يابنات ضعي سؤالك اللي يخص في الريضة تنزيل الوزن ومدربة الرشاقة اترد عليكم

[Dnon]

ابي افضل طريقة لازاله(الزنود)


وشكراً

 

[حواء ناعمه]

كلكم تبون المتن؟؟


زين اختي ممكن اعرف الرياضه اللي تساعد على زيادة الوزن؟؟


ومتى الوحده تاكل اذا بتزيد وزنها قبل ولا بعد الأكل ؟؟اتوقع قبل الأكل صح ؟؟لاني قريت ان الرياضه تمدد العضلات بس شلون او شالفايده من هالشي مادري بصراحه نسيتها


وهل الرياضه اذا تعدى وقتها الاربعين دقيقه ممكن تحرق سعرات حراريه ؟؟يعني لو رياضتي قبل هالوقت عادي ماراح اضعف بزياده



مشكلتي بصراحه اني ضعيفه لكن عندي كرشه بسبة الماي والادويه وحابه ازيد وزني بس خاطري اطير هالكرشه وبعدين ابدا من جديد




بانتظار ردك عزيزتي ابي التمارين اللي تساعد على زيادة الوزن علشان امشي على نظام صح

 

[jwaaaan]

السلام عليكم الله يوفقك يااارب ياليت اجد حل لمشكلتي بديت المشي على السير من سنه مع تخفيف الاكل كان وزني 92 وطولي 165وبعدالرياضه وصل وزني والحمدلله 71 لكن مشكلتي ترهل البطن وشحوم في الظهر وترهل الصدر والزنود فهل لديكي حل لمشكلتي ام التحق بنادي رياضي وبديت احس بالملل رغم ان لدي هدف ان اصل الى 68و جزاك الله خيرا

 

[om MaRyooM]

سمعي كلامي مدربة الرشاقة
ماينفع يومى توج امسوية عملية القيصرية
لاتسوين اي تمارين بطن اللا بعد 10 اشهر او
سنة
وهذا الجهاز ماينفع لج يبيلج جهاز
اوربت تراك اساعدك في شد الجسم
تمارين العصاية لشد الخصر

ماقصرتي

شكراا:eh_s(7):

 

[كل الغلا زوجي]

هلا وغلا بالمدربة

جنة الموضوع يديد وغير الأولي بس مرحبا بعودتك بعد انططاع .....هههه

الموهيم أختج وطالبتج واليك التفاصيل

عمري 31 وعايشة بالغربة ، 3 عمليات انابيب فاشلة والأخيرة شهر ثمانية زاد وزني 5 كيلوات وما عاد ينزل

طولي 56 بعد المتر ووزني وللأسف 70

شكل جسمي كمثرى عندي جاري واربت تراك وأحب الكروس كنتري التزلج على الجليد واطلع امشي زاد وزني لي 68 بعد العملية وصار لي شهر من بلشت ايروبيك يوميا وزادو 2 كيلووووووو



انقذيني من الضياععععععععععععع ....اضحك معاج بس ساعديني وشكرا

 

[الانوثه]

مرحباااا شلونك انا وزني زايد يعني بحدود 100 وجسمي مقسم يعني فيه خصر ومن فوق اقل من الي تحت بس مشكلتي اني ما اقدر امشي والحركه جدا قليله والسبب اني مسويه عمليه بالقدم وما اقدر علي الحركه لاني كنت اضعف بالمشي لكن لاحظت وزني زاد والسبب عدم الحركه وعندي مناسبه بعد 4 شهور والرجيم عجزت التزم فيه ,وعلي فكره طولي 156 ابي رياضه للي تحت فخوذي والخلفيه وابيها تنزلني ؟؟؟؟؟؟؟؟؟فديتك

 

[سلطانه q8]

قوه ياليت تفيديني

انا ضعيفه وزني تقريبا 45 وطولي 155 وحابه اوصل 50 ابي اسوي رياضه تزيد وزني شوي ويكون متناسق بس انا اخاف

اذا سويت رياضه يطلع في ايدي عضلات بارزه ماحب جذي اتمنى تفيديني لو سمحتي واكون شاكره

 

[غلاه ابوها]

السلام عليكم

يسسعد ربي يا مدربتنا الرائعة

حابة استفسر انا طولي 153 ووزني 52 كم يبيلي انقص .؟

وابي تمرين للافخاذ اهيا المليانه عندي الله يسعدك مافي شي ماجربته مافي فايده كل جسمي حلو الا هي

ابي اي تمرين مستعده اسويه بس الاحظ نتيجه وشكرن مقدمـا