يااااااابناااااااااات ذبحني الهم والتفكير والسهر وكل شي احس اني راح اطلق

[red rosa]

عمشه يا عمشه هدي ومافي الا كل خير
تفائلوا بالخير تجدوه
الله يوفقج

 

[3emya_Berry]

كثري الاستغفار بترتاحين

 

[{الجارحه}]

حبيبتي تبين راحت البال

لاتدشين هالقسم والله ارح تتعبين

معا احترامي للبنات كلهم

 

[عمشه جآكسون~]

فدييييييييييييييييييييييييييتكم والله بنات ماتقصرون

وبحاول ما افكر خير شر وان شاءالله خير

ويوفق من قال .....

 

[شمـوخي بكلمتـي]

توعذي من ابليس هذا وسواس كل ماحسيتي بضيقه اقري قرأن وصليلج ركعتين والله يوفقج

 

[StrOnG WoMeN]

تعوذي من بليس
وتفائلي بالخير
اصابع ايدج مو سوووا
قريتي عن الخيانه
واكيد مر عليج بنات ريايلهم زينين الحمدالله
الدنيا بخير لو خليت خربت
وكل شي يرجع على تربيه الاهل
وعلى كلامج تعرفون الاهل يعني زينين
الله يوفقج ويسعدج
ولاتوسوسين
وربي يتمم عليج فرحتج

 

[kuwaitya-frawla]

يا قلبي لا تحاتين وتخافين وايد



وقبل لا تنامين شربيلج حليب


و اكلي شوفان كل يوم ترى يهدي الاعصاااب والحليب يخليج تنامين مرتاحه يا قلبي


و كثري من الدعاء ويا ربي يسخر لج زوجج


و تتهنون يا رب



و ترى كل زواج فيه مشاكل سواء خفيفه او قويه بس الذكيه اللي تعرف تتصرف بالمواقف و تتفادى المشاكل القويه وانتي قدها ان شاء


الله


وموفقه

 

[الــطــرقــا]

عمشه توني اشووف موضوعج يالغلا
وربي نفسسس التفـكير ومن كثر ماصارت عندنا حالات طلاق بعد العرس على طول قمت اوسوس ونفس شعورج بالضبط عن موضوع وردة الكويت لما قريته حسيت بالاكتئاب خلاص لكن صار لي يومين مااهتم لهالشيء وصرت اشغل نفسي والمواضيع اللي فيها طلاق صرت ماادشها عشان ماافكر فيه..ويالغلا ادعي لنفسج ولغيرج بالتوفيق وربي يقول لج بالمثل واستغفري ..وانا وياج موعد عرسنا بنفس الشهر واحلى توقيت لانه بيكون بعد شهر رمضان .يعني بيكون قدامنا شهر رمضان ندعي فيه ربنا يوفقنا ويسخر لنا ازواجنا وان شالله ربي مايخيب املنا فيه ..وماعليج فديتج كملي تجهيز وفرفشي وانسي هالوساويس وخليج قوويه مثلي << :d

 

[Tutti-Frutti]

تـعـوذي مـن ابـلـيـس ووكـلـي امـرج لله

واذا عـن الـمـواضـيـع لا تـقـريـن خـو مـو مـجـبـوره لـوول

تـفـاءلـو بـالـخـيـر تـجـدوه

 

[سهم الليل]

الخوف طبيعي


ربي يوفقج تعوذي من ابليس

وثانيا ترى كل وحدة تفرق علاقتها الزوجية عن الثانية مو شرط الي تقرينه يعني صاير للكل

كل ناس فيم الشين والزين

والزواج سنة الحياة لا توسوسين جهزي وكملي شغلج وادعي ربج بكل صلاة انه يتمم زواجج على خير

ربي يجمع بينكم على خير ويرزق كل محرومة


آمين يارب العالمين

 

[الــطــرقــا]

شيلي الفيس الحزين اللي تحت توقيعج خليج متفائله :d

 

[أورآد]

حبوبه

انا نفسج بالضبط قبل عرسي

حتى بتجهيزي كنت لا قالت امي بنروح المكان الفلاني نخلص الشغله الفلانيه

اقول بقلبي اشدعوه بينفع،،انا مراح اطول

والحين صار لي سنه متزوجه

وكل الوساوس والخوف طلع خرطي

وماله داعي

كل ليله لابغيتي تنامين اقري الدعاء اللي بتوقيعج

وادعي ان الله يوفقج انتي وزوجج

وكل يوم اقري سورة البقره كامله بنية التوفيق

وصدقيني الله بيسهلج كل شي وبيسر امورج

وعيشي حياتج

 

[آهات الليل]

اله يكافيج شر الطلاق ماعليج من المشاكل اللي تقرينهاااااااااااا
حبيبتي

 

[منوووووله]

@@

انتي الحين تأثرتي من عضوه اهني حطت سالفتها انها انخانت !! وماتأثرتي بالعضوات الثانين !

