ياربي كل مااشفى من شي يطلعلي شي ثاني .....ساعدوني :(

[متى تفرج بس]

مرحبا بنات

اكيد راح تقولو ايش فيها هالبنت كل يوم ولارزت ويها وتبي حد يساعدها
بس شسوي مالي الا الله ثم انتو تساعدوني باللي تقدرون عليه

نزلت موضوع وذكرت فيه عن مشكلتي اني اعاني من افرزات صفرا وبيضا وبريحه وبعد طلوووع الروح شفيت منها بفضل الله ثم بشرب الماااااااااااااااااااااااي
اختفت الافرازات بشكل مومتوقع حسيت ان صج صارلي معجزه
بس يافرحه ماتمت بعد ماتخلصت من هالافرازات صار يطلعلي افرازات مايله للاخضر بكميلات قليله جدااااااااااااااا يعني اذا خلصت من الحمام وانتو بكرامه وجيت امسح بالكلينكس القى الافرازات المايله للاخضر الفاااااتح وفيها ريحه خفيفه
ياربي شسوي
لما كانت عندي الالتهابت اللي لونها اصفر كنت اشرب ماي وايد ويوميا استخدم الغسول بس اخاف يسببلي جفاف في المنطقه ومن صرت زينه تركت استخدام الغسول والحين اشوف طالعلي شي ثاني
هل الخضرا اخطر من الافرازات اللي صارلتلي قبل والا نفس الشي
واستمر على شرب الماي والا ليها علاج ثاني
وهل كثر استخدام الدش المهبلي يزيد من التهابات والا ايش؟ يعني استخدمه بين كم وكم
بصراحه تعبت تعبت وزواجي قرب واحاتي بشكل موطبيعي ونفسيتي صايره زفت عالكل لاني كل مااشفى من شي يطلعلي شي ثاني
شسوي ساعدوني

 

[بنت السعوديه -]

اكيد معاك التهاب يحتاج علاج روحي للدكتوره والله يشفيك

 

[متى تفرج بس]

رد : ياربي كل مااشفى من شي يطلعلي شي ثاني .....ساعدوني

انا رحت قبل لدكتورتين وعطوني علاج مااستفدت منهم بس استفدت عالمااااي
والحين متغير لون الافرازات عشان جديه خايفه اكثر موعارفه شسوي هل اروح لدكتوره ثالثه بس خايفه من كثر الادويه
صايره حقل تجارب لهم الله يعين

 

[حبيبة سعيد]

توقعتج متزوجه على هالافرازات ضروري ضروري تروحين مستشفى لا واللحين بعد ان شاءالله طواري الولاده يسولج تحليل مسحه مايضر ويكتبولج علاج

العلاج مضاد حيوي كبسولات ضد الفطريات طبعا بعد التحليل لان احتمال مافيج شي

بس لا تسكتين

 

[الصعيريه]

رد : ياربي كل مااشفى من شي يطلعلي شي ثاني .....ساعدوني

مآأدري والله

سوي مثل ماقالت ( حبيبة سعيد )

وإن شاءالله تروح منج ولاتعبين نفسيتــج

 

[متى تفرج بس]

رد : ياربي كل مااشفى من شي يطلعلي شي ثاني .....ساعدوني

حبيبه سعيد
المشكله انا رحت المستشفى والدكتوره الاولى قالتلي عندج فطريات وعطتني غسول ومضاد استفدت منهم اسبوع تقريبا وردلي مره ثانيه
ورحت مستشفى ثاني وخدو مني مسحه وقالتلي الدكتوره فيج التهاب بكتيري خفييييييف وعطتني مضاد وغسول وهم مااستفدت شي
عشان جديه خايفه حيل وموعارفه شسوي خاصه بعد ماتغير لون الافرازات
اذا من الحين وانا عندي التهابات عيل في العرس اشلوووون

 

[عاشقه الاسمرانى27]

حببيبتى انتى بنت ما يصير تستخدمين الدش المهبلى ونفس كلام الاخت حبيبت سعيد لازم تسوين مسحه روحى الصباح احسن لج

او المستوصف اللى انتى تابعه له لان مو زين عليج يااااااااقلبى وعسا الله يشفيج يارب

او اتصلى على ام خالد الهاجرى خبيرة الاعشاب اهى ما راح تقصر وياااااااااج.حبيبتى انا وانا بنت الافرازات ما كانت تقف خير شر

بس عقب ما تزوجت زادت عليا وايد وبعد علاج راحت عنى كلش الحمد لله بس ياااااقلبى لا تغسلين بماى بارد غسلى ماى حار تتحملينه وملح وتقعدين بماى ديتول

