بالبنت
وشرشحيها وخلي واحد من اخوانچ يكلمها
علبو انه ضابط ويقدر يجرجرها للمخفر
وخليه يعطها عنوانها عشان تخاف وتوب
وبعد دور زوجچ المصون
الي يبيله قرص عشان مايعيدها
لمن تخلصين من البنت شي طبيعي بدق عليه
وتعلمه باللي صااار
وبعدين سوي روحچ ما سويتي شي
طنشي واضحكي واستانسي
ولاتكلمينه لين يتاسف ويرجع لج

 

[خفايا الروح]

الله يهديه .. ويريح قلبج

 

[الحنين في قلبي]

حبيبتي الواقع شي والخيال شي انا افضل في هذي الحالات تقاضي صكي عيونج لان المواجهه بدخلج بنفق مظلم ولا راح توصلين لنتيجه بل العكس راح يتمادى لان الي كان خايف منه انج تعرفين لكن اللحين عرفتي كل شي ويمكن يقولج كيفي وتحرين عمرج ومابيدج شي قبل الزواج بطلي عيونج بعد الزواج فجي عين وصكي عين وشوفي شنو ميوله واللي يحب ولاتقصرين معاه عشان مايدور اللي ناقصه برا

 

[مس لوتس]

شوفي حبيبتي ذيل الجلب حاشاج مايعتدل حتي لو بلغتي اهل البنت البلا بزوجج مو بالبنت يعني ان بلغتي بيدور صيده ثانيه يعني لاتحطين اللوم ع البنت حطي اللوم ع زوجج ماتدرين زوجج شنو قايل لها يمن قايل اعزب مطلق وبنات هالوقت ع طريف والله يهدي سركم وموفقه

 

[المها الابيض]

اختي مدامج تقولين اهو مومقصر معاج بشي ليش حاره عمرج؟؟!
يمكن هذي علاقه قديمه ومايقدر ينهيها بسهوله او حب يعرف شخبارها عقب ماكان قاطعها فتره انتي جم سنه صارلج متزوجه؟ اقل من سنه ؟
يمكن اهو يكلمها من سنين اكيد ماراح تنقطع العلاقه بيوم وليله ، واهو بيضل يكلم طول العمر ؟ باجر بيوله ان شاالله عيال وانتي باسلوبج الحلو معاه
بتدلعينه وتدللينه بينساها وينسى طوايفها بعد بس كل شي يبيله صبر
واذا واجهتيه وزعلتي واعتذر وبعد فتره اكتشفتي انه رد يكلم شبتسوين جاوبيني ؟
بتزعلين مره ثانيه ؟ وثالثه ورابعه لي متى

 

[المها الابيض]

اختي انا قاعده اقولج هالكلام عن تجربه
انا بعد اكتشفت ان زوجي يكلم عقب عرسي بشهرين
صج تضايقت حيل بس ماكلمته ولا فاتحته بالموضوع ولا شي لاني لو بكلمه لازم ازعل واروح عند اهلي واهو بيراضيني لاني عروس وبرد له وعقب جم شهر يمكن يرد يكلم لانه متعود من مراهقته وهو يكلم وفجاه تزوج وقطع الكلام اكيد بيشتاق حق هالطبع واذا دريت مره ثانيه شبسوي بزعل واروح لاهلي وخيرته بيراضيني وبردله عشان احافظ علي بيتي وولدي وبعدين تدرين شبيقول عني
بيقول هذي عادي عندها ترضى على نفسها و بييرد يكلم وماخلصنا
فالحل عندج انتي اجذبيه صوبج حتي لوتعبتي ولاتقعدين تنفسين وتعصبين ترى والله الرياييل يطفشون من هالطبع انتي غلبيها وانتي الله بتفوزين ان شاالله واهم شي كثري كثري كثري من الدعاء والاستغفار *

 

[المها الابيض]

اختي انا قاعده اقولج هالكلام عن تجربه
انا بعد اكتشفت ان زوجي يكلم عقب عرسي بشهرين وانصدمت لانه ماكان مقصر معاي بشي وكان طاير فيني
صج تضايقت حيل بس ماكلمته ولا فاتحته بالموضوع ولا شي لاني لو بكلمه لازم ازعل واروح عند اهلي واهو بيراضيني لاني عروس وبرد له وعقب جم شهر يمكن يرد يكلم لانه متعود من مراهقته وهو يكلم وفجاه تزوج وقطع الكلام اكيد بيشتاق حق هالطبع واذا دريت مره ثانيه شبسوي بزعل واروح لاهلي وخيرته بيراضيني وبردله عشان احافظ علي بيتي وولدي وبعدين تدرين شبيقول عني
بيقول هذي عادي عندها ترضى على نفسها و بييرد يكلم وماخلصنا
فالحل عندج انتي اجذبيه صوبج حتي لوتعبتي ولاتقعدين تنفسين وتعصبين ترى والله الرياييل يطفشون من هالطبع انتي غلبيها وانتي الله بتفوزين ان شاالله واهم شي كثري كثري كثري من الدعاء والاستغفار *

 

[ليمونة وزيتونه]

