يابنات لندن...قولولنا اش شريتوا اليوم؟؟؟

[om fares]

اختي انتي رايحه سفره قصيره ما يسوي لابتوب انا جربته ما يصير عندج وقت حق الشباك لان لماتدشين الغرفة تبين تريحين عشان الطلعات يبلها صحه حق الطردي والمشي

 

[mahawey]

:080402ask_prv:هلا باختي omfaresلانه يمكن انا اهناك راح اطول وثانياانابدون الاب توب مااسوى شئ بدونه واهويسليني وانا اول مااشغلك خامس يوم اشغل الاب توب الله يخليج ترى انا على فكره انا شابه صغيره اومومتزوجه انانظامي مااحب اطلع ويات اهناك وانسين الامريكااشلون يعني هم مااخذلاب توب معي :blueSmCLR:

 

[لؤلؤة الكويتْ]

بنآت ليش مآتحطون صور أغرآضكم اللي تشترونهآ خل نشوف

 

[كويتيه ذربه]

الصراحه خوش موضوع
نستفيد منكم

اهم شي انا يايه الاسبوع الياي ( اييب معاي ملابس صيفيه ولا شتويه ) محتااااره حدي

مشكووورين على الموضوع

 

[~ عز ~]

خوش موضوع

 

[mr000]

غريبه اللي تقول فندق ثيستل ماربل آرتش مو نظيف ..آنا ساكنه فيه مرتين آخر مره العام بشهر 4 والله نظيف ومافيه شي وغرفه واسعه والريوق بوفيه..يمكن اللي يشتكون منه يكونون رايحين بالصيف فمن الزحمه يكون ازعاج أو مادري إذا ماينظفون عدل..والله آنا شايفه المسؤوله عن التنظيف تلبس دسوس بيض وطول ماهي ماشيه بالممرات تمسح عالطوف واللوحات وتدخل الغرف اللي قاعد ينظفونها تجيك عليها!!

 

[mr000]

البنات اللي بلندن ألحين شخباركم عسى مو متوهقين عالرده علشان المطارات مسكره بسبة الرماد البركاني اللي يايهم من آيسلندا..آنا ولدي هناك وبيرجع بس مو قادر..

 

[mr000]

يلا بعد شنو مشترواتكم..ياريت تحطون صور.. على فكره بريمارك لازم تروحون له أول مايفتح وأصلا تلاقون الناس ناطرين اشكثرهم عند الباب وإلا تالي يصير زحمه وايد وعالكاشيرات طابور اشطوله..انزين منو جرب شراشفهم وفوطهم ؟؟آنا العام مايبت منهم بس إذا زينين بييب هالسنه ان شاءالله..

 

[روح عاشقها]

والله حلوة الشراشف والفوط انا جربتهم
حتى حشوة الكفرات والغطا شريت منهم
الخامة والالوان اتهبل

 

[MeMe]

كفرات بريمارك منزل هالسنه نفس شغل دبنهامز الترتر يهبلووون واسعارهم بلاش

وفولي فولي اخذت منهم العنابيه:O_SHH_: والاسود باحمر عجبوني

وهابين باللقنز المبطل عالجوانب شحلاتهم اشكالهم غريبه من لفربول وتاخذين الاثنين بعشره باوند مو هنيه ماخذه لبناتي الواحد بثنعش دينار من الافنيوز وشكله عادي مافيه زود

والفلاتات اللي بسوق السبت اللي باحر اجوورر روود الوان واشكال اول ماتدشين شوفيهم بنص السوق عاليمين وعارضينهم باكسفورد بخمسه واربعين باوند

جون لويس منزلين للبنات بدل صيفيه مع التيجان والجواتي لاتطوفكم للعيد ورمضان

لاتنسون غواري هارودز مع الغطا الاخضر اللي مكتوب عليه هارودز:ggdw:


ياكثر مافيها من الزين هالسنه :jbdwjbd:

 

[فتفوتة سكر]

وايد حلو موضوعكم .. وشنو بعد اقدر اخذ شي مميز

 

[mr000]

ميمي ..وين شفتي بعد ملابس حلوه حق البنات يعني عمر سنتين وثلاثه؟؟ليش مارحتي بليز مام اللي بنايتس بريدج واللي ورا سيلفريدجز في بورتمان ستريت..وايد حلوه ملابسه..انزين وين شفتي فلاتات حلوه وكشخه بنتي متحلفه بتخم الفلاتات اللي بالسوق..بس مابس سوق السبت..مره رحتله ماعجبني شي ..جنه سوق الجمعه..

