ياحظي المنسدح وشفيك مشقيني قمـ يامال الوجع قم غير احوالي

[Sara.M]

مسكينه منوره صج حقير احمد كمليييي ناطرينج

 

[م.بدوره]

ايام منيره مع احمد كان حيل عاديه ... ماكان يقعد بالبيت ... ولما يرد البيت لازم لازم يغث منيره بكلمه او حركه
مثلن لا شافته منيره متسبح وطالع عزكم الله من الحمام
منيره : نعيمن حياتي
احمد : جب

لا تستغربون هذا كان اسلوبه معاها جم مره ومره يدقرها باليوم .. واذا كلمته قال لها اتغشمر معاج شنو ما تستحملين
عادي انه يقول لها : منو قال انه مرتي بقره كاهي تفهم والله
او يقول منو يقول مرتي حيوانه كاهي تحس
منيره بالعه موووس وساكته ...في شي يقول لها صبري

كانت تقوم بليل تستخير وتصلي وتدعي (( يالله اذا كنت تتدري انه لي مستقبل مع احمد وانه بيتعدل ارزقني الذريه الصالحه ... ربي لا تذرني فردا وانت ارحم الراحمين ))

وكانت تاكل كلوميد حبتين تبي تحمل .... بس كل شهر وبموعدها بالضبط تنزل الدوره ... جنه اشارة من رب العالمين انه لا تطلبين تحملين من احمد

*********************************************

احمد محجوز بالداوم قالت منيره فرصه ارتب اوراقنا الرسميه واقط اللي ما نبيه

وقامت منيره بليل ويابت كل اوراقهم ويابت صناديق عشان توزع المستندات الرسميه والاوراق المهمه والاوراق الغير مهمه

رتبت البطايق والجناسي والجوارزات .. هذي جنسية احمد فجتها @@
ماده سابعه ؟؟؟ ليش ما قال حق اهلي انه ماده سابعه ... ؟؟
اوكي كلنا كويتين والنعم بس جان قال ... مو مهم يامنيره المهم كويتي
وبدت ترتب الاوراق نست سالفة الجنسيه لما طاح بيدها اشياء اكبر واكبر
طاح بيدها بطايق مدنيه حق بنات ... وصور شهاداتهم وتخرجهم ...طاح بيدها عقد شقه باسمه اخر هالشهر ينتهي العقد ..طاح بيدها كاندوم تعرفون شنو الكاندوم انا اعتقد وحق شنو يستعملونه :0bee2e8d89:

ااخ عليج يامنيره وياحسرة قلبج كل مالج وتنصدمين وتسكتين ... شنو هالغش اللي انغشيتو فيه .. عقد شقه وكاندوم يعني يوم رضيتي انه كان يحب ويكلم طلع الاخ يسوي اكثر من جذي وما تعب نفسه يتخلص من هالشغلات يوم ملج ... ما خاف ولا حط لج اعتبار يطيحون بيدج بيوم من الايام .... نصيبج يا منيره من الدنيا كل ما طقين باب للفرح ينسد بويهج

منيره قالت انا لازم اكسب ريلي صوبي ردت كل شي مكانه الجنسيه والعقد وكل كل شي ... لقت تلفون يوم فجته لقت صور بنات خافت من الله امسحت الصور وكسرت الجهاز خافت على اعراض الناس وحطت الجهاز بجنطتها عشان واهي راهيه الدوام اقطه وتتخلص منه

وايد بنات يقولن يمكن القصة فيها مبالغه ... القصة ما فيها اي مبالغه تتدرون شنو فيها .. فيها ان اشيا لو احطها لكم تشيب الراس بس قررنا ما نحطها عشان للحين يصير عندكم امل ان الدنيا بخير :0bee2e8d89: وعشان تصدقون ان الافلام والمسلسلات اللي نشوفها في منها حقيقه بارض الواقع ... منيرهك انت تسمي حياتها مسلسل هزلي وما تتدري شلي مانعها انها تتكلم حق احد

******************************************************

بعد اسبوعين تقربين من حادثة الاوراق منيره ضاعفت اهتامها بزوجها اللي عادي عنده للحين يدقرها واهي معطه التحبط طاف وكل يوم تكشخ وتقعد جدامه عروس صج عروس ..كانت تدخل تبجي وتغسل ويها وتطلع تضحك ... منيره قلبها ينغزها من صوب احمد ...ماتتدري ليش تحسه مو طبيعي

يوم سبت كان الجو مو صج يومها غبار ولويه الظهر وبعد الغدا

احمد : نزلي اللابتوب ابيه (( طبعن اللابتوب والوصلة مالوت منور يابتهم من بيت اهلها))
منيره: اوكيك

واخذ الجهاز وشبك والناس تسولف واهو شابك .. ابوه ناداه طف الكمبيوتر وخله نقاله يم منيره وقام ... وصدف اللي يرن (( لا لا تخاف لا لا تخاف حاول حبيبي ولا تخاف ))
منيره منو هذا للي مخصص له رنه مميزه ؟؟ طلت لقت الاسم المسيف (( الحبيب ))
الحبيب منو الحبيب هذا ؟؟؟
وصعدت منيره واحمد ..دخلت منيره تتسبح بعد الغدا وريحة الاكل وطلعت لقته شابك
فز قلبها من مكانه مرت وراه حست بشي مو طبيعي
منيره : تكلم بنيه صح
احمد : بكيفج انتي مو بنيه ولد عمي تبين احلف على القران خو انتي ما تصدقيني بس والله مو بنيه
منيره :.......................
احمد : انتي كل ظالمتني شكج وغيرتج وبتخرب حياتج
منيره: ريلي ولازم اغار عليه
احمد : انا بنام شوي وصك الجهاز
ومنيره اول شي صعدت السطح وفجت الغساله عندها غسيل ...طبعن ما عندها غساله فتغسل بغساله البيت
احمد نام فمنيره طلت عليه لقته نايم نزلت تحت .. قعدت بو ساعتين صعدت لقت احمد لابس وبيطلع
منيره : حبيبي طالع
احمد : ايي ماراح اتاخر على 1 اكون راد
منيره : دير بالك وباسته منيره على خده

غصبن يا احمد اخليك تحبني وتشرق باسمي ..انا مرتك والاولى فيك

العم : منيره يقولون بالنت تعرفين مخالفاتج
منيره: اي عمي بموقع وزارة الداخليه
العم : يبي كمبيوترج وسوي لي
راحت منيره يابت الجهاز وطلعت مخالفات عمها .. وشبكت مسنجروسولفت مع رفيجاتها ولانها تتدري انه ريلها ينبش وراها واذا درى انها مكلمه رفيجاتها ويشوف سوالفها بينش ويناجرها كالعاده
راحت بتمسح محادثاتها العاديه اللي عباره عن سوالف عن البنات ... لقت ايميل غريب بالسجل فجته ؟؟

""
its me : الوووووو احمدوووووووووو

its me : ماترد يالفيل اكيد الشيفه مرتك يمك

احمد : جب
its me : بشنو لاهي قاعد تسولف معاها وحاقرني

its me ارسل قبله

its me : اخاف بس تحب هالسودة يا العراقي

احمد : يمكن احبها وليش ما احبها مو مرتي

its me : فيك خير حبها اصلن اهي ماتنحب اهي ماخذت عشان تحبك عشان خافت تعنس فرضت باول واحد ايي لها وانت ماخذها عشان الفراش بس
احمد: وانتي رضيتي باول واحد طق بابج انتي ادورين ال....

its me : اي انا ادور ل... وانا احسن من مرتك الز .......

احمد : انا مسبيت ريلج لا تسبين مرتي

its me : اخاف بس بتسوي لك نص اللي سويته لك

its me : ليش حاقرني يازفت ماترد علي قاعد ادز ايميلات وصخه

احمد : مالج شغل بمرتي تراها اشرف منج

its me : انا اشرف منك يالوصخ اصلن انت عمرك ماحبيت يا الحقير

انتهت المحادثه بين احمد و its me ""

تتدرون ليش انتهت لان هذا الوقت اللي كان احمد ومنيره يتناجرون اهو كان لاهي مع منيره فما ردعلى البنيه اللي معاه ... عرفتو منو اللي معاه اون لاين كانت ؟؟؟؟ ................... شطار كانت دلال شريفة روما

المحادثه هذي صجيه 100% مع الغاء بعض الامور والكلمات المخله بالادب واللي تبين مستوى الحوار والعلاقه بين الاثنين

