ياحظي المنسدح وشفيك مشقيني قمـ يامال الوجع قم غير احوالي

[Sara.M]

كمليييييييييي بلييييز .. بس بغيت اقولج يعني ليش ماتحطين حوار ؟؟ اغلب شي تقولين شنو صار يعني ماكو حوار بينهم ومشكورره عالبارت الحلو منيره كاسره خاطري مسكينه ناطرين البارت الياي

 

[م.بدوره]

ساره حبيبتي انا اقول حوار لما تكون منور معاي او على الخط

اما اذا كانت هايته تعطيني القصة بس ومخليه لي حرية التعليق

 

[Sara.M]

اوكيك ناطرين البارت الياي

 

[toooot]

وينج

كملي

 

[م.بدوره]

مرو الاسبوعين يوم حلوو ثلاث اربع غثى ... احمد ما كان يسكت عن سوالفه اللي تغث الواحد وفي اوقات يمكن حتن الياهل يفهم انه عيب يتحجى هالحجي ...

خلصو سفرتهم طبعن جنطه كامله اهو شاري صوايغ حق ن شاري حق اهله وربعه وبعدين اكتشفت انه كان شاري بعد حق عيال دلول

كل المعاريس بسفرهم يصورون ...ولا صورة لهم احمد كان يبتسم وبكل الصور كانت منور اهي اللي ماسكه ايده غصب عشان التصوير :0bee2e8d89:

ردوو الديره يا اخوه اللي اصغر منه وخذاهم وقبل لا يطلعون زفها زفه معتبره جدام الناس عشان الجناط واهي تقول قصر صوتك واللي يرحم والديك

وصلوو بيت حمولتها سلمو على الموجودين وصعدو يغسلون ويتسبحون ونزلو يتعشون معاهم

اخذ احمد صوغه طلب منها الا اطلعها اللحين من الجنطه عبارة عن جاكيتين فيراري حق يهال ..طبعن عرفتو حق منو موديهم :klhfl: ... اي حق احمد الصغير واخوه عيال دلال حبيبته ...خذاهم وطلع ومارد الا اخر الليل

******************************************************

ردت منيره حق دوامها ثاني اسبوع من شهر فبراير وطبعن لبسها عبايه ماقالت شي واهي مو متعوده عالى العبايه وقالت اخذه بالهدوء مو بالاعصاب

صار روتينهم من الدوام للبيت العصر اهو يلبس ويطلع وطبعن ما يقول لها وين ..ماعندها لا تلفزيون وقتها ولا حتى لابتوب مايبته من بيت اهلها وممنوع عليها تلمس جهازه لانه فيه اشياء وصخه اشكره يقول لها مابيج تشوفينهم

منيره حدها مفلسه صارت لراحت حق امها خذت 20 او 30 تمشي فيهم الاسبوع تبي تتدخل السوق بس همن شلون تتدخل والاقساط المتاخره اللي عليها بياخذونها منها هالشهر اكيد مو اقل من 400 دك

قزرت منور جم لاسبوع لما نزل المعاش وطبعن اهو بالايام هذي كان كل ويك اند يقطها غصبن عنها بيت اهلها تنام يروح مره البحرين مره يقول شاليه والله اعلم


نزل معاش منيره يوم الخميس اهي عند امها

انسحبت الاقساط مباشره ما بقى لها الا يمكن 350 دك من المعاش
منيره : بروح مع اختي الافنيو ابي اخذ لي اغراض
احمد : انزين لا طولون انا بروح الشاليه
منيره: دير بالك ارد البيت ادز لك مسج
**********************************
راحت منور الافنيو واشترت لها جم قطعه وخذت ميك اب ماعندها وخذت امها هديه وفلست بالضبط ردت فلست
واهي راد بالطريج وصل لها مسج

احمد (( عندج فلوس بمر اخذ منج 20 محتاج ))

