ياحوامل شنو اكلكم !؟

[مذهلة2013]

السلام عليكم

الموضوع مبين من عنوانه

شنو الاكل الي يغذي البيبي

دكتوري يقول العيش الخبز الباستا البيتزا بس تمتن ما تغذي

المشكله بسرعه ايوع والفواكهه والخضار ما تشبعني والله :/

ساعات انوع بيض وحليب


ياحوامل شنو الاكلات الي تشبع وتفيد الحامل والبيبي؟

 

[نبض السعاده]

ماعندي شي معين اكله كل شي عادي
بس اللبن يمتن يزيد حجم البيبي

 

[مذهلة2013]

نبض

انا احب اللبن وكله اشربه

 

[مذهلة2013]

اب
اب

 

[fofo90]

والله انا قاعده اكل كل شي
مافي شي معين اللي اطبخه واشتهيه
اكل والحمدالله اشبع واصلا احس اكلي
مونفس قبل ماحس بيوع حيل وكله لايعه
جبدي بس مداومه اكل فيتامينات وحبوب فولك
اسد وفيتامين سي
والله كريييم

 

[مسـك]

صح مذهله هذي ماتفيد البيبي بس شنسوي هذي اكلاتنا

بس ع الغدا بالاضافه للعيش اكلي سلطه واشربي لبن

حست المغرب اكلي فواكه مع اني حمالي هذا شايلتها من قاموسي

عشاج اجبان مالحه زيتون خيار طماط خس مع حليب

والله كريم

 

[Om_HoBi]

والله انا كل شي اكل و كل الخرابيط كليت و الحمدلله تحاليلي كلها زينه اهم شي فيتاميناتج و الكالسيوم تاخذين
بس مشكلتي ان متنت وايد و متحسفه فناويه الحملات اليايه التزم بالاكل الصحي

 

[glby7sas]

حليب حليب حليب حطي حيلج بالحليب وايد مفيد يعني لايمر يوم وانتي موشاربه حليب اشتري حليب فرش من الجمعيه واشربيه والخيار والروب الاسماك البروتينات تلقينهم بالدجاج واللحم اكلس اللي بخاطرج بس بعدي عن الوجبات السريعه

 

[مذهلة2013]

مشكورين حبايبي

 

[زينب 12]

اكلي كلش مو صحي كاكاو برنجلز
ومرات اظل طول اليوم باليوع يعني اكل وجبه المغرب اهي ريوق اهي غذا اهي كل شي
وحاول اجبر نفسي اشرب حليب ولاني ماحب الحليب وايد فحاول اكله مع صمون او كورن فلكس
اخذ فوليك اسد .. وفيتماينات واخذ فايمتين د
مرات اكل اندومي
وحاول اكل جبده

 

[زينب 12]

اكلي كلش مو صحي كاكاو برنجلز
ومرات اظل طول اليوم باليوع يعني اكل وجبه المغرب اهي ريوق اهي غذا اهي كل شي
وحاول اجبر نفسي اشرب حليب ولاني ماحب الحليب وايد فحاول اكله مع صمون او كورن فلكس
اخذ فوليك اسد .. وفيتماينات واخذ فايمتين د
مرات اكل اندومي
وحاول اكل جبده

 

[مذهلة2013]

زينب حبيبتي

حاولي تاكلين عدل

موزين لج وللبيبي

 

[! فيهـآ دلـع !]

حرصي على فيتاميناتج بما ان اكلنا وطبيعته مو صحية كلش على الاقل يعوض

والحليب شربيه بكميات كبيره عشان الكالسيوم ضروري لج

بس انصحج بعد الي تشتهينه اكلي بكميات معتدله سواء عيش او الباستا بس خلي الكميات اصغر والافضل ان تكثرين الوجبات بس تصغرين كمياتها عشان لا تتعب معدتج,,

اكلي سلطات ونوعي فيه من ناحيه تحافظين ان زيادتج تكون بحدود الطبيعي ومنها تسكر الشهيه اشوي

الله يسهل عليج وينقلج لي تمامه

 

[انوار المحبه]

والله اكلي يعني اشرب مرات حليب شربي لبن و اكلي تمر و عيش و بروتينات و الله يسهل عليج و علينا

 

[مذهلة2013]

مشكورين حبايبي

 

[ام أسد]

انا كل شي اكل عادي مثل حياتي الطبيعية قبل لا احمل وعادي فترة الحمل ماتشبع انا مرات اتغدى ٣ مرات واتعشى ٣ مرات ياله اشبع

عادي اكلي كل شي شنو تشتهينه اكليه لاتخلين شي بخاطرج

 

[# غنوجة بيبي #]

انا اكل اجبان و احب الجبن المالح و اللبنه

و اشرب حليب كي دي دي

اكثر من التفاح احبه

سلطات بس مو وايد


احب اكل التونه المعلبه (سمج)

احب الخس



و صارلي جم يوم مشتهيه رقيه و خلص موسمها
و مشتهيه جاي حليب بس مضر يقولون

و مشتهيه حكوكه لا تضحكون هههههههههههه




و الربيان مفيد بس مستحيل يطب حلجي..صايره مااحبه و ذاك اليوم ذقت وحده غصب و رجعت كل شي فبطني بسبته

مع اني كنت قبل الحمل اموت فيه و اكله وايد

 

[مذهلة2013]

حبايبي مشكورين

 

[++صدفة++]

الاخت الللي قالت انها تاكل اندومي
قطعي نهائياً مسحيه من قاموس حياتج لأنه ما منه ولا فايدة
بالعكس كله مواد مصنعة تسبب امراض السرطان الله يكافينا شره
جد جد حرام بيبيچ يتغذى على هالاشياء

 

[زينب 12]

سمعت التونه مضره وقت الحمل
ومو كل انواع السمج يصلح للحامل