اي اي احمد رد على دلال ... بعدين بتعرفون من متى رد لها ​

منيره ماعرفت شنو تسوي تسمع اذان المغرب قامت توضت وصلت المغرب ..سلمت ولا تقول بينها وبين نفسها شلي يخليج تتحملين يا منيره بس كافي كافي الليي صار لج ...تنسبين يابنت العز والشرف ..تنسبين يا اخت الرجال ومن منو من وحده مالها لا اصل ولا فصل ..من وحده لا خافت الله ولا حشمت زوجها ... وحده مثل هذي تسبج وتهنيج وريلج سبع البرمبه ماكان يدافع عنج ... رخصتي نفسج يا منيره اذا سكتي

منيره البست عباتها وعزكم الله بنعال البيت اطلعت من الباب الثاني ... تخيلو خالتها وحمواتها بصاله الثانيه ما حسوو فيها واهي تتطلع من البيت

اركبت سيارتها ومشت وخذت الكمبيوتر معاها بس الجهاز وجنطة ايدها

واهي طالعه من المنطقه دزت مسج حق المعرس (( انت احقر وانيس انسان شفته بحياتي .. طلقني ))

وفكرت طلعتها من غير اذن احد بتقلب عليها

منيره : الو عمي انا طلعت من البيت وولدك خلاص ما ابيه
العم : شنو انتي وينج عليج الله تردين فهميني
منيره: ولدك ما ابيه مو غصب مو كفو مو ريال
العم : عليج الله اوقفي وين ما انتي اوقفي انا ياي لج لا تتحركين من مكانج دخلي اي منطقه
منيره: عمي بروح بيت ابوي ما ابيه
العم : انا اوديج بس افهم انا مثل ابوج

طبعن بهالوقت احمد يتصل ومنيره تصكه بويه .. دز لها مسج (( انتي وينج وفهميني شفيج ))
منيره (( انا راده بيت ابوي وما ابيك روح خل الشرموطه تنفعك لان انتو اثنينكم تنفعون لبعض نيس ونيسه )) طبعن منيره مو بوعيها فبدت اقط حجي من القهر اللي فيها
انطرت عمها يم ماكدونالدز السلام وطبعن كل مكالمه من احمد تصكه بويه ... بس لاعت الجبد عاف الخاطر صج​

 

[MeeMeeYoo_2]

ناطرييين

 

[مـ سهله ـو]

امبيه خلتتطلق وييييييييع ترى حدي بنفجر

 

[فديت عيوني]

عفيه كملي حدي اندمجت

 

[MaLSoNa]

وااي كملييييييييييي بليييييز حديييي احترقت ابي اعرف التكمله :"(

 

[Sara.M]

بط جبببببببببديييييييييييي :@: كملييي عفيه

 

[غزآل.آلكويت]

يووووووووووووهـ

وربي ببجي

كملي يآلله

 

[MaLSoNa]

انشالله تكملين :"(

تحلمت فيهاااا كله منج وحطيت عمري مكان منيره لول

 

[م.بدوره]

وصل عم منيره عند ماك السلام ونزل وركب معاها وطبعن مليون مس كول من احمد ومنيره مسكبه فيه وتصكه بويهه بس زاعت العافية منه ومن تصرفاته وصل لها مسج (( ستري علي يا منيره لا انطرد من البيت ))

خايف تنطرد من لبيت طيب واللي صار فيني مو خايف علي ولا على مشاعري تحاتي وين تنام ووين تاكل يا احمد

ركب العم سيارة منيره اللي رفضت انها تتحرك معاه خافت انه يردها البيت اذا ركبت معاه

العم : خير يا بنيتي شفيكم انا طلعت ما فيكم شي شلي صار

منيره: عمي ولدك مو كفو مو ريال وصخ وانا ماابيه

وخرت منيره اللي بجبدها حق عمها بس للامانه احمد ما كان يطقها كان يدزها اوكي بس ما كان يطقها

وهم طالعين

العم : ام بسام مابي احد يعرف بسالفه ومانبي انطولها

راح وباس راس منيره : ستري علينا وانا ابوج عند اخوانج


منيره : انا ابيع بذهبي عشان لا احد يحاجيه واصرف عليه واهو نايم بالعسل مع وحده ثانيه لا وياريتها عزابيه عمي منزوجه وعندها يهال
العم : دلال ؟؟

منيره : اي عمي ودامكم تتدرون ان يخبها ليش وهقتوني معاه ..عمي اهو فرضه مايصليه وينام واهو يسمع الاذان ... ولسانه وصخ وكله يسبني ويسب اخواني ...خلاص انا مالي رده انا رايحه بيت ابوي

