لاحول ولا قوة الا بالله
بنات مالي غيركم من بعد ربي ساعدوني وادعولي ربي يفرجها عني ويعوضني خير
حالتي والله صعبه حيل صعبه والمشكله محد حاس فيني
ماني قادره اطلع نفسي من الاكتئاب اللي انا فيه لأني سنين بالبيت لاوظيفه لا شي مجابله اربع طوف واهلي مو هامهم بمعنى الكلمه مو هامهم
ماشوف الشارع الا كل اسبوعين مره او مرتين لاتقولون اهلي صكه بالعكس منفتحين ومو دينين بس احسهم مالهم خلق شي كل واحد مجابل نفسه ومايهمه الا نفسه.
ومايبوني اتواصل مع رفيجاتي الا بحدوووود مالهم خلق عوار راس من ورااهم شكو مادري.
واذا كلمتهم يقولون شنااقصج؟؟! ناقصني كياااان
والله احس شوي وافقد نفسي من كثر التفكير والفراغ
ابي اكون اجتماعيه وعندي القدره بس ماكو احد حوالي ماقدر مكسوره مياديفي لي طموحاتي وعمري يمشي وماسويت شي
الحمدالله ملتزمه واخاف ربي وقريت سورة البقرة من 3 اشهر قريتها لمدة 40 يوم
والحين رديت اقراها
بنات هذي قطره من غيث
اللي متعبني وشل عمري ان في ناس اعتبرتهم حييييل غاليين علي اظلموني واجرحوني ورضولي الذل
ماخافوا الله فيني ,والسبب مصالحهم على حساب عمري على حسابي انا .. ووالله اللي فيني كافيني حرام عليهم
ليش الظلم ليش يتعدون على خلق الله ويجرحونهم ليش الانانيه وحب الذات ربي مايرضاها والله مايرضاها ..
يارب اخذلي حقي مابي شي وافرجها عني يارحمن يارحيم يارب يارب
صارلي شهر على هالحال احاول اقص على نفسي مافيني شي مافيني شي بس ماتحملت مو قادره اطلع نفسي من اللي انا فيه
ليمتى كل يوم ابجي ليل ونهار فقلت لازم انزل الموضوع طفح الكيل محتاجتكم خواتي كويتيات محتاجه دعواتكم.
يارب اصلح اموري وافتح لي ابواب رزقك وارزقني الزوج الصالح اللي يغنيني عن حرامك والوظيفه وعوضني خير
دعواتكم لي ربي يفرجها عني واخذلي حقي من اللي اظلموني واشوف حوبتي فيهم عاجلا ليس اجلا يارب العالمين ..
هالظلم مأثر حيل بنفسيتي احس تعبت والله ,حسبي الله ونعم الوكيل فيهم
بنات ادعولي ربي يخليلكم اهاليكم ويرزقكم ولكم المثل ..
التعديل الأخير:
