يااناس تعبت منه آه يابة الله يرحمك لوانت حي والله مااقعد عندة

[Miss Chanel]

الله يعينج

 

[اسرار الغلا]

لاحول ولاقوا الا بالله شهالعيشه !!!

 

[!الجادل الصعب!]

يعني حطيتي مشكله وحطيتي اسباب عشان ما تطلقين ..!
وكل هالطق ومسويه له العشا بعد ..
حبيبتي هذا باول حياتكم كل هالطق .. لا كبرتي شيبسوي فيج ..
تقولين بيت اهلج ضيقة خلق .. يعني وناسه هالطق ..
انتي حيل سلبيه وبتخربين حياتج والاهم حياة عيالج بالحياه الي فارضتها عليهم ..
بتعقدين العيال ترا ..
اخذي موقف وروحي لاهلج .. كافي عليج امج بالدنيا ..
وبعدين قديمه الناس تخاف من كلمه مطلقه ..
الي ماتتوفق مع زوجها تتطلق وكانه العيد بعد ..
وصلاته وصيامه الي مستانسه فيهم له مو لج ..!
ماتوقف الدنيا علشان رجال ..
لا تنطرين احد ينقذج من الي انتي فيه .. اذا انتي ماراح تنقذين نفسج ..
محد داري عنج ..!

 

[داريني]

هذا مو ريل حشا جاكي شان
ليش جذي صابره لي متى لما يسبب لج عاهه مستديمه و ترجعين بيت اهلج اثقل من اول؟
حبيبتي يا انج تقعدين معاه و تتفاهمون انه كل وحد يقول شنو عيوب الثاني و شالي متضايق منه
و حاولي تغيرين الي مو عاجبه فيج وانتي بعد قوليله
بس نصيحه اذا طقج نفس هالطق روحي طبيب واخذي تقرير طبي و قدمي بلاغ علشان سبحان الله لو صارت
تقدرين تثبتين حق المحكمه انه كان يطقج

 

[ام فواازي]

كل شي ولا الطق شوفي حرام عليج ولدج يشوف ابوه طايح طق فيج مسكين والله يتعقد خافي ربج بعيالج هذا البعد عنه غنيمه والحمدالله قانون الكويت بصف المره يعني خليه يولي ويطلقج تالي رفعي عليه قضايا الدنيا والدين خليه ياكل اصابعه ندم لامن عيال ولا من زوجه وحتى معاشه بينسحب لج وعيشي معززه مكرمه واذا بيت ابوج للحين موجود ماانباع يعني لج فيه ومحد يقدر يبيعه الا برضاج لانج مطلقه وطنشي اخوانج بالطقاق اذا مو عاجبهم الوضع والمحكمه تحكم لج بسايق يعني عيالج راس مالج وعايشه بيت ابوج مرتاحه انتي وعيالج ولا هالجلب اللي طايح عض فيج شايفج ضعيفه واستغل الوضع يطلع عضلاته على مره
نصيحه تركيه مالج شغل بالناس دامج نظيفه حتى لو ماطق بابج احد عقبه شنو يعني عندج عيالج تربينهم وتكبرينهم وتزوجينهم وبتعيشين حياتج وتستقلين بروحج من يكبر ولدج ادري المره بالكويت صعب تعيش بيت بروحها بس دام عندج ولد الله يحفظه لج ويعزج ويسعدج
سوري طولت عليج بس عورني قلبي على ولدج

 

[ام فواازي]

اي البنات اللي يقولون قعدي معاه وكلميه وتفاهمي معاه هذا واضح من كلامها عنه ماينتفاهم على طول يمد ايده ومثل ماقالت الاخت اللي قبلي اخذي تقرير عن حالتج عشان يكون عندج دليل

 

[Miss McDonald]

• تطلقي منه خليه يولي !
• شمصبرج عليه !
• 

 

[دمع الروح]

حبيبتي الظاهر انتي من البدايه ساكته له وهو يسبج المفروض موقفته عند حده ومسويتله ساااالفه على مدة اليد
حاولي أدخلين عمامج أو خوالج إذا أخوانج ماراح ينفعونج
أو أختاري أحسن وأحن واحد من أخوانج وكلميه على إإنفراد وأشكيله وأبجي عنده لأن الرجال ينكسر لما يشوف دمعة المرأه وخليه يزف زوجج

