يارب صبرني عليهم ..

[أميره بحزني]

السلام عليكم ورحمة الله وبركاته


مادري من وين أبدأ بس من كثر ماشفت بهالقسم مشاكل والبنات عسي الله يحفظهم يردون بنصايح جنهم خوات والله تشجعت أني اكتب مشكلتي وبحاول أختصرها كثر ماأقدر..



بنات أنا صارلي موظفه 6 سنوات كنت بمكان بعيد شوي عن بيتنا وأبوي الله يرحمه ويسكنه الجنه نقلني قبل لايتوفي بسنه وحبيت المكان وحبيت الشغل وحبيت البنات أللي فيه بس صارلتي ضرووف خلال هالسنه من أنفصال لي وفاة والدي الله يرحمه خلاني أكره الدوام وأللي فيه حاولت أحاجي أخواني ينقلوني ورفضوا قالوا دوام وقريب عند بيتج وأبوي الله يرحمه أهوا أللي ناقلج سكتي وقضبي دوامج والله يابنات أدري بتقولون هالبنيه تبالغ قبل لاأروح أصلي وأقرأ سورة ياسين والرحمن وأقرأ أذكار الصباح بس والله موقادره أبلع جم بنيه عندي بالداوم فيه بنات زينين ماأحب أظلمهم بس ينعدون تقريبا 3 وعلي حظي وحده بتنتقل عشان أهلها راحوا سكنوا منطقه ثانيه ووحده بتطلع تقاعد طبي والثالثه عندها ظروفها وماأداوم حيل بسبب مرض ولدها هذولا أللي أرتاحلهم ونفس نمونتي مايتدخولن بالخصوصيات وسوالفنا حلوه ومانجرح أحد لكن الباقين الله يسامحهم كرهوني بالداوم وخلوني أكرهم عسي ماأقعد معاهم ليش تطلقت أقولهم قسمه ونصيب ويقطون حجي مع أني رسميه بس مع أحترامي هيلق صج وعسي مايشوفون رجال نبي نزوجج شكو شاكيتلكم الحال وأشكره يفشلووني لما أحد يجي موظف معانا ولاشي فلان نبي نزوجك فلانه صراحه أهنيه فصلت وصرخت بوجيهم وقلت أنتوا ماتستحون والشره علي أهاليكم ورياجيلكم أللي معطينكم الثقه لو زوجج أو أخوج موجود تتجرأين تقولين هالحجي نصهم سكت ونصهم والله جني أحاجي نفسي طوفه ماتحس ومع أحترامي ولاقصدي شي الأغلبيه أذا موكلهم بنات بدو وموقصدي تجريح بالبدو أنا بدويه بس جرأه ووقاحه مامرت علي صرت أكره أروح للدوام يعني أنتم تشوفون البنيه معطتكم طاف شكو التليقف وصايره بأزمه نفسيه صعبه يمكن أنتم بتقولون عشان وفاة الوالد وعقب الطلاق صايره حساسه حيل لأ والله يابنات أنا مؤمنه بقضاء الله وقدره بس طبيعي بكون متظايقه علي وفاة أبوي وطلاقي صار تحت ضرووف غصب عني و أنا مااحب أظلم أحد ولاأظلم بختي البنات أللي أنا معاشرتهم بالداوم موصاحيات والله الوحده لما يجي زوجها بياخذ منها شغله نزلت راسها وسكتت وأنصدم مع المراجعين والزملاء وجها مغسوول بمرقه ضحك وقلة حياء تخيلوا نصهم مابيني وبينهم ميانه وتوهم متعينين يقولون تعالي أنتي ليش ماتحطين مكياج عشان نصيبج يمشي الحمدلله والشكر ونصيبي بالتلطخ والمكياج أقولهم جدتي بالعنايه تعبانه من عقب وفاة أبووي يقولون عادي عجوز أكلت عمرها أسلوووب منحط ..