منيره (( حدي فلست ماعندي الا 10 تعال اخذها ))
احمد (( انا ما احب اطلب من احد ويردني والشرهه علي انا اللي اطلب منج انتي حيوانه وماتبين تعطيني ))
منيره (( والله ولله ماعندي الا العشره !))
احمد (( زين ذلفي ))
***********************************

ودخلت منيره البيت وكانت قايله حق امها تسخن لهم عشى لانها يوعانه طبعن لما ردت النفسيه انسدت حدها ماكلت الام حست انه في شي بس قالت دامها ما تكلمت ليش ادخل

وبدى احمد يدز مسجات ويكلمها باسلوب مو شي فيهم ... اخر مسج وصل لها (( انا اقول انثبري ببيت اهلج انا مابيج ))
ماتبيني على كثر ما استحملت انت اللي تقول مابيج وانثبري هذا يزاتي اني استحملتك هالشهرين شفت ضيم المفروض اشوف بسنين مو بشهرين ...انفجرت منيره وقامت تبجي يت اختها وامها شفيج يابنيه ؟؟

منيره : بس بس انا اللي مابيه طلقوني واللي يرحم والدينكم طلقوني اتصلو على اخواني قولو لهم ما ابيه ماراح ارد له وخرت منيره الاكو والماكو بس حق امها واختها .. وقالت لهم عن البنات وعن الزف والاسلوب اللي يكلمها فيه

الام حكيمه تتدري انه منيره معصبه اللحين خذت الامور برويه وقالت لها : صكي جهازج مو اهو قال لج مابيج صكي الجهاز
وصكته وفجته بعد 10 دقايق لقت يمكن 20 مس كول منه ومسجات زف ان ليش صاكه جهازج شنو تسوين اكيد طالعه من بيتكم خو انتي وصخه وبدى يغلط

انا وصخه يا احمد خو الحمدالله خذيتني من بيت احرار لا انا اللي طالعه معاك ولا اللي متزوجتك بمخفر ..ولا اني اللي مثل رفيجتك نفسي دنييه
ولان منيره صكت جهازها ... اتصل على امها اذبحه الشك
الام وبكل هدوء وبرود : الووو هلا محمد ..منو منيره نايمه جنها مادري انا بصاله .. ايي حياك تعال اللحين اقعدها لك
وطبعن منيره قاعده يمها

الام : يمه منيره كل صبي وله خرابيطه بس اهم شي الاحترام انا راح اكلمه بس على اسلوبه وعطيه انتي فرصة ثانيه وسمعي كلامي ولا تقولين له انج قلتي حقنا عن بناته

 

[الاحاسيس المبهمه]

كملي كملي وااااااي امهااا لييش جذي ؟؟؟؟

 

[meera15]

كتبي لنا بارت طويل عشان نسهر عليه الليله
وعندي طلب ثاني يا ليت تخلصينها باجازة العيد
وشكرا

 

[MeeMeeYoo_2]

بالعكس تصرف امها صح

يعطيج العافيه
ناطرين

 

[Sara.M]

كملييييييييييييييي بليييز

 

[ام الفوارس]

ما شاء الله القصة جميلة وطريقة السرد حلوة جدا
بس اسمحي لي اللي قاعد يصير ترى كلش مو حلو

قولي لها عفية اللي هذا اوله ينعاف تاليه.. احنا لسة ما ندري شلون تصرفت معاه بس ترى حده يسبب الضغط والسكر وامراض القلب وتصلب الشرايين

الله يعينها والله على ما ابتلاها

 

[مـ سهله ـو]

واااااااااااي والله عورت قلبي حسبي الله عليك يا احمدووو

 

[غزآل.آلكويت]

يوهـ كملي

ليش مقطعه هييك وبطئيه


بليز كملي مآ عليج آمر

 

[م.بدوره]

سوري يالغالياات على التاخير
اللحين بنزل لكم باااااارت طويل انشالله ويالله اقدر اخلصها كلها اليوم

