ياامهات ساعدوني ماي الغريب يضر البيبي

[لهفة المشتاقه]

سلام عليكم ورحمة الله وبركاته​

ولي يسلمكم فيدوني صج الماي الغريب كثرته يضر البيبي
انا بنتي توها عمرها شهر ونص بس بليل اعطيها ماي غريب
خفت كثرته يضرها مع انها ياحياتي تعاني طول النهار ويها يصير احمر من الغازات!!!!
وابيكم تفيدوني بالينسون اعطيها الينسون او ماي الغريب احسن
ابي الامهات اللي عندهم خبره عندها كذا ياهل وتعرف زين لليهال
وان شالله ادعيلج خووووووووووش دعوه من قلب

 

[(*ام عهــــد *)]

رد : ياامهات ساعدوني ماي الغريب يضر البيبي

ماي الغريب اللي عند المستوصف أحسن من اللي برا بس انتبهي له وقت معين مو نفس اللي تشترينه. وله مقاسات معينه بس حلو يهدي الغازات يعني بحدود الأربع مرات باليوم مو أكثر خاصة عند النوم لازم شوية ماي غريب ورضعة أعشاب ولاتحلينها بسكر عادي لا سكر نبات أحسن ..

وللغازات مالج إلا الينسون بس نقعيه أحسن لا تطبخينه والنعناع والكراويه كلهم مجربتهم حلو ويهدي الجاهل حيل ........

وأتمنى اني فدتج والله يخليها لج

 

[Om NoOoRa]

ماي الغريب عادي مايضر الياهل
انا اكلمج الحين وبنتي بالمستشفى كبر بنتج
كل يوم بالليل يعطونها 2مل ماي غريب عشان يريحها
ماتشوف شر بنتج
ادعي لبنتي واللي يعافيج

 

[آهات الليل]

رد : ياامهات ساعدوني ماي الغريب يضر البيبي

كل اللي كتبتيه قعد اسويه وهم مافي فقودكان حليبها اس 26امي غيرناه خليناه نوفلاك اي
الله يعطيج العافيه وصاجه ما غريب المستوصف له مده معينه

 

[لهفة المشتاقه]

الله يجزاكم خير
ويارب تقوم بنتج بالسلامه باام نوووووووووووورا
تنزين شلون مده معينه الماي الغريب

 

[شيخة الحلوة]

جربي تعطينها حليب نوفلاك حق حالات الامساك
انا بنتي من واهيا بالنفاس استخدم لها حق حالات الامساك لي يومج هذا واهيا عمرها سنة وشهرين

الظاهر الحليب العادي يضايقها

 

[جذابه بنت ذيابه]

من قال يضر

لا حبيبتي مايضر ,,

وعلاج الغازات اليانسون ..


والله يشفيها يارب

 

[كـ غلا ــلي]

رد : ياامهات ساعدوني ماي الغريب يضر البيبي

شوفي اختي طالما انج تعطين صناعي فتوقعي بتنج مع الغازات ربع حتى لو غيرتيه ممكن تخف بس وبعدين تو الناس

تعطينها اعشاب حراام توها صغيره حتا لو قلتي الاعشاب ما تضر ماله داعي انا عن نفسي مااعترف اب هالسوالف

لانه يقولج البيبيات ما عندهم الانزيمات الهاضمه اللي عندنا فممكت تتاذى المسكينه علشان جذي يقولج البيبيات تعطينهم

حليب بس لين توصل 6 شهور اهني تبلشي تدخلين اللي تبين منقوع تمر ولا سكر نبات او اي شي من هالسوالف وطبعا بالبدايه

تعطين بكميات صغيره ونو ع واحد بس وتنطرين 24 ساعه وتشوفون تحسس منها ولا لا نصيحتي لج عطيها

دوا اسمه disflty واايد زين انا اعطيه لودي واصفته لي الدكتوره نسرين وجربي ونوميها على بطنها ودلكي بطنها بحركه دائريه

ترتاح شوي وبالنسبه حق ماي الغريب همن ما اعطيه لانه يقولون يعطل نمو العقل خلج عالحليب وبس

 

[<<لمار>>]

لامايضر عادى بس الاعشاب الدكاترة ماينصحون فيها يمكن مومنظفة عدل