سامحوووني علي بعض الكلمات بس والله جد حاسه بظيقه وخوف لما أفكر أروح الدوام تخيلوا داومت ثلاثاء وأربعاء والخميس طاف وباجي الأسبوع كله باخذه طبيه موقادره أتحملهم .. مصيبتهم معاي بنفس المكتب ..


وسلامتكم .. وأكرر أسفي ترا أنا موحاطه علي بنات البدو ونعم فيهم الزين والشين بس حبيت أحطكم بالصوره ...


وماتقصرووون ..​

​

 

[كسر.قلبي.زماني.]

رد : يارب صبرني عليهم ..

ادعي ربج ليل نهار الله يلين روس خوانج


عشان تنتقلين


وحاولي وياهم كثر الدق يفج اللحام
حاسه فيج

 

[كسر.قلبي.زماني.]

رد : يارب صبرني عليهم ..

وهذول اللي ياذوونج طنشيييييييهم لهي نفسج باي شي حبيبتي وربي قلبي عليج عورتي قلبي حيل

 

[Tom ♥ Jerry]

,


شتسوين بعد هاذا دوآمج !

عسى الله يفرجهآ عليج أدعي ربج

و دآومي عآدي خلج معاهم بس سلام مآلج شغل فيهم

و لا تكلمينهم و لا شي :*

 

[كشختي ماركه]

رد : يارب صبرني عليهم ..

اي والله تبي نزوجك ايااهاا
والله ماايستحوون قولي لأخواانج ينقلوونج من هالدووام
وانتي ماتنلمين اذا تبين تطلعين من الدوام
لي فـ الدوام ينرفزوون !!

 

[honey lust]

شوفي حبيبتي اول شي حطي اببالج مافي دوام كامل و اذا انتقلتي هم بيطلعون غيرهم
و من كثر ما اسمع من اللي اعرفهم مافي احد مرتاح 100% من دوامه
انتي خلي شخصيتج قويه ولا تسمحين لاي احد ان يتدخل بحياتج
مو بالصراخ لأأأأأ
بالحزم
يعني اذا وحده قالتلج ليش تطلقتي قولي هالشي ما يعنيج و لو سمحتي لا تبطلين هالموضوع مره ثانيه و حطي عينج بعينها و انتي تقولين هالحجي
يعني مو تقولين هالحجي و انتي مكسوره
و اللي تقولج بندورلج ريل قوليلها لا تتدخلين بحياتي و حرصي ان كل البنات يسمعون قوليلهم انا ما اسمح لاي وحده فيكم انها تتدخل بحياتي
و ياما بنات تطلقو بس لان شخصيتهم قويه محد يتجرأ عليهم
عطيهم احلى طاف و دشي و ما عليج منهم
ولا تنتقلين ولا شي
صدقيني اكبر غلط انج تنقلين من دوامج جذي راح تصير حياتج كلها هروب
و محد ينحاش الا اللي مسوي شي غلط و انتي ما سويتي شي غلط
حبيبتي والله نصحتج من كل قلبي و تخيلت انج اختي و انا اقولج هالحجي
و عسى الله يطمن قلبج و يشافي يدتج و يرحم ابوج امين يارب

 

[shahooda123]

حبيبتى لاتنتقلين ولا شى والله بكل مكان راح تلاقين من هالاشكال بس انتى الظاهر وايد تسكتين علشان شذى يتمادون وقفيهم عند حدهم وصدقينى كلهم بيصكرون حلوجهم وخلى شخصيتج قوية

 

[^نوف^]

رد : يارب صبرني عليهم ..

رد: يارب صبرني عليهم ..