 

[م.بدوره]

وصل احمد بيت عمته وكان حده متنرفز ومعصب وداخل بشره ... ام منيره نزلت لها بروحه ودخلته واهي تبتسم تبي تمص غضبه وماقالت له شي بعدين نادت على منيره

الام : يمه منيره يبي ماي حق ريلج وتعالي

نزلت منيره وعطته جلاس الماي وقعدت يم امها

الام : شفيكم شنو بينكم مخلي منيره زعلانه نسيت انه احنا قلنا لك هذي امانه

احمد : عمتي ما بينا شي ولوسمحتي لا تتدخلين بينا

الام : انا ما ادخل اهي بنتي وانت ولدي ..انا انصحكم انا قعدت 35 سنه متزوجه وعندي خبره

احمد :..........................

الام : منيره تقول انك تكلمها باسلوب مو شي وما تحترمها ووايد ادقر وتزبر عليها .. يما احمد منيره مو متعوده على جذي وترا مثل هالكلام يجرح البنيه هذي مرتك ام عيالك شلون ماتحترمها وترها توها يمه عروس مو حلو تعاملها جذي .. الكلمه الطيبه تستعبد الناس عمره الزف والتدقر ما يبني بيوت

احمد : عمتي انا ما اكلمها جذي جدام احد

الام : وحتن لو مو جدام احد حتن لو بروحكم الاحترام لازم يايمه هذي بنيه وعروس وماتبي الا الكلمه الطيبه ... واذا مقصره عليك بشي قول انا اربيها لك اللحين جدامك

احمد طخ شوي واستحى من اسلوب عمته معاه : لا عمتي مو مقصره اهي معاي بشي الله شاهد

الام : يمه منيره لبسي عباتج وروحي مع ريلج وديري بالج عليه

منيره شالت اغراضها ولبست عباتها وراحت معاه بسيارته

احمد : يعني يا يه تلوتين ايدي تشتكين حق امج تصغريني بعينها

منيره: انت قلت لي قعدي ببيت اهلج ما ابيج قلت حق امي اهو مايبيني شنو تبيني اقعد يومين وانت مو مارني وما اقول لهم

احمد : انا كنت اتغشمر معاج اصلن بس انتي طلعتي مو شي

غشمره غشمره يا احمد كل التهزء والكلام اللي قلته لي غشمره ... تتدري شنو اكبر غشمره انتي تزوجت ...تتدري شنو اكبر غشمره ؟؟؟ انه على اللي كنت تسويه لي واحد من الاجياس اللي وراك فيه هديه لك .. تلفون نوكيا 95 ب130 دك قصرت على نفسي ويبته لك بدال تلفونك اللي المسكرب اللي تستعمله ...ابي ارزك بس شنو يزاتي غير التهزء .

وصلو البيت ودخلو احمد ومنيره كانت امه بصاله منسدحه يوم شافت منيره فزت من مكانها : شفيكم مو قلتي بتنامين عند امج شفيكم

منيره : اي كنت بنام بس احمد هون مو رايح الشاليه فمر خذاني ويابني

الخاله : عشتو يعني مايعرف ينام بروحه

منيره : تصبحين على خير خالتي

وصعدوا دارهم احمد بدى يلوم منيره وقال لها لا دخلين احد بحياتنا عشان لا تكبر المشاكل محد يبي لنا الخير ترى

منيره عطته الجهاز استانس وايد ومع الجهاز كانت يايبه له عطر بخاطره اهو من زمان وكان يسولف عنه عطته هداياه استانس وحط الجهاز اليديد على الشحن

منيره : احمد انا اعطيك عيوني لو تطلبها بس ما ابي منك الا انك تعاملني عدل وتحسن الفاظك معاي لان نفسيتي بدت تتعب

احمد : ......................................

