ياحلوة شنو صالونج المفضل ويتميز بشنو؟

[كويتية كول]

مشاركة: ياحلوة شنو صالونج المفضل ويتميز بشنو؟

عندكم كرستال موطبيعي صبغهم وقصهم

 

[caramila^q8]

مشاركة: ياحلوة شنو صالونج المفضل ويتميز بشنو؟

أنا أحب صالون شرقيه بخيطان

 

[ليالي الكويت]

مشاركة: ياحلوة شنو صالونج المفضل ويتميز بشنو؟

بالنسبـــة للحــف الشرقيـــه

قص الشعــر أمانــي بمـس ون

مكياج وتسريحات لمســة فــن أو ايلا بالانتركونتينتال أو فاطمــة لان ايلا دايما زحمــة

وبعـد صبغهــم حلـو عند مدام عــزة اذا ماني ناسيـة

 

[وردة النرجس]

بالنسبة لي يا بنات أنا كنت أحب أكتشف صالونات يديدة وأجربها

وطحت على صالون ليلى تاج بالسالمية وايد حلوووووو ومكياجها روعه

أما بالنسبة للشيرة والبدكير وحمام زيت والقص والصبغ قبل فترة دلتني رفيجتي على صالون بالشعب

إسمة دونا كارينا وواايد مرتب ونظيف وأسعاره رخيصة يعني الحف والشيره وحمام زيت كلا على 2 دينار والي يشتغلون أغلبهم هنود

وحق السشوار عندج إيرانية وايد قصها وسشوارها حلووووو

ومايحتاى كافي إن صاحبة الصالون شيخة إسمها عالية الصباح

بس صج أسعارها نايس وشغلهم حلوووووو

 

[banota49]

انا بالاشياء كلها عادي اي صالون كل مرة اجرب صالون غير.....

بس المكياج عندكم البدور وكادو ليدي.

 

[كويتية كول]

بنات منو يعرف التركيه الي بالشيراتون حلو شغلها والله لا

 

[حنونة]

السلام عليكم

بصراحه انا صالوني المفضل دونا كارينا لتجميل السيدات وانشاء الله يصير صالونكم كلكم :eh_s(15):
مميزاته:
اسعار روعه
الموظفات نفسهم وايد حلوه
المكان وايد نظيف وراقي
كل شيء تقريبا موجود بهالصالون
المكياج عندهم وايد حلو تحطه وحده كويتيه اسمها مناير
التسريحات والقص عجيب
عنوان الصالون:
الشعب البحري - قطعه 8 - شارع نافع ابن الازرق - بناية لؤلؤة الرفاعي - الدور الاول - شقه رقم 2
تلفون: 2655245
اوقات الدوام: يفتح طوال ايام الاسبوع من 9:30 صباحا - 8:30 مساءا:eh_s(17):

 

[بنت المطر]

بعد بنات ردودكم ..........

 

[وردة_الليل]

بالتوفيق

 

[لبى العرب]

ايلين تركيا===== للمكياج
البدور======= للمكياج والشعر عند جويسي
ناديه الشطي======للمكياج

 

[MISS^^CHANEL]

انا احب اروح صالون ملكه الاحلام
السالميه شارع الخنساء يم توب سينتر النادي
شغلهم مميز ورخيص

وااااااااااااااااااايد حلو وصالي معاهم 3 سنوات
نفسيه الموضفات حلوة ويضحكون

ودوامهم من 9 الصبح لي 8 ونص



وشكرا ع المضوع الحلو

 

[Maltesers]

يورز (( تسريحاتهم + بديكير ومنيكير ))

بروفايل (( تسريحات + مكياج ))

حنان دشتي (( حف ))

جبسي ستايل (( مكياج وهم تسريحات )) روعه هالصالون روعه شوي عليه

هذا اللي ببالي حاليا وهذيله الصالونات اللي احب اروحلهم دايما

 

[BaiTotia]

لي رجعة للموضوع إن شاءالله

أم علاوي جبسي ستايل أي واحد تقصدين إللي بالجابرية؟ وعند منو حطيتي؟ حدي استانست لأني يعجبني الصالون هذا و إنتي أول وحده بالمنتدى تعرفه؟

 

[noty]

هلا حبايبي .. ومشكووؤة دير عالموضوع
جربت وااايد و بقول عن كل وااحد شنو احلى شي

المكياج : عبير الياسين .. منيرة الفرج ,, صالون اليرموك .. السلطان ( جبسي ) - بدور - صفاء

الشعر : يورز - لامود اليرموك - جاك ديسانج ..

البدكير و المنكير : يورز - ايليزيوم - لامود - القادسيه - وفي وحدة تييني البيت

الواكس والحف: يورز

جلسات الشعر : يورز عند كوشلاني

بس انا ودي اروح صالون اتكون اسعاره مناسبة حق الاستشوار لانه احب اسوي بالصالون ... ودي باشتراك .. بس مابي لبنانيات او مكان زحمة

 

[miss5]

وين هذا يورز ؟؟

انا جربت شيرة دونا كارينا مو شي الصراحه

تطلعين تروحين البيت تشوفين كله شعر !! ما يشيلون عدل

لان على بو ديكور والاضاءة كلش ماتساعد

 

[جان زين]

انا ابي صالون مساج ؟؟؟ وين صالون حلو؟

 

[كاكاوة سايحة]

آنا شعري كله بغلامور (صالون عبير الياسين) عند وحدة إسمها غالية....بس ألحين طحت على صالون لاشز باليرموك يم المخبز الدنماركي شغلهم وايد حلو حق التسريحات ...كله تسويلي وحدة إسمها نعيمة (أو نانا ساعات يسمونها) ...حتى قصت شعر إختي فراولة فوشيا و اصبغته لها خوش شغل شغلها....شكلي هالصالون راح اعتمده للأبد قريب من بيتنا و أسعاره معقولة و نظيف.
أما حق البديكير و المنيكير فما أروح إلا حق هالصالونات المتخصصة حق هالشي (من بعد ما التهبت ريل أمي من بديكير تري جولي و أشعات و تخدير موضعي و دنيا بس تعقدت) كل الأدوات معقمة و يفتحونها بجياسها جدامج
...إلي جربتهم أظافر إلي بالراية...و أن ستايل في البستان

ودمتم لنا سالمين

 

[blue diamond]

انا بالنسبه لي حق الحفلات الشعر عند صالون كل ديور صج عجيييييب
والمكياج عند نيو لوك او عبير الياسين او والاكثر شي عند ياسمين الامير
اما حق الشيره وغيره حق الايام العاديه عادي اي صالون بشرط انه يكون نظيف:eh_s(6):​

 

[noty]

وين هذا يورز ؟؟

انا جربت شيرة دونا كارينا مو شي الصراحه

تطلعين تروحين البيت تشوفين كله شعر !! ما يشيلون عدل

لان على بو ديكور والاضاءة كلش ماتساعد

يورز بالشعب البحري ,, امجابل حديقة الشعب .. يم فوتوكينا

انا اسوي شيرة اوول ,, ناو هابه بالواكس ( الشمع ) انا اتسويلي وحدة اسمها كوشلاني .. ارتاح معاها

والحلو فيه غرفة تتسكر علييج و تنسدحيين و انتي مرتاحة

وودي اجرب حمام التركي يمدحونه وااااااااايد .. عند ندرت

 

[noty]

انا ابي صالون مساج ؟؟؟ وين صالون حلو؟

ما افضل المساج بالصالون .. انصحج باماكن متخصصة احسن و اضمن