 

[ام بوحنة +]

رد : ياربي كل مااشفى من شي يطلعلي شي ثاني .....ساعدوني

الافرازات البيضا او المايل الى الاصفرار

هذول فقط الحاله الطبيعيه غير جذي
لازم تراجعين دكتورة امراض نسا

 

[متى تفرج بس]

رد : رد: ياربي كل مااشفى من شي يطلعلي شي ثاني .....ساعدوني

حببيبتى انتى بنت ما يصير تستخدمين الدش المهبلى ونفس كلام الاخت حبيبت سعيد لازم تسوين مسحه روحى الصباح احسن لج

او المستوصف اللى انتى تابعه له لان مو زين عليج يااااااااقلبى وعسا الله يشفيج يارب

او اتصلى على ام خالد الهاجرى خبيرة الاعشاب اهى ما راح تقصر وياااااااااج

الدش المهبلي استخدمه من بره مو من داخل والدكتورتين نصحوني فيه بس سمعت انه موزين استخدامه بكثره :eh_s(11):

 

[عاشقه الاسمرانى27]

حبيبتى احسن شىء الطبيعى وانا بقولج لا تستخدمين الدش المهبلى مو زين يااااااااقلبى

 

[متى تفرج بس]

رد : ياربي كل مااشفى من شي يطلعلي شي ثاني .....ساعدوني

تسلمين غناااااااااتي شورتج وهدايه الله
رسلتلج عالخاص شيكي عليه

 

[هوازن العتيبي]

رد : ياربي كل مااشفى من شي يطلعلي شي ثاني .....ساعدوني

روحي للدكتور لا تتركين عمرج

 

[حنين الارض]

رد : ياربي كل مااشفى من شي يطلعلي شي ثاني .....ساعدوني

كثرة الدش المهبلي تقتل البكتيريا النافعه فتصير المنطقه عرضه للالتهابات اكثر
ثانيا .. ارجعي سوي مسحه حتى يعطونك المضاد الحيوي ولازم تستمري على كورس العلاج لمدة اسبوعين يعني ماتقطعي العلاج حتى لو اختفت الافرازات
خصوصا بالالتهابات البكتيريه او الفطريه لازم تكملي الكورس للاخر
لان في الوقت اللي يضعف فيه نشاط البكتيريا بفعل المضاد .. رح تختفي عندك الاعراض اللي اهي الافرازات
فلو وقفتي العلاج بترجع البكتيريا اقوى من السابق وتعيش اكثر .. ويصير المضاد اللي كنتي تستخدميه ماينفع معها لانها تكون مناعه ضده

واخيرا .. استمري على شرب المااي طوول حياتك ... الماي مفيد جدا جدا سواء فيه مرض او مافي

واسفه على الاطاله

 

[LiL MaMa]

رد : ياربي كل مااشفى من شي يطلعلي شي ثاني .....ساعدوني

هذا التهاب روحي الطبيب
و الاخضر اخطر من الاصفر

 

[متى تفرج بس]

رد : ياربي كل مااشفى من شي يطلعلي شي ثاني .....ساعدوني

كثرة الدش المهبلي تقتل البكتيريا النافعه فتصير المنطقه عرضه للالتهابات اكثر
ثانيا .. ارجعي سوي مسحه حتى يعطونك المضاد الحيوي ولازم تستمري على كورس العلاج لمدة اسبوعين يعني ماتقطعي العلاج حتى لو اختفت الافرازات
خصوصا بالالتهابات البكتيريه او الفطريه لازم تكملي الكورس للاخر
لان في الوقت اللي يضعف فيه نشاط البكتيريا بفعل المضاد .. رح تختفي عندك الاعراض اللي اهي الافرازات
فلو وقفتي العلاج بترجع البكتيريا اقوى من السابق وتعيش اكثر .. ويصير المضاد اللي كنتي تستخدميه ماينفع معها لانها تكون مناعه ضده

واخيرا .. استمري على شرب المااي طوول حياتك ... الماي مفيد جدا جدا سواء فيه مرض او مافي

واسفه على الاطاله

حبيبتي انا استمريت عالعلاج وهم مافاد وياي واستمريت عليه بس مااختفت الافرازات الا لما شربت ماي وااايد
بس الحين اشوف اللون متغير فحبيت اعرف شنو المشكله
ومشكووره عالنصيحه

 

[Dalal.al3tibi]

رد : ياربي كل مااشفى من شي يطلعلي شي ثاني .....ساعدوني

الله يساعدج