يابنات و يا متزوجات بسرعة الحقوني قبل مايسوون فيني شي

[GuEss_wHo]

السلام عليكم

حطيت موضوعي اهني لان القسم هذا فيه اكبر نسبة مشاركة

ساعدوني تكفوووووووووووون حدي خايفة وعايشة برعب بشكل شبه يومي

بقولكم مشكلتي باختصار لان ابي جواب بسرعة واذا تعدلت ضروفي اقول التفاصيل ان شاء الله

يابنات انا اخواني مدمنين وسكيرة وماذيني بالطق لين بغيت اموت تحت ادينهم ورحت واشتكيت عليهم بالمخفر

عقب الشكوى يهددوني بالذبح و مو قادرة انام وارتاح من الخوف

ابي اروح اسكن عند الشؤون

اللي تعرف شلون اقدر اسكن هناك وشنو الشروط الله يخليها تبلغني وبسرعة حدي خايفة وحاسة انه بيصير فيني شي

 

[حرم راشد الماجد]

حبيبتي الشؤون ماتقدر تسويلج شي لان عندج ولي امر

اللي ممكن يفكج منهم انج تطلعين تقرير مستشفا وتروحين تشتكين عليهم بالمخفر وتخلينهم يكتبون تعهد

 

[شــــــــــــــوقــــه]

الله يعينج و يهديهم ولا واحد فيهم سنع

 

[ام زاكي]

وين امج ابوخ خوالج عمامج شدعوه مافي احد معاج يوقفهم عند حدهم

 

[GuEss_wHo]

هذا اللي سويته رحت واشتكيت
و واحد من المباحث يعرف واحد يصير لنا من بعيد قاله بالموضوع
هذا اللي يصير لنا حسبي الله عليه داق على واحد من اخواني وقاله ماعليك انا ربعي بالمباحث ماراح يصير لك شي
الحين الكلمة هذي مو تشجعه وتقويه
نظراتهم ومساسرهم واحساسي يقولي راح يسوون فيني شي
ماقدر اقعد دقيقة في البيت ابي انحاااااااش

 

[ام زاكي]

انا لله روحي عند اي احد من اهلج مايصير جذي

 

[GuEss_wHo]

الام والابو مرضى نفسيين
والعمام والخوال شايلين ادينهم ومتبرين خايفين من المشاكل والفضايح
والحين هذا يوم درا اني مشتكية اعترف فينا خاف على اسم العايلة
بس ماقول غير حسبي الله ونعم الوكيل
حوبتي ما اتعداه ان شاء الله

 

[IT shadow]

وين اهلج؟
ارفيجاتج اي احد

 

[GuEss_wHo]

الاهل كلهم متبرين
ولمه قلت حق اختي بسكن عندج لين اشوف لي وظيفة واسكن بروحي قالت لي لا رجاءا لاتجيبين لي المشاكل يأذوني
هذيلا مو مخلين احد بحاله مجرمين

 

[GuEss_wHo]

الرفيجات ماقدر افرض نفسي عليهم اذا الاهل سوو فيني جذي الغريب شيسوي فيني؟
والاهل قلت لج متبرين من بيتنا بكبره

 

[أسيرة_أحزاني]

حسبي الله ونعم الوكييييييييييل والله حاسه فيج مشكله اذا اهلج كانو ضدج

عسى ايدهم الكسررر يارب عبالهم رجوله لا مدو ايدهم الله لايوفق بليسهم ويكسر بعظاامهم مثل ماطقوج

الله يفرج همج ويرزقج بلي يفكج منهم

 

[ام زاكي]

لا حول ولا قوه الا بالله العلي العضيم

انا اقول اذا بيطقونج وهم مو في وعيهم حطي يمج شي تدافعين عن نفسج فيه

ولازم في حل وصليها لاكبر مسؤول الدنيا مو لعب

 

[!الجادل الصعب!]