انا صارت معاي وطلعت عنوانها وكانت متزوج وعندها عيال قاصه ع
ريلي لان تونا متزوجين كلمتها وهددتها وهددت زوجي لان طلعت بساناتها
هي ماخافت بس ريلي خاف لان تاكدت من مسجات اللي دزتهم له
واجهيه بس قبل طلعي بياناتها خلي يعرف انج موساكته

 

[om_7san]

اذا دقيتي علا اهلها ريلج راح يتوووب !!
الاهل مايسون شي اذا ريلج عوي
اول شي كلمي ريلج وماكو مشكله كلمي البنيه وهدديهاااا
بس اول شي الريل مو البنت

 

[om_7san]

اخت مها شنو ماتحر عمرها
انشالله يكون مومقصر علي
بس كافي انه يكلم بنيه من وراي !!!
@@ انصدمت من ردج الصراحه

 

[G0theka]

الله يعينج

صج انه البنت غلطانه
بس زوجج اهو السبب
اهو الي فتح لها باب اتدش حياته
لو فيه خير ماكلمها

 

[Queenleo]

استغرب منكم سيده تلومون البنت
صح البنت جزء من الغلط
بس ريلج هم جزء منه
وبدال هالبنت في اللف
ولو ماكان عنده استعداد جان مادارت عليه البنت
فاذا تبين حل مؤقت اوكي حطي حيلج بالبنت
بس اذا تبين حل دائم صلحي ريلج
ومثل مافي بنات ابليس هم في رياييل ابليس ووشكثر رياييل يقصون عالبنات ويقولون لهم احنا مو متزوجين
وواهيا بعد شدراها

 

[فديت اسمي]

لحظه بالعقل في وحده من الخوات كلامها صح
اذا دروا اهل البنت صدقيني اخوانها مراح يخلونه
فعليج انتي انج تهددينها اذا خافت خلاص الله يستر علينا وعليها
اما على زووجج فانا اعرف وحده هددت زووجها ان اذا ماتسنع بتعلم
ابووه والرجال مهما كبرر بيضل خاايف من ابوه وصدقيني تعدل وقام
ينسى هالاموور فانتي هدديه بابووه اذا تنسنع خير وبركه الله يهدي
الجميع اما اذا لا نفذي تهديدج ولا تخافين الحق معاج والغلط راكبه من
راسه لساسه

 

[sha3oolah]

عسى الله يعينج ويصبرج

من راييي كلللل او اغلللب عشان محد يزعل الريايل يغازلون

انا اقول استري عليها عشان الله يستر عليك
وصارحيه في الموضوع
وادعيله

 

[noor al-3rfij]

انا اقول لا ادقين على اهلها ولا ادقين عليها لان اذا كلمتيها زوجج راح يسويلج سالفه ويقلب السالفه عليج صدقينيواذا بعدتي البنيه من ريلج راح يروح حق غيرها انتي تقربي من ريلج وخليه يهد هالسوالف كلها عشاانج

 

[pure-poison]

الغلط من ريلج اهو اللي اختار هالشي

 

[zinh91]

امممممم عندي حل فيه كيد نساء وهو اتصلي عليها وقولي انتي منو راح تقول لج انتي اللي منو قولي انا حبيبه فلان ولقيت ارقامكن انا ميته قهر انتي رقم 9هو خدعني وقال يحبني ويموت فيني وعمره مايخوني وسكري الفون اما زوجك عندي له خطه جهنميه بس والله اخاف مااحب اخاف تجي عكسيه وربي يؤلف بين قلوبكم

 

[Jumanah sad]

انا قول خليه بيرجعلج وانتي اهتمي بعمرج ولا تخلين هالشي يضايقج

ترى ما في بنت تكلم متزوج الا انها تبي منه شي >>> مصلحة يعني


انا رايي تهتمين بعمرج وتنتبهين حق نفسج وتشوفين اهوا ليه يكلمها
شنو ناقص فيج ولقاه عندها

حبيبتي روحى سوي حق نفسج مساج حق الاسترخاء
ودلعي نفسج انتي توج باول الطريج


حبيبتي اهتمي حق نفسج خله يشوف انه في فرق بينج وبينها
خله يقارن بين الحلال اللي بين يديه وبين اللي تخون اهلها وثقتهم



انا لو مكانج اهتم بعمري وادلع نفسي



انا قول ما في رجل يكلم بنت غير زوجته الا في نقص في زوجته نفسها
ولا تقلبين غرفة النوم حق المعاتب والصياح والتظلم

اقلبيها عالم اخر لما يدشها يشوف شي ثاني
رومانسية وتفاؤل وداخل غرفة النوم خلي لبسج كله رومانتك واثارة

لا تخلين الموضوع يأثر عليج


معليش انا قريت بالمنتدى جم موضوع في افكار وايد حلوة ورومانتك


نصيحة هدي البنت
وهدي ريلج ولا تناقرينه ولا تضايقين عمرج

ترى اذا كلمتيها اهي او اهوا ترى بيزيد الموضوع عن حده وتصيرين انتي المملة واهوا اللي يدور راحة البال

لا تزعلين من كلامي

بس الواقع جذي


وانا ادري ما في زوجة تقصر مع زوجها الا انه فيه نقص معين


ان شاء الله تهدى الامور بينكم ومثل ما يقولون

غيمة وتعدي