 

[MeMe]

هلا واالله مرررر شلونج

صاجه سوق السبت اهو اصلا سوق الجمعه مالنااا بس على انقلش والله اني اخذت منها اساور الاربعه بعشره باوند ولقيتهم بمحل بكفنت قاردن الواحد بسته :eh_s(15):عاد انتي حسبيها

بقولج شي سوق السبت ساعات ينزلون شحاطات ماركة كلاركس طبعا مو كل المقاسات متوفره يعني كل رقم تحصلين منه ثلاثه اربعه

وفي واحد اخذت منه شدووو يجنن خميت منه ابيه هدايا يوم جربته تحسفت وخليته لبناتي:O_SHH_:

فيه كذ لون بنفس العلبه مع احمر خدود ولمعة الماي مع اضاءه اللي تعطي الوجه رونق احلا من الوان الماركات وبنزل لكم الصور خل تجي بنتي انا ماعرف

والله يسلمج الفلاتات تحصلين اشكال بكامدن تاون انا حاطه موضوع عنها :stars: تصلح لج حلوه لراحه واستجمام توسع الصدر وتوخر كاابة فيتامين دال:eh_s(3):

مررر اخذي لبنت ولدج من مارك سبنسر لبس عروسة البحر اخذت لبنت بنتي يزييييييييينها يوم لبسته تقول بتخليه لرمضان انشالله فوشي باخضررر

 

[mr000]

ميمي عليج بالعافيه الأغراض اللي شريتيها..وعيها بالعافيه الكتكوته بلبس عروس البحر..عاد آنا هناك امشي وأخم حق هالنتفه اللي عندنا..والله يعيني على بنتي..من ألحين تقولي مددي السفره شنو بتوديني 8أيام..مشكوره عالمعلومات وانشوف شالله يكتب لنا بهالسفره..بروح أعالج نقص فيتامين د بالسوق هناك

 

[MeMe]

بس ثمان ايام؟؟؟ يبيلج جوتي رياضه وركض مررر لووووووووول

مددي وانا اختج لاتحسفين:ssssso:

لايطوفج ديزني منزلين اشياء حلوه للصغيرونه اخذت منهم صندل منقط احمر بابيض ترتر لحفيدتي ومعاه برنيطه نفسه وصدفه وانا رايحه رحله اتطمش على مدينه الزبري لقيت بدله تمشي معاه حمرا وفيه نقط بالابيض شحلاتهاا

وعندج كامدن تاون فيها جاكيتات للمطر الوان فسفوريه ومعاهم بوتاتهم حق الصغار لحد عمر ثمان سنين تصدقين نسيت نفسي وماافكر الا بالبنات:jbdwjbd:

 

[mr000]

هلا والله ميمي..إلا قولي يبيلي الجوتي اللي فيه تواير اللي يتزحلقون فيه:ada: يالله ألحق بهال8 أيام من سوق لي سوق :RoadRunner: وهالمره بنتي متحلفه بتخم السوق حق الجامعه:jbdwjbd: خو كله ماعندها هدوم..وآنا أهم شي عندي أشتري حق بنت ولدي ..وشكلنا بالسوق آنا وبنتي:j013:لأن تقول مانبي نضيع الوقت عند ملابس الأطفال كل مادشينا محل رحتي هناك..باخذلها ان شاءالله من بليز مام ملابسه حلوه ومن سيلفريدجز ومن بستر فيليج من رالف لورين وبربري..وبشوف بعد شنو أكو شي حلو ..وإذا بمدد بخاطري أروح فرنسا يومين بالقطار..بس خل أشوف لي ذاك الوقت يصير خير..

 

[MeMe]

انا اخذت من بليز مام اللي بالنايتس بريدج قبل هارفي نيكلزصج مميزز

وبستر فلج عندهم شغلات رووعه للبنات عاد يوم ارووح شكثر خليجيين عشان العطلة

وحق عمر حفيدتج بتخمين لين تشبعين هالله الله بالشحن