--------------------------------------------------------------------------------

شوفي حبيبتي اول شي حطي اببالج مافي دوام كامل و اذا انتقلتي هم بيطلعون غيرهم
و من كثر ما اسمع من اللي اعرفهم مافي احد مرتاح 100% من دوامه
انتي خلي شخصيتج قويه ولا تسمحين لاي احد ان يتدخل بحياتج
مو بالصراخ لأأأأأ
بالحزم
يعني اذا وحده قالتلج ليش تطلقتي قولي هالشي ما يعنيج و لو سمحتي لا تبطلين هالموضوع مره ثانيه و حطي عينج بعينها و انتي تقولين هالحجي
يعني مو تقولين هالحجي و انتي مكسوره
و اللي تقولج بندورلج ريل قوليلها لا تتدخلين بحياتي و حرصي ان كل البنات يسمعون قوليلهم انا ما اسمح لاي وحده فيكم انها تتدخل بحياتي
و ياما بنات تطلقو بس لان شخصيتهم قويه محد يتجرأ عليهم
عطيهم احلى طاف و دشي و ما عليج منهم
ولا تنتقلين ولا شي
صدقيني اكبر غلط انج تنقلين من دوامج جذي راح تصير حياتج كلها هروب
و محد ينحاش الا اللي مسوي شي غلط و انتي ما سويتي شي غلط
حبيبتي والله نصحتج من كل قلبي و تخيلت انج اختي و انا اقولج هالحجي
و عسى الله يطمن قلبج و يشافي يدتج و يرحم ابوج امين يارب

عدل كلامج 100%
لا تسمحين لاحد ان يتدخل بخصوصياتج و خلج واثقه من نفسج وترا هالاشكال موجودين بكل مكان صج ما يستحون

 

[[[ عيون جابر ]]]

الله يوفقج ويرزقج على قد نيتج

 

[أميره بحزني]

رد : يارب صبرني عليهم ..

ماتقصــــــــــــــرون وجزاكم الله خيــر

 

[جوـآهر ..~]

رد : يارب صبرني عليهم ..

الله يعينج حبيبتي ..

اذا تقدرين تنقلين مكانج يعني تكونين بعيد عنهم يكون افضل ..

او انج مثل ما قالو بعض الخوات ربي يجازيهم خير انج توقفينهم عند حدهم .. و ردي عليهم بوقاحه شرات وقاحتهم معاج .. هذيلا الاشكال ما ينفع معاهم الا هالشي .. العين بالعين و السن بالسن ..


يا رب يفرج مصيبتج ..

 

[طويت صفحة الماضي]

يابنت الحلال اقضبي دوامج دام انه قريب منكم والبنات احقريهم بطقاق خليهم اخر همج عسى مالج هم ان شالله بس لاتعطينهم اكبر من حجمهم اقصاهم بنات دوام ماتربطج فيهم اي علاقه اللهم علاقة دوام وموجودين معاج لااكثر ولااقل

 

[chakletaA]

يابنت الحلال اقضبي دوامج دام انه قريب منكم والبنات احقريهم بطقاق خليهم اخر همج عسى مالج هم ان شالله بس لاتعطينهم اكبر من حجمهم اقصاهم بنات دوام ماتربطج فيهم اي علاقه اللهم علاقة دوام وموجودين معاج لااكثر ولااقل

<<<اي والله اقصاها بنات دواااام معانا وحده الله وكيلهم ماخلت احد وماطيحت سمعته من القصر الى الاحمدي
حسبي الله عليها شوهت سمعتنا جدام مسوولين ومرااقبين الجلبه والله عيب اسبهاااا شكلن ودر ومسمى بدااائييي
كبر جدتيييييييييييييييييييييييييييييييييييييي اسلووبها نعاااال قذره لسانها مفلوووووووووووووت

الله ياخذ حقي منها هييييييييييييييي واشكالها حسبي الله على اللي طلعلها ريش

 

[عيونها عنوان]

رد : يارب صبرني عليهم ..



الله يرحم ابوج وعسى مثواه الجنه ...

وانا انصحج انج تصيرين نفسيه عليهم حاجبج وصليه ليما السقف واللي تقط كلام لفي عطيهاا نظره مع صرخه حتى لوانج تخافين وترجفين (( خذوهم بالصيحه )) واهم شايفينج هاديه وماتردين عليهم عشان جذي مستقوين عليج ..

لما احد يكلمج او شي ردي نعم خيير مع صرخه بعدين صدقيني رااح يمشون سيييده ويحسبونلج الف حساب ..