وأقولج نصيحه والله هالشغله مجررربه أكثر من وحده عليج الاستعااانه أولا بالله عزوجل وبعدين عليج بالدعااااااء والله أن مفعوله سحرررررر تحري أوقات الاجابه وقيام الليل واقري البقره والله حتى أتأثر بنفسية زوجج

 

[*شوقي معنيني*]

شوفي حبيبتي
روحي مع سايق اخذي تقرير انه طقج
واعتدى عليج
وبعدين روحي المحكمه رفعي دعوه ظده
وطالبي بالحضانه
بعذر انه اهو لاعصب يطق
وكليلج احسن محامي او محاميه
وفتكي من شيفته
والله يفرج همج وحسبي الله عليه
وحاولي تعوضين وتخلين نفسج الام والابو
اهو شايفج ظعيفه
خليج قويه ولا تهتمين
جتى لو ما طلق مو نهاية الحياه
تقدرين ترفعين مره وثنين وعشر
ابواب المحاكم مبطله
خليج قويه
قولي فتره وتعدي
وخليه يهابج وخليه يمشي ويتلفت من
الخوف
وفرجه حق امثاله
ولاتنسين الاستغفار وقيام ليل وصورة البقره
ترى تحل المشاكل على طول
ربج فوقج
ما راح يخليج بروحج
بس انتي انوي وبنات المنتدى مايقصرون
الله يفرج همج وتشةفين حوبتج فيه

 

[الهيــام]

هذا مريض
شلون تسكتين عن نفسج
وتره حتى لو صرتي مطلقه وخير يا طير
على الاقل معززه مكررمه بيت اهلج
بلا هم بلا طق

 

[بقــآيآ جـروح]

انتي رآآضيه عيشين مع وآآحد معذبج ومعذب
عيآآله ويهينج ع الدخله والطلعه ترى الطلآق حلآل
طبعآآ انتي ماقلتي بتطلق الا بعد مآآجربتي كل الطرق معه الريال موب هآآمه شي عآآرف انج
ضعيفه وكلام ع الفاضي وانه حتى لو اذبحج عآآدي عندج آنآ مآقول تطلقي بس خوفييه قولي له بتطلق تعب منك
محد يرضى يعيش بالذل والطق مطآقق انا عندي عيال وآخآف عليهم وآنت ماتعطيهم مجال يحبونك
ويحترمونك ويتمنون يصيرون نفسك انا برفع قضية حضآنه وباخذ العيال والعيال لي بالحضانه وبحط لي شقه
وله آجر ملحق اللي ببي ابوي واسكر ع عيالي الباب واحط لي خدآمه وسآآيق وكله ع حسآآبك والمؤخر بآآخذه
حلالي وحلال عيآآلي وانت مليون يتمنآآك بتلقى اللي تستآآهلك وانا بشوف طريقي اذا مو مبآآشرة كتبيهآآ
برساله وروحي عند آمج مهمآآ غثتج تبقلى آمج وكلام النآآس يآآحبيآآبتي مآآيودي ولا يجيب مآيجب الا الامرآآض والهم
وتربيه غلط لعيآآلج مآآرآآح يحترمونج ولا يقدرونج​

 

[بنت الوفره]

انا اقول اذاموظفه اطلعي ببيت بروحك موصعبه تكونين مطلقه الصعبه اطفال يشوفون هالمناظر ان ابوهم يطق امهم صدقيني تقعدين طول عمرك تعالجين فيهم والرجل مايحب المره اللي لاصقه فيه

 

[" ام حمود "]

ماادري شنو آقولج والله .. بس الله يعينج

 

[@البتووول@]

أنا من قريت مايبي يسمع لبيه وحاضر عرفت انه مايحب المره الضعيفة خلج قويه واستخيري بحياتج معاه

 

[noorq8]

عفوا , سؤال ؟؟



انتي حره ؟؟ والا جاريه اشتراها من السوووق ؟؟؟

لا مصرف !!!!ولا معامله !!!


على شنو صابره !!! شنو بس رجل بالفراش !!! ماكو انسانيه ؟؟

ماكو كرامه ؟؟؟

مو بس انتي اللي تعقدتي انتي عقدتي ولدج وحسبالج صابره على شان عيالج ؟؟

انتي قاعده تضرينهم أكثر من انج تنفعينهم بقعدتج عند هال..... ماينقال عنه رجل ينقال مخلوق بشكل رجل .

