يارب صبرني عليهم ..

[مستكي*]

اللة يوفقج يا رب

 

[cheese cake]

شوفي حبيبتي اول شي حطي اببالج مافي دوام كامل و اذا انتقلتي هم بيطلعون غيرهم
و من كثر ما اسمع من اللي اعرفهم مافي احد مرتاح 100% من دوامه
انتي خلي شخصيتج قويه ولا تسمحين لاي احد ان يتدخل بحياتج
مو بالصراخ لأأأأأ
بالحزم
يعني اذا وحده قالتلج ليش تطلقتي قولي هالشي ما يعنيج و لو سمحتي لا تبطلين هالموضوع مره ثانيه و حطي عينج بعينها و انتي تقولين هالحجي
يعني مو تقولين هالحجي و انتي مكسوره
و اللي تقولج بندورلج ريل قوليلها لا تتدخلين بحياتي و حرصي ان كل البنات يسمعون قوليلهم انا ما اسمح لاي وحده فيكم انها تتدخل بحياتي
و ياما بنات تطلقو بس لان شخصيتهم قويه محد يتجرأ عليهم
عطيهم احلى طاف و دشي و ما عليج منهم
ولا تنتقلين ولا شي
صدقيني اكبر غلط انج تنقلين من دوامج جذي راح تصير حياتج كلها هروب
و محد ينحاش الا اللي مسوي شي غلط و انتي ما سويتي شي غلط
حبيبتي والله نصحتج من كل قلبي و تخيلت انج اختي و انا اقولج هالحجي
و عسى الله يطمن قلبج و يشافي يدتج و يرحم ابوج امين يارب

انا نفس راي اختيHoney
وعسى الله يعينج عليهم

 

[qomerq8]

الله يعينج اقولج شغله انا وحده من البنات شتمتني جدام الكل مع انها رفيجتي حييييييل بس ما رديت عليها وعقبها كرهت الدوام عشان ما اشوفها بس قلت بيني وبين نفسي ليش الا اروح اداوم واحط حرتي بالشغل ومالي شغل بحد ما عليه لا تحسبين هالجم ساعه من يومج حطي حرتج بالشغل لما يخلص الدوام وبجذي ما راح تحسين بالوقت وخلي بينج وبين هالبنات سلام وبس

 

[جروح خالده]

رد : يارب صبرني عليهم ..

Honey_8891 مع الاخت بكل كلمه

لاتخلينهم اكبررر همجج<<

 

[ORKDI]

عندي احساس قووووووووووووووي انه دوامي نفس دوامج

ما ادري ليش

اقصد نفس الشكل المكان الوزاره

بس مو مدرسه

لانه حسيت الاسلوب نفس اسلوب اللي عندي مرات انصدم @@

تخيلي انه وحده اول ما رجعت من اجازة العرس

تقول وااااااااااي صراحه شكلج ما جنج عروس ما تحطين مكياج

اي شي من صباح الله خير يعني حطه ماسكارا كحل فوق شدو لون فاتح طبعا بلاش لون فاتح اكيد

كلوس او حمره فاتح الناس الصبح

الحين اهي تزوجت والله ما ابلغ لج وله شي في وجه

المصيبه انه كانت تقول لي عبايتج عااااااااااااااديه حيل مو ذاك الزود

عبايه وله وحده من الكويت كلهم من الخبر كل يوم عبايه ما اكرر

تقول عادين حيل البنات يسالونج مع انه ما فيهم زود

اهي الحين تلبس عبايات يجبون المرض العبايه غير والملفع غير شكو

لها ما شفت عليها اله عبايتين

وعباياتها الثانيه مالوت قبل العرس

وانا ما قلت لها اي شي بس قطيت نقزات

عن المكياج عن العبايات

 

[ORKDI]

اقول لج شي علشان تبعدين عنهم لهي نفسج بكتاب او بالقران

او دعاء اي شي بس المهم ما تقعدين معاها

ترا اكيد راح يجون بنات غير واحسن

بس ديري بالج منهم

 

[اجمل نساء 2011]

رد : يارب صبرني عليهم ..

شوفي ياقلبي السالفة مو سالفة بنات بدو ولاحضر السالفة سالفة اخلاقيات وتربية الشخص نفسه بنات البدو فيهم المحترمة اللي تنحط على الجرح ويبرى وفيهم الشين كذلك بنات الحضر يعني السالفة مو سالفة بدو ولاحضر عالتربية بعدين نظام احقرييييييييييييييييييييييييهم هذولا للعلم اني بدوية بس والله تعالي شوفي اخلاقياتي بالدوام خليت اللي ما يحبني ويغير مني يحبني من معاملتي معاااه فيني غرور ادري بس والله هذا اللي صاير

 

[الفدعى]

وقفيهم عند حدهم واذا حصلج روحي اشتكي عليهم

 

[أماني الورد]

شوفي حبيبتي

هذا باب رزقج ليش تخلينهم ينحشونج من رزقج

نصيحتي خليج مكانج وتصرفي معاهم بحزم لاتساهلين

طبعن موصراخ وعصبية لا بحكمة شكلج انتي من الاول متساهله معاهم

والحين تبين الفكه وخليج رسمية احسن والغثا بكل مكان

 

[baby johnson]

الله يعطيج على قد نيتج

 

[مشتاقه لك يبا]

رد : يارب صبرني عليهم ..

الله يعيينج ويوفقج

 

[رنه خلخال]

انزين انتقلي اداره ثانيه والله ايعينج صراحه مشاكل الدوام ما اتخلص بس انتي حاولي اطنشين بعد شتسوين او كلميهم

 

[Natasha]

حبيبتي الله يعينج يارب

الله يرحم ابوج يارب ويسكنه فسيح جناته وربي يعوضج بزوج احسن من طليقج يارب

حبيبتي اخذي اجازة وروحي عمره ريحي نفسج من هالضغوط الي انتي فيها وعقب ماتردين فكري بدوامج اذا تبين تستمرين فيه او تنقلين منه

والله يوفقج يارب

 

[أماني عمري]

رد : يارب صبرني عليهم ..

ما عليج أمر إختي جيكي على الخاص