 

[م.بدوره]

وبعد هاليوم مرت الايام عادي بينهم ... بتقولون احمد تعدل ؟؟ وصار سنع
بقول لكم ضحكتوني ... بو طبيع ما يوز عن طبعه

منيره فكرت انها تستعمل معاه اسلوب ثاني اللي اهو لا سب او هزء تحقره ...يعني لا قال يا بقره ما تقول له ليش ماليش تحقره ... اهي حسبت هالاسلوب بيخليه يتعدل مثل الياهل لا شاف انه الكل حاقره ما يحاول يلفت النظر

احمد : يايبين لو ورقه من اللاتصالات قضيه على 188 دك مال خطي القديم
منيره : ويي انطر على المعاش وادفعهم شنو تسوي بعد
احمد :ماعندي منيره فلوس عندي التزامات وايد .. بس بديت ازهق ونفسيتي تتعب شنو هالحياة الزفت اللي انا فيها
منيره : خلاص حبيبي ولا يهمك انا اسلفك فلوس الدنيا كلها تحت ريولج وكلها وصخ دنيا
احمد : سلف وعد بس يصير عندي فلوس اردهم لك
منيره : ميخالف انا ادري لبغيت شي ماراح تقصر علي

نزل معاش شهر 3 عطته منور 200 عشان يسدد اقساطه وعطته زياده خافت يحتاج ويتوهق ... اهل احمد قالو بيمرون منيره عشان يعطونها هديتها ...وحددو يوم السبت الياي

الخاله : شرايكم نسوي لهم مقل الاستقبال نييب معجنات وسلطات وعصير وجذي
منيره : كيفج خالتي اللي تشوفينه
الخالة : خلاص انا بقول حق ام فلان تسوي لنا ورق عنب وتيبه معاها وام فلان تسوي لنا سلطه ونطلب معجنات ونسوي تبوله ونييب حلو قهوه ونقلي كبب

الخاله : منيره تعرفين محل حق معجنات حلوه
منيره: خالتي الصافي وايد حلوو شرايج اوديج تشوفينه
الحماة المتزوجه "تهاني ": انا ايي معاكم عيل عشان انقي واختار
تهاني ..خوش بنيه بس ضعيفة شخصيه وماتعرف شي بدنيا وغير مثقفه كلش ما تمشي عمرها كله تخاف وتربية اهلها لغو شخصيتها ..يعني ابوها اهو المتحكم بعلاقتها مع زوجها

منيره : خلاص باجر العصر نروح الصافي ونحجز حلو قهوه من جنيفا او اوبرا

الخاله : لأ شنو الكليوم ب 14 غالي نروح الدكان رخيص وحلوو
منيره : انشالله

ليلتها منيرهواحمد يسولفون عن يوم السبت
احمد : بقورتي "" بدال ما يقول منورتي " انتي تتدفعين كل شي لما تودينهم امي ماعندها ترى
منيره اهو اللي مسوينه لي وانا اللي ادفع : ان شالله

احمد : اليوم يايبين لي الغانم قضيه وتنفيذ احكام بيحجزون على كل شي باسمي

منيره : اوف اوف ليش جم يطالبونج ؟؟

احمد : 750 دك تقريبن

منيره : والله وايد .. وشنو بتسوي ؟؟

احمد : كيفهم هالحيوانات خل يحجزون على اللي يحجزونه ماعندي شنو اسوي لهم

منيره فكرت شوي وقالت بنفسها اذا عطيته بيحس بوقفتي معاه ويتعدل .. ويمكن يخف من اسلوبه الوصخ شوي معاي ويستحي

منيره : احمد انا عندي طقمين ذهب ما ابيهم شرايك ابيعهم وسدد اللي عليك ولما يصير عندك اشتر لي بدالهم

احمد : ...............................