رد : رد: يابنات و يا متزوجات بسرعة الحقوني قبل مايسوون فيني شي

آنتي نفسج الي طلعتي على قنآة العدآله الي طآقينها اخوانها ؟

الله يعينج ان شالله .. بس مآدري ..!

 

[كرز حالي.]

رد : يابنات و يا متزوجات بسرعة الحقوني قبل مايسوون فيني شي

هذول النوعيه باجر يسوون بحريمهم يادهينه لا تنكتين
وهذول مو رياييل اللي يضربون المره
الله يعينج حبيبتي

 

[IT shadow]

رد: رد : يابنات و يا متزوجات بسرعة الحقوني قبل مايسوون فيني شي

دار ايتام؟ لوول
والله مادري
انزين يدتج يدج؟
خوال امج وابوج اي احد؟
خواتج؟

 

[الغاليه نونو]

حبوبه روحي المخفر وقوليلهم ان اخواني مدمنين موووفوضي يكتبونهم تعهد بعدم التعرض واذا ثبت صج ان اهلج مايقدرون يأمنون لج الحمايه ذيج الساعه يشوفون لج حل انج انتي تطلبين منهم يودونج الشؤون


وبعدين بسألج منو اللي يدير شؤون امج وابوج؟؟؟؟؟؟؟؟؟؟؟؟؟؟؟؟؟؟؟؟؟؟؟

نصيحه لي رحتي المخفر قوليلهم ماني راجعه البيت لان السالفه كيت وكيت وهذوله مامنهم أمان وقوليلهم قصتج كلها

ون شفتي ماكو فاااايده ركبي تكسي وروحي الشؤون وقوليلهم مشكلتج اهم يحجزونج عندهم وياخذون تفاصيلج كلها ويتابعون الموضوع مع الداخليه اذا كلامج صج والا جذب

اذا صج الدوله بتحميج واذا جذب بيغسلون شراعج


الله يفك كربتج ويهدي اخوانج

وفي شغله ثانيه تقدرين تدقين علي المباحث الجنائيه وتبلغينهم عن سوالف اخوانج وتعطينهم العنوان وكل شي ويراقبون اخوانج ون كلامج طلع ابمحله بيصيدونهم وتفتكين منهم والله يعينج يمه

 

[.. رفيع الشآن ..]

رد : يابنات و يا متزوجات بسرعة الحقوني قبل مايسوون فيني شي

بوقت سكرتهم دقي عالشرطه وافتكي منهم

والله يعينج حبيبتي

 

[GuEss_wHo]

رد: رد : يابنات و يا متزوجات بسرعة الحقوني قبل مايسوون فيني شي

مايفيد يمسكوني من ايديني ويربطوني طقهم طق تعذيب مو طق عادي و بالعكس اذا مو بوعيه يكون اقوى

 

[GuEss_wHo]

رد: رد : يابنات و يا متزوجات بسرعة الحقوني قبل مايسوون فيني شي

اي دار الايتام ارحم من العيشة معاهم

 

[بنت العرب]

السلام عليكم

حطيت موضوعي اهني لان القسم هذا فيه اكبر نسبة مشاركة

ساعدوني تكفوووووووووووون حدي خايفة وعايشة برعب بشكل شبه يومي

بقولكم مشكلتي باختصار لان ابي جواب بسرعة واذا تعدلت ضروفي اقول التفاصيل ان شاء الله

يابنات انا اخواني مدمنين وسكيرة وماذيني بالطق لين بغيت اموت تحت ادينهم ورحت واشتكيت عليهم بالمخفر

عقب الشكوى يهددوني بالذبح و مو قادرة انام وارتاح من الخوف

ابي اروح اسكن عند الشؤون

اللي تعرف شلون اقدر اسكن هناك وشنو الشروط الله يخليها تبلغني وبسرعة حدي خايفة وحاسة انه بيصير فيني شي

لا حول ولا قوة الا بالله العلي العظيم أختي الجئي الي ربج اللي ما تنام عينه انه يفكج منهم ومن شرهم وانشالله ما راح يردج ربج خايبه وكثري استغفار الله يعينج حبيبتي...............