يارب ماتذوقون اللي ذقته..دشو بسرررعه

[غزااوي]

استري عالبنت ولاتفضحينها عند اهلها بس حاجيها وهدديها

ولا تعلمين زوجج انج حاجيتيها

 

[( عْشِقُ . . )]

الله يعينج ياحبيبتي .
الخيانه شي صعب جدا الثقه تنهز بينكم وربي حاسه فيج الله يصبرج .
اختي صار لها مثل جذي ولو تشوفينها مستحيل تقولين ممكن يخونها رجلها .
ما امدحها بس جميله جدا وخلوقه وتموت بزوجها وملبيه كل طلباته طاحت على تلفونه وهو يحاجي بنت .
واجهته بهدوء وقالت له انت تخوني ومع منو مع وحده لاراحت ولاجت ,
قولي اسبابك بشنو انا مقصره بعد كل هالحب تجازيني بشي يهين انوثتي وحبي .
المهم انها احرجته لين نزلت دمعته تخيلي اهو يحب اختي حيييل
بس البنت اسحبته وبعض اللي مايخافون الله مهمتها تخرب بيوت .
المهم اذا ريلج يحبج صج بيعترف لج وقولي له غير رقم جوالك وحط لك خط يديد .
ووصدقني راح اثق فيك اذا وعدتني بانك ماتجرحني بخيانه , املكي قلب ريلج بحبج .
ولاتحاجين بنت الذين هذي حشره انتي اكبر من انج تحاجين انسانه خانت نفسها مع انسان متزوج .
الله يهي زوجج لج ويكفيج من شر هالناس .
ربي يصبرج .

 

[انثى طفله]

الله يسخره لج
ويعمي عيونه عن غيرج ولا يشوف الا انتي من البنات

 

[نونه المنكوشه]

حبيبتى البلا بزوجج اذا منعتى عنه هالبنت بيعرف غيرها وغيرها ووووو فالافضل انج اتواجهينه والله يعينج ويصلح امورج

 

[سعودية!!!]

حسبي الله ونعم الوكيل ...الله يجبر كسرك

 

[هذا مزاجي]

لا حول ولا قوة الا بالله
يلا عن اذنكم بروح اقعده يصلي عسى الله يهديه

 

[زوجة عزيز]

المشكله بزوجج لانه لو تركها اكيد بيكلم غيرها لازم اتواجهينه اهو ولازم يخاف من ربه اللي يسويه بيضره ترا

 

[أميره الدوسري]

كل شي بينقلب ضدك لو كلمتي أهلها

ششو ذنب أبوهآ و أمهآ و أخوآنهآ بتصير مصيبه و هالشي م راح يقرب زوجج منج بالعكس لآتستبعدين منه آي شي

ويمكن هو قاص ع البنت و قايل مو متزوج

و إذآ تخلصتي من هالبنت م راح تتخلصين من الباقي

كلميها هي بس خليك راقيه معاها و تفاهمي معاها بدون عصبيه

والله يهديهم و يسخر ريلج لج

 

[miss swan]

واجهييييييه دام يحبج ماراح يتخلى عنج
وصدقيني نزوه وايد يصير فيهم نفسج بالحمل الاول
انا اقولج واجهيه وبعدين صدي عنه وعطيه اكبر طاف
خليه يعرف انج زعلانه​

 

[مشتاقة الى الله]

حسبي الله ونعم والوكيل على بنات إبليس

حبيبتي اخذيها نصيحة أخت

كلميها ووقفيها عند حدها وبعدها ان استمرت الج الحق انج تبلغين احد من اهلها

والله يفكج شرها ويردلج ريلج ان شاء الله

 

[فـدوه]

اصلن انتي شدراج انه هذي عندها اهل سنعين و اوادم. ماتدرين يمكن مو كويتية والا من طايحين الحظ اللي اهلهم مسبلينهم. كلميها ووقفيها عند حدها

 

[اميره1980]

شوفي
اللي يكلم وحدة راح يكلم 10 مكانها
و الحين التفاهم مو مع البنت ويا ريلج
و على فكرة انتي اشدراج ان ما يحاجي غيرها ؟؟ و يمكن معشمها بالزواج و هي ما تدري ان متزوج
كلش كلش تبين تطلعين حرتج فيها دقي عليها و علميها انج زوجته و انج تدلين بيتها و راح توصلين لابوها و اخوانها و عمامها و خوالها و تفضحينها جدامهم و حتى دوامها راح تفضحينها فيه و ان هالحجي قرصة اذون اذا ما جازت عن ريلج