منيره : اعتبرهم سلف وانا مرتك اصبر عليك مايهون علي احد يقط عليك كلمه مني مناك حتن لو ابوك

احمد : وتقولين حق امي انج بعتي الذهب حقي

منيره : لأ شلي بيخليهم يعرفون ..؟؟انا باجر ورايحه احجز معجنات وحلو ابيعهم انشالله

 

[م.بدوره]

بسياره واهم رايحيين الخالة والحماة والعروس المنحوسه بحياتها

منيره: خالتي بمر حولي شوي

الخاله : ليش شنو عندج هناك

منيره : بروح سوق الذهب

الخاله : توج مجهزه ذهب ليش بتاخذين يديد

منيره : لا خالتي بابيع جم قطعه مو محتاجه

الخاله : ليش وين معاشج

منيره :: موجود خالتي بس انا متسلفه من رفيجتي وبعطيها وهذا شي ما لبسه انا دقتهم قديمه

دخلو محل الذهب وباعت منيره احلى طقمين واغلاهم واللي كانت شاريتهم تقربين الفين وقت البيع طلعو بس 600 لان اغلب االطقم كانت لولو او الماس وقت البيع ما يسوون شي

وراحوو محل الحلو واشترت الخاله اللي تبيه وعلى ذوقها ووقت الدفع قالت منيره خلي عنج خالتي انا بدفع ما ما نعت الخاله

طلعو من الحلو رواحو النزهه ودخلت الخاله مكان اول تتدري عنه بحياتها ونقت واختارت ونرد على وقت الدفع طلع اللي طلبته الخاله وتبيه تقربين ب 80 دينار ...

الخاله : شنو 80 وين قاعدين هذولا نصابين

منيره : خالتي هذا اسعارهم وشغلهم حلو وذرب دامه عاجبج ولا يهمج خالتي اصلن احمد عطاني حق المعجنات معطيني 100

الخاله : خلاص دامه معطيج دفعي عيل شغله خوش

ودفعت منيره وطلعت ... لايكون انتو بعد صدقتو ان فلوس الحلو والمعجنات من احمد :dddds:

احمد دز مسج (( حبيبتي وين وصلتو اللحين ))

حبيبتي ؟؟؟؟ اول مره من تزوجو يناديها حبيبتي ... يابختج يا منيره الظاهر حبج

منيره (( كانا حياتي رادين البيت انشالله ))

احمد (( خلاص حياتي بعشيج برى ... بعتي الذهب واهلي دروو وجم طلع ))

منيره (( اي بعته وطلع 750 بالضبط شفت شلون الله يحبك لا لوما سالتني امك قلت لها متسلفه من رفيجتي ايام تجهيزي ..ارد البيت وادز لك مسج وانطرك عشان نطلع ))

بتقولون اهي قالت باعته ب600 شلون قالت له ب 750 ؟؟؟ منيره ماحبت احد يتسلف من احد اللي بقى من راتبها خذت منه 150 حطته فوق ال600 عشان يسد دينه ويرتاحون

بتقولون منيره اهي الغلطانه ؟؟ اهي مغفله ... بقول لكم لا تظلمونها قالت يمكن لسد ديونه تعدلت نفسيته واسلوبه معاها

بهالفتره اللي طافت ما قام اييب طاري الاخت دلال كلش ملش ... سبحان اللي مغير الاحوال

 

[م.بدوره]

ردت منيره البيت ... ودخلت غسلت وبدلت عشان بتطلع مع احمد يتعشون

احمد : انا تحت يلا نزلي

نزلت منيره وخذت معاها الفلوس عشان لما يشوفهم احمد يستانس وركبت معاه بسياره

احمد : متاكده محد درى انه الفلوس حقي ؟؟

منيره : لأ مادرو اصلن انا قلت حق خالتي انت اللي معطيني فلوس حق المعجنات والحلوو

احمد : كفو عليج

واهم رايحين حولي ..احمد بيوديها يعشيها بدانة البحرين تعروفنه اتوقع المشويات البحرينيه

رن تلفونه (( يا جريح من بعادي وانت من بعدي جريح دام لي وياك قسمه بنلتقي ))

