يابنات انصحوني طليقي يبي يرجعني ومتردده

[شموخ ممطير]

انا تطلقت من ثلاث سنوات وعندي منه ولد وبعدين تزوجت وهو بعد تزوج وانا تطلقت من بعد زواجي بشهر والحين طليقي الاول ابو ولدي يبي يرجعني وانا خايفه ارجع له وبعدين اندم​

 

[دانه الشطوره]

يا حبيبتي انا اقول دام بينكم ولد خلوه يتربى بينكم

بس نصيحه استخيري بالاول قبل ما تتخذين اي قرار

 

[_كلي دلع_]

يعني شلؤن جذي فجاء يبي يرجع ؤلا في علاقة حب بينكم ..!!

آستخيري ؤالله يكتب الي فيه خير ..,’

 

[شموخ ممطير]

هو من عرف اني تطلقت جاء وتقدملي على طول لان بينا ولد

 

[مــ ك ــلا]

حبيبتي يمكن كان يبي يردج من البدايه بس كان متردد مثلج وانتي تزوجتي
انا بالنسبه لي انصحج تستخيرين و تقعدين معاه و تتفاهمون و اذا ارتحتي ردي


و الله يوفقج يا رب

 

[سكوتي بذوقي]

استخيري

ربي يقدم لك اللي فيه الخير يارب

 

[روانتي 12]

خلاص رديله يمكن ندمان .. ومتحسف .. عشان خاطر ولدج رديله .. حرام شذنب ولدكم يضيع

 

[عسل مرت قيمر]

حبيبتي شي زين ان ولدج يعيش بين امه وابوه

بس شلون على زوجته الي خذاها؟؟


تقدرين تعيشين مع شريجه؟؟

 

[ام عفاف الكويت]

استخيري ياعمري وشوفي شنو شعورج \ترتاحين او لا
ويمكن عشان الولد وندم 3 سنين
الله يكتب لج اللي فيه الخير

 

[احساااااس انثى]

استخيري اختي والله يكتبلك الي فيه الخيييييييييييير

 

[شموخ ممطير]

انا خايفه ان علي ذنب اذا رجعت له زوجته تقوله اذا رجعت زوجتك راح اطلب الطلاق​

 

[بنوتة لابشة فشتان منفوش]

الله يكتبلج الي فيه الخير
ودي اقولج رجعي عشان ولدج وما ودي لان لو انا مكانج ما ارجع لشريجة
استخيري احسن

 

[بنوتة لابشة فشتان منفوش]

انا خايفه ان علي ذنب اذا رجعت له زوجته تقوله اذا رجعت زوجتك راح اطلب الطلاق​

عنده عيال منها؟

 

[شموخ ممطير]

اي هي الحين حااااااااامل منه

 

[زبده جلوه]

الشي راجع حق قلبج اذا مراتاحه ردي واذا لا في تردد تفاهمي معاه بالطف اذا شفتي منه الندم والتوبه وتاليم الظمير ردي
واذا والله الزجال ناشف ومو مهتم لا والله خليج معززه مكرمه

 

[شموخ ممطير]

هو قالي الي تبينه راح اسويه لك بس ارجعي وزوجتي راح تطلب الطلاق اذا عرفت اني رديتج وربي محتاره بين ولدي وحياتي وعمري 20 سنه​

 

[اميره1980]

وااااااي صغيره على الطلاق مرتين و انتي بهالعمر
اذا الريال يستاهلج رجعيله و اذا سبب طلاقكم الاول للحين موجود لا ترجعيله شالفايدة فيه
مع اني ارجح انج ترجعين لان بعمرج الصغير و مطلقة مرتين صعب تتزوجين مره ثالثة و عندج ولد بعد

 

[ام الدرر]

حبوبة
يعتمد على اسباب الطلاق بالاول
فكري اكيد كان فيه خلاف
واولا واخيرا
استخييييييييييييييري​

 

[الدلال]

والله مادري شقوولج

بس انتي حطي نفسج مكان زوجته

اخذته على اساس انه مطلق والحين يبي يرجع زوجته القديمه!!

مادري والله

 

[* ملكني الخوف *]

اذا حاسه ان صج ندمان ويبيج ردي