ياامعلماات اليوم داومنا بالروضة

[مشغوله و محتاسه]

يعني ماعندي مكملة !


وفي صفووف ماراح يكون فيها لا مربية ولا مكملة تخيلوا!!




و12 صف من غير ولا مكملة!!

ليش هالتقشف ..؟؟؟

الله يعينكم ..

على جذي جم عدد التلاميذ عندج ؟

انا شايفه صور صفج قبل .. بصراحه شي رائع ماشاء الله

 

[:: SeCRetS ::]

الكشف داايم 32 لووول


بس يداومون 25 لي 27

سااعات 29​

 

[anona79]

انا اليوم مريت مرور على الروضة
في عمالة تنظف والناظرة قالت كيفكم في الصبح وفي العصر
اللي حابه تخلص صفها قبل رمضان أحسن واللي ما تبي كيفها تداوم يوم الأثنين
واحنا وزعزوا علينا الصفوف أخر السنة فآنا عارفة صفي
والله وايد أحسن رمضان وصايمين ورطوبة وحر ونرتب واااااااي

 

[:: عائشه بقلبي ::]

الله يعين انا بدق على شركة وتنظف صفي وافتك

 

[84 Miss Chocolate]

انظف واتعب وانا مادري وييين بيحطوني اي صف ؟؟!!
والله مالي خلق امر صوووب الروضه و هالمره انظف بالعطله

 

[طيرشلوا]

واللة ما ادوام قبل الدوام الرسمى لو يطلع براسهم نخل

يهبون ومعصى

 

[الحياة]

انا ودي اسوي جذي وودي اخلص واشتري كل شي واسوي كروت حق اليهال مالوت اول يوم واسوي الكشوفات واشتري النواقص على قولتكم بس المشلكة ناظرتنا يديدة وانا ابي اصير مكملة واخاف ناظرتنا تاخذني وتمسكني صف وبعدين يروح تعبي بلووووووووووووووووشي
يالله فرصتها اللي ضامنه صفها تمسكه الحين وتخليه يلق وعفيه علكم والله

 

[:: عائشه بقلبي ::]

الحياة لا تصيرين مكمله تمرمطين كل ما ولدت وحدة قطوك بين صفين

 

[:: عائشه بقلبي ::]

سيكرت عيزت اطرشلج عالخاص وما تردين

 

[قصــب سكــر]

واللة ما ادوام قبل الدوام الرسمى لو يطلع براسهم نخل

يهبون ومعصى

معاج قلبا وقالبا :icon30:

وبعد في شي ثاني انا مادري وين بيحطوني قالوا احتمال يعطوني صف انطر احسن

وبصراحه المفروض نجي صفوفنا مرتبه ونظيفه لي متى الاستخفاف بالمدرسه ليش مايعاملونا عدل ؟!!!

وانا بالنسبه لي اقعد انظف صفي بروحي واسمع قرآن احسن من القعده مع المدرسات وحش بالاوادم

على الاقل ما اجرح صيامي بسوالف مالها سنع

 

[عالي مستواها]

انزين بنات انا منتقله متى يوصل نقلي للروضة وأباشر دوام هناك ؟


مابي أداوم بروضتي القديمة لايعه جبدي منهم عندهم نقص وادري راح انكرف

 

[مشغوله و محتاسه]

اليوم رحت للمدرسه مع رفيجتي ..

قلت اطل على غرفتنا اذا تبي تنظيف ولا شي ما شيات

دقيت عالناظره قبل لا اوصل ..

و رحبت فينا .. و قالت ان المدرسه نظيفه و العاملات موجودين و التكييف كان شغال و الغرف باااااااارده الحمدلله

قالت لنا طلو عالغرف .. وشوفو اذا تبون شي ..

رحنا ولقيناها تمام ... بس تبي مسح مره ثانيه

و الاوضاع مشجعه ..