احمد : هلا بسام شلونك شخبارك .. اي والله طالع مع اختك بعشيها ..... مو مشكله اكلمك بعدين مع السلامه
وصك احمد المكالمه مع بسام اخو منيره الكبير ..اللي مربي منيره على ايده

احمد : اخووج ردي شنو قصده يعني انه شكلي مستانس قصده اني شارب شي اكيد

منيره : شكو هذا بهذا يمكن قصده لانا طالعين عشان جذي صكاه بسررعه

احمد : انتي جب ماتعرفين بحجي الرياييل اهو قصده اني مستانس يعني محشش ولا شارب شي ولا ليش يقول لي اكلمك بوقت ثاني شكلك مستانس

منيره : ما اشوف حجي اخوي فيه شي

احمد : يالبقره انتي لا دافعين عن اخوانج الردايا اهم خذوني واتحسفوو

منيره : تحسفو واهم وكل اسبوع يتصلون عليك عشان تروح معاهم الشاليه ولا رحت اخوي العود بكبره وبشيبه يقوم يسوي لك العشى

احمد : اكلي ز... وتبن انتي تفضلين اخوانج علي اهم ينادوني الشاليه عشان يراقبوني يعني

منيره : ...........................................

احمد : شوفي يالحيوانه يا انا يا اخوانج

منيره: انت صج مو طبيعي تسمع شنو تقول ؟؟ انت شارب شي ولا هذا يزاتي يايه لك اركض بالبيزات عشان افك ازمتك تسمعني كلام جذي

احمد : انتي تعايريني يعني عشاني محتاجج

منيره : والله بسماه اني ما اعايرك لو بعايرك جان ما ساعدتك ولا احج بيحاسبني هذا معاشي انا اعطيك منه من غير محد يغصبني

فجاه احمد هدى وبدى يطخخ الموضوع يوم شاف منيره انفجرت عليه وعصبت ... اللي يرضى على اخوانه اللي ربوه 24 سنه عشان واحد من 4 اشهر تعرفت عليه ... هذا الردي مو الردي اللي يدافع عن اهله وعزوته

طبعن اخذ الفلوس ورد صوب بيته القرين ومر فتوش واخذ لهم صمون عشى ... منيره تعوذت من ابليس وقالت مايسوى اكبر الموقف وحاولت تنسى اللي صار بسياره وانا عطيتكم ترا مختصر الهوشه اللي دامج يمكن ساعه واهم يحوسون بشارع

وردوو البيت ... منيره اطالع ويها بالمرايا شلون منتفخ من البجي ومن الحزن اللي اهي فيه ... ماعندها حتن نفنوف حق الناس اللي بيوون السبت يبيلها نفنوف استقبال اهي عروس توها لازم تكشخ

صبح عليهم الصبح ومنيره راحت دوامها وكالعاده الويه منصفق من هوشة ونجره امس ... ولان وراه استقبال وبيزات ماعندها
بس سبحانه اللي يرزق
تلفونها يرن خالتها اخت امها ناديه متصله عليها
ناديه : شلونج منوره شخبارج
منيره : الحمدالله بخير .. بتيين السبت خالتي
ناديه : لا تدرين ما راح احد منا ايي عشان خالج حيل تعبان ..المهم منور اشتريتي بدله حق السبت
منيره :.......... لا خالتي مارحت السوق للحين
ناديه : لا تروحين انا بطرش لج بدله وايد حلوه ماراح تلقين احسن منها بسوق
منيره : صج خالتي خلاص اوكي طرشيها

الحمدالله الله ما يبي يفشلج جدام الناس يا منوره ودز لج بدله لا مو اي بدلة بدلة عرايس رزه وتخليج تلمعين وتبريقين بويوه الناس
ناديه : ولبسي الطقم اللي فيه لولو زين
منيره " خالتي ماراح تيي " : اي خالتي ان شالله البسه