 

[غربه الروح]

الله يسخره ويهديه لج يارب
واتصالج ع اهل البنت طريقه فاشله ما انصحج فيها
يقدر يخونج مع الف غيرها وانتي بس تقعدرين تتصلين ع اهاليهم
حاولي تقعدين معاه بره البيت تذكرينه بالايام الحلوه عشان يحن قلبه لج
دايمن سمعيه انج انتي تثقين فيه اكثر من نفسج واذا احد قالج انه يخونج مستحيل تصدقينه
ترا هالشي راح يخليه يتحسف بداخله اذا اهوا مسوي شي غلط
غيري طريقتج معاه فتره واذا حسيتي ما تغيري واجهيه عاد عطيه فرصه لانه الشيطان شاطر

 

[r0007]

والله انا اشوف
انو ماتصلين على المره
لانو اذا قلتي لها شي بتخبر زوجج
وما تواجهين ريلج بس عطيه بصوره غير مباشره
لانو اذا واجهتيه مليون بالميله رح ينكر
عشان جذي مثلا سوي قصه منخيالج انو اكتشفت صديقتج انو زوجها يخونها وزوجها مايدري وهي ساكته وش تسوي وجذي يعني شاركيه افكارج معاه يمكن لعل وعسى يصحى ضميره

 

[! بــدويه وآآيــد !]

،



البنات ماقصروا انا لو اعطيج حل بقولج خيولي وسوي سوي مابي اقول شي مو صح وماينفع بس عورتي قلبي

 

[قلبي فداهم]

نصيحه اختي...ناقشي زوجك وعاتبيه وبدون عصبيه.... ودايما اخذيها قاعده اللي بتاخذينه من زوجك بالطيب اكثر من اللي تاخذينه بالقوه....وبنت الناس لاتنزلين نفسج لها مالج حق عليها انتي لج حق على زوجك....والله يسخر زوجك لج وعليج بالاستغفار عسى الله يريح بالج...وبالتوفيق

 

[over love]

حبيبتى ادري انج محتره ومتظايقه وكلنا حريم ونعرف حرة الخيانه ,,,

بس موعدل أنج تكلمين البنت العيب بريلج عدليه !

واهو الأهم بالنسبه لج أما أهي وحده وغيرها الف لو ماكلمته بكلم غيرها وبعدين بتقضين حياتج تدقدقين على بنات خلق الله

وماتدرين يمكن تطيحين بناس حثاله يتبلون عليج والا يغثونج زود !

لايبا تفاهمي مع ريلج وحطى له حد بس بهدوء ولاتحرين عمرج انتى حامل

 

[لياليـ]

اولشي دقي عليها انتي بنفسج او كلميها بالعقل بدون عصبيه او خلج واثقه من نفسج او هدديها باهلها ترى في الف والف طريقه اطلعين فيها رقم اهلها
اتقبلي مروري

 

[انسام الكويت]

حتى لو طلعتي بيانات البنت وغيره راح تطيح السالفه فوق راس ريلج فرضا اخوها

درا وخذا رقم ريلج اللي تكلمه ولعن ابو اسلافه اهني ريلج تهقين بيتوب بيحس والله بيكرهج وبيتمرد اكثر

واكثر وبنات ابليس على افا من يشيل اذا هاذي ادبيتها مرده بيعرف غيرها الغلط اول شي عالريال نفسه اللي يكلم يخون وهو متزوج

والغلط الثاني على بنت ابليس اللي رخصت اسمها واسم اهلها بالواطي ورضت انها تكلم ريال للتسليه وغيره بس صدقيني دام في رب فوق

مراح يضيع حقج ادعي عليها انه تذوق اللي ذقتيه وانها ربي يبيلها بواحد يأدبها ويهددها طلعي حرتج بدعاء وادعي للزوجج بهدايه

ووقتنا وقت شين كل شي يساعد عالغلط الفون التويتر والبي بي كل هالتكنولوجيا خلت اللي ماشي سيدا يعر ويغلط

 

[بنت_ابوها]

انا اقول ادبي زوجج احسن يمكن زوجج اهو ولد اللي ابليس مو البنت عشان تفضحينها