العم منقهر من ولده ودمعته شوي وتنزل : انا اوصلج مابيج تمشين بروحج

طبعن منيره اتصلت على امها واهي تبجي وقالت لها تعالي وفهميني ولا تبجين وديري بالج بالطريج

ولما اوصلو كانت الام ناطرتها بديوانيه خايفه على بنتها وتحاتي الطريج ولما شافت ابو احمد استقبلته ويابت شاي

منيره : يمه ما ارد له لو شنو يصير ما ارد له خلاص يمه اكرهه والله اكرهه ما احبه ما ابيه كلمي اخواني مالي طلعه من بيت ابوي بتغصبوني عليه والله اهج وانحاش

الام بهدوء : طولي بالج وقصري صوتج يمه عمج اهني عيب

الام : يا بو احمد
هذي مو اول مره تيي لي منيره وتشتكي عيب اللي يسويه ولدج مابي اوصلها لاخوانها لانهم مو هينين وهذي الغاليه عندهم اهم اللي مربينها

العم : يا ام بسام انا ماادري عن اللي كان يسويه واهي ما كانت تشتكي على طول تتضحك

الام : مو حلوه كل شوي تنزل وتشتكي احنا مو معودينها على جذي عيب اهم لهم حياتهم انا ماكنت ادخل فيها

العم : خل ترد معاي وانا اربيه لها

منيره : يمه ما ابيه مو غصب انا بنتك يمه لا ترديني انا بنتج ما ابيه والله اكرهه

بهالوقت الام قاعده تهدي منيره ..اتصل احمد على ابوه وابوه قال له السالفه جان يقول انا اللحين ياي

ومنيره تحن علة امها يمه لا ترديني كلمي اخواني ما بي ارد

والام تهديها وتسكتها

وصل احمد صفط السياره وداخل مدرعم يعني معصب ... منيره ما تكلمت وامها قعدو يطالعونه

العم : هذي سوات تسويها مو عيب عليك

احمد : انا ماسويت شي .. واذا في شي بينا انا منيره نحله

العم : انا اقول جب انت ما تكلم

الام خذت تلفونها ودخلت تتصل على الاخوان

احمد : انتي باي حق تتطلعين من البيت

منيره: قصر صوتك ولا تعليه انا اقول ولا تعتقد اني اخاف منك وانه عيونك بتخرعني

العم : قلت لك اسكت

الام دخلت : الاخوان قالو ما تطلع على مايرد بسام من الشاليه وضاري من الخفاره يتفاهمون معاك

لام: يمه احمد نفعتك اللحين هذيج بشي لا اخترب بيتج وانتو توكم

احمد : ..................

الام : اذا ما تحب منيره وما تبيها مايصير خاطرك الا طيب بنتي عندي واردلك المهر وارقص بعرسك بعد


احمد : لا عمتي ابيها وخلاص توبه والله ما اعيدها ما صار لي شهرين رديت لها

الام : شهرين وانتو ما كملتو ال4 مع بعض ترها قويه البنيه عروس وعلى العموم اللحين الامر بيدين اخوانها اذا ردو يصير خير

اخذ بو احمد وطلعو من البيت .. الابو مو عارف يطر عينه بمنيره و امها من الحيا [

بو احمد :مانبي احد يدري بسالفه ومانبيها اطول يا ام بسام وانا اعرف اتعامل مع احمد


وراح حق منيره وباس راسها : ستري علينا وانا ابوج عند اخوانج

يعني يامنيره لا تقولين عن الفلوس والذهب والشقه و و و و يعني يا منيره انطمي عشان تردين حق ريلج وانا يامنيره اللي بعدل له ... شنو تعدل يا عمي شنو تخلي دامك من اول ماربيته بتربيه واهو ريال


/color]

 

[مـ سهله ـو]

لا لا بنقهر ان ردت شنو هذااااااااااااا شالمصخره احمد مو ريال !!