شلون بتلبسينه يا منيره واهو انباع وخلص ويمكن اللي باعوه ولا ذوبوه :0bee2e8d89:

 

[*FaRaWlA*]

حبيبتي سردج للقصه واااااايـــــــد حلو مشالله عليج

والاحداث تجذب الواحد

صج لي قالوا تعيش و تشوف

والله يعين منيره على بلواها


ننتظر باقي القصه حبيبتي

 

[*LATOOFA*]

كملي كملي ناطرتج مسكينه منيره ماتدري ان هالاشكال ما ينعطون وي ومايبين بعينهم شي متشوقه اعرف شصار

 

[م.بدوره]

بيوم الاستقبال كشخت منيره وطلعت صج عروس ... يوم نزلت الكل فج حلجه من النفنوف ورزت منيره ومشيتها ..حتن خالتها استغربت من النفنوف

اللي يدري يدري يا منيره واللي مايدري يقول خمطة عدس

خلص الاستقبال على خير والمعجنات الكل كان يمدحهم من حلاتهم وذرابتهم خالتها ذمتهم وقالت انه هذا مزامط منيره على الفاضي ولا اماكن ثانيه معجناتهم احلى و ارخص

صح يا الخاله في اماكن احلى بس ترا اغلى يعني لو رايحه حق معجنات اوبرا جان وقف قلبج وارتفع سكريج من السعر :dddds:

وطبعن الهدايا كانت تحت للحين ماصعدوا وفي هديتين كبارر شكلهم يغري ويونس واحمد كان راد البيت وقتها ولما شاف هل هديتين
الخاله : فجهم خنشوف شنو فيهم
وفجهم احمد وشافو شنو فيهم اما باجي الهدايا صعدو دار منيره طبعن ومامداهم احمد ومنيره يدخلون الدار ويقعدون على الفراس الا والخاله وطقت طقه وحده وفجته ودخلت عليهم

تتدرون ليش دخلت ... اكيد تتدرون تبي تشوف الهدايا

وخلت منيره تفجهم جدامها وفجتهم منيره وخلت منيره تييب ورقه وتكتب كل وحده وشنو يابت لها عشان تردها لها بالمناسبات ومع الاسامي اللي قالت حق منيرع تكتبهم

الخاله : فلانه 100 وفلانه 100 دينار
منيره : ........................ " 200 دينار معطيني ما وصل لي شي "
الخاله : طبعن هذولا صرفناهم على الاستقبال
منيره :

استقبال يا ام استقبال وكل شي ياي لج ببلاش حتن الشراشف اللي حطتوهم على الطاوله مالوت استقبال مرت ولدج الثاني والكلينكس اللي حاطينه بالصحون مالوت منيره مالوت تجهيزها شاريتهم من سنتر بوينت ونزلتهم لج يا ام استقبال
العصير والخضرا اللي شريتهم حق السلطات منيره اللي دفعتهم لج
والحلو والمعجنات منيره اللي دفعتهم
وخو الشاي والقهوه موجودين بالبيت
خذيتي فلوس مو لج يالخاله .. وتبين منيره اهي اللي تردهم حق اللي يابوهم لصار عندهم مناسبه ... الظاهر منيره قاعده على بنك واهي ما تتدري :eh_s(1):

وقبل لا تنزل الخاله وبعد ما انفجت كل الهدايا جدامها ..

منيره : خالتي اختاري اي هديه تعجبج وعليج بالعافيه

اختارت الخاله ست عباره عن مبخر ومرش وصينيه حلوين ومنيره ماراح تستخدمهم ما عندها بيت ولا شقه نفس الاوادم عشان تحطهم فيها

احمد : واخذي حق خالاتي يمه دامهم قاعدين تحت

وخذت ست ين عطور ونزلت ومنيره كففت كل شي وراحت تتزهب حق النوم باجر دوام والوقت تاخر