طبعن ليلة العيد طوول الوقت يسولفون مع بعض على فترات لصلاة خلته منورة وقالت له بروح اصلي وارد انام لي شوي
وصار هالشي ردت منور من الصلاة وريحت لها شوي وقامت ولبست وكشخت وخذت بيدها العيديه عيديه الغالي وتزهبت عشان تروح بيت ابوها العود بس طبعن اول شي لازم تمر على حبيها وتعطيه العيديه
منيره : كل عام وانت بخير عساك من العايدين والفايزين
اوس : وانتي بخير وسلامه حبيتي
منيرة: حبيبي وينك بعيد عليك
اوس : انا ببيت يدي تقدرين تيين
منيره : ايي انا بطريج اوص المنطقه واتلفن لك
اوس : اوكي بيبي ناطرج
وصلت منوره وتلفنت حق حياتها اللي طلع لها وراحو صوب الجمعيه نزل وفج باب سيارتها
اوس : عيدج مبارك بيبيه شنو هالحلاة والكشخه
منيره : ............. ايامك سعيده هذي عيديتج سامحنا على القصور
اوس: ليش كلفتي على عمرج يا بعد طوايفهم
منيره : تستاهل كل خير واللحين يلا صك الباب بروح بيت يدي
اوس : تراني يومين واسافر لازم اشوفج
منيره : انشالله اكيد
راحت منوره وراح اوس
وصلت منوره بيت يدها ويومها كانت مو نابمه عدل فخدرانه مالها خلق تصب وتيب وتحط مثل كل سنه يت لها امها وامها اهي اكبر خواتها وخوانها والكل يحترمها ويحبها شخصيه قويه وحكيمه ومتفهمه ومتفتحه ورفيجه حق بناتها رغم فارق السن الكبير اللي بينهم يعني بينها وبين منوره حوالي 39 سنه بس رفيجتها حيل وتاخذ راي منور بكل شي
الام : يمه منيره تعالي معاي نرتب البوفيه خو الخدم مايعرفون يسنعون شي
منورة: انشالله يمه يلا
منوره وامها راحو الصاله الثانيه يضبطون ويعدلون ويشيلون ويحطون جرس البيت ينطق اكيد هذولا غرب لان الباب مفتوح وهذا البيت العود الكل يدرعم
راحت منوره اطل : يمه هذولا حريم اول مره اشوفهم
يت امها اطل معاها ووقالت لها فجي فجي الباب : اهلين اهلين حياكم عيدكم مبارك وتقبل الله منكم حياكم امي بصاله الثانيه تفضلو البنات كلهم هناك حياكم
بكلمكم شوي عن اصل منور ونسبها عشان بعدين تشوفون اللي راح يصير لها
منيره من طرف الاب يايين من الشمال اي من العراق بس من اكثر من 300 سنه واهم بالكويت عايله معروفه ومعروف عنهم انهم للحين شيوخ كانت قبيلتهم قبيله شيوخ وانتشروا منهم اللي يا الكويت مثل يدها العود والباجي قعدوا بالعراق وناس راحت ايران والباجي بقطر قبيله عوده وكلهم يعرفون بعض ولهم ناس للحين لاشافوهم قالو لهم عمامنا انتو اذا احد قال ايي بيت فلان يقولون احنا من العراق الناس الفاهمه ترد عليهم هوب هوب هذولا شيوخ اصل وفصل عمرهم ماصبو شاي ولا قهوه حق احد وبالكويت قبل النفط دخلو الغوص وربعهم شيوخ
من طرف الام : يدتها عراقيه بس يدها من نجد نجداوي يعني تبارك الرحمن الله يرحمه كان عنده خير يوم توفى اتوزع على 14 واحد من عياله (( خوال منوره )) كل واحد ووحده فيهم صارت \صار مليونير وفوق هذا تتميز عايلة امها بالالتزام بسلفيه الشديده والتواضع ويخافون الله وحيل ملتزمين اللي يشوفهم يقول على معاشاتهم من التواضع اهم عندهم خير من رب العالمين كل ماله ويزيد بس اصلين مو حديثين نعمة عندهم سيايير وماركات بس بعتدال طبعن وعيال ام منور كلهم ربو عند خوالهم اكثر من عماهم ويحبونهم وايد
نرد حق العيد بعد الفاصل التعارفي اللي راح تعرفون بعدين ليش كتبته
منيره : يمه منو هذولا الحريم
الام : هذولا بنات ولد خالتنا اللي عايش بالامارات
منيره : اهاااا فهمت بس ليش يايين الكويت
الام : سمعت انه بنتهم بتاخذ ولد عمتها الللي اسمها نسمه تذكرينها
منيره : مادري :\
خلص العيد ورد كل واحد بيته دايخ ومتلخلخ ويبي يحط راسه وينام بس يت الام وقالت حق منوره وهديل بناتها خوالكم بيروحون الشاليه تبون تروحون ونرد باجر الليل شرايكم
من غير ما يردون اركضووو منور وهديل ويزهبون اغراضهم كانو يحبون يمعة خوالهم حريمهم وراحو الشاليه اللي بنويصيب يعني على الحدود
منيره دزت مسج حق اوس (( حبيبي انا رايحه الشاليه مع هلي وانشالله باجر نرد ))
اوس (( حبيبتي انا سفرتي عقب باجر ولا نسيتي بشوفج ))
منيره (( ايي اكيد حياتي باجر رادين احنا انشالله ))
اوس (( اوكي بيبي تيك كير واستانسو ))
وصلووو منيرة واهلها الشاليه ووناسه واكل وضحك ولويه بس كل شوي ادز مسجات حق حياتها تتطمن عليه وعلى اخبارها وانها مشتاقه له وولهانه عليه واذكره انه اهو هديتها من الله واهو يرد عليها انتي نور عيني وكل عمري
_03ba:مشكوره القصه حلوة وايد اصلا من عنوانها عجيبه بالتوفيق وناطرتج على احر من الجمر