 

[نسايم عود]

اذا ظروفج جذيه
انصحج لا تطلبين الطلاق
توكلى على ربج
وافرشى سيادتج وادعى الحى القيوم الكريم اللى ما يرد دعوة احد
واحسنى الظن بالله
وصدقينى ربج بيفرج لج مو احنا

بس نصيحتى بعدى عيالج عن هالمشاكل وتحاشى عصبيته قد ما تقدرين
لا تستثيرينه
واهتمى بعيالج اهما عزوتج ..........

والله يسخر قلبه لج اللهم امين

 

[Habibat Abooha]

بعد عمري

الله يهديه ويسخره لج ويريح قلبج

عورتي قلبي والله

الله يعينج حبيبتي

 

[عسل سل]

هذا انسااان مييييييييييت والعيشه ويااه مستحييله الا اذا قادره تتحمليين!!ماعتقد داام فكرة الطلااق برااسج بتسوينها يعني بتسوييينهااا!
واستخيييري قبل كل شي
واذا على كلمة مطلقه الااااااف المطلقااات بالكويت والعااالم واعرف مطلقاات والله الي مطلقه مرتين والي 3 مرااات وعندهم من كل وااحد عياال والله ماشاالله عليييييهم عاايشين حيااتهم طووول بعرض وضحك وسوااالف وفرفشه..ترى انتي مو الطلاق الي متعبج انتي افكاااااااااااااااااارج السودا متعبتج غيري افكاارج وخليج ايجاابيه وارتااااااااااااحي وريحي ..الطلااق مو يعني الموووت لاا يااقلبي وتذكري منتي الاولى ولا الاخيييره...
بيني وبيينج الطلاق مع الشخص الزين حسااافه اما الي مثل زووجج والله ان الطلاق منه عييييييد لان طبعه ميؤؤس منه.. والله لو انا منج استااانس حييل حتى لو بيت اهلي حكره على الاقل مرتااااح باااااالي... ومحد يطقني ويهيني ...فكري بشووية ذكااء تمشي حياااتج وشووفي هل انتي قاادره تستمرين ويا هالرجاال؟الاختيااار لج...<<تتطلقين وانتي صغيره ومرغوووبه احسن مما تتطلقين وانتي كبيره جرحج يكوون كبير وقتها عمرج رااح يروووح وياااه.. لاياقلبي خلج ذكيييييه وعااقله وفكري صح... انتي صغيره ومرغووبه والف واااحد يتمناااااااااااااااج والاكيد راح يحبج ويقدرج على الاقل يحترمج !! واستخييري بعد اهم شي واقري سورة البقره بنية صلاح امووورج بمنتداانا في حملة قراءة سورة البقره دشيي شووفي تجاارب البنات ويشلوون يشجعوون بعض عجيييبيين ...واذا عن اخواانج مو سند لج مادري شنووو!! حتى لو اخوانج نفس الشي ..يعني منو السند مثلا زوجج !!ماعتقد على اطبااعه هذي ريحي بااالج واخذي قرااار وفكي نفسج من التعب النفسي وشوفي شنو الاحسن لج ..مره سمعت فوزيه الدرييع تقوول ..الشي الي مانبيييه ونصبر علييه نفس الي مااكل ذباانه ولاايعه جبده مهما قعدت في بطنه لابد انه يرجعها ..فهمتي.. وخير دللييل والله اعرف وحده مسكييينه صاارلها 15 سنه متزوجه وااحد الله لايوريييج نفس زوجج والعن.. اخر شي تطلقت منه بس بعد شنو بعد ماكبرت وعجزت وصارت مو مرغوووبه صج..وفووق هذا عندها منه 9 ولا تشتغل ولاا شي قزرت عمرهااا ويااه وكانت خاايفه من الطلااق اخرتهاا طفح الكيل عندها تعضي من تجاارب الناااااااااااااااااااااس ومو لغزم تمرين بنفس التجربه عشان تستفيدييين استفيدي من تجارب النااس ولااتضيعييين عمرج وياااه...وداايم تخيلي لو انج مكاان هالمره الي تطلقت بعد كل هالعمر وعقب ماعجزت!! لو انتي منها شرااح تسووييين حمدي ربج ياقلبي انج صغييره والعمر جدااااااااااااامج وقوي ايماانياااتج دشي اهني واستاانسي واي تعليق خاااااص ياقلبي لاني راح احااتيييييييج

