ياأم ركب سوده

[asma]

السلام عليكم ورحمة الله وبركاته

بعد التحيه والود لخواتي الحبيبات ندخل بالموضوع

ياأم ركب السوده :bbbiu:

سمعنا هالكلمة من خوات لنا بشكل مكثف حتي كدت أصدق وأحاول هنا أحلل

هذي الكلمه وأقلبها معكم :bbbiu: لاأجد لها تفسير أم ركب سوده

وبعد تحليلي المتواضع وصلت لنتيجه التاليه :rerrerek:

الحمد لله رب العالميه ونعمته علينا أننا مجتمع عربي قبلي مسلم له عاداته تقاليده

الحمد لله الأغلب انعم الله علينا بالحجاب الشرعي الكامل العباه وغطاء الوجه

والبعض ولله الحمد تغطي كل بدنا ومحجبه والقليل ولله الحمد والمنه سفور

وحتى هذي الفئه من بناتنا نقاء وحياء وحشمه

السؤال هنيه من شاف ركبنا !! :eh_s(10):

وهنا النتيجه

انا كويتيه مئه بالمئه حتى النخااااااااع اعترف واجزم ان ولله الحمد مافي عندنا

هذي السبه الغريبه ولو كانت لسمعنا ردود وعنف لكن هدوءنا التام تجاه هذي

القصه يعكس ولله الحمد الثقه والشهود أزواجنا وأهلنا :eh_s(7):

وسترنا فهم لايعلمون ماتحت الثياب

ماشاء الله تبارك الله ولاأله الا الله أذكروا الله ياقريء ياحسود

وقل لااله الاالله

ولله الحمد ولدنا بخير ونعمه بالسجاد الفاخر لاتؤثر على اجسادنا

وطفوله مغدقه وكبرنا نعرف بهالنعمه ونصونها ولله الحمد

والله سبحانه لم يخلق البشر سواء فيه الابيض والاسمر والحنطي هذا التمازج البشري

بكل مجتمع لكن قصة ركب سوده كوني كويتيه حتى النخاع انفيه جمله وتفصيل

وان كنت اشعر بالسعاده والراحه بأن هذي العياره التي ممكن يقولها اصحاب القلوب

المريضه الغيوره التي تغار من البنت الكويتيه فلا مذمه تطالك يابنت الكويت

إذا أتتك مذمتي من ناقص فهي الشهادة لي بأني كامل

تحذير نهائي

بالنهايه لم نذكر اي جنسيات ولادول واتمنى ان لاتتيحوا لاي كان يدخل مواضيع

ومهاترات لحذف الموضوع وهي عاده فكم من قلوب مريضه تكره بنات الكويت

وهي تسكن ارضها وهو من في قلبه مرض وغيره والعياذ بالله

 

[الشهد كله]

كلام صحيح 100%

مشكورة أختنا asma

بس المضحك اليوم في جريدة الرأي العام

موضوع عن أم ركب سودة

روحوا اقروه

وقولوا الحمدلله الذي عافانا ​

 

[b_kw]

ظآهرهه مادري شنو موضوعها . . وشنو المقصود منها لا اعلمها ولكن هي فقط للعيارهه ليس اكثر !!*

يعطيج العآفيهه *..​

 

[Tom ♥ Jerry]

,


اهيه هبه صارت بالـ broadcast سواء بالـ bbm ولا الـ what'sapp
مزحه لا آكثر و لآ آقل مثل هبه " بو سروال و فانيلا "

 

[asma]

الشهد كله

مشكوره حبيبتي قلبي تواجدك قريت وأستغربت لاحول الله

حتى اللي في بيتها موسالمه

سرني تواجدك

 

[asma]

b_kw

فديت قلبج حبيبتي كل السعاده لتواجدك

ولمشاركتج الاولى بالمنتدى وبصفحتي

معاج حق

شرفني تواجدك

 

[asma]

Tom & Jerry

حيالله مشرفتنا الحبوبه سالفة هبه !!

البعض أستخدمها بطريقه أستفزازيه بعيده عن المزح

وأصبحت أداة لتجريح البنت الخليجيه كنايه على السواد

وان كان سواد القلب هو اشد قبح من سواد الوجه

أسعدني تشريفك ياحلى مشرفه

 

[بطوووطة$بيضة]

عفوا حبيبتي عجبني موضوعج

للاسف انتي تقولين ان احنا محجبات ومسترات ومحد يدري ان ركبنا سودة ولا لا!!!!!!للاسف حاليا حتى الزوج يعيب على زوجته ان ركبها سود ولا تحت ايدها اسود

يعني المشكله بالازواج بعد مو بس الشباب

والحين تمشين بالسوق كل بنت تمشي ومومتحجبة يخزون ركبها اذا بيض ولا سوود

صار الشي عجيب والله

 

[asma]

مشكوره يابطوطه بيضه

وسعيده ان موضوعي عجبك

تحياتي لك

 

[عويتقة]

معاااك حق 100/100 وصدقيني كم امقت بعد عديمي الاهمية الي يسمون على بنات دولة بشي اسم مو حلو ليش وانا شفت فيديو في اليوتوب عن وحدة بتقول ام ركب سود وتتدلع وكرهتها من قلب قلبي لان بصراحة نقصت من نفسها هي وكل من نطق كلمة فحق بنات المسلمين من اي دولة كانو وللعلم انا مغربية واحب الكويتيات وهن خواتي في الاسلام ولي تمسهم تمسني اكيد

 

[عويتقة]