 

[عاشقة المسك]

القصه حلوة مثل كاتبتتها

 

[*FaRaWlA*]

م.بدوره

القصه صج روعه

ناطرين البارت الياي

و صج الله يعين منيره توها 4 شهور و كل هذا صار لها

طلع لها شيب والله

 

[*LATOOFA*]

الله يخليج منيره لا تردين

 

[مـ سهله ـو]

الله يخليج منيره لا تردين

هههههههههههههههههههههههههههه مثلي حدج متأثره

 

[Sara.M]

ويييييييييييييع يبط الجبد .. مسكينه منيره شلون متحمله

 

[م.بدوره]

من صججكم منيره ترد بعد اللي صار لها

ملجت بشهر 12 واللحين بداية شهر 4 وكل هذا صار لها ... وتبونها ترد حق احمد ....مايصير




ابشركم منيره ردت له واللحين اشرح لكم شنو صار لها وبيصير بالضبط

ارد واقول ماكو ولا كلمه انكبت اهني مو صج يمكن في امور مانذكرت بس اللي انذكر كل حقيقه وصارت على ارض الواقع

وعلى طاري الشيب منيره اللحين فيها شيبه الظاهر سبتها نايمه واهي منقهره

اللحين بنزل لكم البارتات اليديده من حياة منيره

 

[م.بدوره]

يمه منيره لا تخلين ريلج حق وحده مثل هذي وتخلينها تخرب حياتج دامه وصل الامر حق ابوه راح يخاف ويتعدل


منيره : يمه والله ماراح يتعدل اهو ردي وماشفت عنده لا اخلاق ولا دين وفوق كل هذا لسانه الوصخ واللحين يخلي وحده مثل هذي تسبني ..يمه انا مو محتاجه له بشي انا اللي قاعده اصرف عليه يعني بس اسمي جدام الناس متزوجه برسنتيج على حساب نفسي

الام : اهوو توه صغير وراح يكبر ويتعدل ويعرف انه الزواج مو مثل ماهو متوقع

منيره : ................... يمه انتي ماتعرفينه عدل انا اللي اعرفه

الام : ميخالف وانا امج لا زم تصبرين شوي مو كل يوم لج ريل

بتقولون ليش امها تقول هالحجي ... ام منيره من داخلها ودها تنتف احمد تنتف بس قالت مابي اكبر السالفه لانه منيره يمكن يومين واطخ وتقول ابي ارد بيتي فاذا كبرتها اللحين وشيشت الاخوان ماراح تتطلع منيره من البيت حتن لو اهي ميته على ريلها ماراح يردونها


منيره : شنو اسوي يعني يمه ارد له بس جرحني اهو وايد واخواني اللحين درو اني زعلانه ماراح اقدر ارد له من غير اذنهم ومن غير ما يقعدون معاه

الام : بس قولي لهم سالفه البنيه لا تيبين طاريهم ولا طاري الفلوس اللي خذاهم منج كافي انا وابوه ندري اللحين .. بس منيره كان يمد ايده عليج
منيره :لأ يمه يصير دز خفيف بس طق لأ

الام: فكري عدل بلي قلته لج

منيره : خير انشالله

راحت منيره عشان ترتاح ... ارد له زين وكرامتي اللي انهدرت ومشاعري الي انجرحت .. والدموع اللي كانت مخاويتني كل يوم وكل ليله ..والحاله المترديه اللي كنت فيها ...منو بيعوضني اياهم منو بيطيب جرح قلبي اللي من رابع يوم للملجه واهو يدمي ... ومشاعري اللي نلعب فيها منو بيشفيها لي وينسيني اياها .. انا انجرحت يا يمه انا انجرحت يا بوي لوكنت حي شنو بيكون رد فعلك .. بتردني له ولا بتطردهم برا البيت ولا يمكن من اولها مارضيت تناسبهم ..كل بنيع وكل عروس تتمنى ترد ايام اول زواجها الا انتي يامنيره كنتي تتمنين كل اللي صار لج حلم وبتقعدين منه وتشوفين نفسج بيبت ابوج وبدارج ...وهذا اللي صار الصبح بس للاسف انتي للحينج مرت احمد واللي مريتي فيه مو حلم ولا كابوس الا صج

​

 

[مـ سهله ـو]

من صججكم منيره ترد بعد اللي صار لها

ملجت بشهر 12 واللحين بداية شهر 4 وكل هذا صار لها ... وتبونها ترد حق احمد ....مايصير




ابشركم منيره ردت له واللحين اشرح لكم شنو صار لها وبيصير بالضبط

ارد واقول ماكو ولا كلمه انكبت اهني مو صج يمكن في امور مانذكرت بس اللي انذكر كل حقيقه وصارت على ارض الواقع

وعلى طاري الشيب منيره اللحين فيها شيبه الظاهر سبتها نايمه واهي منقهره

اللحين بنزل لكم البارتات اليديده من حياة منيره

بتجلطيني بترد له يووومه :eh_s(1):​

 

[مـ سهله ـو]

ناطرتج