 

[كليـ دلعـ]

شوفي ياامي

انتي بنت صغيره وموظفه وعيالج 2وصبوره

صبرتي علا هالبهيمه عديم الاحساس لوفيه ذره رجوله

وهو اصلايخسي مهو رجال جان مامد ايده ع

ام عياله ويتيمه بعد

المره اذا تعيش مع الريال واهي اللي تصرف ع

نفسها وتشتغل وليبغت مشاوير راحت مع اهلها

بالله شتبي فيه؟؟

الريال اذا ماصرف ع المره وتكفل فيها يودي واييب

وصارفعلا بحجم كلمه رجل بالله شتبي فيه؟

شتبي تبيه يعني ظل حيطه؟؟

وهالحيطه عاد ساكته وساده بوزها والا بعد تناهق مثل الحمير؟؟؟

الريال اذا ما صرف وتكفل وشال بيته ومسوليته وتكفل

في زوجته اعتقد مال وجوده داعي

ولو كنتي عاد يومنج تصرفين ع نفسج شايف

ومقدر جان قلنا زين

بس المشكله فوق شينه قوات عينه!!!

عمااا بعييينه ايده للكسر


ولاتبجين يالغاليه

المره لازم تكون شجاعه وقويه وواثقه من نفسها

من قالج ان الحياه ماتكون الا برجل؟

يعني لازم ريال والا نموت؟؟

توقف الحياه؟؟

لاياامي ماتوقف وساعات تكون احلا وافضل

شلازمته الريل اللي مثل ريلج؟؟

اكل ومرعا وقله صنعاا؟؟

انتي كويتيه؟؟

اذا انتي كويتيه تراج في ديره بن صبااح

عسااعمارهم مديده يااااارب

في ظلهم المره ظلعها قوي وله حقوق تكسسسسر

ظهووور الحميير اشكال ريلج

نصيحتي لج

والله الذي لااله الاهو اني انصحج مثل ماانصح نفسي لوكنت مكانج

اخذي عيالج وروحي لامييييمتج وقعدي عندها

وفكه اشوا ان ماعندج اخوان من امج وحريم اخوان عشان مايضايقونج

سمعي روحي وقعدي عند امج وارفعي علا الجلب قضيه طلاااااق

واطلبي حقوقج كااامله امسحي فيه البلاط خليه يعرف ان الله حق

وتطلقي ومصروف عيالج كامل وسايق لهم وسياره وخدامه لا بعد

وسكن علااااجبده اقصد من جبده يدفعه وفوق هذا متعتج وعيشي

عيشه ملكه وان حصلج بعدين زوج صالح يرضا فعيالج حياه الله

ماحصل مولازم ارتاحي وربي عيالج بجوو طبيعي مستقرر هاادي

وافتكي من حياه القهر اللي عايشتها

وين قاعدين؟؟

يطقج ويرفسج ويقطع شعرج ويتفل بويهج؟؟

لاوعشان شنو؟؟

عشان بلعه؟؟

بلعه الموت اللي يفكج منه عما بعينه انسان قذر

سمعتتي تطلقي وعيشي براحه وعيالج مصروفهم ماشي وسكنكم مدفووع

وبالج مرتاح وكرامتج محفوظه

والمره تطيع الريال وتطوف للريال اللي يحشم

ويستحي ويقدر بهالحاله عادي نصبر ونسكت

اما في حالتج

دووسيه بريوووولج دوووووس

لان هذا قدره

 

[Beautiful soul]

يعني لي متى وهو يطقج حقيــر حسبي الله ونعم الوكيل فيه وخوش صلاه وصيام
لازم تغيرين اسلوبج معاه ولا قولي حق اخوانج يكسرون ضلوعه عشان يتسنع واذا مافي فايده شرشحيه بالمحاكم ويخسي ياخذ عيالج >> حدي متنرفزه
عسى الله يسخره لج ولا يفكج منه مادري شقول بس الجئي لربنا لان ولا وحده منا بتفيدج محد بيفيدج غير رب العالمين