السلام عليكم
سالفه ام ركب سوداء سببها قله عقل من بعض البنات ,,
الجلد الاسود اللي يتكون على الركبه و االسبب قله التفريك بالليفه , او عدم ترطيب الجلد , و أسبابه مثل أسباب اي نوع من
انواع الجفاف و تراكم الجلد الميت , و ابسط مثال , اللي يصير بريولنا لما نلبس صندل و انتو بكرامه .
يعني الركبه او القدم او حتى اصابع اليدين ,, هذي ظاهره جفاف الجلد و تراكم الخلايا الميته .
اللي يصير : ان وحده تهتم بترطيب جسمها و تفريكه بشكل منتظم , ووحده تهمل .
و اللي تهمل تصير المنطقه سودا .
الحاصل ان بعض بناتنا على شات بعض القنوات تقول : يا بنات من تعرف خلطه للركب السودا
و الحاصل ان بعض الشباب اللقافه يقرون الاشياء هذي .
و الحاصل بعد ان بعض شبابنا الخليجي تحديدا , شغلهم الشاغل التقليل من شأن بنات مجتمعه بكل ما اوتي من قوه
و هذا يعود الى مركبات النقص في الذات و الشخصيه , و التي تغرس فيه من الطفوله
مره يتهمها انها ما تصلح زوجه و ام لأنها ما تعرف تطبخ مثلا ( مع ان الطبخ الحين ما فيه اسهل منه )
مره يتهمها انها ما تصلح للوظائف اللي فيها صبر و مهاره و ذكاء .
مره يقلل من شأنها فكريا .
و مره يتهمها جماليا بأنها أقل جمالا من سواها .
و يعتبر الرجل الخليجي هو الوحيد في العالم , الذي يقلل من شأن بنات مجتمعه بهذه الطريقه المخزيه !
و أتحدى أي شخص يثبت لي وجود اي حركه فكريه للترويج بأقليه بنت من مجتمع اخر , سوى المجتمع الخليجي .
برافو شبابنا .... و نعم الرجال انتم .
لذلك , المسأله ليست مسأله ركبه سودا و الا صفرا و لا حمراء
المسأله تقليل شأن فقط .
و الا مو مسأله انهم شايفين ركب و الا اي شي , لا , بعض شبابنا متعودين على السب و قله الذوق .
و لو تشوفين اللي يقول ( ركب سودا ) , تلاقينه لا شكل و لا منطق , و فوق هذا زين لو تسبح و شال اباطه !!
الرجل اللي واثق من نفسه , عمره ما ينتقص الاخر .
الرجل المحترم , ما عنده هالسخافات ! ركبه سودا , صدر مادري شنو , مؤخره مادري شنو .
و الرجل اللي هو اصلا فيه نقص , كل همّه انه يطلع الاخر بصوره مشينه .
و الا شنو معنى ( عندك جلد ميت على الركبه ؟؟ ) هذا معنى الركب السودا ,
ما لقى اي شي يعيب فيه بنات مجتمعه , قام يعيب الجلد الميت !
![[ نور عيني ]](/data/avatars/m/330/330475.jpg?1621062804){kind=avatar}
