ياخبيرات المانيا ساعدوني والله لأدعي لها باللي تبي تكفون

[Muslimh]

السلام عليكم ورحمة الله وبركاتة

هلا بأحلى منتدى وبأحلى بنات

بنات انا ماراح اطول عليكم انا محتاجة مساعدة ضرورية والله لأدعي للي تساعدني

بنات انا بسافر بعد 4ايام ل المانيا وبالتحديد هامبرغ بس وماني
عارفة شي انا سعودية
ابي اجلس هناك 10ايام يعنى بنصوم هناك ولاحجزنا فندق ولاشي زوجي معتمد على بكل شي ابي منكم
1/ طبيعة الجوهناك شلون بهالوقت حر اوشتاء ؟
2/كم تكلفة 10 ايام لشخصين مع السكن والاكل والهدايا؟وياليت بالريال السعودي ؟
3/وش افضل الفنادق هناك وتكون على بحر اواي شي ؟
4/وش هي الاماكن السياحية هناك ؟اللي تنصحون بها ؟
5/وش الاشياء اللي لازم اشتريها من المانيا وغير متوفرة بالخليج يعنى مكياج اشياء نسائية تنصحوني بها اوشي شريتية وتميزتي بة ؟
6/وكيف نظام الحياةهناك وخصوصآ برمضان ؟

الله يوفقها ويفتح لها كنوز الارض اللي تجاوبني بنات محتاجة لكم يأحلى كويتيات
:eh_s(17):وهاذي لاول وحدة ترد

 

[Muslimh]

بنات وينكم

 

[Muslimh]

بنات وابي فندق فية قنوات عربية يعنى ستلايت عرب سات ونايل سات

 

[غآمضه]

رد : ياخبيرات المانيا ساعدوني والله لأدعي لها باللي تبي تكفون

حبيبتي الجو الحين حلو مايل للبروده شوي ومرات يكون في مطر انتي ييبي وياج بلوفرات وجاكيت وخصوصا بالريف يكون ابرد
بس من شهر 9 او 10 يبدي الشتا والبرد اكثر و10 ينزل الثلج

والتكلفه على ماعتقد مومتاكده بالضبط 35000ريال سعودي لشخصين يمكن ويا الهدايا يزيد مادري والله

والسياحه انصحج تروحين ميونخ للتسوق طبعا من الساعه 8 تسكر المحلات انتي من الصبح روحي
ويوم الاحد المحلات كلها مسكره
روحي الحديقه الاولومبيه ومتحف BMW و بحيرة شتان بيرج و مجمع اودن بلاتز للتسوق
و ساحة الكارل بلاتز ومجمع ريم اكادا للتسوق وساحة مرين و حديقة الهوف جاردن
والحديقه الانجليزيه

وعندج بالمانيا بعد شارع الماركات ومتحف هتلر والسوق المفتوح و ليقو لاند

كل هذا بميونخ
والي برا ميونخ عندج قرية قارمش
وباد تولز و قريه فوسن و بحيرة الملك Koniggsee ومدينة السينما الالمانيه و بحيرة tegernsee
والبحيرات القريبه من ميونخ مثل
Starnberger See حديقه
Chiemsee
Ammersee
Kochel See
زيارة شلالات (Die Wasserfalle bei Buchenegg)تبعد ساعتين عن ميونخ
سكاى لاين

والسكن عندج شقق ارابيست في ميونيخ
قريبه يم السوق والمحلات تحت والمطاعم التركيه الحلال بينج و بين محطه القطارات الرئيسيه 5 دقايق مشي و بينج و بين المارين 7 دقايق
مشي
بس مافيها تكييف على ماعتقد بس عادي لان الجو بارد وحلو
وعندج فندق ماريوت حلو بعد

وترى بالنسبه للاسعااااار غاليه شوي من شهر اول 6 لين 9 لان موسم سياحه وباجي الاشهر الاسعار حلوه وزينه ورخيصه
وشهر 10 تبدي عندهم المهرجانات وعيد البيره

واذا تبين هدايا وشغلات تسوق ميونخ طبعا وايد حلوه للتسوق وعندج محل c&a رخيص
وسوق كولون و هامبورغ

وبرمضان الاجواء حلوه لان موحر ماراح تحسين بالعطش وبتشوفين محلات تبيع حق رمضان بميونخ ووايد مسلمين


وتروحون وتردون بالسلامه

 

[Muslimh]

الله يوفق ويفتحها بوجهك وييسرلكامورك



بنات وينكم

 

[سيدة الكويت]

رد : ياخبيرات المانيا ساعدوني والله لأدعي لها باللي تبي تكفون

هلا اختى ما انصحج فى هامبورق ...مو ونيسه .. روحى برلين بينها بس ساعتين بالقطار وارقى واحلى وبعد هامبورج وايد فيها سكارى بالشوارع وناسها وسخين
وتعتبر احر من المناطق الثانيه ...بس اتوقع الجو الحين تحسن

 

[سكره مالحه]

رد : ياخبيرات المانيا ساعدوني والله لأدعي لها باللي تبي تكفون

الله يعينكم على الصيام
هناك اليوم ما يخلص
لو مخلين السفره على العيد احسن

ورحله موفقه

 

[Muslimh]

غصب شغل زوجي بنات وينكم