حاطين مختبر لغوي .. وناااااسه .. سماعات و بروجكتر و شي حلو

و في غرف مجددين تكييفها ..

و الكتب واصله ..

طبعا احنا مدرسه مو روضه ... يعني شوي غير عنكم

بس مبين هالسنه شادين حيلهم اكثر



شكرا سيكرنس على الفكره .. حمستينا للدوام

 

[:: SeCRetS ::]

ياااجمااعة انا نفسكم قعدت أتفف وان العطلة خلصت بسرررعة

وحدي مالي خلق


بس عقب قلت اذااا قلت هالحجي وااييد رااح أفجج وابرررد


وليش كله نقول كلمة "رمضاان احنا صياام مالنا خلق"

يااربي اللي يصوم يعتزل الدنيا!!


مايشتغل يعني!!




مشغولة ومحتاسة

مشكووورة واايد واشوونج رحتي



ويلااا يبا الهمة الهمة



وراانا 6 شهوووور لووووووول




لا تتحبطوون من البداية ابدوها بإيجااابيه : )​

 

[أم شواقه]

ناظرتنا بعد امداومه من زمااااان وامتظفين الروضه الظاهر هالسنه يايبين فراشات

وباااجر كل ابلات روضتي بيداومون يعدلون صفوووفهم

وانا بعد وياااهم

 

[منورة]

مريت روضتي مسكرة م انها جديدة يفترض يشيلون ويحطون فيها والدرايش مبطلة الظاهر من العمال وماعليها لوووحة يا سلالالالام كلش الوضع مو مشجع واضح محد طابها






حسيت باحباااااااااااط >ـــــــــــ<

 

[ملاك-77]

عفيه عليكم ابلات الله يعطيكم العافيه

وبالعكس انا اشوف ان الوحده تتعب وتنظف صفها

الحين احسن من تنظيفه وقت الدوام..عالاقل

اول اسبوع نجهز لاستقبال الاطفال ونجهز بريد الطفل

ولوحه الحضور والغياب وسجل التحضير وسجل الحضور

والتجهيز للنشاط الصباحي ...كل هذا يبيله وقت يعني

الاحسن نجهز الصف قبل الدوام


مشكوره سيكرت عالموضوع..
وياليت اذا عندج افكار او شغلات معينه
لاستقبال الاطفال او تجهيز الصف ..قواج الله

 

[كما تدين تدان]

الله يعطيكم العافية 00أثاري الكاركتير اللي بالوطن صاج ؟؟؟عاد انا لما شفته قلت شكو المرا ماخذة الخدامة وتنظف بالمدرسة 000شطرى عليهم ؟؟أثاري كويتيات الحلوات شادين الحيل ماشاالله عليكم 00احنا ابتدائي ومالنا خلق الصراحة 00وعساكم على القوة 000:ggdw:

 

[مس انجلش]

ماشاءالله عليكم.. الله يهنيكم

طيب..انا قريت انه المدارس الجديدة للحين ماكملت..خصوصا بمنطقة الفروانية التعليمية...ياليت احد يفيدنا بهالشغلة..اا
مو مكتملة شيودينا هناك اذا ماكو الا العمال !!!!!

 

[الهتون]

والله ماادوااام . اقعد اقابل زوجي وعيالي احسن . واذا الوزارة مهتمه حيل بالطلبه تجيب عماله حق التنظيف ولا شركة تنظيف تنظف بالفصوووول
انا اتكلم وانا ااعاني من التنظيف والكرف بالدووووااام صج معاشنا حلال

 

[أنسام الربيع]

تصدقين انا اليوم بالصدفة مريت يم مدرستي ولقيت سيارة الوكيلة موجودة
بصراحة ضاق خلقي
حسيت ان ردينا حق حوسة المدرسة وطلبات الادارة
وهالمرة مع التنظيف
شكلي من ثاني يوم بالدوام خدامتي معاي
الله يعين