والله اختي بالمعهد صار معاهاا نفس الموقف مع بنات السكشن وقامت تعاملهم نفس مايعاملونهاا وقاموا يخافون منهاا ويتحيلقون لهاا ..لدرجة قاموا يسألونهاا صنادلج من وين تشترينهاا وملفعج وايد حلوو ..

واللي ناصحتهاا بهالشي رفيجتهاا بالجامعه بعد كانت تمر بنفس حالتج ... يعني الاشكال هذي موجوده بكل مكااان والله يعيناا عليهم

 

[مرمرة]

اختي آنا اضم صوتي معاهم نعم كل مكان فيه الزين والشين واقول لج لا تعاملينهم بالمثل عامليهم بخلق لان عمر بذائة اللسان ما تجيب نتيجه وحنا ناس نترفع عن هذا الشئ ومو من طبعنا هذا اول شئ وثاني شئ افرضي شخصيتج عليهم وخليها قوة وصارمة بدون تجريح وخلى تعاملج وياهم على قدر العمل فقط لا يزيد وكلي امرج لله ودعيه بان الله يسخرهم لج ويسخرج لهم وهذا احسن دعاء ومن يدري ان الله راح يسخرهم لج وانتي ما تدرين وعسى ان تكرهوا شيئا وهو خير لكم وفيه آيه حبيت اعلمج اياها والله مجربه بس محتاجه وقت وهيه ( ربنا افتح بيننا وبين قومنا بالحق وانت خير الفاتحين وباذا الله راح يفتح عليج وعليهم ويكونو من احب الصديقات لج والمساله يبيلها وقت وصبر والله يفتح عليج

 

[عزوتي واااصل]

بعد عمري والله نفس معاناااااااتي بس انا بنت مو متزوجه
الحي على ربج بالدعاااااااااااااااااااااااااااااااااء
واشغلي نفسج بشغل خاص اثناء تواجدك بالدوام معاهم بيموتون إلا يعرفون انتي شنو قاعده تسوين؟
كنت اجيب معاي الاي بود مال اخوي واقعد اقرا بالمصحف ومايدرون شنو تسويين مااااتوا قهر
هذيلا مرضى اسأل الله السلامه والعافيه

 

[Wa'97a]

رد : يارب صبرني عليهم ..

الله يوفقج
أدعي ليل ونهار
واستغفري الله كثيرا
والله ما ينسى عبدة

 

[زامليه وافتخر]

حبيبتى ماعلييييييج منهم .وادعى ربج انه يعوضج بالاحسن..

وكثرى من الاستغفار..

 

[*برونزيه شقره*]

حبيبتي هالاشكال موجوده بكل زمان وحين
ليش حاطه لهم اعتبار ولا تعطينهم اكبر من حجمهم
رفعي راسج وليش تنتقلين عشان بنات جذي
لا ياقلبي خلج واثقه بنفسج ولا يهزج ريح
قولي انا واثقه من نفسي ومن تصرفاتي
واللي صارلي قدر الله وماشاء فعل
لهي نفسج ولا تردين عليهم وان زودوها
ردي عليهم بكل برود وبكلام يكسر الصخر تنقيد يعني
اما انج تزعلين وتصرخين والله راح يتمادون
هذا دوامج مصدر رزقج ولو قدرتي انتقلي من قسمهم
مو من الدوام بكبره ربي يوفقج ياقلبي

 

[الأميرة جوري]

رد : يارب صبرني عليهم ..

ياقلبي احسج حيل طيبه وتخافين ربج قبل كل شيء ,,,, ماعليج منهم واذا قدرتى انتقلي والمكان اللي داومين فيه قولي انج متزوجه لاتقولين مطلقه علشان نغزات والحركات اللي ماله داعي .... ولاتستبعدين العين حق يعني قبل كل شيء تمام بس انتقلتي توفى ابوج وتطلقتى كل شيء قسمه ونصيب بس في اسباب ,,,,,,,,,,,