ياامهات ساعدوني مع حليب نان شلون

[لهفة المشتاقه]

سلام عليكم ورحمة الله وبركاته

انا​

اول شي كنت اعطي بنتي حليب سميلاك ادفانس حلو اذا حطيت رقمين ماي احط قفشه وحده حليب سميلاك حلو
عاد هالحليب يسبب امساك لبنتي قالت اغيره
غيرته والبديل هو نان المهم شفت قفشته صغيره قلت احط اربع ارقام ماي واربع ارقام حليب
قلت لحماتي جان تقول لا منو قال انا داقه على الصيدليه قالي اذا اربع ارقام ماي بس قفشتين حليب
ودقيت على رفيجتي قالت لي لا غلطانه منو قال ارع ارقام ماي وابعه قفشات حليب
وربي يا بنات محتاره صدقت كلام رفيجتي
وصارلي جم يوم اقول سالكم وانسى اللي تشرب عيالها نان
شلون الطريقه؟؟؟؟؟؟؟؟؟؟؟​

 

[احساس الورد]

اربع ارقام ماي واربعه قفشات حليب

 

[احساس الورد]

للتوضيح اكثر
60 مل ملعقه واحده
90 مل ملعقتين
120 مل 4 ملاعق

 

[الباحثه]

حبيبتي بالقوطي مال الحليب مكتوب التعليمات عدد الرضعات كم خلال اليوم
ومقدار الماء وكميه الحليب لازم تتقيدين بتلعيمات
لاني كنت استخدم حق بنتي حليب اس 26 وكانت قفشته كبيره حيل يعني
يوم جربت حليب نان انصدمت بقفشتهم صغيره حيل يعني تحتاجين عدد اكثر

 

[لهفة المشتاقه]

الله يعطيكم العافيه
الحمدلله سمعت كلام رفيجتي

 

[كتكوته22]

حبيبتي لازم تتبعين الكميه الي مكتوبه على العلبه مالج شغل بكلام ولا احد

 

[nazek_q8]

كلامج صح ومكتوب عالقوطي

ونان اقرب حليب لحليب الام

 

[hneen2]

انا استخدم حليب نان بس امشي علي الجدول المكتوب بالعلبه الحين بنتي تقريبا ٣ شهور اسم الله عليها مكتوب بالجدول٣ شهور لي ٦ شهور ١٨٠ ماي فاتر و٦ قفاش حليب
صج مرات ماتكملها
بس لازم امشي علي التعليمات اللي بالجدول
مايصير نخربط بالكميه علي كيفنا حرام ياثر علي تغذيه الياهل