ولي تعاني من اسمار الركبة فهاذا دليل على صلاتها وعبادتها وكثرة ركوعها لخالقها وانا وحدة بييضة كتيير لكن جهة ركبتي شوي لونو اغمق من لوني فالمسألة عادية يعني ماراح نسمح لبنات عديمات الشرف تأتر على النفسية بكرة ينحرقو فنار جهنم

 

[asma]

عويتقة حبيبة قلبي والله فرحت ان في امثالك
يملكون هالقلب النظيف ونقاء السريره
فكل عاقل يشمئز من هذي الكلمات
بارك الله فيج ورزقك الله بالزوج الصالح
اللي يستاهلك يااحلى البنات

 

[عويتقة]

عويتقة حبيبة قلبي والله فرحت ان في امثالك
يملكون هالقلب النظيف ونقاء السريره
فكل عاقل يشمئز من هذي الكلمات
بارك الله فيج ورزقك الله بالزوج الصالح
اللي يستاهلك يااحلى البنات

اميييييييييييين يارب الله يحفضك من كل شر وبصراحة من سمعت هاذاك اللقب وانا قلبي واكلني وحتتا امي دعت عليها لما وريتها الفيديو ودعت عن كل من يسب في بنات المسلمين

 

[DaByaH]

هي بالاساس دعابه او (هبه) .. واتخذت اتجاه آخر .. اتجاه التجريح .

سؤالي لعديم الذات والمروءه ..
هالبنت اللي إنت تقول عنها ركبتها سوده وتعايرها فيها من وين جابت جينات السمار؟
مش من نفس سلالتك إن كانت بنت عمك ولا بنت قبيلتك و لابنت عائله لك معاها نسب لبعيد .. !
واذا كانت ماتقرب لك .. إنت شفت ركبت خواتك ولاعماتك وخالاتك وجداتك وبناتك؟ يكون هم جايين من القطب الشمالي على البياض ولاتكون إنت مقطع الزين كله بخشتك؟
قبل لاتعاير البنت علي ركبتها ولاجسمها ولا شعرها .. وقف جدام المرايه عاري وطالع حالك من فوق لتحت ..شوف تضاريس جسمك الموليه.. شوف جلحتك وملحتك اللي واصله لقمة راسك .. شم ريحة جسمك اللي تحوم الكبد .. شم ريحة انفاسك .. طالع اسنانك ام الوان ترابيه .. شوف قاعة رجلك المجلفه واظافرك اللوعه .. تذكر متى آخر مره حطيت عطر على جسمك مو دشداشتك عشان مرتك .. تمقلت بروحك عدل !!

اللحين بقول لك شغله .. إنت تطيح سعبولتك على كل جسم وكل بياض وكل زين وإنت بشكلك بلوه من ابتلاءات الله على خلقه ..ترا حتى المرأه لها مطالب بجمال الرجل ويعني مثل ما انت تتمنى هي تتمنى والبعض وليس الكل توصل للطلاق او الخيانه بسبتك ياحسين فهمي .. فتحمد العافيه وقبل لاتقول يا أم ركبه سوده تذكر إنت وابوك وعيال عمك وطوايفك من الجنس الخشن لكم النصف بالجينات من الركبه السوده .. وبس

 

[بنوته كيكه]

صح كلامج انا شفتها صراحه كل ماسكها
في ااخص بنات تلبس تنوره قصيره مطلعه اركبه
مع الاسف الشديد انه بعض البنات ماتحشمون

 

[asma]

DaByaH الله يقطع ابلسج على الوصف قلبتي جبدي

مشكوره على اثراء الموضوع بردج يالغاليه

 

[asma]

مشكوره بنوته كيكه على مرورج وترك بصمتج هنا

 

[Ahlam Al]

شوفي ، هذي الكلمه اطلعت بالـ bbm وهالبرامج ، كـ غشمره و ضحك و طنازه
على بعض كـ عادة الخليجيين و كانت بالاساس لدوله خليجيه و عقب الخليجيين
خذوها و صارت عياره لـ بنات الخليج كلهم ! فـ المشكله وين ؟ مو بالخليجيات نفسهم !
المشكله باللي يتطنز بنات ديرته اللي منهم امه و خواته و بناته ! ،

و بالنسبه لي : شالمشكله اذا كانت الركبه سوده ؟ مو مصيبه ابد .. كله لون !
و كل انسان من بنات و شباب في بجسمه اماكن معينه فيها سواد مو بس بنات
الخليج و هم في شباب جلحان ما ودج تشوفين كوعهم ولا ركبهم .. لوعه :/

فـ كله حجي فاضي ، لا راح ولا رد و لا يحتاج منا نبرر لهم سبب هالسواد !
و مكبرين الموضوع على الفاضي صراحه و خل يطلعون عيارات علينا .. مردهم لبنات ديرته :/
​

 

[Şhώasha . . ~]

ترى احنا الجينات اللي فينا ركبنا سود !!
سويتوهـآ سالفه !!

لاحظي اليهال لما ينولدون حتى ركبهم سود
سواء بيض او حتى سمر واحيانا في قليل ركبهم بيضـآ

ترآ عادي مافيها شي شنو يعني حطو ليمون و ملح وافركوها وبيروح السوآد
ياخي فضوها سيره!
بعدييين الموضوع صار له آكثر من سنه وانتو لحد الحين تتناقشون فيه
مادري احسه عادي شنو يعني مزحه واستخدامها صار غلط
وتغاضو عن الموضوع وانتهى @@

ماله داعي هالبلبلة وموضوع بكبره عشان هالشي ><"
آلا آذآ لكم وجهة نظر آخرى

( آختلاف الرأي لايفسد للود قضية )

 

[عادت ذكرياتي]

^_^ عقول فارغة