الف سالفه وسالفه فيها الزين والشين,, اقري عن العضوات المستانسين والي سوت مفاجأه حق ريلها والي ريلها سفرها وونسها

وايد قصص حلوه ليش تاخذين الشين وتتركين الزين

ترى الحياه حلوه والله صدقيني ,, انتي تقدرين بيدج تخلين حياتج تعيسه ولا فرح ,,

ريلج مسكين مايستاهل الي تسوينه زهبيله وزهبي حق عمرج استانسي خو انتي عرووس لازم تكونين متفائله خير

واتعيشين اللحظه بلحظتها جم مره بتعرسين وتجهزين وتسوين عرس؟

جم مره بتلبسين الابيض ؟!! استانسي بوقتج وخلي عنج الافكار الشينه الي ماوراها غير التعب والارهاق

شغلي قرأن بغرفتج راح ترتاحين نفسياا لايأثر فيج شي ماعليج بحد عليج بحياتج ودنيتج اذا بتفكرين بغيرج ضيعتي عمرج ووقتج عالفاضي

فكري بروحج وبأحلى لحظات عمرج الي كل الي تزوجو ودهم اترد ( ايام الملجه والتجهيز والعرس وشهر العسل )

ماتدرين شنو مخبيلج القدر ,, ودي اقرق وايد بس كافي الي قلته

وركزي على توقيعي ,,

 

[LA TROO7]

لاتفتحين باب للشيطان يسيطر عليج

تفاائلي ومارسي قاون الجذب داايم فكري انج راح تكونين مرتاحه وياة سعيده بتحبون بعض لاتفكرين بالعكس

ورسوولنا الكريم قال ((تفائلوا خيرا تجدووة ))

والف مبرووك ياعروووسه ومووفقه

 

[شيخة العوب2]

حياتي انتي فديتج تعوذي من الشيطاان الملعون تري كله منه هو الي يجري بدمج ويوسوسلج يجري معااج بدمج ويقولج هذا بيصير وهذا بيصر لين يخليج تتضايقين اكثر واكثر واخرتها اعوذ بالله تفكرين بالانتحااار الشيطان اهم شي عنده الطلاق عشااان يبي الفاحشه تنتشر بالارض والعياااذ ببالله احسني ضنج بحبيج ر العالمين والله يرزقج على قد نيتج
ولاتنسين الصلاة في وقتها احب الاعمااال الي الله والصدقات عشان تتباركين وتتوفقين وبر الوالدين

 

[بنات حواء2]

حبيبتي هذا الخوف طبيعي و مافي اي شي لانه حياتج راح تختلف
بس صدقيني اصابعج مو سوا
و الرياييل انوا و اشكال
دام انج انتي حبوبه و محترمه و تحبين ريلج و مهتمه بنفسج راح يحبج و اهله بموتون فيج
وخري التفكير السلبي عنج وراح ترتاحين
هذي تجارب لا اكثر و لا اقل و موشرط انتي يصير فيج مثل الي صار فيهم
انا اشوف انه كل مايتلج هضيقه صلي ركعتين و اقري قرآن و بتلقين نفسج ارتحتي

 

[دنيتى زوجي M]

حبيبتي تعوذي من ابليس وهذي وسوسه وان شاءالله ماكو الا العافيه

والله يوفقج يارب

 

[tmtmt]

ليش ليش كل هذا
ان شاءالله ريلج يكون خايف الله ويقدرج ويحترمج ...

الدنيا ما تخله من المشاكل كلنا نتهاوش مع رياييلنا
في ممنهم الزين وفي منهم الشين ...

الله يوفقج ان شاءالله

بس شيلي هالوساويس لن راح تخرب عليج حياتج

 

[miss-loonly]

حبيبتي تعوذي من ابليس
وماكو الا العافية
الله يتمم عليج ويوفقج ويرزقج بالذرية الصالحة
تقبلي مروري